ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020 -                                                                                                 23              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020 - 174233 - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020
  1. ຄະນະ​ກຳມະການ​ຕຸລາການ​ໃນ​ວຸດ​ທິສະພາ​ຂອງ​ອາ​ເມ​ລິ​ກາ ​ໄດ້​ລົງມະຕິ​ໃຫ້​ນຳ​ການສະ​ເໜີ​ຊື່​ເຂົ້າຮັບ​ຕຳ​ແໜ່​ງ​ໃນ​ສານ​ດີກາ​ຂອງ Amy Coney Barrett ​ໄປ​ສູ່​ການ​ລົງ​ຄະ​ແນນ​ໂດຍ​ສະພາ​ສູງ (ວຸດ​ທິສະພາ) ​ເຕັມ​ຮູບ​ແບບ. ຂະນະ​ທີ່​ພັກ Democrat ​ເຊິ່ງ​ເປັນ​ສຽງ​ສ່ວນ​ໜ້ອຍ​ລົງ​ຄະ​ແນນ​ບໍ່​ເຫັນ​ພ້ອມ​ຕໍ່​ຂໍ້​ສະ​ເໜີ​ຄັ້ງນີ້.

​ແຕ່​ຖ້າ​ເປັນ​ໄປ​ຕາມ​ທີ່​ຄາດ​ໄວ້ Barrett ຈະ​ໄດ້​ຮັບ​ການ​ອະນຸມັດ​ຈາກ​ວຸດ​ທິສະພາ​ໃນ​ວັນ​ທີ 26 ຕຸລາ​ນີ້ ​ແລະ ປະທານາທິບໍດີ ​ໂດ​ນັລ ທຣຳ ຈະ​ປະສົບ​ຜົນສຳ​ເລັດ​ໃນ​ການ​ໄດ້​ຮັບ​ຄວາມ​ຍຸຕິ​ທຳ​ໃນ​ແບບ​ຂອງ​ອະນຸລັກ​ນິຍົມ (conservative justice) ອີກ​ໃນ​ສານ​ພຽງ 8 ວັນ​ກ່ອນ​ການ​ເລືອກ​ຕັ້ງ.

  1. Saad al-Hariri ​ໄດ້​ຮັບ​ເລືອກ​ໃຫ້​ເປັນ​ນາຍົກລັດຖະມົນຕີຂອງ​ເລ​ບາ​ນອນ​ເປັນ​ສະ​ໄໝ​ທີ 4. ຂະນະ​ທີ່​ທ່ານ​ສັນຍາ​ວ່າ​ຈະ​ຈັດຕັ້ງລັດຖະບານ​ທີ່​ຈະ​ອອກ​ກົດໝາຍ​ປະຕິ​ຮູບ​ເສດຖະກິ​ດ​ເພື່ອ​ປົດ​ລັອກການ​ຊ່ວຍ​ເຫລືອ​ຈາກ​ຕ່າງປະ​ເທດ​ໃຫ້​ຫລາຍ​ຂຶ້ນ ​ເຖິງ​ວ່າການ​ປະ​ທ້ວງ​​ໃນ​ປີຜ່ານມາ​ເຄີຍ​ເຮັດ​ໃຫ້​ທ່ານ​ຢຸດ​ກາ​ນດຳລົງ​ຕຳ​ແໜ່​ງ​ໄປ​ກ່ອນ​ໜ້າ​ນີ້.

ປັດຈຸບັນ ​ເລ​ບາ​ນອນ​ກຳລັງ​ເລັ່ງຟື້ນຟູ​ຈາກ​ຄວາມ​ເສຍ​ຫາຍ​ທີ່​ເກີດ​ຈາກ​ການລະ​ເບີດ​ຄັ້ງ​ໃຫຍ່​ໃນ​ເມືອງ​ຫລວງ​ເບ​ລາຣຸສ​​ໃນ​ເດືອນ​ສິງຫາ​ຜ່ານ​ມາ ລວມທັງ​ຈາກ​ການລະ​ເບີດ​ຂອງ COVID-19.

  1. Nancy Pelosi ​ໂຄສົກ​ສະພາ​ຜູ້​ແທນ​ອາ​ເມ​ລິ​ກາ ກ່າວ​ວ່າ: ​ເຖິງ​ວ່າ​ຂໍ້​ຕົກລົງ​ເພື່ອ​ກະ​ຕຸ້ນ​ເສດຖະກິດ​ກັບ​ລັດຖະບານ​ຂອງ​ທ່ານ ທຣຳ ຈະ​ໃກ້​ເຂົ້າມາ ​ແຕ່​ອາດ​ບໍ່​ເກີດ​ຂຶ້ນ​ໄດ້​ກ່ອນ​ການ​ເລືອກ​ຕັ້ງ​ໃນ​ເດືອນ​ພະຈິກ​ນີ້.

