10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ

10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ -           22 - 10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ
10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ - Untitled design - 10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ

ເວັບໄຊ TalentSmart ໄດ້ສຶກສາວິໄຈຜູ້ຄົນຫລາຍກ່ວາ 1 ລ້ານຄົນ ພົບວ່າ : ຫົວໜ້າທີ່ດີມັກຈະມີບາງສິ່ງທີ່ຄືກັນ ໂດຍປົກກະຕິແລ້ວ 90% ຂອງພວກເຂົາເກັ່ງໃນເລື່ອງການບໍລິຫານຈັດການກັບອາລົມເພື່ອຄົງສະມາທິ, ຄວາມສຸຂຸມ ແລະ ປະສິດທິພາບໃນການເຮັດວຽກເອົາໄວ້ ບຸກຄົນເຫລົ່ານີ້ມີຄວາມສະຫລາດທາງອາລົມ ຫລື EQ ສູງ ເຊິ່ງເປັນສິ່ງຈຳເປັນໃນການບັນລຸເປົ້າໝາຍ ແລະ ຍັງເຮັດໃຫ້ຄົນອື່ນຢາກຮ່ວມງານກັບພວກເຂົານຳ.

     ສັງເກດໄດ້ຈາກການປະຕິບັດໂຕຂອງຫົວໜ້າ, ຄຳເວົ້າ ແລະ ການກະທຳໃນຊີວິດປະຈຳວັນນັ້ນລ້ວນສະແດງໃຫ້ເຫັນເຖິງສະພາວະຄວາມເປັນຜູ້ນຳໄດ້ຢ່າງຈະແຈ້ງ ເຖິງຈະເບິ່ງວ່າພຶດຕິກຳສາມາດປ່ຽນແປງກັນໄດ້, ແຕ່ຄົນທີ່ພັດທະນາຕົນເອງເທົ່ານັ້ນຈຶ່ງຈະເຫັນຜົນ.

10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ - 082010 2020 300x200 - 10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ

     ເຮົາມາເບິ່ງເຕັກນິກວິທີການເດັດໆທີ່ບັນດາຫົວໜ້າ ຫລື ການເປັນນາຍຄົນນັ້ນມີ ກັບ 10 ຄຸນລັກສະນະຕໍ່ໄປນີ້ ແນ່ນອນບາງຂໍ້ນັ້ນອາດຈະເຫັນໄດ້ຈະແຈ້ງຢູ່ແລ້ວວ່າຄວນມີ ແຕ່ຄວາມທ້າທາຍແທ້ໆຊຳ້ພັດຢູ່ບ່ອນວ່າ ທ່ານຈະນຳໄປໃຊ້ຢ່າງຖືກຕ້ອງຕາມກາລະເທສະໄດ້ແນວໃດ ?

10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ - Wave100S AD to Website 2020 0 - 10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ

10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ - 062010 2020 300x160 - 10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ

  1. ສຸຂຸມໃຈເຢັນ : ຫົວໜ້າທີ່ດີຕ້ອງເປັນຄົນສຸຂຸມ ແລະ ໃຈເຢັນ ເພາະພວກເຂົາໝັ່ນສັງເກດ ແລະ ເຮັດຄວາມເຂົ້າໃຈອາລົມຂອງຕົນເອງຢູ່ສະເໝີ ເພື່ອຈະໄດ້ຄວບຄຸມຕົນເອງໄດ້ເມື່ອຕ້ອງຈັດການບັນຫາທີ່ທ້າທາຍ ເມື່ອໃດທີ່ສະຖານະການເລີ່ມບໍ່ຄ່ອຍດີ ຫົວໜ້າຈະຕ້ອງພະຍາຍາມເຊື່ອງອາລົມພາຍໃຕ້ຄວາມສະຫງົບເຍືອກເຢັນໄວ້ ເພາະພວກເຂົາຮູ້ດີວ່າ ບໍ່ວ່າຈະຮ້າຍຈະດີແນວໃດ ທຸກໆຢ່າງຈະໝູນວຽນໄປຕາມເວລາ ສິ່ງທີ່ເຮັດໄດ້ກໍມີພຽງການປັບປ່ຽນໃຫ້ເຂົ້າກັບສະຖານະການ ເພື່ອຄຸມຕົນເອງໃຫ້ຢູ່ ແລະ ບໍ່ເຄັ່ງຄຽດຈົນເກີນໄປ.
  2. ສະຫງ່າງາມ : ບຸກຄະລິກທີ່ສະຫງ່າງາມແມ່ນການປະສົມປະສານກັນຢ່າງລົງໂຕລະຫ່ວາງຄວາມແຂງແກ່ນ ແລະ ອ່ອນນ້ອມ ບໍ່ເອນອຽງໄປຕາມຄຳຂູ່, ໂທສະ ຫລື ຄຳບົງການ ນັ້ນກໍຍ້ອນທຳມະຊາດທີ່ອ່ອນນ້ອມ ແລະ ໝັ້ນໃຈໃນຕົນເອງ ທີ່ຈະສາມາດເຮັດໃຫ້ວຽກສຳເລັດລຸລ່ວງໄດ້ ຫລາຍເທື່ອທີ່ຄຳວ່າອ່ອນນ້ອມຖືກໃຊ້ໃນຄວາມໝາຍດ້ານລົບ (ໂດຍສະເພາະໃນບ່ອນເຮັດວຽກ) ແຕ່ໃນຄວາມເປັນຈິງແລ້ວ ຄວາມສະຫງ່າງາມອ່ອນນ້ອມນີ້ໄດ້ມອບພະລັງໃຫ້ບັນດາສຸດຍອດຫົວໜ້າທີ່ປະສົບຄວາມສຳເລັດມາຫລາຍຕໍ່ຫລາຍແລ້ວ ຄົນເຫລົ່ານີ້ບໍ່ໄດ້ເຮັດໂຕສູງທີ່ໃຜໆເກີນຈະຍື້ເຖິງ ທັງຍັງເປັນທີ່ນິຍົມຊົມຊອບ ແລະ ເຂົ້າກັບຜູ້ອື່ນໄດ້ງ່າຍນຳ ຄຸນສົມບັດທັງໝົດນີ້ເອງທີ່ເຮັດໃຫ້ຜູ້ຄົນຍອມຮັບໃນຄວາມຄິດຂອງພວກເຂົາເປັນຢ່າງດີ.
  3. ສະຫລຽວສະຫລາດ : ຫົວໜ້າທີ່ດີຕ້ອງຮູ້ຫລາຍກ່ວາຄົນອື່ນໆ ເພາະຕ້ອງພັດທະນາການຮຽນຮູ້ໃນຕົນເອງຢູ່ສະເໝີ ພວກເຂົາຖືສັດປະຕິຍານຕົນວ່າຈະຕ້ອງເຕີບໃຫຍ່ຂຶ້ນເລື້ອຍໆ ເມື່ອໃດກໍຕາມທີ່ມີເວລາວ່າງ ພວກເຂົາຈະເພີ່ມພູນຄວາມຮູ້ໃຫ້ແກ່ຕົນເອງໂດຍຕະຫລອດ ເຊິ່ງບໍ່ແມ່ນເຮັດຍ້ອນວ່າມັນແມ່ນສິ່ງທີ່ຖືກຕ້ອງ, ແຕ່ເຮັດຍ້ອນຄວາມຫລົງໄຫລ ພວກເຂົາມັກຈະແນມຫາໂອກາດໃນການພັດທະນາຮຽນຮູ້ສິ່ງໃໝ່ ແລະ ສິ່ງອ້ອມໂຕຢູ່ສະເໝີ.
