ກອງປະຊຸມໃຫຍ່ຄັ້ງທີ VII ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ

ກອງປະຊຸມໃຫຍ່ຄັ້ງທີ vii ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ -                                                                    - ກອງປະຊຸມໃຫຍ່ຄັ້ງທີ VII ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ
ກອງປະຊຸມໃຫຍ່ຄັ້ງທີ vii ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ - Untitled design - ກອງປະຊຸມໃຫຍ່ຄັ້ງທີ VII ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ

(ສະຫາຍເລຂາທິການໃຫຍ່ ບຸນຍັງ ວໍລະຈິດ ໃຫ້ກຽດໂ​ອ້ລົມ)

ກອງປະຊຸມໃຫຍ່ຜູ້ແທນອົງຄະນະພັກນະຄອນຫລວງວຽງຈັນ ຄັ້ງທີ VII  ໄດ້ສຳເລັດລົງຢ່າງຈົບງາມ ແລະ ມີເນື້ອໃນເລິກເຊິ່ງ ພາຍຫລັງດໍາເນີນມາເປັນເວລາ 2 ວັນ(28-29 ຕຸລາ 2020) , ໂດຍການ ໃຫ້ກຽດເຂົ້າຮ່ວມ ແລະ ໂອ້ລົມຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ມີບັນດາຜູ້ແທນສົມບູນ ທົ່ວອົງຄະນະພັກນະຄອນຫລວງວຽງຈັນເຂົ້າຮ່ວມ 357 ສະຫາຍ, ຍິງ 53 ສະຫາຍ.

ກອງປະຊຸມໃຫຍ່ຄັ້ງທີ vii ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ - KETH0120 300x200 - ກອງປະຊຸມໃຫຍ່ຄັ້ງທີ VII ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ

ໃນກອງປະຊຸມ ບັນດາສະຫາຍຜູ້ແທນສົມບູນ ໄດ້ພ້ອມກັນຄົ້ນຄວ້າ  ແລະ ເປັນເອກະສັນ ຮັບຮອງເອົາບົດລາຍງານການເມືອງ ແລະ ແຜນພັດທະນາເສດ ຖະກິດ-ສັງຄົມ ຂອງນະຄອນຫລວງວຽງຈັນ, ຮັບຮອງເອົາບົດສໍາຫລວດການນໍາພາ ຂອງຄະນະບໍລິຫານງານພັກນະຄອນຫລວງວຽງຈັນ ສະໄໝທີ VI ແລະ ຮັບຮອງເອົາ 3 ທັດສະນະ, 4 ທິດທາງ ແລະ 19 ຄາດໝາຍໃຫຍ່, 8 ແຜນງານ, ໂຄງການບຸກທະລຸ ແລະ 9 ໜ້າທີ່ສໍາຄັນຂອງການພັດທະນານະ ຄອນຫລວງ ໃນໄລຍະ 5 ປີຕໍ່ໜ້າ. ຫລັງຈາກນັ້ນ, ກໍໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະບໍລິຫານງານພັກນະຄອນຫລວງວຽງຈັນຊຸດໃໝ່, ເຊິ່ງມີຜູ້ອອກສະໝັກຮັບເລືອກຕັ້ງ ທັງໝົດ 46 ສະຫາຍ, ຍິງ 10 ສະຫາຍ ແລະ ໄດ້ເລືອກເອົາ 41 ສະຫາຍ, ຍິງ 9 ສະຫາຍ ເຊິ່ງກອງປະຊຸມຄັ້ງປະຖົມມະລຶກ ຂອງຄະນະບໍລິຫານງານພັກນະຄອນຫລວງວຽງຈັນ ສະໄໝທີ VII ໄດ້ເປັນເອກະສັນຢ່າງສົມບູນ ເລືອກຕັ້ງຄະນະກໍາມະການປະຈໍາພັກ 13 ສະຫາຍ, ຍິງ 1 ສະຫາຍ ໃນນັ້ນໄດ້ເຫັນດີເປັນເອກະພາບ ເລືອກເອົາ ສະຫາຍ ສິນລະວົງ ຄຸດໄພທູນ ເປັນເລຂາຄະນະພັກ, ສະຫາຍ ອານຸພາບ ຕຸນາລົມ ແລະ ສະຫາຍ ອາດສະພັງທອງ ສີພັນດອນ ເປັນຮອງເລຂາຄະນະພັກ ແລະ ເລືອກເອົາສະຫາຍ ວິລະສັກ ນາມມຸນຕີ ເປັນປະທານກວດກາພັກ, ສະຫາຍ ນາງ ຄໍາໄພ ລັດສະໝີ,  ສະຫາຍ ກອງດີ ສຸທໍາມະວົງ, ສະຫາຍ ບຸນສີ ກອງບຸດ ແລະ ສະຫາຍ ຈັນສະຫວ່າງ ຫິມມະພັນ ເປັນຮອງປະທານກວດກາຄະນະພັກ. ພ້ອມໄດ້ປ່ອນບັດເລືອກເອົາຜູ້ແທນສົມບູນ ແລະ ສໍາຮອງ ໄປເຂົ້າຮ່ວມກອງປະຊຸມໃຫຍ່ ຄັ້ງທີ XI ຂອງພັກ, ທີ່ຈະຈັດຂຶ້ນໃນຕໍ່ໜ້ານີ້,ຈຳນວນ 33 ສະຫາຍ, ຍິງ 7 ສະຫາຍ, ສໍາຮອງ 3 ສະຫາຍ, ຍິງ 2 ສະຫາຍ.

