ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020 -                                                                                                 27              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020 - 174233 - ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020
  1. ນັກວິທະຍາສາດ​ໄດ້​ຢືນຢັນ​ການ​ມີ​ຢູ່​ຂອງ​ໂມ​ເລ​ກຸນ​ຂອງ​ນ້ຳ​ໃນ​ດວງ​ຈັນ ຈາກ​ການ​ສຶກສາ​ໂດຍ​ໃຊ້​ກ້ອງ​ຈຸລະທັດ SOFIA ຂອງ NASA ກວດ​ພົບ​ວ່າ​ມີ​ໂມ​ເລ​ກຸນ​ຂອງ​ນ້ຳ (H2O) ​ແທນ​ທີ່​ຈະ​ເປັນ​ໄຮ​ດຣອກຊິ​ລ (OH). ຂະນະ​ທີ່​ການ​ສັງ​ເກດ​ກ່ອນ​ໜ້າ​ນີ້​ບໍ່​ສາມາດ​ແຍກ​ຄວາມ​ແຕກ​ຕ່າງ​ລະຫວ່າງ​ສານ​ປະກອບ​ທັງ 2 ​ໄດ້.

ຂະນະ​ດຽວ​ກັນ, ການ​ສຶກສາ​ອີກ​ອັນ​ໜຶ່ງ ​ໂດຍ​ໃຊ້​ຂໍ້​ມູນ​ຈາກ​ຍານ​ອະວະກາດ Lunar Reconnaissance ຂອງ NASA ​ໄດ້​ມີ​ການຄົ້ນພົບ “Cold Traps (ກັບ​ດັກ​ເຢັນ)” ຫລາຍ​ພັນ​ລ້ານ​ຈຸດ ​ເຊິ່ງ​​ໃຊ້​ເປັນ​ຊື່​ເອີ້ນ​ຂອງ​ບໍລິ​ເວນ​ທີ່​ມີ​ການ​ກັກ​ເກັບ​ໄວ້​ທັງ​ນ້ຳ ​ແລະ ນ້ຳກ້ອນ ​ແລະ ​ເປັນ​ບໍລິ​ເວນ​ທີ່ຢູ່​ໃນ​ເງົາ​ມືດ​ຖາວອນ (ບໍ່​ຖືກ​ແສງຕາ​ເວັນ) ບ່ອນ​ຂົ້ວ​ເໜືອ ​ແລະ ຂົ້ວ​ໃຕ້​ຂອງ​ດວງ​ຈັນ ຄາດ​ວ່າ​ພື້ນທີ່​ເກັບ​ນ້ຳລັກສະນະ​ນີ້​ຈະ​ມີ​ຢູ່​ເຖິງ 40.000 ຕາ​ກິ​ໂລ​ແມັດ.

  1. ຈຳນວນ​ຊາວ​ອາ​ເມ​ລິ​ກາ​ທີ່​ເຂົ້າຮັບ​ການ​ປິ່ນປົວ​ຢູ່​ໂຮງໝໍ​ຈາກ COVID-19 ທະລຸ 40.000 ຄົນ​ໃນ​ວັນ​ທີ 25 ຕຸລາ​ຜ່ານ​ມາ ​ເປັນ​ມື້ທີ 5 ຕິດ​ຕໍ່​ກັນ ​ເຊິ່ງຖື​ເປັນຄັ້ງທຳ​ອິດ​ນັບ​ແຕ່​ເດືອນ​ສິງຫາ. ຂະນະ​ທີ່​ລັດຖະບານ​ທ້ອງ​ຖິ່ນ​ໃນ​ບາງ​ພື້ນທີ່​ກຳລັງ​ປັບ​ໃຊ້​ມາດ​ຕະການ​ທີ່​ເຂັ້ມງວດ​ຂຶ້ນ ​ເພື່ອ​ຢັບຢັ້ງການ​ເພີ່ມ​ຂຶ້ນຂອງ​ການ​ແຜ່​ລະບາດ.

ຢູ່​ເມືອງ El Paso ລັດ Texas ມີ​ຈຳນວນ​ຜູ້​ເຂົ້າຮັບ​ການ​ປິ່ນປົວ​ຢູ່​ໂຮງໝໍ​ຈາກ COVID-19 ​ເພີ່ມ​ຂຶ້ນ 3 ​ເທົ່າ​ໃນ​ໄລຍະ 3 ອາທິດ​ຜ່ານ​ມາ ​ເຮັດ​ໃຫ້​ເຈົ້າໜ້າ​ທີ່​ທ້ອງ​ຖິ່ນ​ຕ້ອງ​ປະກາດ​ເຄີ​ຟິວ​ໃນ​ຕອນ​ກາງຄືນ.

