ເຮັດໃຫ້ມະຕິ 022/ຄບສພ ເຂົ້າສູ່ລວງເລິກ (ລະນຶກວັນສ້າງຕັ້ງພັກປະຊາຊົນ ປະຕິວັດລາວ 22 ມີນາ ຄົບຮອບ 62 ປີ)

- advert banner 728 90 728x90 - ເຮັດໃຫ້ມະຕິ 022/ຄບສພ ເຂົ້າສູ່ລວງເລິກ (ລະນຶກວັນສ້າງຕັ້ງພັກປະຊາຊົນ ປະຕິວັດລາວ 22 ມີນາ ຄົບຮອບ 62 ປີ)

ເມື່ອວັນທີ 13 ມັງກອນຜ່ານມານີ້, ຄະນະບໍລິຫານງານສູນກາງພັກປະຊາຊົນ ປະຕິວັດລາວ ໄດ້ອອກມະຕິ 022/ຄບສພ ວ່າດ້ວຍການແກ້ໄຂພະຍາດອາຍາສິດ, ສະກັດກັ້ນ ແລະ ຕ້ານການສໍ້ລາດບັງຫລວງ ພາຍຫລັງເຫັນວ່າໄປຄຽງຄູ່ກັບຜົນສຳເລັດອັນໃຫຍ່ຫລວງຫລາຍດ້ານໃນການພັດທະນາເສດຖະກິດ-ສັງຄົມຂອງຊາດ, ປະເທດເຮົາກໍຜະເຊີນກັບສິ່ງທ້າທາຍທົດສອບຫລາຍປະການເຊັ່ນ: ການຂຸດຄົ້ນ ແລະ ນຳໃຊ້ທ່າແຮງດ້ານຊັບພະຍາກອນຍັງມີລັກສະນະຊະຊາຍ ປະສິດທິຜົນຕໍ່າ, ຄວາມອ່ອນແອໃນວຽກງານແຜນການ, ການຄຸ້ມຄອງລາຍຮັບ-ລາຍຈ່າຍງົບປະມານ, ບັນຫາໜີ້ສິນຂອງລັດທີ່ໜັກໜ່ວງ, ການສ້າງພັກພະນັກງານທີ່ບໍ່ຕິດພັນກັບໜ້າທີ່ການເມືອງຕົວຈິງ, ທັງຍັງມີການລະເມີດບັນດາຫລັກການຈັດຕັ້ງນຳພາ ອັນເປັນພື້ນຖານຂອງພັກ ແລະ ອື່ນໆ ເຊິ່ງທັງໝົດນີ້ລ້ວນແຕ່ພົວພັນໂດຍກົງກັບບັນດາປາກົດການອາຍາສິດ ແລະ ການສໍ້ລາດບັງຫລວງທີ່ນັບມື້ເພີ່ມຂຶ້ນເລື້ອຍໆ, ສ້າງຜົນກະທົບຕໍ່ບົດບາດ ແລະ ຄວາມສາມາດໃນການນຳພາຂອງພັກ ກໍຄືຄວາມເຊື່ອໝັ້ນຂອງປະຊາຊົນຕໍ່ລະບອບໃໝ່, ເປັນອຸປະສັກກົດໜ່ວງການພັດທະນາ, ເປັນຊ່ອງວ່າງທີ່ອິດທິກຳລັງປໍລະປັກ ແລະ ພວກຄົນບໍ່ດີສວຍໃຊ້ ເພື່ອທັບຖົມໂຈມຕີຕໍ່ຕ້ານນຳ, ຕໍ່ພັກ ແລະ ຕໍ່ລະບົບການເມືອງພວກເຮົາ. ຍ້ອນແນວນັ້ນ ການສະກັດກັ້ນ ແລະ ຕ້ານພະຍາດອາຍາສິດ, ການສໍ້ລາດບັງຫລວງແມ່ນຄວາມຈຳເປັນພາວະວິໄສ, ເປັນໜ້າທີ່ ແລະ ຄວາມຮັບຜິດຊອບໂດຍກົງຂອງພັກ, ຂອງອຳນາດລັດ, ຄະນະພັກ ແລະ ການນຳທຸກຂັ້ນ, ທຸກພາກສ່ວນຕ້ອງເປັນເຈົ້າການຈັດຕັ້ງນຳພາແກ້ໄຂບັນຫາພະຍາດອາຍາສິດ ແລະ ການສໍ້ລາດບັງຫລວງຢ່າງຕັ້ງໜ້າ ແລະ ເປັນເຈົ້າການສູງ. ດັ່ງນັ້ນ ພວກເຮົາຕ້ອງໄດ້ນຳໃຊ້ຫລາຍມາດຕະການ ຄືສຶກສາອົບຮົມ, ມາດຕະການທາງດ້ານບໍລິຫານ, ມາດຕະການທາງດ້ານກົດໝາຍ ແລະ ອື່ນໆ. ບັນຫາເກີດຂຶ້ນຢູ່ບ່ອນໃດ ບ່ອນນັ້ນຕ້ອງແກ້ໄຂຢ່າງເດັດຂາດ ແລະ ທັນການ ໃນນີ້ໃຫ້ຖືເອົາການສະກັດກັ້ນແຕ່ຫົວທີເປັນຕົ້ນຕໍ ແລະ ເປັນພື້ນຖານຍາວນານ, ປະຕິບັດຢ່າງເຂັ້ມງວດຕິດພັນກັບການປະຕິບັດນະໂຍບາຍປະຢັດ ແລະ ຕ້ານການຟຸມເຟືອຍ, ເຮັດໃຫ້ມະຕິດັ່ງກ່າວກາຍເປັນໜ້າທີ່ ແລະ ຄວາມຮັບຜິດຊອບຂອງພະນັກງານທຸກປະເພດ, ທຸກການຈັດຕັ້ງ ແລະ ທົ່ວສັງຄົມ ແລະ ຕ້ອງເລີ່ມຈາກຄວາມເປັນແບບຢ່າງຂອງພະນັກງານນຳພາ-ຄຸ້ມຄອງແຕ່ລະຂັ້ນ ແລະ ເຮັດດ້ວຍຄວາມຕັ້ງໜ້າພະຍາຍາມ ເຮັດໃຫ້ສະພາບດັ່ງກ່າວທີ່ມີຢູ່ໃນປັດຈຸບັນໃຫ້ຫລຸດໜ້ອຍຖອຍລົງ ແລະ ໄດ້ຮັບການແກ້ໄຂຢ່າງຕັ້ງໜ້າເປັນປະຈຳ, ເຮັດຢ່າງມີຈຸດສຸມ, ມີແຜນການລະອຽດໃນແຕ່ລະໄລຍະ ຖ້າມີໜໍ່ແໜງເກີດຂຶ້ນຢູ່ບ່ອນໃດ ຕ້ອງເປັນເຈົ້າການແກ້ໄຂ, ກຳຈັດປັດເປົ່າແຕ່ຫົວທີຢ່າງທັນການ, ເຂັ້ມງວດ ແລະ ເດັດຂາດ.

- new3 - ເຮັດໃຫ້ມະຕິ 022/ຄບສພ ເຂົ້າສູ່ລວງເລິກ (ລະນຶກວັນສ້າງຕັ້ງພັກປະຊາຊົນ ປະຕິວັດລາວ 22 ມີນາ ຄົບຮອບ 62 ປີ)

 

error: Content is protected !!