ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ

ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ -           123 - ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ
ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ - 174233 - ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ

ງານພົົົົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ ໄດ້ຈັດຂຶ້ນໃນວັນທີ 22 ຕຸລານີ້ ທີ່ສຳນັກງານບໍລິສັດດັ່ງກ່າວ ໂດຍການເຂົ້າຮ່ວມຂອງທ່ານ ລິວ ແມັງ ຮ່າ ຜູ້ອຳນວຍການໃຫຍ່ ບໍລິສັດ ສະຕາ ໂທລະຄົມ ແລະ ທ່ານ ນາງ ໄກສອນ ຈັນສີນາ ຫົວໜ້າກົມຄຸ້ມຄອງການຮຽນ – ການສອນ ສະຖາບັນການເມືອງ ແລະ ການປົກຄອງແຫ່ງຊາດ.

ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ - DSCF4518 300x168 - ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ

ທ່ານ ບີ ມົວໄຟດາເຍຍຈ່າ ຕາງໜ້າຄະນະອຳນວຍການ ບໍລິສັດ ສະຕາ ໂທລະຄົມ ໄດ້ກ່າວ​ເປີດພິທີວ່າ: ບໍລິສັດ Star Telecom ແມ່ນບໍລິສັດຮ່ວມທຶນດໍາເນີນທຸລະກິດ ລະຫວ່າງລັດຖະບານແຫ່ງ ສປປ ລາວ ຖືຫຸ້ນ 51% ແລະ ລັດຖະບານແຫ່ງ ສສ ຫວຽດນາມ ຖືຫຸ້ນ 49%. Star Telecom ໄດ້ສ້າງຕັ້ງເຄື່ອນໄຫວດຳເນີນທຸລະກິດຢ່າງເປັນທາງການວັນທີ 1 ເມສາ 2008. ວັນທີ 16 ຕຸລາ 2009 ບໍລິສັດ Star Telecom ໄດ້ເປີດຕົວເຄື່ອງໝາຍການຄ້າ Unitel ຢ່າງເປັນທາງການ. ໃນຊຸມປີທີ່ຜ່ານມາ, ບໍລິສັດໄດ້ກາຍເປັນບໍລິສັດທີ່ດຳເນີນທຸລະກິດໃຫ້ບໍລິການດ້ານໂທລະຄົມການສື່ສານທີ່ມີຜົນສຳເລັດດີທີ່ສຸດໃນ ສປປ ລາວ.

ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ - DSCF4487 300x168 - ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ

ພາຍຫຼັງ 12 ປີໄດ້ສ້າງຕັ້ງຂຶ້ນ, ຢູນີເທວ ໄດ້ສືບຕໍ່ພັດທະນາພື້ນຖານໂຄງລ່າງລະບົບເຄືອຂ່າຍໂທລະຄົມມະນາຄົມການສື່ສານໃນຂອບເຂດທົ່ວປະເທດທີ່ປະກອບດ້ວຍອຸປະກອນເຕັກໂນໂລຊີທີ່ທັນສະໄໝທີ່ສຸດຂອງໂລກ, ໄດ້ສະໜອງບໍລິການທາງດ້ານໂທລະຄົມໃຫ້ກັບປະຊາຊົນລາວ, ສັງຄົມລາວຈາກສູນກາງໄປຍັງທ້ອງຖິ່ນເຂດຫ່າງໄກສອກຫຼີກ ແລະ ທຸລະກັນດານ. ດ້ວຍວິ​ໄສທັດຮັບໃຊ້ປະຊາຊົນ, ເຮັດໃຫ້ຊີວິດການເປັນຢູ່ຂອງປະຊາຊົນໃຫ້ນັບມື້ສະດວກສະບາຍ ແລະ ສົດໃສຍິ່ງຂຶ້ນ. ຢູນີເທວ ໄດ້ມີການພັດທະນາຢ່າງຕໍ່ເນື່ອງໃນ ແລະ ໄດ້ກາຍເປັນບໍລິສັດໂທລະຄົມມະຫາຄົມທີ່ນອນຢູ່ໃນລະດັບແຖວໜ້າຂອງ ສປປ ລາວ. ມີລະບົບເຄືອຂ່າຍທີ່ໃຫຍ່ ແລະ ກວ້າງຂວາງທີ່ສຸດ. ມີພື້ນທີ່ປົກຄຸ້ມສັນຍານທີ່ກວ້າງຂວາງ ກວມຫຼາຍກວ່າ 93% ພົນລະເມືອງທົ່ວປະເທດ. ດ້ວຍສູນສະຖານີຮັບສົ່ງສັນຍານມືຖືຫຼາຍກວ່າ 8.000 ແຫ່ງ, ມີລະບົບສົ່ງແກ້ວໄຍແສງຫຼາຍກວ່າ 34.000 ກິໂລແມັດ, ມີຫຼາຍກວ່າ 3 ລ້ານເລກໝາຍລູກຄ້າ, ລູກຄ້າອິນເຕີເນັດຄວາມໄວສູງຫຼາຍກວ່າ 40.000ລູກຄ້າ, ລາຍຮັບລວມຍອດບັນລຸໄດ້ຫຼາຍກວ່າ 1.300 ລ້ານ​ໂດ​ລາ​ສະຫະລັດ, ມອບ​ພັນທະ​ໃຫ້​ລັດຖະບານ​ຈຳນວນ 650 ລ້ານ​ໂດ​ລາ​ສະຫະລັດ ​ແລະ ຊ່ວຍ​ເຫລືອ​ສັງຄົມ​ຈຳນວນ 12 ລ້ານ​ໂດ​ລາ​ສະຫະລັດ.

