ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ

ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ -                    - ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ
ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ - 174233 - ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ

ໃນວາລະດຳເນີນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ວັນທີ 27 ຕຸລານີ້, ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ປະທານອົງການກວດກາລັດຖະບານ ໄດ້ລາຍງານຜົນການກວດກາຕາມຜົນການກວດສອບ ປີ 2018 ກ່ຽວກັບການໃຫ້ເຊົ່າ-ສຳປະທານດິນລັດທີ່ບໍ່ໄດ້ເຮັດສັນຍາເຊົ່າ-ສຳປະທານຢູ່ 4 ແຂວງຄື: ແຂວງຜົ້ງສາລີ, ຫລວງພະບາງ, ເຊກອງ ແລະ ແຂວງອັດຕະປື.

ຕາມຂໍ້ມູນຈາກອົງການກວດສອບສົ່ງໃຫ້ສະເພາະແຂວງຜົ້ງສາລີມີ 112 ໂຄງການ ເນື້ອທີ່ 12.660 ກວ່າເຮັກຕາ, ຜ່ານການກວດກາບັນຊີໂຄງການມີ 99 ໂຄງການ ເນື້ອທີ່ 13.320 ກວ່າເຮັກຕາ ບໍ່​ມີ​ສັນຍາ ​ແລະ ມີ 13 ໂຄງການ ເນື້ອທີ່ 2,58 ເຮັກຕາ ແມ່ນມີຊື່ຊ້ຳຊ້ອນກັນ ແລະ ກວດກາສຳເລັດແລ້ວ 86 ໂຄງການ. ຢູ່ແຂວງຫລວງພະບາງມີ 24 ໂຄງການ ເນື້ອທີ່ 210,35 ເຮັກຕາ, ຜ່ານການກວດກາຕາມບັນຊີໂຄງການມີ 23 ໂຄງການ ເນື້ອທີ່ 237,72 ເຮັກຕາ, 2 ໂຄງການໂຮມເຂົ້າກັນ ເນື້ອທີ່ໄດ້ເພີ່ມຂຶ້ນຈາກຂໍ້ມູນອົງການກວດສອບສົ່ງໃຫ້ 27,37 ເຮັກຕາ, ໃນນີ້ໄດ້ກວດກາສຳເລັດແລ້ວ 14 ໂຄງການ ເນື້ອທີ່ 211,02 ເຮັກຕາ, ​ໃນ​ນີ້ມີ 8 ໂຄງການ ໄລຍະສຳປະທານ 5 ປີ (2019-2024) ລວມຄ່າສໍາປະທານ 74,16 ລ້ານກີບ, ຍັງຄ້າງສຳປະທານ 65,42 ລ້ານກີບ; ມີ 1 ໂຄງການ ໄລຍະສຳປະທານ 50 ປີ (2019-2069), ຄ່າສຳປະທານແມ່ນ 651.932 ໂດລາສະຫະລັດ ຍັງຢູ່ໃນໄລຍະຍົກເວັ້ນ ຈົນຮອດປີ 2023 ຈຶ່ງເລີ່ມເກັບ; ມີ 1 ໂຄງ ການພັດທະນາແຫລ່ງທ່ອງທ່ຽວຕາດທອງ ນະຄອນຫລວງພະບາງ ໄລຍະສຳປະທານ 40 ປີ (2005-2045) ໂຄງການດັ່ງກ່າວຢຸດການດໍາເນີນກິດຈະການໃນປີ 2008 ແລະ ມີ 4 ໂຄງການ ຍັງບໍ່ໄດ້ເຮັດສັນຍາສຳປະທານທີ່ດິນ, ຍັງຢູ່ໃນຂັ້ນຕອນລົງສຳຫລວດ-ວັດແທກເນື້ອທີ່ດິນ.

ແຂວງເຊກອງ: ຕາມຂໍ້ມູນອົງການກວດສອບສົ່ງໃຫ້ມີ 3 ໂຄງການ, ເນື້ອທີ່ 207,70 ເຮັກຕາ ບໍ່ໄດ້ເຮັດສັນຍາເຊົ່າ-ສຳປະທານ ຜ່ານການກວດກາເຫັນວ່າມີ 1 ໂຄງການຈະສ້າງໂຮງແຮມ 5 ດາວ ເຊິ່ງຢູ່ໃນຂັ້ນຕອນເຮັດສັນຍາພັດທະນາໂຄງການ, ມີ 1 ໂຄງການຈະປູກພືດເປັນສິນຄ້າ ຍັງຄ້າງມອບເງິນຄ້ຳປະກັນສັນຍາ ຈຳນວນ 15.000 ໂດລາສະຫະລັດ ແລະ ໂຄງການປູກໄມ້ອຸດສາຫະກຳຕາມລະບຽບການເງິນຄ້ຳປະກັນ 30.000 ໂດລາສະຫະລັດ ແຕ່ວາງເງິນຄໍ້າປະກັນບໍ່ຄົບ 15.000 ໂດລາສະຫະລັດ.

ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ - Wave100S AD to Website 2020 0 - ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ

ສ່ວນຢູ່ແຂວງອັດຕະປື: ຕາມຂໍ້ມູນອົງການກວດສອບສົ່ງໃຫ້ມີ 11 ໂຄງການ ເນື້ອທີ່ 17,92 ເຮັກຕາ ທີ່ບໍ່ທັນໄດ້ເຮັດສັນຍາເຊົ່າ-ສຳປະທານ, ຜ່ານການກວດກາຕົວຈິງເຫັນວ່າພາຍຫລັງກວດສອບໄດ້ສຳເລັດແລ້ວ ແມ່ນໄດ້ເຮັດສັນຍາເຊົ່າ-ສຳປະທານ ໄລຍະເວລາ 30 ປີ ໃນໄລຍະເວລາກໍ່ສ້າງເຂື່ອນ ເຊິ່ງເລີ່ມແຕ່ປີ 2018-2021 ໄລຍະນີ້ບໍລິສັດຕ້ອງຈ່າຍຄ່າເຊົ່າ 2.937 ໂດລາສະຫະລັດຕໍ່ປີ. ພາຍຫລັງປີ 2021 ເປັນຕົ້ນໄປ 5 ປີໃດ ຄ່າສຳປະທານຕ້ອງເພີ່ມຂຶ້ນ 10% ແຕ່ມາຮອດປັດຈຸບັນຍັງຄ້າງມອບຄ່າເຊົ່າ-ສຳປະທານ.

ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ - WhatsApp Image 2020 05 27 at 5 - ຜົນການກວດກາການໃຫ້ເຊົ່າ-ສຳປະທານດິນລັດ ທີ່ບໍ່ມີສັນຍາຢູ່ 4 ແຂວງ
error: Alert: Content is protected !!