  1. ຫຸ້ນຂອງ SAP ​ເຊິ່ງ​ເປັນ​ບໍລິສັດ​ຊອບ​ແວ​ລາຍ​ໃຫຍ່​ທີ່​ສຸດ​ຂອງ​ເອີຣົບຫລຸດ​ລົງ​ເຖິງ 20% ຫລັງ​ຈາກ​ພວກ​ເຂົາ​ປັບ​ຫລຸດ​ຄາດ​ການ​ລາຍ​ໄດ້ ​ແລະ ຜົນ​ກຳ​ໄລ​ໃນ​ປີ​ນີ້ ​ເຖິງ​ວ່າ​ບໍລິສັດ​ທາງ​ດ້ານ​ເຕັກ​ໂນ​ໂລ​ຊີ​ຫລາຍ​ແຫ່ງ​ຈະ​ເຕີບ​ໃຫຍ່​ຂຶ້ນ​ໃນ​ໄລຍະ​ທີ່​ມີ​ການ​ແຜ່​ລະບາດ ​ແຕ່​ເນື່ອງ​ຈາກ​ການ Lockdown ​ໄດ້​ສົ່ງ​ຜົນ​ກະທົບ​ຕໍ່​ຄວາມ​ເຊື່ອ​ໝັ້ນທາງ​ທຸລະ​ກິດ ຈຶ່ງ​ເຮັດ​ໃຫ້​ບໍລິສັດ​ໃຫຍ່ໆ​ແຫ່ງ​ອື່ນ ​ເຊິ່ງ​ເປັນ​ລູກ​ຄ້າ​ຫລັກ​ຂອງ SAP ມີ​ການ​ໃຊ້​ຈ່າຍ​ທາງ​ດ້ານ​ໄອ​ທີ​ໜ້ອຍ​ລົງ.
  2. Homeland Union ​ເຊິ່ງຕັ້ງຢູ່​ທາງ​ກາງຂອງ​ປະ​ເທດ​ລິ​ທົວ​ເນຍຈະ​ກາຍ​ເປັນ​ຜູ້​ມີ​ອຳນາດ​ຢ່າງ​ສູງ​ໃນ​ລັດຖະບານ​ປະສົມ ຫລັງ​ໄດ້​ບ່ອນ​ນັ່ງ​ຫລາຍ​ທີ່​ສຸດ​ໃນ​ການ​ເລືອກ​ຕັ້ງລັດຖະສະພາ​ຮອບ​ທີ 2 ​ໃນ​ວັນ​ທີ 25 ຕຸລາ​ຜ່ານ​ມາ. ​ເຖິງ​ຢ່າງ​ໃດ​ກໍ​ຕາມ, ບໍ່​ວ່າ​ໃຜ​ເປັນ​ຜູ້​ຊະນະ​ກໍ​ຈະ​ຕ້ອງ​ຕໍ່ສູ້​ກັບ​ການ​ຂາດ​ດຸນ​ງົບປະມານ​ປະມານ 9% ຂອງ GDP ພ້ອມ​ກັບ​ການ​ວ່າງ​ງານ​ທີ່ຢູ່​ໃນ​ລະດັບ​ສູງ ​ແລະ ວິ​ກິດ COVID-19 ທີ່​ຮຸ​ນ​ແຮງ​ຂຶ້ນ​ເລື້ອຍໆ.
  3. Mike Pompeo ລັດຖະມົນຕີ​ກະຊວງ​ຕ່າງປະ​ເທດ​ຂອງ​ອາ​ເມ​ລິ​ກາ ​ແລະ Mark Esper ລັດຖະມົນຕີ​ປ້ອງ​ກັນ​ປະ​ເທດ ກຳລັງ​ຢູ່​ໃນ​ນະຄອນຫລວງ New Delhi (​ເມືອງ​ຫລວງ​ຂອງ​ອິນ​ເດຍ) ​ໃນ​ມື້ນີ້ ​ເພື່ອ​ພົບ​ກັບ​ພັນທະ​ມິດ​ໃນ​ກອງ​ປະຊຸມ​ຊື່ວ່າ “2+2” ຄັ້ງທີ 2 ​ເຊິ່ງອາ​ເມ​ລິ​ກາ ​ໄດ້​ມອບ​ຂອງຂວັນ​ໃຫ້​ແກ່​ອິນ​ເດຍສຳລັບ​ຂໍ້​ຕົກລົງ​ໃນ​ການ​ແບ່ງປັນ​ຂໍ້​ມູນ​ຂ່າວສານ​ທາງ​ພື້ນທີ່ (geospatial information) ຂະນະ​ທີ່​ອິນ​ເດຍຕອບ​ສະ​ເໜີ​ດ້ວຍ​ຄວາມ​ກະຕືລືລົ້ນ​ໃນ​ການ​ເປັນ​ພັນທະ​ມິດ​ທາງ​ທະຫານ​ກັບ​ອາ​ເມ​ລິ​ກາ.