ນາງ​ກ່າວ​ວ່າ: ຍັງ​ມີ​ຄວາມ​ບໍ່​ເຫັນ​ພ້ອມ​ໃນ​ຝ່າຍ​ລັດຖະບານ​ກາງ, ລັດຖະບານ​ທ້ອງ​ຖິ່ນ ​ແລະ Republican ກັບ​ການ​ຊຸກ​ດັນ​ຂອງ Democrat ດ້ວຍ​ຈຳນວນ​ເງິນ 5 ​ແສນ​ລ້ານ​ໂດ​ລາ ​ເພື່ອ​ຄຸ້ມ​ຄອງ​ສຳລັບ​ໂຮງຮຽນ ​ແລະ ທຸລະ​ກິດ​ທີ່​ຍັງ​ເປີດ​ໃຫ້​ບໍລິການ​ໃນ​ໄລຍະ​ການລະບາດ​ໃຫຍ່. ຂະນະ​ທີ່​ວຸດ​ທິສະມາຊິກ​ຝ່າຍ Republican ຫລາຍ​ຄົນ​ຍັງ​ສະ​ແດງ​ຄວາມ​ຄິດ​ເຫັນ​ທີ່​ຄັດຄ້ານ​ການ​ອອກ​ມາດ​ຕະການ​ກະ​ຕຸ້ນ​ເສດຖະກິດ​ຄັ້ງ​ໃຫຍ່.

  1. ການ​ຮຽກຮ້ອງ​ເບື້ອງຕົ້ນສຳລັບ​ຜົນ​ປະ​ໂຫຍ​ດການ​ວ່າງ​ງານ​ຂອງ​ລັດ​ໃນ​ອາ​ເມ​ລິ​ກາ​ຫລຸດ​ລົງ​ຫລາຍ​ກວ່າ​ຄາດ​ການ​ໄວ້​ໃນ​ອາທິດ​ຜ່ານ​ມາ 55.000 ຄົນ​ເປັນ 787.000 ຄົນ ​ແລະ ຕົວ​ເລກ​ຂອງ​ອາ​ທິດ​ກ່ອນ​ໜ້າ​ນີ້​ຍັງ​ຖືກ​ປັບ​ຫລຸດ​ລົງ​ອີກ 56.000 ຄົນ.

​ເຖິງ​ວ່າ​ຕະຫລາດ​ງານ​ຢູ່​ອາ​ເມ​ລິ​ກາ​ໂດຍ​ລວມຈະ​ຟື້ນຕົວ ​ແຕ່​ການ​ຮຽກຮ້ອງ​ລາຍ​ສັບປະດາ​ຍັງ​ສູງ​ກວ່າ​ສະຖິຕິ ​ເຊິ່ງ​ເກີດ​ຂຶ້ນ​ໃນ​ໄລຍະ​ສະພາບ​ຫລຸດ​ຖອຍ​ຄັ້ງ​ໃຫຍ່​ໃນ​ປີ 2007-2009 ທີ່ 665.000 ຄົນ.

ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020
  1. John Ratcliffe ຜູ້ອຳນວຍການ​ຂ່າວ​ແຫ່ງ​ຊາດ​ຂອງ​ປະທານາທິບໍດີ ​ໂດ​ນັລ ທຣຳ ອອກ​ມາ​ເຕືອນ​ວ່າ ອີຣານ ​ແລະ ຣັດ​ເຊຍ​ໄດ້​ທຳ​ການ​ເຂົ້າ​ເຖິງ​ຂໍ້​ມູນ​ຂອງ​ຜູ້​ມີ​ສິດ​ເລືອກ​ຕັ້ງ ​ແລະ ກຳລັງ​ພະຍາຍາມ​ຈະ​ແຊກ​ແຊງ​ການ​ເລືອກ​ຕັ້ງປະທານາທິບໍດີ​ຂອງ​ອາ​ເມ​ລິ​ກາ.

