ອິດສະລາແອນໂຈມຕີບ່ອນຮາບ ສູງໂກລັນຄັ້ງທີ 3 ໃນອາທິດດຽວ

- advert banner 728 90 728x90 - ອິດສະລາແອນໂຈມຕີບ່ອນຮາບ ສູງໂກລັນຄັ້ງທີ 3 ໃນອາທິດດຽວ

- kolanisrael - ອິດສະລາແອນໂຈມຕີບ່ອນຮາບ ສູງໂກລັນຄັ້ງທີ 3 ໃນອາທິດດຽວ

- new3 - ອິດສະລາແອນໂຈມຕີບ່ອນຮາບ ສູງໂກລັນຄັ້ງທີ 3 ໃນອາທິດດຽວ

ກອງທັບ​ອິດສະ​ລາ​ແອນ​ໂຈມ​ຕີ​ພື້ນທີ່ຢຶດຄອງ​ຂອງ​ຊີຣີຢູ່​ບ່ອນ​ຮາບ​ສູງ​ໂກ​ລັນ ​ເຊິ່ງ​ເປັນ​ພື້ນທີ່​ຂັດ​ແຍ່ງ​ລະຫວ່າງ​ສອງ​ປະ​ເທດ ​ເປັນ​ຄັ້ງທີ 3 ພາຍ​ໃນ​ໄລຍະ​ເວລາ​ພຽງ 1 ອາທິດ ຍິ່ງ​ເຮັດ​ໃຫ້​ສົງຄາມ​ກາງ​ເມືອງ​ຢູ່​ຊີຣີ​ເຄັ່ງ​ຕຶງ​ຂຶ້ນອີກ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ດາ​ມັດ​ກັດ ປະ​ເທດ​ຊີຣີ ​ໃນ​ວັນ​ທີ 29 ມິຖຸນາ​ນີ້​ວ່າ: ອົງການ​ສັງ​ເກດ​ການ​ດ້ານ​ສິດທິ​ມະນຸດ​ຊີຣີ (SOHR) ລາຍ​ງານ​ໃນ​ວັນ​ທີ 28 ມິຖຸນາ​ນີ້​ວ່າ: ກອງທັບ​ອິດສະ​ລາ​ແອນ​ປະຕິບັດ​ການ​ໂຈມ​ຕີ​ພື້ນທີ່​ບໍລິ​ເວນ​ບ້ານ​ຊາ​ມາດາ​ນີ ອັດ ຊາ​ກິ​ເຍາະ ຢູ່​ແຂວງ​ກູ​ເນຕຣາ ທາງ​ຕາ​ເວັນ​ຕົກ​ສຽງ​ໃຕ້​ຂອງ​ຊີຣີ ​ເຊິ່ງມີ​ອານາ​ເຂດ​ຕັ້ງຢູ່​ບ່ອນ​ຮາບ​ສູງ​ໂກ​ລັນ ພື້ນທີ່​ຂັດ​ແຍ່ງ​ລະຫວ່າງ​ອິດສະ​ລາ​ແອນ​ກັບ​ຊີຣີ ​ໂດຍ​ກອງທັບ​ອິດສະ​ລາ​ແອນ​ອ້າງ​ວ່າ​ເປ​ັນການ​ຕອບ​ໂຕ້​ການ​ຍິງ​ປືນ​ໃຫຍ່​ຂອງ​ກອງທັບ​ຊີຣີ ​ເຊິ່ງ​ໂຈມ​ຕີ​ບໍລິ​ເວນ​ທີ່​ເປັນ​ເຂດຢຶດຄອງ​ຂອງ​ອິດສະ​ລາ​ແອນ​ຢູ່​ບ່ອນ​ຮາບ​ສູງ​ໂກ​ລັນ​ກ່ອນ.

- qh2fi004 - ອິດສະລາແອນໂຈມຕີບ່ອນຮາບ ສູງໂກລັນຄັ້ງທີ 3 ໃນອາທິດດຽວ

- lattana 1 - ອິດສະລາແອນໂຈມຕີບ່ອນຮາບ ສູງໂກລັນຄັ້ງທີ 3 ໃນອາທິດດຽວ

​ເຫດການ​ດັ່ງກ່າວ​ເກີດ​ຂຶ້ນ​ໃນ​ເວລາ​ດຽວ​ກັບ​ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ຜູ້ນຳ​ອິດສະ​ລາ​ແອນ ​ເດີນທາງ​ໄປ​ທ້ອງ​ຖິ່ນ​ແຄ​ດຊາຣິນ ທາງ​ຕອນ​ໃຕ້​ຂອງ​ບ່ອນ​ຮາບ​ສູງ​ໂກ​ລັນ ​ເພື່ອ​ຮ່ວມ​ພິທີ​ສະ​ເຫລີ​ມສະຫລອງ​ຄົບຮອບ 40 ປີ​ການ​ສ້າງຕັ້ງນິຄົມ​ຢິວ​ແຫ່ງ​ນີ້ ​ເຊິ່ງທ່ານ ​ເນ​ຕັນ​ຢາ​ຮູ ກ່າວ​ວ່າ: ກອງທັບ​ອິດສະ​ລາ​ແອນ​ບໍ່​ເຄີຍ​ລັງ​ເລ​ທີ່​ຈະ​ຕອບ​ໂຕ້​ການ​ໂຈມ​ຕີ​ທຸກ​ຮູບ​ແບບ​ຈາກ​ກອງທັບ​ຊີຣີ. ​ເຖິງ​ຢ່າງ​ໃດ​ກໍ​ຕາມ, ກອງທັບ​ອິດສະ​ລາ​ແອນ​ບໍ່​ໄດ້​​ເປີດ​ເຜີຍ​ຢ່າງ​ຈະ​ແຈ້ງວ່າ: ​ໃຊ້​ການ​ຍິງ​ປືນ​ໃຫຍ່ ຫລື ​ໂຈມ​ຕີ​ທາງ​ອາກາດ​ໃນ​ຄັ້ງນີ້, ​ແຕ່​ປະຕິບັດ​ການ​ຂອງ​ກອງທັບ​ອິດສະ​ລາ​ແອນ​ບໍລິ​ເວນ​ຮາບ​ສູງ​ໂກ​ລັນ​ໃນ​ວັນ​ທີ 28 ມິຖຸນາ ​ຖື​ເປັນຄັ້ງທີ 3 ພາຍ​ໃນ​ໄລຍະ​ເວລາ​ພຽງ​ອາທິດ​ດຽວ.

error: Content is protected !!