ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ

ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ -                             19                                   - ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ
ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ - 174233 - ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ

ຕາມບົດລາຍງານສະພາບຄວາມໝັ້ນຄົງດ້ານສະບຽງອາຫານ ແລະ ໂພຊະນາການ ສົກປີ 2020 ຈໍານວນຜູ້ຂາດສານອາຫານໃນໂລກອາດເພີ່ມຂຶ້ນເຖິງ 132 ລ້ານຄົນ ເນື່ອງຈາກການລະບາດຂອງພະຍາດໂຄວິດ-19, ຖ້າຫາກວ່າຈຳນວນ​ຜູ້ອຶດຫິວຍັງສືບຕໍ່ແຜ່ລາມອອກໄປ ຜູ້ຂາດສານອາຫານອາດຈະສູງເກີນ 840 ລ້ານຄົນ ໃນປີ 2030 ດ້ວຍເຫດນັ້ນ ໂລກເຮົາກໍຈະບໍ່ເປັນໄປຕາມແຜນບັນລຸໄພອຶດຫິວໃຫ້ເຫລືອລົງເປັນສູນ, ໃນຂະນະທີ່ ປີຜ່ານມາ ສປປ ລາວ ມີປະຊາກອນປະມານ 16,5% ຍັງຂາດສານອາຫານ ​ເຊິ່ງເປີເຊັນດັ່ງກ່າວແມ່ນສູງເກືອບສອງເທົ່າຂອງອັດຕາທີ່ມີຢູ່ ສປປ ລາວ.

ຂໍ້​ມູນ​ດັ່ງກ່າວ​ໄດ້​ລາຍ​ງານ​ຢູ່ໃນພິທີຊຸມນຸມເພື່ອສະເຫລີມສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກປະຈຳປີ 2020 ເຊິ່ງໄດ້ຈັດຂຶ້ນໃນວັນທີ 30 ຕຸລານີ້ ທີ່ສະຖາບັນຄົ້ນຄວ້າກະສິກໍາ ແລະ ພັດທະນາຊົນນະບົດ ນະຄອນຫລວງວຽງຈັນ ໂດຍກະຊວງກະສິກໍາ ແລະ ປ່າໄມ້ ຮ່ວມ​ກັບ ອົງການສະຫະປະຊາຊາດ ປະຈໍາ ສປປ ລາວ ​ເປັນ​ຜູ້​ຈັດ​ຂຶ້ນ.

ຜູ້ປະສານງານອົງການສະຫະປະຊາຊາດ ປະຈຳ ສປປ ລາວ ໃຫ້ຮູ້ວ່າ: ບາງທີຜົນກະທົບອັນໃຫຍ່ຫລວງຂອງການຂາດສານອາຫານ ຍ້ອນເກີດຈາກຄວາມອຶດຫິວ ແລະ ພາວະເຕ້ຍໃນກຸ່ມເດັກນ້ອຍ. ໃນປີ 2019 ໄພງຽບນີ້ໄດ້ສົ່ງຜົນກະທົບໂດຍກົງຕໍ່ເດັກນ້ອຍ 1 ໃນ 3 ຂອງຈໍານວນເດັກນ້ອຍທີ່ມີອາຍຸຕໍ່າກວ່າ 5 ປີ ໃນ ສປປ ລາວ ເຊິ່ງມັນຈະເປັນປົມດ້ອຍໃຫ້ກັບພວກເຂົາພົບກັບຂໍ້ເສຍປຽບຕະຫລອດຊີວິດ ຈົນມາຮອດປີ 2019 ສປປ ລາວ ຈຶ່ງບັນລຸຄວາມຄືບໜ້າທີ່ປະທັບໃຈໃນການຫລຸດຜ່ອນຄວາມທຸກຍາກ ເຊິ່ງເຮັດໃຫ້ອັດຕາຄວາມທຸກຍາກຫລຸດລົງເຄິ່ງໜຶ່ງ ຈາກຫລາຍກວ່າ 40% ໃນປີ 1993 ມາເປັນ 18,3% ໃນປີ 2019.

ໃນພິທີ, ທ່ານ ລິນທອງ ດວງສະຫວັນ ຮອງລັດຖະມົນຕີກະຊວງກະສິກຳ ແລະ ປ່າໄມ້ ​ໄດ້​ມີ​ຄຳ​ເຫັນວ່າ: ການສະເຫລີມສະຫລອງວັນອາຫານໂລກ ແລະ ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ແມ່ນມີຄວາມໝາຍສຳຄັນທີ່ສຸດ ເພື່ອປູກຈິດສຳນຶກ ແລະ ສ້າງຄວາມຮັບຮູ້ ຄວາມເຂົ້າໃຈໃຫ້ປະຊາຊາດໃນທົ່ວໂລກໄດ້ເຂົ້າໃຈເຖິງບັນຫາສິ່ງທ້າທາຍຕ່າງໆ ຈາກການປ່ຽນແປງດິນຟ້າອາກາດ ແລະ ຍັງເປັນການແຈ້ງເຕືອນ, ປຸກລະດົມກຳລັງແຮງທົ່ວສັງຄົມລາວ ແລະ ປະຊາຄົມໂລກ ເພື່ອເຝົ້າລະວັງ, ປ້ອງກັນຜົນເສຍຫາຍທີ່ອາດເກີດຂຶ້ນ ແລະ ຮ່ວມກັນແກ້ໄຂຜົນຮ້າຍຂອງໄພພິບັດໃຫ້ກັບຄືນສູ່ສະພາບປົກກະຕິໂດຍໄວ.

ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ - Wave100S AD to Website 2020 0 - ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ

ທ່ານ ລິນທອງ ດວງສະຫວັນ ກ່າວຕື່ມວ່າ: ໃນຕໍ່ໜ້າຂະແໜງການຂອງພວກເຮົາຈະສືບຕໍ່ພັດທະນາວຽກງານກະສິກຳ, ປ່າໄມ້ ແລະ ພັດທະນາຊົນນະບົດລຶບລ້າງຄວາມທຸກຍາກໄປຕາມທິດອຸດສາ ຫະກຳ, ທັນສະໄໝ, ສີຂຽວ, ເປັນມິດຕໍ່ສິ່ງແວດລ້ອມ ແລະ ຍືນຍົງ ດ້ວຍການຊຸກຍູ້ສົ່ງເສີມການຜະລິດກະສິກຳ ນັບທັງການປູກ-ການລ້ຽງແບບປະສົມປະສານ, ສ້າງມູນຄ່າເພີ່ມຂອງການນຳໃຊ້ທີ່ດິນ ເພື່ອຕອບສະໜອງໃຫ້ແກ່ການບໍລິໂພກຢູ່ພາຍໃນ ດ້ວຍການເພິ່ງຕົນເອງເປັນຕົ້ນຕໍ. ພ້ອມນີ້, ຊຸກຍູ້ສົ່ງເສີມທຸກພາກສ່ວນເສດຖະກິດເຂົ້າຮ່ວມການຜະລິດກະສິກຳເປັນສິນຄ້າຕາມມາດຕະຖານກະສິກຳສະອາດທີ່ເປັນທ່າແຮງ ແລະ ມີມູນຄ່າເພີ່ມສູງເພື່ອສົ່ງອອກ.

ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ - WhatsApp Image 2020 05 27 at 5 - ຍ້ອນໂຄວິດ-19 ຈຳນວນຜູ້ຂາດສານອາຫານໃນໂລກອາດຈະເພີ່ມຂຶ້ນເຖິງ 132 ລ້ານຄົນ
error: Alert: Content is protected !!