ຍ້ອນຄວາມເມົາ ແລະ ຂັບລົດປະໝາດເຮັດໃຫ້ເຖິງແກ່ຊີວິດ

- advert banner 728 90 728x90 - ຍ້ອນຄວາມເມົາ ແລະ ຂັບລົດປະໝາດເຮັດໃຫ້ເຖິງແກ່ຊີວິດ

ເວລາປະມານ 19 ໂມງຂອງວັນທີ 27 ມີຖຸນານີ້, ຢູ່ບໍລິເວນວົງວຽນ ໄດໂນເສົາ, ບ້ານໂພນສະຫວ່າງເໜືອ, ຫລັກ 6 ເມືອງໄກສອນເກີດເຫດລົດບັນທຸກນ້ຳມັນ 48 ໂຕນເກາະເອົາລົດຈັກຢ່າງແຮງ ສົ່ງຜົນໃຫ້ ທ້າວ ລ່ວງ (ຜູ້ຊ້ອນທ້າຍ), ອາຍຸ 30 ປີ, ອາຊີບກຳມະກອນ, ຢູ່ບ້ານໂນນສະຫວາດ, ເມືອງໄກສອນພົມວິຫານ, ແຂວງສະຫວັນນະເຂດ ເສຍຊີວິດຄາທີ່, ສ່ວນຜູ້ຂັບຂີ່ລົດບັນທຸກຖືກເຈົ້າໜ້າທີ່ກັກຕົວໄວ້ເພື່ອດຳເນີນຄະດີຕາມກົດໝາຍ.

ຫົວໜ້າໜ່ວຍງານຄະດີ ອຸປະຕິເຫດ ເມືອງດັ່ງກ່າວ ໃຫ້ຮູ້ວ່າ: ຕາມການສອບຖາມຜູ້ເຫັນເຫດການ ແລະ ສືບສວນຄົນຂັບລົດບັນທຸກ ຮູ້ວ່າ: ພໍຮອດຈຸດເກີດເຫດ, ຊຶ່ງເປັນວົງວຽນ ກໍໄດ້ລ້ຽວຊ້າຍ ແຕ່ໃນເວລານັ້ນ ໄດ້ມີລົດຈັກຄັນໜຶ່ງແຊງຂຶ້ນມາໃນວົງວຽນ, ແຕ່ດ້ວຍຄວາມ ຍາວຂອງລົດບັນທຸກນ້ຳມັນ ແລະ ເປັນການລ້ຽວໃນວົງວຽນ ເຮັດໃຫ້ລົດຈັກຄັນ ດັ່ງກ່າວເສຍຫຼັກໄປຕຳຂອບທາງວົງວຽນ, ພາໃຫ້ຜູ້ຊ້ອນທ້າຍຕົກລົງຈາກລົດ ແລ້ວລົດບັນທຸກຢຽບເສຍຊີວິດຄາທີ່.     ຈາກການສອບສວນໃນເບື້ອງຕົ້ນຜູ້ຂັບລົດຈັກໃຫ້ຮູ້ວ່າ: ຕົນກັບໝູ່ອີກ 1 ຄົນ (ຜູ້ເສຍຊີວິດ), ໄດ້ພາກັນໄປສຸມແຊວ ແລະ ດື່ມສິ່ງມືນເມົາຢູ່ສະຖານ ທີ່ແຫ່ງໜຶ່ງແຕ່ຕອນເຊົ້າ ແລະ ຊ່ວງແລງໄດ້ນຳເອົາເຫຼົ້າ ແລະ ຂອງແກ້ມເພື່ອມາດື່ມຕໍ່ຢູ່ບ້ານອຸດົມວິໄລ (ຫລັກ7),ຈຶ່ງເຮັດໃຫ້ເກີດອຸປະຕິເຫດດັ່ງກ່າວ.        ຂ່າວໃຫ້ຮູ້ຕື່ມວ່າ: ເຊົ້າມືດຂອງມື້ວານນີ້, ຢູ່ເຂດບ້ານໂພນໄຮ່ຄຳ, ເມືອງໄຊທານີ, ນະຄອນຫລວງວຽງຈັນ, ໄດ້ເກີດເຫດລົດຈັກເສຍຫລັກຕຳເອົາ ຕົ້ນໄມ້ຢູ່ຂ້າງທາງ, ສົ່ງຜົນໃຫ້ຜູ້ກ່ຽວເສຍຊີວິດຄາທີ່.

- 1 1 - ຍ້ອນຄວາມເມົາ ແລະ ຂັບລົດປະໝາດເຮັດໃຫ້ເຖິງແກ່ຊີວິດ
- lattana 1 - ຍ້ອນຄວາມເມົາ ແລະ ຂັບລົດປະໝາດເຮັດໃຫ້ເຖິງແກ່ຊີວິດ
error: Content is protected !!