​ໃນ​ເງື່ອນ​ໄຂ​ຍຸກ​ປະຕິວັດ​ອຸດສາຫະກຳ 4.0 ຂອງ​ໂລກ​ປັດຈຸບັນ, ຢູນີ​ເທວ ​ໄດ້​ກ້າວ​ເຂົ້າສູ່​ໄລຍະ​ໃໝ່​ແຫ່ງ​ການ​ພັດທະນາ ​ແລະ ນຳ​ໃຊ້​ເຕັກ​ໂນ​ໂລ​ຊີ ICT ຢ່າງ​ເປັນ​ທາງ​ການ​ແລ້ວ ​ແລະ ຈະ​ກາຍ​ເປັນ​ບໍລິສັດ​ເຕັກ​ໂນ​ໂລ​ຊີ​ທີ່​ນຳ​ໜ້າ​ໃນ​ການ​ປະຕິວັດ​ຫັນ​ເປັນ​ດີ​ຈີຕ໋ອນຂອງ ສປປ ລາວ ດ້ວຍ​ວິ​ໄສ​ທັດ ​ແລະ ຄວາມ​ມຸ່ງ​ໝັ້ນຂອງ ຢູນີ​ເທວ. ​ໃນ​ອະນາຄົດ​ອັນ​ໃກ້​ນີ້, ຢູນີ​ເທວ ບໍ່​ພຽງ​ແຕ່​ເປັນ​ວິ​ສາ​ຫະກິດ​ດ້ານ​ໂທລະ​ຄົມມະນາຄົມ​ການ​ສື່ສານ​ພຽງ​ຢ່າງ​ດຽວ​ເທົ່າ​ນັ້ນ, ຢູນີ​ເທວ ຍັງ​ຈະ​ກາຍ​ເປັນ​ບໍລິສັດ​ດ້ານ​ເຕັກ​ໂນ​ໂລ​ຊີ, ​ເດີນ​ໜ້າ​ເຂົ້າສູ່​ການ​ປະຕິວັດ​ລະບົບ​ເອ​ເລັກ​ໂຕຣນິກຂອງ​ປະ​ເທດ, ນຳ​ເອົາ​ເຕັກ​ໂນ​ໂລ​ຊີ​ທີ່​ທັນ​ສະ​ໄໝ​ລ້ຳໜ້າ​ລະບົບ 5G, IoT, ກະ​ເປົາ​ເງິນ​ເອ​ເລັກ​ໂຕຣນິກ, Bigdata… ​ເຂົ້າສູ່​ການ​ດຳລົງ​ຊີວິດ​ຂອງ​ປະຊາຊົນ​ລາວ, ສັງຄົມ​ລາວ​ຢ່າງ​ເປັນ​ຮູບ​ປະ​ທຳ.

ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ - Wave100S AD to Website 2020 0 - ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ

ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ - DSCF4509 300x168 - ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ

​ໃນ​ພິທີ, ທ່ານ​ຫົວໜ້າ​ກົມ​ຄຸ້ມ​ຄອງ​ການ​ຮຽນ-ການ​ສອນ ສະ​ຖາ​ບັນ​ການ​ເມືອງ-ການ​ປົກຄອງ​ແຫ່ງ​ຊາດ ​ໄດ້​ມີ​ຄຳ​ເຫັນ​ວ່າ: ຕະຫລອດ​ໄລຍະ​ຜ່ານ​ມາ, ພັກ-ລັດຖະບານ ກໍ​ຄື​ປະຊາຊົນ​ສອງ​ປະ​ເທດ ຍາມ​ໃດ​ກໍ​ໄດ້​ເອົາ​ໃຈ​ໃສ່​ຮ່ວມ​ມື​ຊ່ວຍ​ເຫລືອ​ເຊິ່ງກັນ ​ແລະ ກັນ​ຕະຫລອດ​ມາ, ບໍ່​ວ່າ​ໃນ​ສະ​ໄໝ​ສົງຄາມ ​ແລະ ສັນຕິພາບ ຍິ່ງ​ມີ​ເງື່ອນ​ໄຂ​ໃຫ້​ພວກ​ເຮົາ​ໄດ້​ເພີ່ມ​ທະວີການຮ່ວມມື​ຊ່ວຍ​ເຫລືອ​ເຊິ່ງກັນ ​ແລະ ກັນ​ຫລາຍ​ຂຶ້ນ. ກໍ​ດັ່ງ​ບໍລິສັດ ສະຕາ ​ໂທລະ​ຄົມ (Unitel) ​ເຊິ່ງ​ເປັນ​ບໍລິສັດ​ທີ່​ມີ​ຄວາມ​ເຂັ້ມ​ແຂງ​ທາງ​ດ້ານ​ເສດຖະກິດ ​ແລະ ​ເຕັກ​ໂນ​ໂລ​ຊີ​ທີ່​ທັນ​ສະ​ໄໝ. ດັ່ງນັ້ນ ການ​ເພີ່ມ​ທະວີ​ຮ່ວມ​ມື​ຊ່ວຍ​ເຫລືອ​ເຊິ່ງກັນ ​ແລະ ກັນ ​ເພື່ອ​ພັດທະນາ​ຂະ​ແໜງ​ການ​ຕ່າງໆ​ຂອງ​ລາວ​ໄປ​ສູ່​ຄວາມ​ທັນ​ສະ​ໄໝ ​ໂດຍ​ສະ​ເພາະ​ແມ່ນ​ການ​ຫັນ​ເປັນ​ດີ​ຈີ​ຕ໋ອນ ​ເພື່ອ​ຊ່ວຍ​ໃນ​ການ​ຄຸ້ມ​ຄອງ​ບໍລິຫານ​ວຽກ​ງານ ​ແລະ ບຸກຄະລາ​ກອນ​ໃຫ້​ມີ​ປະສິດທິ​ຜົນ​ສູງຂຶ້ນ, ທັງ​ປະຢັດ​ເວລາ, ຕົ້ນທຶນ​ແຕ່​ວ່ອງ​ໄວ ​ແລະ ທັນ​ເວລາ. ດັ່ງນັ້ນ ​ໃນ​ງານ​ພົບ​ປະ​ແລກປ່ຽນ​ບົດຮຽນ​ຄັ້ງນີ້​ ລະຫວ່າງ ບໍລິສັດ ສະຕາ ​ໂທລະ​ຄົມ ​ແລະ ຂະ​ແໜງ​ການ​ຕ່າງໆ​ເບື້ອງລັດຖະບານ​ເຮົາ ຈະ​ຊ່ວຍ​ໃຫ້​ສອງ​ຝ່າຍ​ໄດ້​ຮ່ວມ​ມື​ຊ່ວຍ​ເຫລືອ​ເຊິ່ງກັນ ​ແລະ ກັນ​ໃນ​ການ​ພັດທະນາ​ວຽກ​ງານ​ຂອງ​ຕົນ​ໃຫ້​ນັບ​ມື້​ເຕີບ​ໃຫຍ່​ເຂັ້ມ​ແຂງ ​ແລະ ກ້າວໜ້າ​ທັນ​ສະ​ໄໝ, ສາມາດ​ເຊື່ອມ​ໂຍງ​ເຂົ້າກັບ​ຂົງ​ເຂດ ​ແລະ ສາກົນ​ເທື່ອ​ລະ​ກ້າວ ​ແລະ ກໍ​ຈະ​ເປັນ​ກຳລັງ​ແຮງ​ກະຕຸກ​ຊຸກຍູ້​ໃຫ້ການ​ພົວພັນ​ຮ່ວມ​ມື​ລະຫວ່າງ​ສອງ​ປະ​ເທດ ລາວ-ຫວຽດນາມ ນັບ​ມື້​ແຕກ​ດອກ​ອອກ​ຜົນ​ງອກ​ງາມ​ຍິ່ງໆ​ຂຶ້ນ.

ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ - DSCF4516 300x168 - ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ

ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ - WhatsApp Image 2020 05 27 at 5 - ງານພົບປະແລກປ່ຽນບົດຮຽນ ລະຫວ່າງ ບໍລິສັດ ສະຕາ ໂທລະຄົມ ແລະ ບັນດາວິສາຫະກິດຂອງລັດ
error: Alert: Content is protected !!