ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ

ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ -                                                              - ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ
ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ - Untitled design - ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ

ແລງວັນທີ 26 ຕຸລານີ້ ທີ່ນະຄອນຫລວງວຽງຈັນ, ກະຊວງການຕ່າງປະເທດ ຮ່ວມກັບ ຫ້ອງການຜູ້ປະສານງານອົງການສະຫະປະຊາຊາດ ປະຈຳ ສປປ ລາວ ໄດ້ຈັດ “ງານລະລຶກວັນສ້າງຕັ້ງອົງການສະຫະປະຊາຊາດ (ສປຊ) ຄົບຮອບ 75 ປີ (24 ຕຸລາ 1945 – 24 ຕຸລາ 2020)” ໂດຍການເປັນເຈົ້າພາບຮ່ວມຂອງທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແລະ ທ່ານ ນາງ ຊາຣາ ເຊັກເກນເນັສ (Ms. Sara Sekkenes) ຜູ້ປະສານງານອົງການ ສປຊ ປະຈຳ ສປປ ລາວ.ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ - 741 300x200 - ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ

ການສະເຫລີມສະຫລອງວັນສ້າງຕັ້ງອົງການ ສປຊ ຄົບຮອບ 75 ປີ ໃນຄັ້ງນີ້ແມ່ນກົງກັບວັນຄົບຮອບ 65 ປີ ທີ່ປະເທດລາວເຮົາເຂົ້າເປັນສະມາຊິກຂອງອົງການດັ່ງກ່າວ (1955-2020) ເຊິ່ງໃນປີນີ້ອົງການ ສປຊ ໄດ້ສະເຫລີມສະຫລອງພາຍໃຕ້ຄໍາຂວັນ “ອະນາຄົດທີ່ພວກເຮົາຕ້ອງການ, ອົງການ ສປຊ ທີ່ພວກເຮົາປາດຖະໜາ: ຢັ້ງຢືນຄືນໃໝ່ເຖິງຄວາມໝາຍໝັ້ນລວມຂອງວົງຄະນະຍາດສາກົນຕໍ່ການຮ່ວມມືຫລາຍຝ່າຍ” (The Future we want, the United Nations we need: reaffirming our collective commitment to multilateralism).

ໃນພິທີ, ທ່ານລັດຖະມົນຕີກະຊວງການຕ່າງປະເທດ ແລະ ຜູ້ປະສານງານອົງການ ສປຊ ປະຈຳ ສປປ ລາວ ໄດ້ຮ່ວມກັນເປີດພິທີ ແລະ ໃຫ້ກຽດຂຶ້ນກ່າວບົດປາໄສ ໂດຍໄດ້ສະແດງຄວາມຊົມເຊີຍຕໍ່ຜົນສຳເລັດຂອງອົງການ ສປຊ ໃນການເຮັດໜ້າທີ່ປົກປັກຮັກສາສັນຕິພາບ ແລະ ຄວາມໝັ້ນຄົງສາກົນ, ສົ່ງເສີມການຮັດແໜ້ນສາຍພົວພັນມິດຕະພາບ ແລະ ການຮ່ວມມືຂອງບັນດາປະຊາຊາດໃນທົ່ວໂລກ ເພື່ອພ້ອມກັນພັດທະນາຕາມທິດຍືນຍົງ, ພ້ອມທັງໄດ້ຕີລາຄາສູງຕໍ່ການຮ່ວມມື ລະຫວ່າງ ສປປ ລາວ ແລະ ອົງການ ສປຊ ໃນໄລຍະຜ່ານມາ ໂດຍສະເພາະແມ່ນການຮ່ວມມືໃນຂົງເຂດວຽກງານຫລຸດຜ່ອນຄວາມທຸກຍາກ, ການສຶກສາ, ສາທາລະນະສຸກ,  ການສົ່ງເສີມບົດບາດຍິງ-ຊາຍ, ການແກ້ໄຂບັນດາລະເບີດຕົກຄ້າງບໍ່ທັນແຕກ, ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງຢູ່ ສປປ ລາວ ແລະ ຂົງເຂດ ອື່ນໆ ຊຶ່ງເຫັນວ່າມີຜົນສຳເລັດເປັນກ້າວໆມາ, ​ແຕ່ຄຽງຄູ່ກັນນັ້ນ ກໍຍັງມີສິ່ງທ້າທາຍຫລາຍຢ່າງ ເປັນຕົ້ນການສະໜອງທຶນເພື່ອການພັດທະນາຂອງອົງການ ສປຊ ມີທ່າອ່ຽງຫລຸດລົງຢ່າງຕໍ່ເນື່ອງ ແລະ ໃນປັດຈຸບັນສິ່ງທ້າທາຍໃໝ່ທີ່ເກີດຈາກການແຜ່ລະບາດຂອງພະຍາດ Covid-19 ໄດ້ຮຽກຮ້ອງໃຫ້ພວກເຮົາຕ້ອງໄດ້ເພີ່ມທະວີການຮ່ວມມືກັນໃນການຟື້ນຟູຜົນກະທົບທັງໄລ ຍະສັ້ນ ແລະ ໄລຍະຍາວ. ສປປ ລາວ ແລະ ອົງການ ສປຊ ຈະໄດ້ສືບຕໍ່ເພີ່ມທະວີການຮ່ວມມືໃຫ້ກ້າວສູ່ລວງເລິກ ໂດຍສະເພາະແມ່ນການຮ່ວມມືພາຍໃຕ້ຂອບການຮ່ວມມື ລະຫວ່າງ ລັດຖະບານລາວ ແລະ ອົງການສະຫະປະຊາຊາດ 2017-2021 ເພື່ອຍົກລະດັບການຮ່ວມມືຂື້ນສູ່ລະດັບສູງ. ພ້ອມດຽວກັນ ກໍໄດ້ເສີມຂະຫຍາຍທ່າແຮງດ້ານຕ່າງໆ ລວມທັງກົນໄກການລະດົມທຶນຮອນ ເພື່ອໃຫ້ສາມາດບັນລຸເປົ້າໝາຍການພັດທະນາແບບຍືນຍົງ ແລະ ຜ່ານຜ່າຜົນກະທົບຂອງໄພພິບັດ ແລະ ການແຜ່ລະບາດຂອງພະຍາດໂຄວິດ-19 ທີ່ພວກເຮົາຜະເຊີນໜ້າໃນປັດຈຸບັນ.

ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ - 147 300x200 - ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ

ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ - Wave100S AD to Website 2020 0 - ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ

ອົງການ ສປຊ ກັບ ສປປ ລາວ ໄດ້ມີການຮ່ວມມືທີ່ຍາວນານ ແລະ ແມ່ນຄູ່ຮ່ວມງານຫລັກດ້ານການພັດທະນາຂອງລັດຖະບານ ທີ່ໄດ້ເຮັດວຽກຢ່າງຕັ້ງໜ້າໃນການຊຸກຍູ້ຂະແໜງການພັດທະນາດ້ານຕ່າງໆຢູ່ ສປປ ລາວ ເຊິ່ງໄດ້ຮັບຜົນສຳເລັດເປັນກ້າວໆມາ ໂດຍສະເພາະແມ່ນການປະກອບສ່ວນຊ່ວຍເຫລືອລັດຖະບານໃນການຈັດຕັ້ງເປົ້າໝາຍສະຫັດສະວັດດ້ານການພັດທະນາ (MDGs) ໃນເມື່ອກ່ອນ ແລະ ໃນປັດຈຸບັນ ເພື່ອໃຫ້ບັນລຸການພັດທະນາແບບຍືນຍົງຢູ່ ສປປ ລາວ ແລະ ແກ້ໄຂສິ່ງທ້າທາຍຕ່າງໆດ້ານການພັດທະນາ ໂດຍພາຍໃຕ້ຄຳຂວັນທີ່ວ່າ “ພວກເຮົາຈະພ້ອມກັນກ້າວໄປ” (Leaving No One Behind). ໃນຕອນທ້າຍພິທີ ບັນດາທ່ານແຂກທີ່ເຂົ້າຮ່ວມໄດ້ພ້ອມກັນນັບຖອຍຫລັງເພື່ອເປີດໄຟ 17 ສີ ທີ່ເປັນສັນຍາລັກຂອງເປົ້າໝາຍການພັດທະນາແບບຍືນຍົງ (SDGs) ສ່ອງໃສ່ປະຕູໄຊອີກດ້ວຍ.

ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ - WhatsApp Image 2020 05 27 at 5 - ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ
ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ - WhatsApp Image 2020 05 27 at 5 - ລາວສະຫລອງວັນສ້າງຕັ້ງອົງການສະຫະປະຊາຊາດ ຄົບຮອບ 75 ປີ
error: Alert: ເນື້ອຫາຂ່າວມີລິຂະສິດ !!