  4. ຊື່ສັດ : ຫົວໜ້າທີ່ດີມັກເຊື່ອໃນຄວາມຊື່ສັດ ແລະ ຄວາມມີຄຸນນະທຳ ເຖິງຈະເຈັບປວດແດ່ໃນບາງເທື່ອ, ແຕ່ຜົນທີ່ໄດ້ໃນໄລຍະຍາວນັ້ນຖືວ່າກຸ້ມຄ່າທີ່ສຸດ ພວກເຂົາຮູ້ວ່າຄວາມຊື່ສັດນຳມາເຊິ່ງຄວາມສຳພັນທີ່ຈິງໃຈ ຕ່າງກັບຄຳຕົວະທີ່ສຸດທ້າຍຈະບໍ່ໄດ້ທັງຄວາມສຳພັນທີ່ດີ ທັງຍັງຍ້ອນກັບມາທຳຮ້າຍທ່ານໃນທີ່ສຸດ.
  5. ຮອບຄອບ : ຫົວໜ້າທີ່ດີນັ້ນຈະຕັດສິນໃຈກໍຕໍ່ເມື່ອໃຊ້ເວລາຄິດພິຈາລະນາຖີ່ຖ້ວນ ແລະ ຫາຄຳແນະນຳຈາກຄົນອື່ນແລ້ວ ແລະ ຜົນການວິໄຈກໍສະແດງອອກມາວ່າ ການເພິ່ງພາສັນຊາດຕະຍານຂອງຕົນຫລາຍເກີນໄປມັກບໍ່ເຮັດໃຫ້ເກີດຜົນ ແລະ ອາດນຳໄປສູ່ເສັ້ນທາງທີ່ຜິດໄດ້ ດັ່ງນັ້ນ ສິ່ງທີ່ສ້າງຄວາມແຕກຕ່າງໄດ້ຈຶ່ງເປັນການຄິດໃຫ້ຊ້າລົງ ໂດຍບໍ່ລືມໃຊ້ເຫດຜົນ ພິຈາລະນາຈົນຖີ່ຖ້ວນ ແລະ ແນມຫາຄຳແນະນຳຈາກຜູ້ຮູ້.
  6. ເວົ້າດ້ວຍຄວາມໝັ້ນໃຈ : ບໍ່ສະເໝີໄປທີ່ຈະເຫັນຫົວໜ້າທີ່ດີເວົ້າວ່າ “ຂ້ອຍບໍ່ຄ່ອຍແນ່ໃຈ” ແລະ “ຂ້ອຍກໍຄິດແນວນັ້ນ” ຫົວໜ້າທີ່ປະສົບຄວາມສຳເລັດຈະເວົ້າຢ່າງໝັ້ນໃຈ ເພາະພວກເຂົາຮູ້ວ່າເປັນເລື່ອງຍາກທີ່ຈະເຮັດໃຫ້ຄົນສົນໃຈຟັງໄດ້ ຫາກບໍ່ມີຄວາມເຊື່ອໝັ້ນໃນສິ່ງທີ່ຕ້ອງການສື່ອອກໄປ.
  7. ຮູ້ຈັກໃຊ້ພາສາກາຍເປັນຢ່າງດີ : ການຮູ້ຈັກໃຊ້ກິລິຍາທ່າທາງ, ການສະແດງອອກ ແລະ ນຳ້ສຽງຂອງຕົນເອງຢ່າງເໝາະສົມ ຈະດຶງດູດຄົນໃຫ້ເຂົ້າມາຫາ ປຽບດັ່ງມົດຕອມນຳ້ຕານ ເຊັ່ນ : ການໃຊ້ນຳ້ສຽງກະຕືລືລົ້ນ, ບໍ່ຢືນກອດເອິກ, ສົບສາຍຕາຜູ້ຟັງ ແລະ ປິ່ນໜ້າເຂົ້າຫາຜູ້ຟັງໂດຍຕະຫລອດ. ພາສາກາຍທີ່ດີນັ້ນສາມາດປ່ຽນບົດສົນທະນາໃຫ້ດີຂຶ້ນໄ້ ເພາະວິທີການທີ່ທ່ານເວົ້າບາງເທື່ອມັນກໍສຳຄັນກ່ວາເນື້ອໃນທີ່ເວົ້າໄດ້ຄືກັນ.
  8. ໝັ້ນໃຈ : ຜູ້ນຳທີ່ປະສົບຄວາມສຳເລັດມັກຄວາມທ້າທາຍ ແລະ ການແຂ່ງຂັນ ເຖິງວ່າຈະເປັນພຽງແຕ່ໄຊຊະນະອັນນ້ອຍໆ, ແຕ່ໄຊຊະນະອັນນ້ອຍໆເຫລົ່ານີ້ຈະຊ່ວຍເພີ່ມຄວາມໝັ້ນໃຈ ແລະ ຄວາມຫ້າວຫັນໃນການແລ່ນເຂົ້າຫາຄວາມທ້າທາຍໃໝ່ໆໄດ້ອີກຫລາຍ. ດັ່ງນັ້ນ, ຖ້າຫາກທ່ານເຮັດເລື່ອງນ້ອຍໆສຳເລັດຕິດຕໍ່ກັນຫລາຍເທື່ອ ທ່ານກໍຈະມີຄວາມໝັ້ນໃຈໃນຕົນເອງເພີ່ມຂຶ້ນຢູ່ດົນຫລາຍເດືອນ.
