ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ ຄັ້ງທີ VIII ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ  ຄັ້ງທີ VIII ໄຂຂຶ້ນຢ່າງເປັນທາງການ -                                                                                      - ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ  ຄັ້ງທີ VIII ໄຂຂຶ້ນຢ່າງເປັນທາງການ
ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ  ຄັ້ງທີ VIII ໄຂຂຶ້ນຢ່າງເປັນທາງການ - 174233 - ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ  ຄັ້ງທີ VIII ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ ຄັ້ງທີ VIII ໄດ້ໄຂຂຶ້ນຢ່າງເປັນທາງການ ໃນວັນທີ 29 ຕຸລານີ້ ໂດຍການເປັນປະທານຂອງ ສະຫາຍ ວິໄລວົງ ບຸດດາຄໍາ ກໍາມະການສູນກາງພັກ, ເລຂາພັກແຂວງ, ເຈົ້າແຂວງຈໍາປາສັກ, ໃຫ້ກຽດເຂົ້າຮ່ວມຂອງ ສະຫາຍ ພັນຄໍາ ວິພາວັນ ກຳມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຜູ້ແທນສົມບູນຈຳນວນ 410 ສະຫາຍ, ຍິງ 43 ສະຫາຍ ທີ່ເປັນຕົວແທນໃຫ້ສະມາຊິກພັກທົ່ວແຂວງຈໍາປາສັກ ທັງໝົດ 27.311 ສະຫາຍ ເຂົ້າຮ່ວມ.

ສະຫາຍ ວິໄລວົງ ບຸດດາຄຳ ໄດ້ຂຶ້ນກ່າວໄຂກອງປະຊຸມ ແລະ ຮ່າງລາຍງານການເມືອງ ໂດຍໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ຜົນງານ ທີ່ແຂວງຈຳປາສັກຍາດມາໄດ້ໃນໄລຍະຜ່ານມາ ເຊິ່ງມີຫລາຍວຽກງານໄດ້ຮັບການພັດທະນາເປັນກ້າວໆມາ ອັນໄດ້ເຮັດໃຫ້ແຂວງມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍໂດຍພື້ນຖານ, ເສດຖະກິດສືບຕໍ່ຂະຫຍາຍຕົວໃນທ່ວງທ່າທີ່ດີ ​ໃນອັດຕາການເຕີບໂຕສະເລ່ຍ 7,36%, ສະເລ່ຍລາຍ​ຮັບ​ຂອງ​ພົນລະ​ເມືອງ​ບັນລຸໄດ້ 27,01 ລ້ານກີບຕໍ່ຄົນຕໍ່ປີ ຫລື ເທົ່າກັບ 3.053 ໂດລາສະຫາລັດ. ໂຄງປະກອບເສດຖະກິດ ໄດ້ມີການຫັນປ່ຽນທີ່ຕັ້ງໜ້າ ໂດຍສະເພາະແມ່ນການຫັນປ່ຽນຈາກແບບທຳມະຊາດ, ເຄິ່ງທຳມະຊາດ ແລະ ຂະໜາດນ້ອຍໄປສູ່ການຜະລິດເປັນສິນຄ້າທີ່ມີຫລາກຫລາຍຮູບການຈັດຕັ້ງ ເປັນຕົ້ນແມ່ນກຸ່ມການຜະລິດ, ສະຫະກອນ, ວິສາຫະກິດ ແລະ ຄອບຄົວ, ໄດ້ມີການຍົກລະດັບໃນການນໍາໃຊ້ວິທະຍາສາດ-ວິທະຍາການທີ່ທັນສະ​ໄໝ, ສາມາດຍົກປະສິດທິພາບ ແລະ ຄຸນນະພາບຂອງການຜະລິດໄດ້ສູງຂຶ້ນກວ່າເກົ່າ. ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນທີ່ເປັນວຽກຍຸດທະສາດ ແລະ ເປັນຄວາມຮັບຜິດຊອບທີ່ສຳຄັນຂອງຄະນະພັກແຕ່ລະຂັ້ນກໍມີຜົນສໍາເລັດເປັນຢ່າງດີຄື: ໃນໄລຍະ 5 ປີຜ່ານມາ ມີ 444 ຄອບຄົວ ສາມາດຫລຸດພົ້ນອອກຈາກຄວາມທຸກຍາກ ​ແລະ ມີ 14 ບ້ານ ກໍ​ສາມາດຫລຸດພົ້ນຈາກບ້ານທຸກຍາກໄດ້​ເຊັ່ນ​ກັນ, ສ້າງບ້ານພັດທະນາໄດ້ 26 ບ້ານ, ສ້າງບ້ານໃຫຍ່ກາຍເປັນຕົວເມືອງນ້ອຍໃນຊົນນະບົດໄດ້ 9 ບ້ານ, ສ້າງຄອບຄົວພັດທະນາໄດ້ 9.297 ຄອບຄົວ.

ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ  ຄັ້ງທີ VIII ໄຂຂຶ້ນຢ່າງເປັນທາງການ - Wave100S AD to Website 2020 0 - ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ  ຄັ້ງທີ VIII ໄຂຂຶ້ນຢ່າງເປັນທາງການ

ຜົນສໍາເລັດດັ່ງກ່າວ ໄດ້ເຮັດໃຫ້ແຂວງຈໍາປາສັກກ້າວໜ້າຕື່ມອີກບາດກ້າວໜຶ່ງຂອງຄວາມພະຍາຍາມແກ້ໄຂຄວາມທຸກຍາກຂອງແຂວງ.

ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ  ຄັ້ງທີ VIII ໄຂຂຶ້ນຢ່າງເປັນທາງການ - WhatsApp Image 2020 05 27 at 5 - ກອງປະຊຸມໃຫຍ່ຜູ້ແທນອົງຄະນະພັກແຂວງຈຳປາສັກ  ຄັ້ງທີ VIII ໄຂຂຶ້ນຢ່າງເປັນທາງການ
error: Alert: Content is protected !!