ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ

ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ -                                                                                   - ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ
ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ - 174233 - ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ

ທ່ານ ນາງ ວຽງທອງ ສີພັນດອນ ປະທານອົງການກວດສອບແຫ່ງລັດ ໄດ້ລາຍງານຜົນການກວດສອບບົດສະຫລຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2019 ຜ່ານ​ມາ​ຕໍ່​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 10 ຂອງ​ສະພາ​ແຫ່ງ​ຊາດ ຊຸດ​ທີ VIII ​ໃນ​ວັນ​ທີ 27 ຕຸລາ​ນີ້ວ່າ: ໄດ້ກວດສອບເຫັນລາຍຮັບເພີ່ມທີ່ບໍ່ມອບເຂົ້າງົບປະມານແຫ່ງລັດຫລາຍ​ກວ່າ 337 ຕື້ກີບ, ໃນນັ້ນ ຂັ້ນສູນກາງມີ 194,15 ຕື້ກີບ ແລະ ຂັ້ນທ້ອງຖິ່ນ 142,86 ຕື້ກີບ ຄື: ລາຍ​ຮັບສ່ວຍສາອາກອນຫລາຍ​ກວ່າ 187 ຕື້ກີບ, ​ໃນ​ນັ້ນ ຢູ່ຂັ້ນສູນກາງມີ 171,73 ຕື້ກີບ; ຄຸ້ມຄອງຊັບສິນຂອງລັດ 23,23 ຕື້ກີບ ​ແລະ ລາຍຮັບອື່ນໆອີກ​ຫລາຍ​ກວ່າ 113 ຕື້ກີບ. ສຳລັບກວດສອບເຫັນເພີ່ມລາຍຈ່າຍທີ່ເອົາລາຍຮັບຈາກການກວດສອບເຫັນເພີ່ມ ແລະ ລາຍຈ່າຍລ່ວງໜ້າໃນລະບົບຄັງເງິນສົດແຫ່ງຊາດ ຈຳນວນ 113,63 ຕື້ກີບ, ໃນນັ້ນ ຂັ້ນສູນກາງ 6,95 ຕື້ກີບ ແລະ ຂັ້ນທ້ອງຖິ່ນ 106,68 ຕື້ກີບ. ພ້ອມນີ້, ການຄຸ້ມຄອງລາຍຮັບ-ລາຍຈ່າຍ ໄດ້ກວດສອບເຫັນໜີ້ຕ້ອງຮັບຂອງສ່ວຍສາອາກອນ ຈຳນວນ 1.329,21 ຕື້ກີບ ໃນນີ້ຂັ້ນສູນກາງມີ 667,70 ຕື້ກີບ: ໜີ້ຄ້າງຮັບປີຜ່ານມາ 271,21 ຕື້ກີບ ແລະ ເກີດຂຶ້ນໃນປີ 2019 ຜ່ານ​ມາ 396,49 ຕື້ກີບ; ຂັ້ນທ້ອງຖິ່ນມີ 661,51 ຕື້ກີບ, ໃນນັ້ນ ໜີ້ຄ້າງຮັບປີຜ່ານມາ 587,64 ຕື້ກີບ ແລະ ເກີດຂຶ້ນໃນປີ 73,87 ຕື້ກີບ ​ແລະ ກວດເຫັນໜີ້ຕ້ອງຮັບຂອງຊັບສິນຂອງລັດ ມີຈຳນວນຫລາຍ​ກວ່າ 1.040 ຕື້ກີບ ມີຂັ້ນສູນກາງ 695,28 ຕື້ກີບ ໃນນີ້ໜີ້ຄ້າງຮັບໃນປີຜ່ານມາຈຳນວນ 514,35 ຕື້ກີບ ແລະ ເກີດຂຶ້ນໃນປີ ຈຳນວນ 180,93 ຕື້ກີບ, ຂັ້ນທ້ອງຖິ່ນ 344,74 ຕື້ກີບ ໃນນັ້ນໜີ້ຄ້າງຮັບປີຜ່ານມາ 323,17 ຕື້ກີບ ແລະ ເກີດຂຶ້ນໃນປີ ຈຳນວນ 21,57 ຕື້ກີບ.

ປະທານ​ອົງການ​ກວດ​ສອບ ​ໃຫ້​ຮູ້​ຕື່ມ​ວ່າ: ພ້ອມ​ນີ້​ຍັງ​ກວດ​ເຫັນ​ໜີ້​ຕ້ອງ​ຮັບ​ຂອງ​ບັນດາ​ຫົວໜ່ວຍ​ງົບປະມານ ຈຳນວນ 422,49 ຕື້ກີບ ​ໃນ 145 ​ໂຄງການ ທີ່​ສະພາ​ໄດ້​ຮັບຮອງ ບໍ່​ໄດ້​ດຳ​ເນີນ​ຂັ້ນຕອນ​ຕາມ​ກົດໝາຍ​ວ່າ​ດ້ວຍ​ການ​ລົງທຶນ​ຂອງ​ລັດ​ເຊັ່ນ: ມີ 65 ​ໂຄງການ ມູນ​ຄ່າ 384,33 ຕື້ກີບ ບໍ່​ໄດ້​ດຳ​ເນີນ​ຂັ້ນຕອນ​ການ​ປະ​ເມີນ​ກ່ອນ​ສະ​ເໜີ​ເຂົ້າ​ແຜນການ​ລົງທຶນ​ຂອງ​ລັດ ​ແລະ ບໍ່​ໄດ້​ດຳ​ເນີນ​ການ​ປະມູນ; 8 ​ໂຄງການ​ມີ​ມູນ​ຄ່າ 266,52 ຕື້ກີບ ​ປະກອບ​ເອກະສານ​ບໍ່​ຄົບ​ຖ້ວນ ​ແລະ ບໍ່​ມີ​ຂໍ້​ຕົກລົງ​ແຕ່ງຕັ້ງຄະນະ​ຮັບຜິດຊອບ; 1 ​ໂຄງການ​ເຊັນ​ສັນຍາ​ເກີນ​ມູນ​ຄ່າ ທີ່​ສະພາ​ແຫ່ງ​ຊາດ​ຮັບຮອງ​ຈຳນວນ 10,22 ຕື້ກີບ; 4 ​ໂຄງການ​ມູນ​ຄ່າ 393,97 ຕື້ກີບ ທີ່​ບໍລິສັດ​ຮັບ​ເໝົາ​ກໍ່ສ້າງ​ບໍ່​ໄດ້​ວາງ​ເງິນ​ຄ້ຳປະກັນ​ສັນຍາ​ໂຄງການ 39,40 ຕື້ກີບ.

ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ - Wave100S AD to Website 2020 0 - ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ
ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ - WhatsApp Image 2020 05 27 at 5 - ກວດສອບເຫັນລາຍຮັບບໍ່ມອບເຂົ້າງົບປະມານຫລາຍກວ່າ 337 ຕື້ກີບ
error: Alert: Content is protected !!