ກອງປະຊຸມໃຫຍ່ຄັ້ງທີ vii ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ - Wave100S AD to Website 2020 0 - ກອງປະຊຸມໃຫຍ່ຄັ້ງທີ VII ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ

ໂອກາດອັນສະຫງ່າລາສີນີ້ ສະຫາຍເລຂາທິການໃຫຍ່ ບຸນຍັງ ວໍລະຈິດ ໄດ້ມີຄຳເຫັນໂອລົມ ໂດຍໄດ້ສະແດງຄວາມຄວາມຊົມເຊີຍ ຕໍ່ຜົນສຳເລັດຂອງກອງປະຊຸມໃຫຍ່ ໃນຄັ້ງນີ້, ທັງສະແດງຄວາມຊົມເຊີຍຕໍ່ຜົນງານ ທີ່ນະຄອນຫລວງວຽງຈັນ ຍາດມາໄດ້ໃນໄລຍະຜ່ານມາ ແລະ  ເນັ້ນໃຫ້ ບັນດາສະຫາຍ ໃນຄະນະພັກຊຸດໃໝ່ ຍຶດໝັ້ນ ແລະ ປະຕິບັດຢ່າງເຂັ້ມງວດ ບັນດາຫລັກການ, ລະບອບແບບແຜນວິທີນໍາພາຂອງພັກ, ຖືເອົາຜົນປະໂຫຍດຂອງຊາດ, ຂອງປະຊາຊົນເປັນສໍາຄັນ, ພ້ອມກັນ ສ້າງນະຄອນຫລວງວຽງຈັນ ໃຫ້ເປັນຫົວໜ່ວຍຍຸດທະສາດທີ່ເຂັ້ມແຂງ, ເປັນສູນກາງການເມືອງຂອງປະເທດ (ເປັນໃຈກາງທາງດ້ານການເມືອງ, ເສດຖະກິດ, ວັດທະນະທໍາ-ສັງຄົມ, ຄວາມອັດສະລິຍະ, ວິທະຍາສາດເຕັກໂນໂລຊີ, ການເຊື່ອມໂຍງກັບສາກົນ ແລະ ເປັນສູນລວມຈິດໃຈຂອງປະຊາຊົນລາວທັງຊາດ); ສ້າງເມືອງເປັນຫົວໜ່ວຍເຂັ້ມແຂງຮອບດ້ານ; ສ້າງບ້ານໃນເທດສະບານ ເປັນຄຸ້ມບ້ານໜ້າຢູ່, ສ້າງບ້ານໃນເຂດຊານເມືອງເປັນບ້ານພັດທະນາ ແລະ ກາຍເປັນຊົນນະບົດໃໝ່ ທີ່ມີພື້ນຖານຫັນເປັນຕົວເມືອງໃນອານາຄົດ, ສ້າງເມືອງໜ້າຢູ່ໃຫ້ບັນລຸ 3 ຕົວຊີ້ວັດ ຄື: ສ.ສະຫງົບສຸກ, ສ.ສະອາດ, ສ.ສີຂຽວ ແລະ ແກ້ໄຂຄວາມດ້ອຍພັດທະນາດ້ານພື້ນຖານໂຄງລ່າງໃນເທດສະບານ ໃຫ້ໄດ້ໂດຍພື້ນຖານ, ແກ້ໄຂ, ຈັດສັນຄວາມເປັນລະບຽບຮຽບຮ້ອຍດ້ານທີ່ຢູ່ອາໄສ, ຊຸມຊົນແອອັດ ແລະ ດ້ານການຈະລາຈອນໃນຕົວເມືອງ ແລະ ຊານເມືອງ, ເອົາໃຈໃສ່ສ້ອມແປງ ແລະ ຍົກລະດັບພື້ນຖານໂຄງລ່າງຄົມມະນາຄົມ-ຂົນສົ່ງທາງບົກ ແລະ ລະບົບໄປສະນີໂທລະຄົມມະນາຄົມ ໃຫ້ມີຄຸນນະພາບດີຂຶ້ນ, ພ້ອມທັງໃຫ້ສຸມໃສ່ພັດທະນາເສດຖະກິດຂອງ ນວ ໃຫ້ຂະຫຍາຍຕົວຢ່າງຕໍ່ເນື່ອງ, ຕັ້ງໜ້າເປັນເຈົ້າການເຂົ້າຮ່ວມໃນການປະຕິບັດແຜນງານ ແລະ ໂຄງການໃຫຍ່ລະດັບຊາດ ເປັນຕົ້ນ ໂຄງການທາງລົດໄຟ, ໂຄງການທາງດ່ວນ. ນໍາໃຊ້ກາລະໂອກາດຈາກນະໂຍບາຍໜຶ່ງແລວໜຶ່ງເສັ້ນທາງ ຂອງໂຄງການທາງລົດໄຟລາວ-ຈີນ, ລວມທັງການຍົກລະດັບເສັ້ນທາງ, ຂົວ ແລະ ການກໍ່ສ້າງທາງດ່ວນນະຄອນຫລວງວຽງຈັນ-ວັງວຽງ, ທາງດ່ວນນະຄອນຫລວງວຽງຈັນ ເລກ 1 ແລະ ບັນດາເສັ້ນທາງ ທີ່ເປັນຕາໜ່າງໃນແລວເສດຖະກິດທີ່ເຊື່ອມໂຍງ, ເຊື່ອມຈອດກັບບັນດາປະເທດອາຊຽນ.

