ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020 -                                                                                                 29              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020 - 174233 - ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020
  1. ຕະຫລາດ​ຫຸ້ນ​ໃນ​ເອີຣົບຫລຸດ​ລົງ ​ເນື່ອງ​ຈາກ​ຫລາຍ​ປະ​ເທດ​ປະກາດ​ມາດ​ຕະການ​ໃໝ່​ເພື່ອ​ຮັບ​ມື​ກັບ​ກໍລະນີ COVID-19 ທີ່​ເພີ່ມ​ສູງ​ຂຶ້ນ ​ໂດຍ​ຝຣັ່ງປະກາດ Lockdown ທົ່ວ​ປະ​ເທດ​ຄັ້ງທີ 2 (​ເຖິງ​ວ່າ​ໂຮງຮຽນ​ຈະ​ຍັງ​ເປີດ​ຢູ່), ສ່ວນ​ເຢຍລະ​ມັນ​ກ່າວ​ວ່າ​ຈະ​ປິດ​ເທັກ, ຮ້ານ​ອາຫານ, ​ໂຮງ​ໜັງ ​ແລະ ຫ້ອງ​ສະ​ແດງ​ຄອນ​ເສີດ​ເປັນ​ເວລາ 1 ​ເດືອນ. ຂະນະ​ທີ່​ຮອງ​ນາຍົກລັດຖະມົນຕີຂອງຣັດ​ເຊຍ​ກ່າວ​ວ່າ ປັດຈຸບັນ​ມີ​ຈຳນວນ​ຄົນ​ເຈັບ​ນອນ​ຢູ່​ໂຮງ​ໝໍ​ຫລາຍ​ກວ່າ 90% ຂອງ​ການ​ຮັບ​ໃນ 16 ພາກພື້ນຈາກ 49 ພາກພື້ນຂອງ​ປະ​ເທດ.
  2. ລາຄາ​ຫຸ້ນ​ຂອງ​ອາ​ເມ​ລິ​ກາ​ຍັງ​ຫລຸດ​ລົງ​ທ່າມກາງ​ຄວາມ​ກັງວົນ​ວ່າ​ຜູ້​ຕິດ​ເຊື້ອ COVID-19 ທີ່​ເພີ່ມ​ຂຶ້ນຢູ່​ເອີຣົບ ​ແລະ ຢູ່​ອາ​ເມ​ລິ​ກາ ​ເປັນອັນຕະລາຍ​ຕໍ່​ການ​ຟື້ນຕົວ​ຂອງ​ເສດຖະກິດ​ທີ່​ບອບ​ບາງ. ຂະນະ​ທີ່​ຄວາມ​ຫວັງ​ຂອງ​ການ​ບັນລຸ​ຂໍ້​ຕົກລົງ​ກະ​ຕຸ້ນ​ເສດຖະກິດ​ຄັ້ງ​ໃໝ່​ຂອງ​ລັດຖະບານ​ກ່ອນ​ການ​ເລືອກ​ຕັ້ງປະທານາທິບໍດີ​ໃນ​ວັນ​ທີ 3 ພະຈິກ​ມືດລົງ​ເລື້ອຍໆ.

ນອກຈາກ​ນີ້ ຍັງ​ມີ​ຄວາມ​ກັງວົນ​ວ່າ ຜົນ​ລັບ​ຂອງ​ການ​ເລືອກ​ຕັ້ງອາດ​ຖືກ​ຂັດ​ແຍ່ງ​ຈົນ​ເກີດ​ຄວາມວຸ້ນວາຍ ​ເຮັດ​ໃຫ້​ຄ່າ​ສະ​ເລ່ຍອຸດສາຫະກຳ S&P 500 ​ແລະ Dow Jones ຫລຸດ​ລົງ​ຫລາຍ​ກວ່າ 3%.

