ນະຄອນຫລວງເອົາໃຈໃສ່ປັບປຸງພູມິທັດ ແລະ ຄວາມເປັນລະບຽບຂອງຕົວເມືອງ

- advert banner 728 90 728x90 - ນະຄອນຫລວງເອົາໃຈໃສ່ປັບປຸງພູມິທັດ ແລະ ຄວາມເປັນລະບຽບຂອງຕົວເມືອງ

ທ່ານ ສີນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ໃຫ້ຮູ້ວ່າ: ປັດຈຸບັນ, ພວມຈັດຕັ້ງປະຕິບັດຫລາຍໂຄງການເພື່ອປັບປຸງພູມິທັດ ແລະ ຄວາມເປັນລະບຽບຮຽບຮ້ອຍຂອງຕົວເມືອງໃຫ້ໜ້າຢູ່ຕາມນະໂຍບາຍ 6 ສ ເປັນຕົ້ນ: ໄດ້ສໍາເລັດການສ້າງແຜນຜັງຕົວເມືອງຈໍາລອງ ແລະ ແຜນຜັງການພັດທະນາເສັ້ນທາງ, ໄດ້ສໍາຫລວດເບື້ອງຕົ້ນໂຄງການສ້າງທາງດ່ວນຄູ່ຂະໜານຖະໜົນໄກສອນພົມວິຫານ, ດໍາເນີນການລ່ວງຄອງນໍ້າຈາກບຶງທາດຫລວງຫາຫ້ວຍໝາກຮຽວໃຫ້ກວ້າງອອກຕື່ມ, ເປີດຂະບວນການ “ຊົ່ວໂມງວຽງຈັນສະອາດ” ນັບແຕ່ເດືອນມິຖຸນາ 2017 ເປັນຕົ້ນມາເພື່ອສ້າງຂະບວນການອານາໄມໃນທຸກໆແລງຂອງວັນພຸດ, ເລັ່ງປູກຕົ້ນໄມ້ຕາມສວນສາທາລະນະ, ແຄມຖະໜົນຫົນທາງ, ຈັດຕັ້ງປະຕິບັດໂຄງການບໍາບັດນໍ້າເປື້ອນໃນຕົວເມືອງ, ກໍ່ສ້າງສະຖານີບໍາບັດມູນຄົນ, ສ້າງຈຸດພັກຂີ້ເຫຍື້ອບ້ານຕົວແບບຢູ່ເມືອງສີໂຄດຕະບອງ, ສໍາເລັດການສຶກສາສໍາຫລວດວິເຄາະສິ່ງເສດເຫລືອຈາກເຮືອນພັກ, ໂຮງແຮມ ແລະ ເຂດຊານເມືອງໄລຍະໃໝ່, ໄປພ້ອມໆກັບການຄົ້ນຄວ້າຮ່າງລະບຽບການຄຸ້ມຄອງຮ່ອງລະບາຍນໍ້າ, ຄຸ້ມຄອງສວນສາທາລະນະໃນຕົວເມືອງ. ນອກຈາກນີ້ຍັງໄດ້ເອົາໃຈໃສ່ແກ້ໄຂສະພາບຄົນຂໍທານ, ໃບ້ບ້າເສຍຈິດ, ຊ່ວຍເຫລືອຜູ້ດ້ວຍໂອກາດທາງສັງຄົມນໍາເຂົ້າສູ່ສູນສົງເຄາະ ແລະ ສົ່ງກັບຄືນພູມລໍາເນົາ ກໍຄືຄອບຄົວ. ໄປຄຽງຄູ່ກັນນັ້ນ, ກໍໄດ້ສຸມໃສ່ແກ້ໄຂບັນດາປະກົດການຫຍໍ້ທໍ້ຕ່າງໆຂອງສັງຄົມ ເປັນຕົ້ນ: ບັນຫາຢາເສບຕິດ, ອາຊະຍາກໍາ, ແກ໋ງກວນເມືອງໃຫ້ໝົດໄປດ້ວຍການໃຊ້ມາດຕະການດ້ານກົດໝາຍຢ່າງເຂັ້ມງວດ, ປັດຈຸບັນພວມກະກຽມການປະກາດໂຄງການ “ວຽງຈັນສະຫງົບສຸກ” ໂດຍຫັນເອົາພະນັກງານ-ລັດຖະກອນລົງກໍ່ສ້າງຮາກຖານ ເພື່ອຊ່ວຍອໍານາດການປົກຄອງ ແລະ ຊຸມຊົນໃນການ ນໍາພາເຮັດພາສ້າງບ້ານໃຫ້ມີການພັດທະນາ, ໂດຍຖືເອົາປະຊາຊົນເປັນກົກໃນການປົກປັກຮັກສາຄວາມເປັນລະບຽບຮຽບຮ້ອຍ ແລະ ຄວາມສະຫງົບສຸກຢູ່ຮາກຖານ.

- new3 - ນະຄອນຫລວງເອົາໃຈໃສ່ປັບປຸງພູມິທັດ ແລະ ຄວາມເປັນລະບຽບຂອງຕົວເມືອງ
- lattana 1 - ນະຄອນຫລວງເອົາໃຈໃສ່ປັບປຸງພູມິທັດ ແລະ ຄວາມເປັນລະບຽບຂອງຕົວເມືອງ
error: Content is protected !!