ນອກຈາກ​ນີ້ ພວກ​ເຂົາ​ຍັງ​ມີ​ກຸ່ມ​ພັນທະ​ມິດ​ທີ່​ມີ​ຊື່​ຢ່າງ​ບໍ່​ເປັນ​ທາງ​ການ​ຄື Quad ​ເຊິ່ງປະກອບ​ມີ ອາ​ເມ​ລິ​ກາ, ອົດ​ສະຕຣາລີ, ອິນ​ເດຍ ​ແລະ ຍີ່ປຸ່ນ ​ໂດຍ​ໃນ​ອາທິດ​ຜ່ານ​ມາ ອິນ​ເດຍ​ໄດ້​ເຊີນ​ອົດ​ສະຕຣາລີ​ເຂົ້າຮ່ວມ​ການ​ຝຶກ​ແອບ​ຮົບ​ທາງ​ເຮືອ​ປະຈຳ​ປີ​ຂອງ​ພວກ​ເຂົາ ​ແລະ ​ໃນຕົ້ນອາທິດ​ຜ່ານ​ມາ Pompeo ຍັງ​ໄດ້​ພົບ​ກັບ S. Jaishankar ລັດຖະມົນຕີ​ຕ່າງປະ​ເທດ​ຂອງ​ອິນ​ເດຍຢູ່​ນະຄອນຫລວງ​ໂຕ​ກຽວ​ປະ​ເທດ​ຍີ່ປຸ່ນ.

ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020
  1. 7 ວັນ​ກ່ອນ​ຮອດ​ກຳນົດ​ປິດ​ການ​ລົງ​ຄະ​ແນນ​ສຽງ​ຂອງ​ອາ​ເມ​ລິ​ກາ ​ໄດ້​ເຮັດ​ໃຫ້ການ​ປຸກລະດົມ​ຕ່າງໆ​ກາຍ​ເປັນ​ເລື່ອງ​ທີ່​ວຸ້ນວາຍ ​ໂດຍ​ປະທານ​າທິບໍດີ ​ໂດ​ນັລ ທຣຳ ຜູ້​​ເຊິ່ງກຳລັງ​ເພີດ​ເພີນ​ກັບ​ການ​ຊຸມນຸມ​ຄັ້ງ​ໃຫຍ່ ​ໄດ້​ຈັດ​​ແຜນ​ຂຶ້ນຢ່າງ​ຕໍ່​ເນື່ອງ​ເຖິງ 3 ວັນ​ໃນ​ລັດ​ຕ່າງໆ ​ໂດຍ​ສະ​ເພາະ​ໃນ​ເຂດ Midwest ​ເຖິງ​ວ່າ​ຈະ​ມີ​ຄວາມ​ສ່ຽງ​ວ່າ​ນີ້​ຈະ​ເປັນ​ການ​ລວມກຸ່ມ​ຜູ້​ເຂົ້າຮ່ວມ​ຫລາຍ​ພັນ​ຄົນ​ທີ່​ບໍ່​ໄດ້​ໃສ່​ຜ້າ​ອັດ​ປາກ-ດັງ​ເຂົ້າ​ຮ່ວມ​ທ່າມກາງ​ການລະບາດ​ຂອງ COVID-19 ທີ່​ກຳລັງ​ທະວີ​ຄວາມ​ຮຸນ​ແຮງ​ຂຶ້ນອີກ.

ຫລັງ​ຈາກ​ມີ​ສະຖິຕິ​ຜູ້​ຕິດ​ເຊື້ອ COVID-19 ​ໃໝ່​ເກືອບ 84.000 ຄົນ​ໃນ​ວັນ​ທີ 23 ຕຸລາ​ຜ່ານ​ມາ ຜູ້​ຊ່ຽວຊານ​ຢ້ານ​ວ່າ​ຈະ​ມີ​ຜູ້​ຕິດ​ເຊື້ອ​ເພີ່ມ​ຂຶ້ນອີກ​ໃນ​ອາທິດ​ນີ້.

ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 27 ຕຸລາ 2020
error: Alert: Content is protected !!