ຫວຽດນາມຕຽມຮັບມືພາຍຸ ຫົວທີ 8

ຫວຽດນາມຕຽມຮັບມືພາຍຸ ຫົວທີ 8 - LPN 59 - ຫວຽດນາມຕຽມຮັບມືພາຍຸ ຫົວທີ 8
ຫວຽດນາມຕຽມຮັບມືພາຍຸ ຫົວທີ 8 - 174233 - ຫວຽດນາມຕຽມຮັບມືພາຍຸ ຫົວທີ 8

ສູນພະຍາກອນອາກາດຂອງຫວຽດນາມລາຍງານ ວັນທີ 22 ຕຸລານີ້ວ່າ ເວລາ 4 ໂມງຂອງມື້ນີ້ (ວັນທີ 22) ສູນກາງພາຍຸຫົວທີ 8 ຢູ່ຫ່າງຈາກເກາະ  ຮ່ວາງຊາ ໄປທາງທິດຕາເວັນອອກປະມານ 470 ກິໂລແມັດ, ລົມໃກ້ສູນກາງມີຄວາມແຮງຢູ່ອັນລະດັບ 10  ຫຼື ເທົ່າກັບ 90-100 ກິໂລແມັດ/ຊົ່ວໂມງ, ລະດັບຄວາມຮຸນແຮງ 13.

ສູນພະຍາກອນອາກາດ ແລະ ອຸທົກກະສາດແຫ່ງຊາດຫວຽດນາມລາຍງານເມື່ອວັນທີ 22 ຕຸລານີ້ວ່າ ເມື່ອເວລາ 4 ໂມງ ສູນກາງຂອງພາຍຸຫົວທີ 8 ຢູ່ທີ່ 16,5 ອົງສາເສັ້ນຂະໜານເໜືອ ແລະ 116,7 ອົງສາ ເສັ້ນແວງຕາເວັນອອກ

ພະຍາກອນອາກາດ 24 ຊົ່ວໂມງໃນຕໍ່ໜ້າ, ພາຍຸຈະເຄື່ອນຕົວຕາມທິດຕາເວັນຕົກສ່ຽງເໜືອ, ຊຶ່ງຈະເຄື່ອນຕົວດ້ວຍຄວາມໄວ 10 ກິໂລແມັດ/ຊົ່ວໂມງ ແລະ ຈະແຮງຂຶ້ນຕາມລຳດັບ. ເມື່ອຮອດເວລາ 4 ໂມງຂອງວັນທີ 23 ຕຸລາ ສູນກາງພາຍຸຈະຢູ່ທີ່ 27,2 ອົງສາເສັ້ນຂະໜານເໜືອ ແລະ114,5 ອົງສາ ເສັ້ນແວງຕາເວັນອອກ, ຫ່າງຈາກເກາະ ຮ່ວງຊາປະມານ 220 ກິໂລແມັດ ໄປທາງທິດຕາເວັນອອກ ແລະ ຕາເວັນອອກສ່ຽງເໜືອ. ຄວາມແຮງຂອງລົມໃກ້ສູນກາງຢູ່ອັນລະດັບ 11-12 ຫຼື ມີຄວາມແຮງແຕ່ 100-135 ກິໂລແມັດ/ຊົ່ວໂມງ.

ຫວຽດນາມຕຽມຮັບມືພາຍຸ ຫົວທີ 8 - Wave100S AD to Website 2020 0 - ຫວຽດນາມຕຽມຮັບມືພາຍຸ ຫົວທີ 8

ຈຸດສູນກາງຂອງພາຍຸທີ່ມີຄວາມແຮງອັນຕະລາຍສູງສຸດໃນ 24 ຊົ່ວໂມງຕໍ່ໜ້າຢູ່ຈຸດ 14,5 – 19,0 ອົງສາເສັ້ນຂະໜານເໜືອ, ຈາກເສັ້ນແວງທີ 112,5 ຫາ 118,5 ທິດຕາເວັນອອກ ພ້ອມເຕືອນຫ້າມເຮືອນ້ອຍໃຫ່ຍອອກເຄື່ອນໄຫວໃນຂົງເຂດຂອງພາຍຸ.

ໃນໄລຍະ 24 – 28 ຊົ່ວໂມງໃນຕໍ່ໜ້າ ພາຍຸຈະເຄື່ອນຕົວຕາມທິດຕາເວັນຕົກສ່ຽງເໜືອ, ແຕ່ລະຊົ່ວໂມງຈະໄປໄດ້ປະມານແຕ່ 5-10 ກິໂລແມັດ/ຊົ່ວໂມງ ແລະ ອາດຈະແຮງຂຶ້ນຕາມລຳດັບ. ເມື່ອຮອດເວລາ 4 ໂມງຂອງວັນທີ 24 ຕຸລາ ຈຸດສູນກາງຂອງພາຍຸຈະຢູ່ທີ່ເສັ້ນຂະໜານ 17,6 ອົງສາເໜືອ, ເສັ້ນແວງທີ 112,3 ຕາເວັນອອກ, ຄວາມແຮງຂອງລົມຢູ່ໃກ້ສູນກາງມີອັນດັບຄວາມແຮງ 11-12 ຫຼື ແຕ່ 100-135 ກິໂລແມັດ/ຊົ່ວໂມງ, ລະດັບຄວາມຮຸນແຮງ 14.

ຫວຽດນາມຕຽມຮັບມືພາຍຸ ຫົວທີ 8 - WhatsApp Image 2020 05 27 at 5 - ຫວຽດນາມຕຽມຮັບມືພາຍຸ ຫົວທີ 8
error: Alert: Content is protected !!