ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE )

ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE ) - 555 53 - ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE )
ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE ) - 174233 - ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE )

ວັນທີ 27 ຕຸລາ 2020 ນີ້ ແຂວງຈໍາປາສັກ ອອກແຈ້ງການສະບັບເລກທີ 2018/ຈຂ.ຈສ ໃຫ້ຮູ້ວ່າ:  ປະທານຄະນະກໍາມະການຄຸ້ມຄອງໄພພິບັດແຂວງຈໍາປາສັກ ແຈ້ງມາຍັງພໍ່ແມ່ປະຊາຊົນ, ອົງການປົກຄອງທ້ອງຖິ່ນທຸກພາກສ່ວນຊາວແຂວງຈໍາປາສັກຊາບວ່າ ໃນລະຫວ່າງວັນທີ 28 ຫາ 29 ຕຸລາ 2020ນີ້ ພະຍຸໄຕ້ ຝຸ່ນໂມລາວ ( TY MOLAVE ) ຫົວທີ 18 ປະຈໍາປີ 2020 ໃນເຂດດ້ານຕາເວັນຕົກຂອງມະຫາສະໝຸດປາຊີຟິກ ຕອນເຫນືອ. ເຊິ່ງໃນເວລາ 10 ໂມງ 45 ນາທີຂອງວັນທີ 26 ຕຸລາ 2020 ມີຈຸດສູນກາງເສັ້ນ ຂະໜານທີ 13.3 ອົງສາ ເໜືອ ແລະ ເສັ້ນແວງທີ 119.5 ອົງສາຕາເວັນອອກ, ພວມເຄື່ອນທີ່ມາທາງທິດຕາເວັນຕົກ ດ້ວຍຄວາມໄວ 25 ກິໂລແມັດຕໍ່ຊົ່ວໂມງ ແລະ ຄວາມໄວສູງສຸດຢູ່ໄກ້ສູນກາງຂອງພະຍຸແມ່ນ 126 ກິໂລແມັດຕໍ່ຊົ່ວໂມງ.

ຄາດຄະເນວ່າພະຍຸຫົວນີ້ ຈະເຄື່ອນຂຶ້ນຝັ່ງທາງພາກກາງຂອງ ສສ ຫວຽດນາມ ໃນຕອນເຊົ້າຂອງວັນທີ 28 ຕຸລາ 2020 ແລະ ຈະສືບຕໍ່ເຄື່ອນທີ່ ຜ່ານ ແຂວງເຊກອງ ແລະ ສາລະວັນ ໃນຕອນຄ່ໍາຂອງວັນທີ 28 ຫາຕອນເຊົ້າຂອງວັນທີ 29 ຕຸລາ 2020ນີ້. ເຊີ່ງເປັນຫົວທີ 6 ທີ່ເຄື່ອນທີ່ຜ່ານ ສປປ ລາວ ປະຈໍາປີນີ້. ຈາກນັ້ນຈະອ່ອນກໍາລັງລົງ ເປັນພະຍຸດີເປູ່ ຊັນ ແລະ ຍ່ອມຄວາມກົດດັນອາກາດຕໍ່າ ເຄື່ອນທີ່ຜ່ານປະເທດໄທຕາມລໍາດັບ, ເຊິ່ງຈະເຮັດໃຫ້ມີຝົນ ຕົກໜັກ ຫາ ຫນັກ ຫຼາຍ ພ້ອມມີລົມພັດແຮງຢູ່ບັນດາແຂວງພາກກາງ ແລະ ພາກໃຕ້ ໃນໄລຍະວັນທີ 28 ຫາ 29 2020ນີ້.

ດັ່ງນັ້ນ, ຈິ່ງແຈ້ງເຕືອນເຖິງປະຊາຊົນບັນດາເຜົ່າ ແລະ ອົງການປົກຄອງທ້ອງຖິ່ນ ທຸກພາກສ່ວນ ໂດຍສະເພາະ ແມ່ນປະຊາຊົນຊາວແຂວງຈໍາປາສັກ ຈົ່ງມີສະຕິລະມັດລະວັງ ຕໍ່ສະພາບຝົນຕົກໜັກ ແລະ ລົມພັດແຮງ ທີ່ຈະເຮັດໃຫ້ລະດັບນ້ໍາສາຂາ ສືບຕໍ່ສູງຂຶ້ນຕື່ມອີກ ແລະ ຈະເຮັດໃຫ້ມີນໍ້າຖ້ວມອັ່ງ, ຕົ້ນໄມ້ຫັກລົ້ມ ແລະ ເຮືອນຊານເປ່ເພ, ພ້ອມນີ້ ໃຫ້ກຽມຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມການແຈ້ງເຕືອນໄພ ຈາກກົມ ອຸຕຸນິຍົມ ແລະ ອຸທົກກະສາດ ແລະ ພາກສ່ວນທີ່ກ່ຽວຂ້ອງຢ່າງໄກ້ຊິດ.

ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE ) - Wave100S AD to Website 2020 0 - ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE )

ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE ) - CamScanner 10 27 2020 11 - ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE )

ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE ) - WhatsApp Image 2020 05 27 at 5 - ແຂວງຈໍາປາສັກ ແຈ້ງເຕືອນໄພພະຍຸໄຕ້ຝຸ່ນ ໂມລາເວ ( TY MOLAVE )
error: Alert: Content is protected !!