ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ

ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ -                                                                                         - ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ
ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ - 174233 - ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ

ສະຖານະ​ການ​ການລະບາດ​ຂອງ​ໂຄ​ວິດ-19 ຢູ່​ສາທາລະນະ​ລັດ​ເຊັກ​ເຂົ້າຂັ້ນວິ​ກິດ ຈົນ​ນາຍົກລັດຖະ ມົນຕີ​ຕ້ອງ​ອອກ​ມາ​ຂໍ​ໂທດ​ຜ່ານ​ສື່ມວນ​ຊົນ.

ວັນ​ທີ 22 ຕຸລາ​ນີ້, ສຳນັກ​ຂ່າວ CNN ລາຍ​ງານ​ການ​ຖະ​ແຫລ​ງຂ່າວ​ຂອງ​ທ່ານ ອັງ​ເດຣ ບາ​ບິ​ສ ນາຍົກລັດຖະມົນຕີສາທາລະນະ​ລັດ​ເຊັກ ​ເຖິງ​ມາດ​ຕະການ​ຄວບ​ຄຸມ​ການລະບາດ​ຂອງ​ໂຄ​ວິດ-19. ທ່ານ​ໄດ້ ອອກ​ມາ​ອະທິບາຍ​ເຖິງ​ຄວາມ​ຈຳ​ເປັນ​ທີ່​ຈະ​ຕ້ອງ​ມີ​ການ​ລັອກດາວ​ອີກ ຫລັງ​ຈຳນວນ​ຜູ້​ຕິດ​ເຊື້ອ​ເພີ່ມ​ສູງ​ຂຶ້ນຢ່າງ​ຕໍ່​ເນື່ອງ ຈົນ​ຕົວ​ເລກ​ຜູ້​ຕິດ​ເຊື້ອ​ແຕ່​ລະ​ວັນ​ສູງ​ເຖິງ 14.968 ຄົນ​ໃນ​ວັນ​ທີ 21 ຕຸລາ​ຜ່ານ​ມາ.

ລັດຖະບານ​ເຊັກ​ຈຳ​ເປັນ​ຕ້ອງ​ຍົກ​ລະດັບ​ມາດ​ຕະການ​ດ້ວຍ​ການ​ຈຳກັດ​ການ​ເດີນທາງ​ອອກ​ຈາກ​ເຮືອນ, ປິດ​ຮ້ານ​ຄ້າ ​ແລະ ທຸລະ​ກິດ​ທີ່​ບໍ່​ຈຳ​ເປັນ​ຕໍ່​ການດໍາລົງ​ຊີວິດ​ປະຈຳ​ວັນ ຢ່າງ​ໜ້ອຍ​ຮອດ​ວັນ​ທີ 3 ພະຈິກ.

ນັບ​ແຕ່​​ເລີ່​ມ​ເກີດ​ການລະບາດ​ຂຶ້ນ, ສາທາລະນະ​ລັດ​ເຊັກ​ເປັນ​ປະ​ເທດ​ທີ່​ຮັບ​ມື​ກັບ​ໂຄ​ວິດ-19 ​ໄດ້​ດີ​ທີ່​ສຸດ​ປະ​ເທດ​ໜຶ່ງ​ໃນ​ເອີຣົບ ດ້ວຍ​ການ​ປະກາດ​ລັອກດາວ​ນັບ​ແຕ່​ຫົວ​ທີ່ ​ແລະ ບັງຄັບ​ໃຊ້​ປະຊາຊົນ​ໃສ່​ຜ້າ​ປິດ​ປາກ-ດັງ ຈົນ​ລັດຖະບານ​ເຊື່ອ​ວ່າ​ຄວບ​ຄຸມ​ເຊື້ອ​ໄວຣັສ​​ໄດ້​ແລ້ວ ຈຶ່ງ​ເປີດ​ໃຫ້​ກັບ​ມາ​ໃຊ້​ຊີວິດ​ຕາມ​ປົກກະຕິນັບ​ແຕ່​ໄລຍະ​ເລີ່​ມຕົ້ນໜ້າ​ຮ້ອນ​ຂອງ​ທະວີບ​ເອີຣົບ.

ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ - Wave100S AD to Website 2020 0 - ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ

​ແຕ່​ແລ້ວ​ພໍ​ເຂົ້າສູ່​ເດືອນ​ກັນຍາ ຫລາຍ​ປະ​ເທດ​ອ້ອມ​ຂ້າງ​ຜະ​ເຊີນ​ການລະບາດ​ຮອບ​ທີ​ສອງ, ທ່ານ ບາ​ບິ​ສ ພັດ​ປະຕິ​ເສດ​ຈະ​ໃຊ້​ມາດ​ຕະການ​ລັອກດາວ ​ເນື່ອງ​ຈາກ​ຢ້ານ​ວ່າ​ຈະ​ສົ່ງ​ຜົນ​ກະທົບ​ຕໍ່​ເສດຖະກິດ​ທີ່​ກຳລັງ​ຟື້ນຕົວ ສົ່ງ​ຜົນ​ໃຫ້​ຕົວ​ເລກ​ຜູ້​ຕິດ​ເຊື້ອ​ເພີ່ມ​ຂຶ້ນ​ເລື້ອຍໆ ຈົນ​ຕ້ອງ​ຍອມ​ປະກາດ​ລັອກດາວ​ອີກ.

ຕອນ​ນີ້​ທ່ານ​ໄດ້​ອອກ​ມາຍ​ອມຮັບ​ຄວາມ​ຜິດພາດ​ຂອງ​ຕົນ​ເອງ ທີ່​ຄິດ​ວ່າ​ວິ​ກິດ​ຈົບ​ລົງ​ໄປ​ນັບ​ແຕ່​ເດືອນ​ພຶດສະພາ​ແລ້ວ ​ແລະ ກ່າວ​ຂໍ​ໂທດ​ຕໍ່​ປະຊາຊົນ​ເຖິງ 5 ຄັ້ງ​ໃນ​ລະຫວ່າງ​ການ​ຖະ​ແຫລ​ງຂ່າວ.

ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ - WhatsApp Image 2020 05 27 at 5 - ຜູ້ນຳເຊັກຂໍໂທດປະຊາຊົນ ທີ່ຮັບມືໂຄວິດ-19 ບໍ່ດີ ປ່ອຍໃຫ້ຜູ້ຕິດເຊື້ອຮອດຫລັກໝື່ນຕໍ່ວັນ
error: Alert: Content is protected !!