  1. ຊາວ​ອິນ​ເດຍຫລາຍ​ລ້ານ​ຄົນ​ໄດ້​ເດີນທາງ​ໄປ​ລົງ​ຄະ​ແນນ​ສຽງ​ໃນ​ການ​ເລືອກ​ຕັ້ງ​ໃນ​ລັດ Bihar ​ເຖິງ​ວ່າ​ປັດຈຸບັນປະ​ເທດ​ຈະ​ມີ​ຜູ້​ຕິດ​ເຊື້ອ COVID-19 ​ສູງ​ເຖິງ 8 ລ້ານ​ຄົນ​ແລ້ວ ​ໂດຍ​ການ​ເລືອກ​ຕັ້ງຄັ້ງນີ້​ຖື​ວ່າ​ໃຫຍ່​ທີ່​ສຸດ​ທົ່ວ​ໂລກ​ນັບ​ແຕ່​ເລີ່​ມມີ​ການ​ແຜ່​ລະບາດ​ເກີດ​ຂຶ້ນ.

ປັດຈຸບັນ​ລັດ Bihar ຢູ່​ພາຍ​ໃຕ້​ການ​ປົກຄອງ​ຂອງ​ພັນທະ​ມິດ​ທີ່​ນຳ​ໂດຍ​ພັກ Bharatiya Janata Party (BJP) ​ເຊິ່ງ​ເປັນ 1 ​ໃນ 2 ພັກ​ໃຫຍ່​ທີ່​ປົກຄອງ​ໃນ​ລະດັບ​ປະ​ເທດ. ຂະນະ​ທີ່ BJP ສັນຍາ​ວ່າ​ຈະ​ແຈກ​ຢາຍ​ວັກ​ຊີ​ນ​ໃຫ້​ຟຣີສຳລັບ​ທຸກ​ຄົນ​ໃນ​ລັດ.

  1. Boeing ​ໄດ້​ລາຍ​ງານ​ຜົນ​ຂາດທຶນ​ເປັນ​ໄຕ​ມາດ​ທີ 4 ຕິດ​ຕໍ່​ກັນ ​ໂດຍ​ສູນ​ເສຍ​ໄປ 466 ລ້ານ​ໂດ​ລາ ​ໃນ​ໄຕ​ມາດ​ທີ 3 ​ເນື່ອງ​ຈາກ​ການລະບາດ​ຂອງ COVID-19 ​ແລະ ການ​ໂຈະ​ການ​ໃຊ້​ເຮືອບິນ​ລຸ້ນ 737 MAX ​ເນື່ອງ​ຈາກ​ອຸປະຕິ​ເຫດ​ເຮືອບິນ​ຕົກ 2 ຄັ້ງ ​ໃນ​ປີ 2018.

ນອກຈາກ​ນີ້ ຍັງ​ປະກາດ​ແຜນ​ຈະ​ເລີກ​ຈ້າງ​ພະນັກງານ​ເພີ່ມ​ອີກ 7.000 ຄົນ ​ແລະ ພາຍ​ໃນ​ປີ 2022 ຈະ​ມີ​ການ​ປົດ​ພະນັກງານ​ທັງ​ໝົດ​ປະມານ 1 ​ໃນ 5 ຈາກ​ຈຳນວນ​ລູກຈ້າງ​ທັງ​ໝົດ 160.000 ຄົນ​ກ່ອນ​ເກີດ​ການລະບາດ (ຄິດ​ເປັນ 32.000 ຄົນ).

ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020
  1. ຫຸ້ນ​ຂອງ Deutsche Bank ຫລຸດ​ລົງ​ເຖິງ​ວ່າ​ທະນາຄານ​ເຢຍລະ​ມັນ​ຈະລາ​ຍງານ​ການ​ສ້າງ​ກຳ​ໄລ​ແບບ​ບໍ່​ຄາດ​ຄິດ​ໃນ​​ໄຕ​ມາດ​ທີ 3 ​ໂດຍ​ສ້າງ​ເມັດ​ເງິນ​ໃຫ້​ຜູ້​ຖື​ຫຸ້ນ 182 ລ້ານ​ເອີ​ໂຣ (214 ລ້ານ​ໂດ​ລາ) ​ແລະ ​ເປັນ​ຜົນ​ກຳ​ໄລ​ຄັ້ງທຳ​ອິດ​ນັບ​ແຕ່​ໄຕ​ມາດ​ທຳ​ອິດ​ຂອງ​ປີ 2019. ຂະນະ​ທີ່​ລາຍ​ໄດ້​ທີ່​ເພີ່ມ​ຂຶ້ນ 47% ຈາກ​ການ​ຊື້ຂາຍ​ພັນທະ​ມິດ ​ແລະ ຂໍ້​ກຳນົດ​ທີ່​ຫລຸດ​ລົງ​ສຳລັບ​ການ​ສູນ​ເສຍ​ເຄຣດິດ.
  2. ​ໃນ​ການ​ພິຈາລະນາ​ຂອງ​ວຸດ​ທິສະພາ​ອາ​ເມ​ລິ​ກາ ຝ່າຍ​ນິຕິບັນຍັດ​ກ່າວ​ຫາ​ຜູ້​ບໍລິຫານ​ລະດັບ​ສູງ​ຂອງ Alphabet (ບໍລິສັດ​ແມ່​ຂອງ Google) ລວມທັງ Facebook ​ແລະ Twitter ວ່າ​ໃຊ້​ອຳນາດ​ໃນ​ທາງ​ທີ່​ຜິດ ​ແລະ ພວກ​ເຂົາ​ຕ້ອງການ​ປັບປຸງ​ມາດ​ຕະການ 230 ຂອງ​ກົດໝາຍ​ວ່າ​ດ້ວຍ​ການ​ສື່ສານ​ທີ່​ເໝາະ​ສົມ (Communications Decency Act) ທີ່​ເຮັດ​ໃຫ້ Platform ອອນ​ລາຍ​ຂອງ​ພວກ​ເຂົາ​ໄດ້​ຮັບ​ການ​ຄຸ້ມ​ຄອງ​ທາງ​ກົດໝາຍ​ຈາກ​ເນື້ອ​ໃນ​ທີ່​ຜູ້​ໃຊ້​ໂພດ. ຂະນະ​ທີ່​ກຸ່ມ​ຜູ້​ບໍລິຫານ​ໄດ້​ປົກ​ປ້ອງ​ກົດ​ດັ່ງກ່າວ.
  3. ການ​ປະ​ທ້ວງ​ໄດ້​ເກີດ​ຂຶ້ນ​ໃນ​ເມືອງ Philadelphia ​ເປັນ​ຄືນ​ທີ 2 ຕິດ​ຕໍ່​ກັນ ຫລັງ​ຈາກ​ຕຳຫລວດ​ຍິງ Walter Wallace ​ເຊິ່ງ​ເປັນ​ຊາຍ​ຜິວ​ດຳ​ເສຍ​ຊີວິດ​ໃນ​ວັນ​ທີ 26 ຕຸລາ​ຜ່ານ​ມາ.

​ເຖິງ​ວ່າ​ຈະ​ມີ​ຫລັກ​ຖານ​ຢ່າງ​ຈະ​ແຈ້ງວ່າ Wallace ຖື​ມີດ​ຢູ່​ໃນ​ຕອນ​ທີ່​ລາວ​ກຳລັງ​ເຂົ້າຫາ​ເຈົ້າໜ້າ​ທີ່​ຕຳຫລວດ ​ແຕ່​ພໍ່​ຂອງ​ລາວ​ບອກ​ວ່າ​ລາວ​ປ່ວຍ​ທາງ​ຈິດ ​ເຖິງ​ວ່າການ​ປະ​ທ້ວງ​ບາງ​ສ່ວນ​ຈະ​ເປັນ​ໄປ​ຢ່າງ​ສັນຕິ ​ແຕ່​ກອງ​ກຳລັງ​ພິທັກ​ຊາດ (the National Guard) ກໍ​ຖືກ​ສັ່ງ​ໃຫ້​ເຂົ້າຄວບ​ຄຸມພື້ນທີ່ ຫລັງ​ຈາກ​ຜູ້​ປະ​ທ້ວງ​ບາງ​ກຸ່ມ​ລຸກລາມ​ໄປ​ສູ່​ການ​ປຸ້ນ​ສະດົມ ​ແລະ ຄວາມ​ຮຸນ​ແຮງ.

ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 29 ຕຸລາ 2020
error: Alert: Content is protected !!