ທ່ານ​ເນັ້ນ​ເຖິງ​ຄວາມ​ພະຍາຍາມ​ຂອງ​ອີຣານ​ໃນ​ການ​ແອບ​ອ້າງ​ເປັນ​ກຸ່ມ “Proud Boys” ຜູ້​ສະໜັບສະໜູນ​ທ່ານ ທຣຳ ທີ່​ຖືກ​ຈັດ​ໃຫ້​ເປັນ​ກຸ່ມ​ການ​ເມືອງ​ຝ່າຍ​ຂວາ​ສຸດ​ໂຕ່ງ ພ້ອມ​ອີ​ເມລຈຳນວນ​ຫລາຍ ​ເນື່ອງ​ຈາກ​ຂໍ້​ມູນ​ຜູ້​ມີ​ສິດ​ເລືອກ​ຕັ້ງສ່ວນ​ຫລາຍ​ນັ້ນ​ເປີດ​ເຜີຍ​ຕໍ່​ສາທາລະນະ. ຂະນະ​ທີ່​ຜົນ​ກະທົບ​ຫລັກ​ຂອງ​ການ​ໂຈມ​ຕີ​ດັ່ງກ່າວ​ອາດ​ເປັນ​ການ​ຫວ່ານ​ຄວາມ​ບໍ່​ໄວ້​ວາງ​ໃຈ​ໃນ​ການ​ລົງ​ຄະ​ແນນ​ສຽງ.

  1. ບໍລິສັດ IAG ​ເຊິ່ງ​ເປັນ​ເຈົ້າຂອງ Aer Lingus, British Airways ​ແລະ Iberia ກ່າວ​ວ່າ ພວກ​ເຂົາ​ຈະ​ຫລຸດ​ກຳນົດ​ການ​ຕ່າງໆ​ໃນ​ຊ່ວງ​ລະດູ​ໜາວ​ລົງ​ຫລັງ​ຈາກ​ຂາດທຶນ 1,3 ພັນ​ລ້ານ​ເອີ​ໂຣ (1,5 ພັນ​ລ້ານ​ໂດ​ລາ) ​ໃນ​ໄລຍະ 3 ​ເດືອນ ນັບ​ແຕ່​​ເດືອນ​ກໍລະກົດ-ກັນຍາ​ຜ່ານ​ມາ.

​ໂດຍ​ປັດຈຸບັນ ກຸ່ມ​ສາຍ​ການບິນ​ຈະ​ບິນ​ພຽງ 30% ຂອງ​ກຳນົດ​ການ​ປົກກະຕິ​ໃນ​ໄຕ​ມາດ​ນີ້ ​ເຊິ່ງຫລຸດ​ລົງ​ຈາກ 40% ຕາມ​ແຜນການ​ເກົ່າ ​ເນື່ອງ​ຈາກ​ອັດຕາ​ການ​ຕິດ​ເຊື້ອ COVID-19 ທີ່​ເພີ່ມ​ຂຶ້ນອີກ​ໄດ້​ທຳລາຍ Demand ສຳລັບ​ການ​ເດີນທາງ​ທາງ​ອາກາດ​ຢູ່​ເອີຣົບ.

  1. ກະຊວງ​ການ​ຕ່າງປະ​ເທດ​ຂອງ​ອາ​ເມ​ລິ​ກາ​ອະນຸມັດ​ການ​ຂາຍ​ອາວຸດ​ໃຫ້​ໄຕ້​ຫວັນ​ມູນ​ຄ່າ 1,8 ພັນ​ລ້ານ​ໂດ​ລາ ລວມທັງ​ລູກ​ສອນ​ໄຟ ​ແລະ ປືນ​ໃຫຍ່ ​ໂດຍ​ອາວຸດ​ດັ່ງ​ກ່າວ​ຈະ​ເສີມ​ສ້າງ​ຂີດ​ຄວາມ​ສາມາດ​ໃນ​ການ​ປ້ອງ​ກັນ​ຂອງ​ໄຕ້​ຫວັນ​ເມື່ອ​ຜະ​ເຊີນ​ກັບ​ຈີນ​ທີ່​ກຳລັງ​ກ້າ​ສະ​ແດງ​ອອກ​ກ່ຽວ​ກັບ​ການ​ລວມ​ໄຕ້​ຫວັນ​ເປັນ​ໜຶ່ງ​ດຽວ​ກັບ​ແຜ່ນດິນ​​ໃຫຍ່. ຂະນະ​ທີ່​ກະຊວງ​ຕ່າງປະ​ເທດ​ຂອງ​ຈີນ​ກ່າວ​ຫາ​ວ່າ ອາ​ເມ​ລິ​ກາ​ແຊກ​ແຊງ​ເລື່ອງ​ພາຍ​ໃນ​ຂອງ​ຕົນ ​ແລະ ​ເຕືອນ​ເຖິງ “ການ​ຕອບ​ສະໜອງ​ໃນ​ດ້ານ​ກົດໝາຍ ​ແລະ ດ້ານ​ອື່ນໆ ຕາມ​ທີ່​ຈຳ​ເປັນ”.
ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 23 ຕຸລາ 2020
error: Alert: Content is protected !!