ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021

ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021 -                                                           - ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021
ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021 - 174233 - ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021

ເພື່ອຜັນຂະຫຍາຍແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX (2021-2025) ລັດຖະບານໄດ້ມີແຜນພັດທະນາເສດຖະກິດ-ສັງຄົມ ປະຈໍາປີ 2021 ດັ່ງນີ້: ນໍາພາປະເທດຊາດໃຫ້ສາມາດບັນລຸເງືີ່ອນໄຂການຫລຸດພົົ້ນອອກຈາກສະຖານະພາບຄວາມດ້ອຍພັດທະນາ (LDC), ປະຕິບັດເປົ້າໝາຍພັດທະນາແບບຍືນຍົງ (SDGs), ຜັນຂະຫຍາຍຍຸດທະສາດການເຕີບໂຕສີຂຽວ; ຮັບປະກັນການພັດທະນາໄປຕາມທິດຍືນຍົງ, ສົມດຸນ ແລະ ສີຂຽວ; ຮັບປະກັນໃຫ້ເສດຖະກິດມະຫາພາກມີສະຖຽນລະພາບ ແລະ ສົມດຸນກວ່າເກົ່າ. ນີ້ແມ່ນບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2020 ແລະ ແຜນການປະຈໍາປີ 2021 ຂອງ​ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຕໍ່ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດຊຸດທີ VIII ໃນວັນທີ 27 ຕຸລານີ້ ທີ່ນະຄອນຫລວງວຽງຈັນ.

ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021 - KLS 0537 01 300x200 - ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021

ບົດລາຍງານໃຫ້ຮູ້ຕື່ມວ່າ: ສຳລັບທິດທາງລວມແມ່ນຮັບປະກັນໃຫ້ມີສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມຢ່າງໜັກແໜ້ນ, ສ້າງສັງຄົມສາມັກຄີປອງດອງ, ປອດໄພ, ສີວິໄລ ແລະ ຍຸຕິທໍາ; ປະຕິຮູບໂຄງສ້າງເສດຖະກິດເພື່ອຍູ້ເສດຖະກິດໃຫ້ສືບຕໍ່ຂະຫຍາຍຕົວດ້ວຍຄຸນນະພາບທີ່ດີຂຶ້ນ ດ້ວຍການປະຕິຮູບໂຄງສ້າງເສດຖະກິດໃຫ້ມີຄວາມສົມດຸນຕາມຂົງເຂດ, ຂະແໜງການ ແລະ ທ້ອງຖິ່ນ; ພັດທະນາຊັບພະຍາກອນມະນຸດໃຫ້ມີຄຸນນະພາບດີຂຶ້ນຕື່ມ ເພື່ອເປັນປັດໄຈຊຸກຍູູ້ການພັດທະນາເສດຖະກິດ-ສັງຄົມ, ພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນໃຫ້ມີຄຸນນະພາບຊີວິດທີ່ດີຂຶ້ນ; ຫັນເປັນອຸດສາຫະກໍາ ແລະ ທັນສະໄໝ ທີ່ຕິດພັນກັບອຸດສາຫະກໍາປຸງແຕ່ງ ແລະ ການຜະລິດເປັນສິນຄ້າ ໂດຍສະເພາະໃນຂະແໜງການ ແລະ ທ້ອງຖິ່ນທີ່ມີເງືີ່ອນໄຂຕິດພັນກັບການສົ່ງເສີມການຜະລິດ ແລະ ບໍລິການຕາມແລວທາງລົດໄຟລາວ-ຈີນ ໃນພື້ນທີ່ທີ່ມີທ່າແຮງຜະລິດເພືີ່ອເປັນສິນຄ້າ, ປັບປຸງການເຊື່ອມໂຍງ ແລະ ເຊື່ອມຈອດກັບພາກພື້ນ ແລະ ສາກົນ; ພັດທະນາເສດຖະກິດທີ່ສະອາດ ແລະ ເປັນມິດຕໍ່ສິ່ງແວດລ້ອມ, ປົກປັກຮັກສາ ແລະ ນໍາໃຊ້ຊັບພະຍາກອນທໍາມະຊາດຢ່າງສົມເຫດສົມຜົນ, ຍືນຍົງ, ປະຢັດ ແລະ ມີປະສິດທິຜົນສູງສຸດ; ສົ່ງເສີມການຜະລິດອຸດສາຫະກໍາຂະໜາດນ້ອຍ ແລະ ຂະໜາດກາງ (SMEs), ສ້າງ ແລະ ຂະຫຍາຍຕົວແບບໃນການຜະລິດໃຫ້ຫລາຍຂຶ້ນ ແລະ ກະກຽມຂະຫຍາຍກວ້າງອອກ; ພ້ອມກັນນີ້, ເອົາໃຈໃສ່ປະຕິຮູບລະບົບການບໍລິການຂອງລັດໃຫ້ມີຄວາມໂລ່ງລ່ຽນ, ກະທັດຮັດ, ວ່ອງໄວ, ໂປ່ງໃສ ໂດຍການຫັນເປັນທັນສະໄໝບົນຈິດໃຈຮັບໃຊ້ ແລະ ບໍລິການປະຊາຊົນຢ່າງແທ້ຈິງ; ເພີ່ມທະວີການຮ່ວມມືກັບບັນດາປະເທດເພື່ອນມິດ ແລະ ຄູ່ຮ່ວມພັດທະນາ, ຕາມຫລັກການຕ່າງຝ່າຍຕ່າງໄດ້ຮັບຜົນປະໂຫຍດ, ເປັນເຈົ້າການເຂົ້າຮ່ວມຂະບວນການເຊື່ອມໂຍງ ແລະ ເຊື່ອມຈອດກັບພາກພື້ນ ແລະ ສາກົນ.

ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021 - Wave100S AD to Website 2020 0 - ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021

ນອກຈາກນີ້, ສືບຕໍ່ພັດທະນາຊົນນະບົດ ແລະ ແກ້ໄຂຄວາມທຸກຍາກ ຕິດພັນກັບວຽກງານສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ (3 ສ້າງ) ຢ່າງແຂງແຮງ ແລະ ເຂົ້າສູ່ລວງເລິກ ແລະ ສ້າງສະຕິສັງຄົມໃຫ້ຫັນປ່ຽນການດໍາລົງຊີວິດປະຈໍາວັນ, ການທໍາມາຫາກິນດ້ວຍວິຖີໃໝ່ແບບປົກກະຕິ (New Normal) ເຖິງແມ່ນວ່າສະພາບການລະບາດຂອງພະຍາດໂຄວິດ-19 ຢູ່ລາວຍັງຢູ່ໃນໄລຍະຫລໍ່ແຫລມຢູ່ ຫລື ພາຍຫລັງໄດ້ມີການຄວບຄຸມໄດ້ແລ້ວນັ້ນກໍໃຫ້ສັງຄົມຂອງປະເທດເຮົາຫັນໄປສູ່ອັນໃໝ່ທີ່ກ້າວໜ້າ ທັນສະໄໝ ແລະ ມີລະບຽບວິໄນດີຂຶ້ນກວ່າເກົ່າ.

ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021 - WhatsApp Image 2020 05 27 at 5 - ຈຸດໝາຍຂອງແຜນພັດທະນາເສດຖະກິດ-ສັງຄົມລາວເຮົາປີ 2021
error: Alert: Content is protected !!