ການລະເມີດວິໄນທາງການເງິນມີທ່າອ່ຽງຫລຸດລົງ

ການລະເມີດວິໄນທາງການເງິນມີທ່າອ່ຽງຫລຸດລົງ -                                         - ການລະເມີດວິໄນທາງການເງິນມີທ່າອ່ຽງຫລຸດລົງ
ການລະເມີດວິໄນທາງການເງິນມີທ່າອ່ຽງຫລຸດລົງ - 174233 - ການລະເມີດວິໄນທາງການເງິນມີທ່າອ່ຽງຫລຸດລົງ

ທ່ານ ບຸນປອນ ວັນນະຈິດ ຮອງປະທານອົງການກວດສອບແຫ່ງລັດ ໄດ້ຊີ້ແຈງຕໍ່ຄໍາຊັກຖາມຂອງສະມາຊິກສະພາແຫ່ງຊາດໃນກອງປະຊຸມສະໄໝສາມັນເທື່ອທີ 10 ​ໃນ​ວັນ​ທີ 30 ຕຸລາ​ນີ້ ​ໃຫ້​ຮູ້​ຕື່ມ​ຕໍ່ການຈັດຕັ້ງປະຕິບັດການກວດສອບ ແລະ ມາດຕະການແກ້ໄຂຜົນການກວດສອບຢູ່ບັນດາກະຊວງ ແລະ ທ້ອງຖິ່ນທີ່ລະເມີດວິໄນແຜນການ-ການເງິນໃນຜ່ານມາວ່າ: ອົງການກວດສອບແຫ່ງລັດ, ມີໜ້າທີ່ກວດກາບົດສະຫລຸບຂາດຕົວການຈັດຕັ້ງປະຕິບັດງົບປະມານແຫ່ງລັດໃນ​ແຕ່ລະປີຂອງບັນດາກະຊວງ ແລະ ອົງການປົກຄອງທ້ອງຖິ່ນຂັ້ນຕ່າງໆ ຕາມລັດຖະທໍາມະນູນ ແລະ ກົດໝາຍວ່າດ້ວຍການກວດສອບແຫ່ງລັດ ແລະ ບັນຫາໜຶ່ງທີ່ສະມາຊິກສະພາແຫ່ງຊາດ ກໍຄືສັງຄົມໃຫ້ຄວາມສົນໃຈຫລາຍ ກໍແມ່ນເປັນຫຍັງບໍ່ປະຕິບັດມາດຕະການຢ່າງເຂັ້ມງວດຕໍ່ການລະເມີດວິໄນແຜນການ-ການເງິນ ເຊິ່ງບັນຫານີ້ ຫົວໜ່ວຍທີ່ລະເມີດລະບຽບການນັ້ນກໍແມ່ນອົງການຂອງລັດຂັ້ນຕ່າງໆ ຊຶ່ງມັນພົວພັນເຖິງພາລະບົດບາດ, ຂອບເຂດສິດຂອງແຕ່ລະພາກສ່ວນ ເຊິ່ງອົງການກວດສອບແຫ່ງລັດບໍ່ມີສິດທີ່ຈະໄປລົງໂທດ ຫລື ລົງວິໄນພະນັກງານທີ່ບໍ່ຢູ່ພາຍໃຕ້ການຄຸ້ມຄອງຂອງຕົນ. ແຕ່ແນວໃດກໍຕາມ, ຜ່ານການກວດສອບຕາມພາລະບົດບາດ ແລະ ສິດໜ້າທີ່ຂອງອົງການກວດສອບນີ້ ຂໍຢັ້ງຢືນວ່າ: ການແກ້ໄຂຜົນຂອງການກວດສອບຕາມບັນດາກະຊວງ ຫລື ຂະແໜງການຕ່າງໆ ແມ່ນໄດ້ເອົາໃຈໃສ່ປະຕິບັດເປັນຢ່າງດີ ແລະ ມີທ່ວງທ່າດີຂຶ້ນເລື້ອຍໆ ເຊິ່ງສະແດງອອກຄື: ການລະເມີດວິໄນແຜນການ ຫລື ການຈັດຕັ້ງປະຕິບັດໂຄງການນອກແຜນ, ໂຄງການລົງທຶນກ່ອນ, ໂຄງການທີ່ບໍ່ມີການປະມູນ ແລະ ອື່ນໆ ແມ່ນມີທ່າອ່ຽງຫລຸດລົງຫລາຍ.

ນອກຈາກນີ້, ສະພາບລາຍຮັບຂອງບັນດາຂະແໜງການທີ່ເກັບໄດ້ແລ້ວເອົາໄປຈ່າຍກ່ອນກໍແມ່ນມີທ່າອ່ຽງຫລຸດລົງເຊັ່ນກັນ ລວມເຖິງບັນຫາການເອົາເງິນກົມກອງ ຫລື ຂອງຂະແໜງການຕົນໄປຝາກຢູ່ທະນາຄານທຸລະກິດກໍຫລຸດລົງ, ມາຮອດປັດຈຸບັນຍັງເຫລືອພຽງແຕ່ 13 ບັນຊີເທົ່ານັ້ນ. ແຕ່ຂະນະດຽວກັນກໍປາກົດວ່າຍັງມີບາງກໍລະນີທີ່ການແກ້ໄຂມີຄວາມຄືບໜ້າຊ້າເຊັ່ນ: ບັນຫາໜີ້ຕ້ອງຮັບຂອງຂະແໜງສ່ວຍສາອາກອນ, ຂະແໜງການຊັບສິນຍັງບໍ່ໄດ້ຮັບການແກ້ໄຂດີເທົ່າທີ່ຄວນ ແລະ ໜີ້ລາຍຈ່າຍໃນລະບົບຄັງເງິນກໍເຫັນວ່າການແກ້ໄຂເຮັດໄດ້ໜ້ອຍ. ຕໍ່ບັນຫາດັ່ງກ່າວ, ອົງການກວດສອບກໍໄດ້ດໍາເນີນການແກ້ໄຂຜົນຂອງການກວດສອບທີ່ຕິດພັນກັບຂະແໜງການ ແລະ ທ້ອງຖິ່ນ, ຖ້າເຫັນວ່າເປັນການລະເມີດທາງດ້ານບໍລິຫານກໍສະເໜີໃຫ້ອົງການທີ່ຄຸ້ມຄອງເປົ້າໝາຍນັ້ນແກ້ໄຂຕາມລະບຽບກົດໝາຍກໍານົດຢ່າງເຂັ້ມງວດ.

ການລະເມີດວິໄນທາງການເງິນມີທ່າອ່ຽງຫລຸດລົງ - Wave100S AD to Website 2020 0 - ການລະເມີດວິໄນທາງການເງິນມີທ່າອ່ຽງຫລຸດລົງ
ການລະເມີດວິໄນທາງການເງິນມີທ່າອ່ຽງຫລຸດລົງ - WhatsApp Image 2020 05 27 at 5 - ການລະເມີດວິໄນທາງການເງິນມີທ່າອ່ຽງຫລຸດລົງ
error: Alert: Content is protected !!