ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII

ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ viii - 555 51 - ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII
ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ viii - 174233 - ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII

ຖືເປັນໂອກາດດີຂອງປະຊາຊົນບັນດາເຜົ່າໃນທົ່ວປະເທດ ທີ່ຢາກປະກອບຄໍາຄິດຄໍາເຫັນ ຫລື ສະເໜີ ບັນຫາທີ່ກ່ຽວພັນກັບການພັດທະນາດ້ານຕ່າງໆ ໃນທ້ອງຖິ່ນຂອງຕົນ, ເນື່ອງຈາກສະພາແຫ່ງຊາດ ໄດ້ໄຂກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ VIII ຂຶ້ນຢ່າງເປັນທາງການ ໃນວັນທີ 27 ຕຸລາ 2020 ແລະ ຈະດໍາເນີນໄປຮອດວັນທີ 17 ພະຈິກ 2020 ນີ້.
ໃນໂອກາດຖະແຫລງຂ່າວ ກ່ຽວກັບການດໍາເນີນກອງປະຊຸມດັ່ງກ່າວ ໂດຍ ທ່ານ ນາງ ສວນສະຫວັນ ວິຍະເກດ ຄະນະປະຈໍາສະພາແຫ່ງຊາດ, ເລຂາທິການສະພາແຫ່ງຊາດ ເມື່ອບໍ່ດົນມານີ້, ໄດ້ຂໍເຊີນມາຍັງພະນັກງານ, ລັດຖະກອນ, ທະຫານ, ຕຳຫລວດ, ນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວຜູ້ອອກແຮງງານ, ພໍ່ແມ່ພີ່ນ້ອງ, ປະຊາຊົນບັນດາເຜົ່າທຸກຊັ້ນຄົນໃນທົ່ວປະເທດ ແລະ ພີ່ນ້ອງຊາວລາວທີ່ອາໄສຢູ່ຕ່າງປະເທດ ຈົ່ງຕິດຕາມການດຳເນີນກອງປະຊຸມນີ້, ເຊິ່ງຄະນະເລຂາທິການສະພາແຫ່ງຊາດໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍດ່ວນ ເພື່ອຮັບເອົາຄຳຄິດຄຳເຫັນ ແລະ ຄຳສະເໜີ ໂດຍກົງຈາກປະຊາຊົນທີ່ຈະສົ່ງໄປຍັງກອງປະຊຸມຜ່ານຊ່ອງທາງດັ່ງນີ້: ໂທລະສັບບໍ່ເສຍຄ່າ ໝາຍເລກ: 156, ໂທລະສານ ໝາຍເລກ: 021 413528, ສົ່ງເປັນຈົດໝາຍທາງໄປສະນີ ຕູ້ ປນ. 662 ແລະ ສົ່ງອີເມວ: [email protected]
ທ່ານ ນາງ ສວນສະຫວັນ ວິຍະເກດ ໃຫ້ຮູ້ຕື່ມວ່າ: ກອງປະຊຸມຄັ້ງນີ້, ຈະໄດ້ພິຈາລະນາຮັບຮອງບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປະຈໍາປີ 2020 ແລະ ແຜນການປະຈໍາປີ 2021, ພິຈາລະນາຮັບຮອງບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດປະຈໍາສົກປີ 2020 ແລະ ແຜນການປະຈໍາປີ 2021. ທາບທາມຮ່າງບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII, ແຜນງົບປະມານແຫ່ງລັດ 5 ປີ (2016-2020), ຮ່າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025), ພິຈາລະນາຮັບຮອງບົດລາຍງານຂອງລັດຖະບານກ່ຽວກັບແຜນຜັງລວມຕົວເມືອງນະຄອນຫລວງວຽງຈັນ. ພິຈາລະນາຮັບຮອງບົດລາຍງານຂອງອົງການກວດສອບແຫ່ງລັດ ກ່ຽວກັບການຈັດຕັ້ງປະຕິບັດແຜນການ ເຄື່ອນໄຫວວຽກງານ 5 ປີ (2021-2025), ການຈັດຕັ້ງປະຕິບັດແຜນການປະຈໍາປີ 2020 ແລະ ທິດທາງແຜນການເຄື່ອນໄຫວວຽກງານ 5 ປີ (2021-2025), ແຜນການປະຈໍາປີ 2021. ພິຈາລະນາຮັບຮອງບົດລາຍງານຜົນການກວດສອບບົດສະຫລຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2019. ພິຈາລະນາຮັບຮອງບົດລາຍງານການກວດກາຕາມຜົນການກວດສອບບົດສະຫລຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດຂອງອົງການກວດກາລັດຖະບານ. ພິຈາລະນາຮັບຮອງບົດລາຍງານຂອງອົງການໄອຍະການປະຊາຊົນສູງສຸດກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານໄລຍະ 5 ປີ (2016-2020), ການຈັດຕັ້ງປະຕິບັດແຜນການປະຈໍາປີ 2020 ແລະ ທິດທາງແຜນການເຄື່ອນໄຫວວຽກງານ 5 ປີ (2021-2025), ແຜນການປະຈໍາປີ 2021. ພິຈາລະນາຮັບຮອງບົດລາຍງານຂອງສານປະຊາຊົນສຸງສຸດກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ ໄລຍະ 5 ປີ (2016-2020), ການຈັດຕັ້ງປະຕິບັດແຜນການປະຈໍາປີ 2020 ແລະ ທິດທາງແຜນການເຄື່ອນໄຫວວຽກງານ 5 ປີ (2021-2020), ແຜນການປະຈໍາປີ 2021. ພິຈາລະນາຮັບຮອງບົດລາຍງານຂອງສະພາແຫ່ງຊາດ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານໄລຍະ 5 ປີ (2016-2020), ການຈັດຕັ້ງປະຕິບັດແຜນການປະຈໍາປີ 2020 ແລະ 2021. ທາບທາມຮ່າງທິດທາງແຜນການເຄື່ອນໄຫວວຽກງານ 5 ປີ (2021-2025) ຂອງສະພາແຫ່ງຊາດຊຸດທີ IX. ພິຈາລະນາຮັບຮອງບົດລາຍງານຜົນການຕິດຕາມກວດກາຂອງຄະນະປະຈໍາສະພາແຫ່ງຊາດ ກ່ຽວກັບການຈັດຕັ້ງປະຕິບັດກົດໝາຍທີ່ຕິດພັນກັບການແກ້ໄຂຜົນການກວດສອບ ແລະ ຜົນການກວດກາໃນຂົງເຂດການກໍ່ສ້າງພື້ນຖານໂຄງລ່າງ ແລະ ການຈັດເກັບລາຍຮັບ. ພິຈາລະນາຮັບຮອງບົດລາຍງານຜົນການຕິດຕາມກວດກາຂອງຄະນະປະຈໍາສະພາແຫ່ງຊາດ ກ່ຽວກັບການຈັດຕັ້ງປະຕິບັດກົດໝາຍທີ່ຕິດພັນກັບການຄຸ້ມຄອງ, ການບໍລິການໃນຮ້ານບັນເທິງ ແລະ ຮ້ານກິນດື່ມ. ນອກນີ້ ຈະພິຈາລະນາຮັບຮອງເອົາການສ້າງ ແລະ ປັບປຸງກົດໝາຍຈໍານວນ 5 ສະບັບ ຄື: ຮ່າງກົດຫມາຍສ້າງໃໝ່ມີ 4 ສະບັບ ປະກອບມີ: ຮ່າງກົດໝາຍວ່າດ້ວຍຊັ້ນນັກການທູດ. ຮ່າງກົດຫມາຍວ່າດ້ວຍຊາວໜຸ່ມລາວ. ຮ່າງກົດຫມາຍວ່າດ້ວຍການຮ່ວມມືລະຫວ່າງປະເທດທາງອາຍາ ແລະ ຮ່າງກົດຫມາຍວ່າດ້ວຍການສຶກສາຊັ້ນສູງ ແລະ ກົດໝາຍປັບປຸງໃໝ່ 1 ສະບັບ ຄື: ຮ່າງກົດ ໝາຍວ່າດ້ວຍການປັບປຸງມາດຕາຂອງກົດໝາຍວ່າດ້ວຍການກວດສອບແຫ່ງລັດ.

ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ viii - Wave100S AD to Website 2020 0 - ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII
ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ viii - WhatsApp Image 2020 05 27 at 5 - ເປີດໃຫ້ ປະຊາຊົນບັນດາເຜົ່າສະເໜີຄໍາຄິດຄໍາເຫັນໄປຍັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII

Comment

    Tou Lor
    28/10/2020 - 4:47 am

    ຂໍຝາກທາງນີ້ດ້ວຍ ແລະກໍ່ຢາກໃຫ້ຄົນລາວເຮົາເຫັນພວກຄິບທີ່ຂ້າພະເຈົ້າສົ່ງໄປໃນຄັ້ງນີ້ ເພື່ອໃຫ້ທຸກຄົນຕື່ນ ແລະຮູ້ຄວາມຈິງ, ສ່ວນທາງອີ່ແມວກໍ່ໄດ້ສົ່ງໄປແລ້ວ ສະບາຍດີ ທ່ານຄະນະເລຂາທິການສະພາແຫ່ງຊາດໄດ້ຈັດຕັ້ງໜ່ວຍງານຮັບຜິດຊອບ ຂ້າພະເຈົ້າທ້າວ ຕູ້ລໍ່ ຢາກຂໍຝາກຄີບວິດິໂອພວກນີ້ມາສະເໜີໃຫ້ພວກທ່ານຊ່ວຍກະລຸນາ ເອົາໄປພິຈາລະນາດ່ວນ ໃນກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ VIII ຍ້ອນບັນພະບຸລຸດຂອງລາວ ແລະປະຊາຊົນລາວບໍ່ໄດ້ຮັບຄວາມຍຸຕິທັມ ແລະຄວາມເປັນທັມຢູ່ໃນພື້ນແຜ່ນດິນຂອງຕົນເອງ. ເຕືອນ: ຫາກໃນຄິບດັ່ງກ່າວຫາກຂ້າພະເຈົ້າໄດ້ເວົ້າຄຳທີ່ບໍ່ສຸພາບກໍ່ຂໍອພັຍມາໃນໂອກາດນີ້ດ້ວຍ ແລະຫວັງຢ່າງຍິ່ງວ່າ ຄະນະເລຂາທິການສະພາແຫ່ງຊາດໄດ້ຈັດຕັ້ງໜ່ວຍງານຮັບຜິດຊອບໃນຄັ້ງນີ້ຈະໃຫ້ຄວາມເປັນທຳ ກໍ່ຄືຄວາມເປັນລາວໃຫ້ພວກເຮົາຄົນລາວໄດ້ເປັນເຈົ້າຂອງປະເທດຊາດທີ່ແທ້ຈີງ ບໍ່ແມ່ນຕ່າງຊາດ.
    ດ້ວຍຄວາມຮັກແພງ ແລະນັບຖືກ,
    ທ້າວ ຕູ້ລໍ່4403 Jaynes st.Omaha, NE 68111(402) 983-0399 ຕິດຄັດມາດ້ວຍມີຄື:https://www.youtube.com/watch?v=63-IB60xFbs&t=2563s
    https://www.youtube.com/watch?v=dNk9PaQUDaU&t=13s
    https://www.youtube.com/watch?v=WTZwmptDlGs
    https://www.youtube.com/watch?v=OrqENGqsDaA&t=9s
    https://www.youtube.com/watch?v=xu1yBuPnSCs&t=68s
    https://www.youtube.com/watch?v=tN79eZohoo0
    https://www.youtube.com/watch?v=bP0kqszMzTA
    https://www.youtube.com/watch?v=YuVePVG98UM&t=3s

Comments are closed.

error: Alert: Content is protected !!