  9. ປາສະຈາກຄວາມຢ້ານ : ຄວາມຢ້ານບໍ່ແມ່ນສິ່ງອື່ນໃດນອກຈາກຄວາມຮູ້ສຶກທີ່ຍັງຄົງຄ້າງຈາກຈິນຕະນາການຂອງໂຕທ່ານເອງ ອັນຕະລາຍດັ່ງຄວາມຮູ້ສຶກຢ້ານເວລາທີ່ອະດຣີນາລີນແລ່ນຕອນເກືອບຖືກລົດຕຳຕ່າງຫາກທີ່ເປັນຂອງແທ້. ສ່ວນຄວາມຢ້ານນັ້ນເປັນພຽງໂຕເລືອກທີ່ເຮົາຈິນຕະນາການຂຶ້ນມາ ເຊິ່ງສຸດຍອດຜູ້ນຳລ້ວນເຂົ້າໃຈເລື່ອງນີ້ດີກ່ວາໃຜ ພວກເຂົາຈຶ່ງເລືອກປ່ຽນວິກິດໃຫ້ເປັນໂອກາດ ໂດຍປ່ຽນຈາກການປ່ອຍໃຫ້ຄວາມຢ້ານເຂົ້າຄອບງຳຈົນບໍ່ເປັນອັນເຮັດອັນທຳຫຍັງ ມາເປັນເສບຕິດຄວາມຮູ້ສຶກຕື່ນເຕັ້ໜທີ່ໄດ້ຈາກການລົງມືເຮັດ ແລະ ການເອົາຊະນະຄວາມຢ້ານຫລາຍກ່ວານັ້ນເອງ.
  10. ກະຕັນຍູຮູ້ຄຸນ : ບັນດາສຸດຍອດຜູ້ນຳທີ່ປະສົບຄວາມສຳເລັດຮູ້ດີວ່າທຸກສິ່ງຕ້ອງແລກມາດ້ວຍຄວາມທະເຍີທະຍານ, ຄວາມຫລົງໄຫລ ແລະ ການເຮັດວຽກອັນໜັກໜ່ວງຫລາຍປານໃດ ເພື່ອທີ່ຈະໄດ້ມາຢືນຢູ່ໃນຈຸດທີ່ຢືນຢູ່ໃນປັດຈຸບັນ. ນອກຈາກນີ້, ພວກເຂົາຍັງຮູ້ດີວ່າຄົນທີ່ຄອຍໃຫ້ຄຳປຶກສາເພື່ອນຮ່ວມງານ, ຄອບຄົວ ແລະ ມິດຕະພາບອ້ອມໂຕນັ້ນ ມີບົດບາດສຳຄັນຫລາຍຕໍ່ຄວາມສຳເລັດທີ່ພວກເຂົາໄດ້ຮັບ. ດັ່ງນັ້ນ, ແທນການເມົາແຕ່ຊື່ນຊົມໄປກັບຄວາມສຳເລັດຂອງຕົນເອງ ພວກເຂົາຈະບໍ່ເຄີຍຄິດລືມນຶກເຖິງສິ່ງດີໆທີ່ເຄີຍໄດ້ຮັບຈາກຄົນອ້ອມຂ້າງເລີຍ.

10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ - 102010 2020 300x199 - 10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ

ທ້າຍທີ່ສຸດແລ້ວ ນິໄສເຫລົ່ານີ້ກໍຊ່ວຍເຮັດໃຫ້ທຸກຄົນປະສົບຄວາມສຳເລັດຫລາຍຍິ່ງຂຶ້ນໄດ້ ຖ້າຝຶກຝົນເຮັດເປັນປະຈຳທຸກມື້ ລອງເບິ່ງຈັກເທື່ອ ແລ້ວທ່ານຈະຮູ້ວ່າມັນພາໃຫ້ທ່ານກ້າວໄປຂ້າງໜ້າໄດ້ໄປປານໃດ.

10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ - WhatsApp Image 2020 05 27 at 5 - 10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ
10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ - WhatsApp Image 2020 05 27 at 5 - 10 ຄຸນລັກສະນະສຳຄັນຂອງການເປັນນາຍຄົນທີ່ດີເລີດ
error: Alert: ເນື້ອຫາຂ່າວມີລິຂະສິດ !!