3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ

3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ -                 1 - 3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ
3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ - 174233 - 3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ

 ໄມເຄິລ ໂຮຕັນ ນັກວິທະຍາສາດສັນຊາດອັງກິດ ແລະ ນັກວິໄຈຈາກສະຫະລັດອາເມລິກາ ອີກ 2 ທ່ານ ຄື : ຮາວີ ອັລເທີ ແລະ ຊາລ ໄຣ ເຊິ່ງຄົນພົບໄວຣັສຕັບອັກເສບ C (Hepatitis C) ຊະນະລ້າງວັນໂນເບວສາຂາການແພດປະຈຳປີນີ້ ໂດຍຄະນະກຳມະການລາງວັນໂນເບວ ລະບຸວ່າ : ການຄົ້ນພົບດັ່ງກ່າວ “ຊ່ວຍຊີວິດຜູ້ຄົນໄວ້ໄດ້ຫລາຍລ້ານຄົນ”.

      ໄວຣັສຕັບອັກເສບ C ເປັນສາເຫດທົ່ວໄປຂອງມະເຮັງຕັບ ແລະ ເປັນເຫດຜົນສຳຄັນທີ່ເຮັດໃຫ້ຜູ້ຄົນຈຳນວນຫລາຍຕ້ອງເຂົ້າຮັບການປູກຖ່າຍຕັບ. ໃນໄລຍະທົດສະວັດ 1960 ມີຄວາມກັງວົນຢ່າງຍິ່ງວ່າຄົນທີ່ຮັບເລືອດທີ່ໄດ້ຮັບບໍລິຈາກມາຈະປ່ວຍເປັນຕັບອັກເສບຊຳ້ເຮື້ອຈາກພະຍາດປິດສະໜາ ດັ່ງນັ້ນ ການກວດເລືອດທີ່ມີຄວາມແນ່ນອນສູງ ເຮັດໃຫ້ກໍລະນີເຫລົ່ານັ້ນໝົດໄປໃນຫລາຍພື້ນທີ່ຂອງໂລກ. ນອກຈາກນີ້ຍັງມີການພັດທະນາຢາຕ້ານໄວຣັສທີ່ໄດ້ຜົນນຳ.

     “ເປັນເທື່ອທຳອີດໃນປະຫວັດສາດ ພະຍາດນີ້ສາມາດປິ່ນປົວໃຫ້ເຊົາໄດ້ ເຮັດໃຫ້ມີຄວາມຫວັງເພີ່ມຂຶ້ນວ່າ ໄວຣັສຕັບອັກເສບ C ຈະຖືກກຳຈັດໃຫ້ໝົດໄປຈາກໂລກ” – ຄະນະກຳມະການລາງວັນໂນເບວລະບຸ.

     ແນວໃດກໍຕາມ, ປັດຈຸບັນມີຜູ້ຕິດເຊື້ອໄວຣັສນີ້ປະມານ 70 ລ້ານຄົນ ແລະ ມີຜູ້ເສຍຊີວິດແລ້ວປະມານ 400.000 ຄົນ. ໃນໄລຍະທົດສະວັດ 1960 ໄວຣັສຕັບອັກເສບ A (Hepatitis A) ແລະ ໄວຣັສຕັບອັກເສບ B (Hepatitis B) ກໍຖືກຄົ້ນພົບແລ້ວ, ແຕ່ ສາດສະດາຈານ ຮາວີ ອັລເທີ ເຊິ່ງກຳລັງສຶກສາຄົນປ່ວຍທີ່ຮັບເລືອດຈາກສະຖາບັນສຸຂະພາບແຫ່ງຊາດສະຫະລັດອາເມລິກາ (US National Institutes of Health) ໃນປີ 1972 ລະບຸວ່າ : ມີການຕິດເຊື້ອປິດສະໜາເກີດຂຶ້ນ ໂດຍຄົນປ່ວຍຫລາຍຄົນຍັງຄົງມີອາການປ່ວຍ ຫລັງຈາກຮັບເລືອດທີ່ມີຜູ້ບໍລິຈາກມາ. ລາວສະແດງໃຫ້ເຫັນວ່າ ການນຳເອົາເລືອດຈາກຄົນປ່ວຍທີ່ຕິດເຊື້ອໄປໃຫ້ແກ່ລີງຊິມແປນຊີ ເຮັດໃຫ້ລີງເຫລົ່ານັ້ນຕິດພະຍາດຂຶ້ນ. ການນເຈັບປ່ວຍປິດສະໜານີ້ກາຍເປັນທີ່ຮູ້ຈັກໃນຊື່ວ່າ “ໄວຣັສຕັບອັກເສບທີ່ບໍ່ແມ່ນຊະນິດ A ແລະ ບໍ່ແມ່ນຊະນິດ B ” ແລະ ເລີ່ມມີການຕາມລ່າຫາເຊື້ອໄວຣັສດັ່ງກ່າວຂຶ້ນ.

3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ - Wave100S AD to Website 2020 0 - 3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ

ສາດສະດາຈານ ໄມເຄິລ ໄຣ ເຊິ່ງເຮັດວຽກຢູ່ມະຫາວິທະຍາໄລວໍຊິງຕັນ (Washington University) ໃນເມືອງເຊນຫລຸຍ ໄດ້ເກັບລາຍລະອຽດໃນຂັ້ນສຸດທ້າຍໃນປີ 1997, ລາວໄດ້ສັກໄວຣັສຕັບອັກເສບ C ທີ່ຜ່ານຂະບວນການທາງພັນທຸວິສະວະກຳເຂົ້າສູ່ຕັບຂອງລີງຊິມແປນຊີ ແລະ ເຜີຍໃຫ້ເຫັນວ່າ ການເຮັດແບບນີ້ເຮັດໃຫ້ເກີດຕັບອັກເສບຂຶ້ນໄດ້.

3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ - WhatsApp Image 2020 05 27 at 5 - 3 ນັກວິທະຍາສາດຜູ້ຄົນພົບໄວຣັສຕັບອັກເສບ C ຍາດໄດ້ລາງວັນໂນເບວສາຂາການແພດ
error: Alert: Content is protected !!