ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ

ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ  ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ -                                                                                                          - ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ  ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ
ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ  ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ - 174233 - ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ  ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ

ສຳລັບປີ 2021 ຂະແໜງກະສິກໍາ ແລະ ປ່າໄມ້ ໄດ້ວາງຄາດໝາຍສູ້ຊົນຜະລິດສະບຽງອາຫານ ເພື່ອປະຕິບັດວິໄສທັດ, ຍຸດທະສາດ ແລະ ແຜນ 5 ປີ ກ່ຽວກັບກະສິກໍາ-ປ່າໄມ້ ແລະ ພັດທະນາຊົນນະບົດ ແລະ ລຶບລ້າງຄວາມທຸກຍາກຄື: ເນື້ອທີ່ປູກເຂົ້າໃຫ້ໄດ້ 950.250 ເຮັກຕາ ຜົນຜະລິດໃຫ້ໄດ້ 3,53 ລ້ານໂຕນ, ພືດສະບຽງຕ່າງໆ: ສາລີຫວານ ໃຫ້ໄດ້ 28.100 ເຮັກຕາ, ຜົນຜະລິດ 271.000 ໂຕນ, ເຜືອກມັນໃຫ້ໄດ້ 17.500 ເຮັກຕາ ຜົນຜະລິດ 251.000 ໂຕນ, ໝາກໄມ້ 64.300 ເຮັກຕາ ຜົນຜະລິດ 1,2 ລ້ານໂຕນ, ພືດຜັກຕ່າງໆ 181.400 ເຮັກຕາ ຜົນຜະລິດ 1,5 ລ້ານໂຕນ, ຜະລິດຊີ້ນ-ປາ ໃຫ້ໄດ້ 486.000 ໂຕນ. ສຳລັບວຽກພັດທະນາຊົນນະບົດລຶບລ້າງຄວາມ ທຸກຍາກ ໄດ້ວາງຄາດໝາຍສູ້ຊົນຄື: ສ້າງຄອບຄົວພົ້ນທຸກໃຫ້ໄດ້ 20.436 ຄອບຄົວ, ສ້າງບ້ານພົ້ນທຸກໃຫ້ໄດ້ 310 ບ້ານ, ສ້າງຄອບຄົວພັດທະນາໃຫ້ໄດ້ 24.572 ຄອບຄົວ ແລະ ບ້ານພັດທະນາໃຫ້ໄດ້ 442 ບ້ານ.

ຂໍ້ມູນດັ່ງກ່າວລາຍງານໂດຍທ່ານ ທ່ານ ລິນຄຳ ດວງສະຫວັນ ຮອງລັດຖະມົນຕີກະຊວງກະສິກຳ ແລະ ປ່າໄມ້ ໃນພິທີຊຸມນຸມເພື່ອສະເຫລີມສະຫລອງວັນອາຫານໂລກ ແລະ ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ປະຈຳປີ 2020 ເຊິ່ງໄດ້ຈັດຂຶ້ນໃນທ້າຍອາທິດທີ່ຜ່ານມາ ທີ່ສະຖາບັນຄົ້ນຄວ້າກະສິກໍາ ແລະ ພັດທະນາຊົນນະບົດ ນະຄອນຫລວງວຽງຈັນ.

ທ່ານ ລິນທອງ ດວງສະຫວັນ ກ່າວຕື່ມວ່າ: ຢາກແກ້ໄຂຄວາມທຸກຍາກ ແລະ ຄວາມອຶດຫິວໄດ້ ມັນຮຽກຮ້ອງໃຫ້ພາກລັດ, ເອກະຊົນ ແລະ ອົງການຈັດຕັ້ງສາກົນ, ອົງການຈັດຕັ້ງທາງສັງຄົມ, ຊາວກະສິກອນທົ່ວປະເທດ ຕ້ອງດຳເນີນມາດຕະການທີ່ຕັ້ງໜ້າ ​ແລະ ມີປະສິດຕິພາບ, ເອົາໃຈໃສ່ຜັນຂະຫຍາຍຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການເພີ່ມທະວີຄວາມຮັບຜິດຊອບຂອງຄະນະພັກໃນການຊີ້ນຳ-ນຳພາການປ້ອງກັນ ແລະ ຮັບມືກັບໄພພິບັດທຳມະຊາດ ແລະ ຄຳສັ່ງຂອງນາຍົກລັດຖະມົນຕີ ວ່າດ້ວຍການຈັດຕັ້ງປະຕິບັດ 8 ມາດຕະການຊຸກຍູ້ເສດຖະກິດ. ພ້ອມຮຽກຮ້ອງມາຍັງບັນດາຂະແໜງການຂັ້ນສູນກາງ, ອົງການປົກຄອງທ້ອງຖິ່ນແຕ່ລະຂັ້ນ, ອົງການຈັດຕັ້ງມະຫາຊົນ, ປະຊາຊົນບັນດາເຜົ່າ, ພາກເອກະຊົນ, ອົງການຈັດຕັ້ງສັງຄົມ, ອົງການຈັດຕັ້ງສາກົນ ແລະ ຄູ່ຮ່ວມພັດທະນາ ຈົ່ງສືບຕໍ່ຮ່ວມກັບປະຊາຊາດໃນໂລກ ພ້ອມກັນສົ່ງແຮງໃຈ ແລະ ສະໜັບສະໜູນໄປເຖິງຜູ້ທຸກຍາກ ແລະ ອຶດຫິວຄົ້ນຄວ້າຊອກຫາວິທີການ ແລະ ມາດຕະການ ເພື່ອສູ້ຊົນຈັດຕັ້ງປະຕິບັດຄຳຂວັນວັນອາຫານໂລກ “ອະນາຄົດຂຶ້ນກັບການກະທຳຂອງພວກເຮົາ ຈົ່ງພ້ອມກັນເພີ່ມພູນຜະລິດຜົນ ຮັບປະກັນຄວາມຍືນຍົງໃຫ້ທົ່ວເຖິງ” ແລະ ຄຳຂວັນວັນສາກົນລຶບລ້າງຄວາມທຸກຍາກ “ຮ່ວມໃຈການເພື່ອບັນລຸຄວາມຍຸຕິທຳທາງສັງຄົມ ແລະ ສິ່ງແວດລ້ອມໃຫ້ແກ່ທຸກຄົນ” ໃຫ້ປະກົດຜົນເປັນຈິງ.

ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ  ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ - Wave100S AD to Website 2020 0 - ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ  ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ
ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ  ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ - WhatsApp Image 2020 05 27 at 5 - ຂະແໜງກະສິກຳ ແລະ ປ່າໄມ້ ວາງຄາດໝາຍຜະລິດສະບຽງອາຫານ  ເພື່ອແກ້ໄຂຄວາມທຸກຍາກ ແລະ ຄວາມອຶດຫິວ
error: Alert: Content is protected !!