ເປີດແລ້ວຫ້ອງການຫລັງໃໝ່ຂອງບໍລິສັດຫົວເຫວີຍປະຈຳລາວ

- Open - ເປີດແລ້ວຫ້ອງການຫລັງໃໝ່ຂອງບໍລິສັດຫົວເຫວີຍປະຈຳລາວ
- AGL banner - ເປີດແລ້ວຫ້ອງການຫລັງໃໝ່ຂອງບໍລິສັດຫົວເຫວີຍປະຈຳລາວ

ເປີດແລ້ວຫ້ອງການໃໝ່ຂອງບໍລິສັດຫົວເຫວີຍ ປະຈຳລາວ ຢູ່ທີ່ເຂດໂລກໃໝ່ແຫ່ງວຽງຈັນ (Vientiane New World), ໂດຍປະກອບມີຫ້ອງສະແດງຜະລິດຕະພັນຕ່າງໆ, ຫ້ອງທົດລອງ, ຫ້ອງໃຫ້ຄວາມຮູ້ດ້ານເຕັກໂນໂລຊີທີ່ທັນສະໄໝ ແລະ ອື່ນໆ, ໂດຍລູກຄ້າສາມາດເຂົ້າໄປຮຽນຮູ້ປະສົບການໃໝ່ໄດ້ທຸກເວລາ.

ພິທີເປີດຫ້ອງການດັ່ງກ່າວ, ໄດ້ຈັດຂຶ້ນໃນວັນທີ 28 ມີຖຸນານີ້, ໂດຍການເຂົ້າຮ່ວມຂອງທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ມີລັດຖະມົນຕີກະຊວງໄປສະນີໂທລະຄົມມະນາຄົມ ແລະ ການສື່ສານ, ອຸປະທູດ ສປ ຈີນ ປະຈຳລາວ, ມີປະທານບໍລິ ສັດຫົວເຫວີຍ ປະຈຳອາຊີຕາເວັນອອກສ່ຽງໃຕ້, ມີຫົວຫນ້າບໍລິສັດຫົວເຫວີຍ ປະຈຳລາວ ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມເປັນຈຳນວນຫລາຍ.

- Wave100S AD to Website 2020 0 - ເປີດແລ້ວຫ້ອງການຫລັງໃໝ່ຂອງບໍລິສັດຫົວເຫວີຍປະຈຳລາວ

ທ່ານ Zhanglin ປະທານບໍລິສັດຫົວເຫວີຍ ປະຈຳອາຊີຕາເວັນອອກ ສ່ຽງໃຕ້ ກ່າວເປີດພິທີວ່າ: ລາວເປັນປະເທດເຊື່ອມຕໍ່, ສະນັ້ນ ຫົວເຫວີຍ ໄດ້ຫລິງເຫັນບາດກ້າວການຂະຫຍາຍຕົວຂອງລາວໃນອະນາຄົດ ແລະ ໄດ້ນຳເອົາ ຄວາມຮູ້ ແລະ ປະສົບການຕ່າງໆເຂົ້າມາລາວ, ເພື່ອກໍ່ສ້າງພື້ນຖານໂຄງລ່າງດ້ານເຕັກໂນໂລຊີທີ່ທັນສະໄໝຕາມຍຸກສະໄໝ ແລະ ໝັ້ນຄົງ ເພື່ອສະໜັບ ສະໜູນບັນດາເປົ້າໝາຍຕ່າງໆຂອງລາວໃຫ້ບັນລຸໄວຂຶ້ນ, ທຽບເທົ່າກັບສາກົນ. ປັດຈຸ ບັນ ບໍລິສັດຫົວເຫວີຍ ໄດ້ກາຍເປັນຜູ້ສະໜອງເຕັກໂນໂລຊີຂໍ້ມູນຂ່າວສານ (ICT) ຊັ້ນນຳຂອງໂລກ, ສາມາດສະໜອງເຄື່ອງອຸປະກອນ ແລະ ເຕັກໂນໂລຊີໃຫ້ຫລາຍກວ່າ 170 ປະເທດ, ໂດຍມີພະນັກງານທັງໝົດ 1,8 ແສນຄົນໃນທົ່ວໂລກ, ຂະນະດຽວກັນ ຫົວເຫວີຍໄດ້ເຂົ້າມາລາວຕັ້ງແຕ່ປີ 1998, ປັດຈຸບັນ ມີພະນັກງານທັງໝົດ 200 ກວ່າຄົນ, ມີສາຂາຈຳໜ່າຍໃນທົ່ວປະເທດ ສາມາດສະໜອງອຸປະກອນເຕັກໂນໂລຊີໃຫ້ລັດຖະບານ ແລະ ບັນດາບໍລິສັດຢູ່ລາວໄດ້ເປັນຢ່າງດີ.

- lattana 1 - ເປີດແລ້ວຫ້ອງການຫລັງໃໝ່ຂອງບໍລິສັດຫົວເຫວີຍປະຈຳລາວ
error: Alert: Content is protected !!