7 ສັນຍານເຕືອນພະຍາດມະເຮັງ ຮູ້ກ່ອນແກ້ໄຂທັນ

    

1. ລະບົບຂັບຖ່າຍຜິດປົກກະຕິ, ມີການປ່ຽນແປງໃນການຂັບຖ່າຍອາຈົມ ແລະ ຍ່ຽວ.
2. ບາດແຜຊຳ້ເຮື້ອທີ່ປິ່ນປົວບໍ່ເຊົາ.
3. ເລືອດໄຫລຜິດປົກກະຕິຕາມທະວານໃດໆຂອງຮ່າງກາຍ.
4. ຄຳພົບກ້ອນຢູ່ເຕົ້ານົມ ຫລື ພາກສ່ວນອື່ນໆຂອງຮ່າງກາຍ.
5. ໄຝ, ຂີ້ແມງວັນ ຫລື ຂີ້ກະຕອດ ທີ່ເກີດການປ່ຽນແປງຢ່າງຜິດປົກກະຕິ ຫລື ມີເລືອດອອກ.
6. ກືນອາຫານລຳບາກ ຫລື ລະບົບການຍ່ອຍອາຫານຜິດປົກກະຕິ.
7. ມີອາການໄອທີ່ຜິດປົກກະຕິ ເຊັ່ນ : ໄອປົນເລືອດ, ໄອຊຳ້ເຮື້ອ ຫລື ສຽງແຫບ.

ຫາກທ່ານມີອາການເຫລົ່ານີ້ຫລາຍກ່ວາ 2 ອາທິດ ຄວນໄປໂຮງໝໍເພື່ອຮັບການກວດ.

ການມີສຸຂະພາບແຂງແຮງເປັນສິ່ງທີ່ໃຜໆກໍລ້ວນແຕ່ປາຖະໜາ ໂດຍສະເພາະຢ່າງຍິ່ງການຫລີກເວັ້ນຈາກພະຍາດຮ້າຍດັ່ງ ມະເຮັງ ທີ່ເປັນສາເຫດການເສຍຊີວິດອັນດັບ 1 ຂອງປະຊາກອນໂລກ, ແຕ່ການເບິ່ງແຍງດູແລສຸຂະພາບຢ່າງດຽວອາດຍັງບໍ່ພຽງພໍ. ດັ່ງນັ້ນ, ການກວດສຸຂະພາບ ຫລື ການກວດຫາພະຍາດມະເຮັງ ຈຶ່ງເປັນວິທີການທີ່ດີທີ່ສຸດໃນການປ້ອງກັນການເກີດພະຍາດ ທັງຜູ້ທີ່ມີຄວາມສ່ຽງ ແລະ ບໍ່ມີຄວາມສ່ຽງ ເຊິ່ງການກວດພົບມະເຮັງຕັ້ງແຕ່ໄລຍະທຳອິດນັ້ນກໍຖືເປັນປັດໄຈສຳຄັນທີ່ມີຜົນຫລາຍຕໍ່ຄວາມສຳເລັດຂອງການປິ່ນປົວພະຍາດມະເຮັງ.