ໃນຕອນທ້າຍ, ສະຫາຍ ສິນລະວົງ ຄຸດໄພທູນ ໄດ້ມີຄຳເຫັນກ່າວປິດກອງປະຊຸມ ພ້ອມທັງຢືນຢັນວ່າ: ຄະນະບໍລິຫານງານພັກນະຄອນຫລວງວຽງຈັນ ຊຸດທີ VII ຈະຕັ້ງໜ້າຝຶກຝົນຫລໍ່ຫລອມກໍ່ສ້າງຕົນເອງ ໃຫ້ສົມກັບຄວາມເຊື່ອໝັ້ນຂອງຜູ້ແທນ ແລະ ປະຊາຊົນ,  ຢືນຢັນຈະຍົກສູງຄວາມ ຮັບ ຜິດຊອບ, ຈະເປັນແບບຢ່າງນໍາໜ້າ, ເຕົ້າໂຮມທຸກກໍາລັງແຮງຂອງສັງຄົມ ເຂົ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງນີ້ ໃຫ້ບັນລຸຄາດໝາຍ, ສໍາເລັດໜ້າທີ່ການເມືອງໃນໄລຍະໃໝ່ ແລະ ພ້ອມແລ້ວທີ່ຈະຮັບເອົາການຊີ້ນໍາຂອງສູນກາງພັກ, ລັດຖະບານ, ຂອງສະຫາຍເລຂາທິການໃຫຍ່, ທີ່ໄດ້ໂອ້ລົມແນະນຳໃນກອງປະຊຸມໃຫຍ່ຄັ້ງນີ້ ໄປຈັດຕັ້ງປະຕິບັດໃຫ້ປະກົດຜົນເປັນຈິງ.

ກອງປະຊຸມໃຫຍ່ຄັ້ງທີ vii ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ - WhatsApp Image 2020 05 27 at 5 - ກອງປະຊຸມໃຫຍ່ຄັ້ງທີ VII ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ
ກອງປະຊຸມໃຫຍ່ຄັ້ງທີ vii ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ - WhatsApp Image 2020 05 27 at 5 - ກອງປະຊຸມໃຫຍ່ຄັ້ງທີ VII ຂອງອົງຄະນະພັກນະຄອນ ຫລວງວຽງຈັນ ປິດລົງດ້ວຍຜົນສຳເລັດຢ່າງຈົບງາມ
error: Alert: ເນື້ອຫາຂ່າວມີລິຂະສິດ !!