ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ

ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ - Add a subheading 3 - ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ
ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ - 174233 - ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ

ກອງປະຊຸມປຶກສາ​ຫາລື ​ເພື່ອ​ເພີ່ມ​ທະວີການຮ່ວມມືພັດທະນາບໍລິເວນຊາຍເເດນ ລາວ-ຫວຽດນາມ ປີ 2020-2025 ໄດ້ຈັດຂຶ້ນໃນວັນທີ 22 ຕຸລານີ້ ທີ່ຫ້ອງປະຊຸມກົມໃຫ່ຍເສນາທິການກອງທັບ ໂດຍພາຍໃຕ້ການເປັນປະທານຂອງ ສະຫາຍ ພົນໂທ ສຸສອນ ເລືອງບຸນມີ ຮອງລັດຖະມົນຕີ, ຫົວໜ້າກົມໃຫ່ຍເສນາທິການກອງທັບ.

ສະຫາຍ ພັນໂທ ພີວັນ ວົງລັດສະໝີ ຫົວໜ້າພະແນກແຜນການຍຸດທະສາດ ກົມສູ້ຮົບກົມໃຫ່ຍເສນາທິການກອງທັບ ໄດ້ນຳ​ສະ​ເໜີໂຄງການຮ່ວມມືພັດທະນາບໍລິເວນຊາຍແດນ ລາວ-ຫວຽດນາມ ປີ 2020-2025 ​ເຊິ່ງ​ເບື້ອງຕົ້ນ ຄະນະໄດ້ນຳເອົານະໂຍບາຍຂອງພັກ-ລັດເຂົ້າໄປເຜີຍແຜ່​ໃຫ້​ປະຊາຊົນ​ໃນ​ຊົນນະບົດຫ່າງໄກຊອກຫລີກ ແລະ ເຂດເກາະຫ້ອຍຕ່າງໆ ຢູ່ລຽບຕາມບໍລິເວນຊາຍແດນລາວ-ຫວຽດນາມ ແລະ ເຂດຫ່າງໄກຊອກຫລີກຂອງບັນດາແຂວງພາກເໜືອຂອງລາວ ​ເພື່ອ​ຊ່ວຍໃຫ້ປະຊາຊົນໄດ້ຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ-ລັດຢ່າງເລິກເຊິ່ງ ເພື່ອເປັນບ່ອນເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າ ລາວ-ຫວຽດນາມ ໃນການພັດທະນາເຂດຈຸດສຸມຕ່າງໆ ​ແລະ ການຜະລິດກະສິກຳເປັນສິນຄ້າ ເພື່ອຍົກສູງຄຸນນະພາບຊີວິດການເປັນຢູ່ຂອງປະຊາຊົນບັນດາເຜົ່າໃຫ້ນັບມື້ນັບດີຂຶ້ນ ເປັນຕົ້ນການປັບປຸງພື້ນຖານໂຄງລ່າງທາງດ້ານເສດຖະກິດ, ລະບົບເສັ້ນທາງຄົມມະນາຄົມ, ໂຮງຮຽນ, ສຸກສາລາ, ນ້ຳສະອາດ, ໄຟຟ້າ, ຊົນລະປະທານ ແລະ ອື່ນໆ ເພື່ອເປັນປັດໄຈຊຸກຍູ້ ແລະ ສ້າງຄວາມເພິ່ງພໍໃຈໃຫ້ອຳນາດການປົກຄອງທ້ອງຖິ່ນມີທ່າແຮງຕໍ່ການດຳລົງຊີວິດ, ແກ້ໄຂຄວາມທຸກໄດ້ເທື່ອລະກ້າວ. ສຳລັບໂຄງການຮ່ວມມືກໍ່ສ້າງກຸ່ມບ້ານພັດທະນາ ສອງຝ່າຍໄດ້ຮ່ວມມືຜັນຂະຫຍາຍຕາມ 4 ເນື້ອໃນ 4 ຄາດໝາຍຂອງການກໍ່ສ້າງກຸ່ມບ້ານພັດທະນາ ໃນຈຳນວນ 15 ກຸ່ມບ້ານ ແລະ 9 ແຂວງລຽບຕາມຊາຍແດນ ລາວ-ຫວຽດນາມ ກວມເອົາ 100 ກວ່າບ້ານ, ມີ 14 ພັນກວ່າຄອບຄົວ, ມີປະຊາກອນທັງໝົດ 45 ພັນກວ່າຄົນ, ຄາດ​ວ່າ​ຈະ​ມີ​ການ​ລົງທຶນ​ທັງ​ໝົດ​ຫລາຍ​ກວ່າ 6 ຮ້ອຍຕື້ກີບ, ໃນນັ້ນ ຝ່າຍ​ລາວ 60% ແລະ ລັດຖະບານຫວຽດນາມ 40%.

ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ - Wave100S AD to Website 2020 0 - ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ

ໂອກາດນີ້, ສະຫາຍ ພົນໂທ ສຸສອນ ເລືອງບຸນມີ ຮອງລັດຖະມົນຕີກະຊວງປ້ອງກັນປະເທດ ໄດ້ໂອ້ລົມເນັ້ນບາງບັນຫາທີ່ສຳຄັນ ເພື່ອເຮັດໃຫ້ການຮ່ວມມືພັດທະນາບໍລິເວນຊາຍແດນດັ່ງກ່າວປະສົບຜົນສຳເລັດຕາມຈຸດປະສົງ ແລະ ລະດັບຄາດໝາຍທີ່ວາງໄວ້. ກ່ອນອື່ນທຸກຄົນຕ້ອງເປັນເຈົ້າການ ແບ່ງຄວາມຮັບຜິດຊອບເຂົ້າໃນໜ້າທີ່ການເມືອງຂອງຕົນ ແລະ ກຳໄດ້ແນວທາງນະໂຍບາຍຂອງພັກ, ກົດໝາຍຂອງລັດ ແລະ ຂໍ້ກຳນົດກົດລະບຽບຂອງກອງທັບໃນການຫັນເອົາມະຕິຄຳສັ່ງຕ່າງໆ ລົງໄປເຜີຍແຜ່ຈັດຕັ້ງປະຕິບັດຢູ່ເຂດຫ່າງໄກສອກຫລີກຂອງບັນດາເຂດຈຸດສຸມ, ບັນດາແຂວງ ແລະ ເຂດໃຈກາງໄດ້ຮັບຮູ້ເຂົ້າໃຈຢ່າງເລິກເຊິ່ງ ແລະ ໄດ້ຮັບການພັດທະນາ. ພ້ອມນີ້, ກໍຕ້ອງຫັນເອົາພະນັກງານລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ ໃນການປະສານສົມທົບກັບອຳນາດການປົກຄອງທ້ອງຖິ່ນ ເພື່ອເກັບກຳສະພາບການ ແລະ ລາຍງານໃຫ້ຂັ້ນເທິງໄດ້ຮັບຊາບ ແລະ ທັນເວລາ ເພື່ອພ້ອມກັນປັບປຸງແກ້ໄຂໃຫ້ມີຄວາມສອດຄ່ອງຂອງທຸກຂົງເຂດວຽກງານທີ່ໄດ້ຮັບມອບໝາຍໃຫ້ປະສົບຜົນສຳເລັດ.

ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ - WhatsApp Image 2020 05 27 at 5 - ລາວ-ຫວຽດນາມ ເພີ່ມທະວີຮ່ວມມືພັດທະນາບໍລິເວນຊາຍແດນ
error: Alert: Content is protected !!