ສູນພັດທະນາສີມືແຮງງານເວດສະພົງທົດສອບສີມືແຮງງານຊ່າງໄມ້ເຄື່ອງເຮືອນ ລະດັບ 3

- advert banner 728 90 728x90 - ສູນພັດທະນາສີມືແຮງງານເວດສະພົງທົດສອບສີມືແຮງງານຊ່າງໄມ້ເຄື່ອງເຮືອນ ລະດັບ 3

ໃນວັນທີ 28-30 ມິຖຸນາ, ສູນພັດທະນາສີມືແຮງງານເວດສະພົງ ໄດ້ເປີດການທົດສອບສີມືແຮງງານຊ່າງໄມ້ເຄື່ອງເຮືອນ ຂຶ້ນຢູ່ສູນພັດທະນາດັ່ງກ່າວ ທີ່ບ້ານ ໜອງບຶກ, ເມືອງສີໂຄດຕະບອງ ນະຄອນຫຼວງວຽງຈັນ ໂດຍການເຂົ້າຮ່ວມຂອງຮອງກົມອຸດສາຫະກໍາ ແລະຫັດຖະກໍາ, ຮອງຫົວໜ້າອຸດສາຫະກໍາ ກະຊວງປ້ອງກັນປະເທດ.

- new3 - ສູນພັດທະນາສີມືແຮງງານເວດສະພົງທົດສອບສີມືແຮງງານຊ່າງໄມ້ເຄື່ອງເຮືອນ ລະດັບ 3

ທ່ານ ຄໍາພຽງ ແກ້ວລັງສີ ອໍານວຍການສູນດັ່ງກ່າວ ໃຫ້ຮູ້ວ່າ: ນັກຮຽນທີ່ຈະທົດສອບສີມືແຮງງານຄັ້ງນີ້, ມີຊ່າງໄມ້ຄົວເຮືອນຈໍານວນ 10 ຄົນ, ທີ່ມາຈາກກົມອຸດສາຫະກໍາກອງທັບ, ໂຮງງານປຸງແຕ່ງໄມ້ຈາກ 5 ແຂວງ, ເຂົ້າເຝິກຕາມຫຼັກສູດພັດທະນາສີມືແຮງງານ, ໃນໄລຍະເວລາ 6 ເດືອນ ແລະ ການທົດສອບຈະໃຊ້ເວລາປະມານ 18 ຊົ່ວໂມງ, ຊຶ່ງມີຄະນະກໍາມະການທົດສອບສີມືແຮງງານຈາກສະພາທີ່ປຶກສາອາຊີວະສຶກສາ ພັດທະນາສີມືແຮງງານແຫ່ງຊາດ, ວິທະຍາໄລເຕັກນິກປາກປ່າສັກ, ສະຖາບັນພັດທະນາສີມືແຮງງານລາວ-ເກົາຫຼີ, ສູນພັດທະນານະຄອນຫຼວງ ແລະໂຮງໄມ້ເຟີນີເຈີມູນເທວາ ເຂົ້າຮ່ວມກວດກາ ແລະ ຄາດວ່າໃນຕໍ່ໜ້ານີ້, ທາງສູນຍັງຈະໄດ້ທົດສອບສີມືຊ່າງໄຟຟ້າເຄື່ອງຈັກ ຈໍານວນ 10 ຄົນ, ໂດຍການຮ່ວມມືກັບກົມອຸດສາຫະກໍາ ແລະຫັດຖະກໍາ ກະຊວງອຸດສາຫະກໍາ ແລະ ການຄ້າ ແລະ ໂຮງງານປຸງແຕ່ງໄມ້ສໍາເລັດຮູບ ມູນເທວາ ເພື່ອຍົກສູງຄວາມອາດສາມາດຂອງກຳລັງແຮງງານ ແນໃສ່ຕອບສະໜອງຄວາມຕ້ອງການດ້ານນາຍຊ່າງໃຫ້ແກ່ໂຮງຈັກໂຮງ ງານຕ່າງໆໃນເຄືອຄ່າຍຂອງຕົນໃຫ້ມີຄຸນນະພາບສູງຂຶ້ນ.

- lattana 1 - ສູນພັດທະນາສີມືແຮງງານເວດສະພົງທົດສອບສີມືແຮງງານຊ່າງໄມ້ເຄື່ອງເຮືອນ ລະດັບ 3
error: Content is protected !!