ລັດຖະບານຊີ້ແຈງຄຳຊັກຖາມຂອງ ສສຊ

ລັດຖະບານຊີ້ແຈງຄຳຊັກຖາມຂອງ ສສຊ -                                                                                       - ລັດຖະບານຊີ້ແຈງຄຳຊັກຖາມຂອງ ສສຊ
ລັດຖະບານຊີ້ແຈງຄຳຊັກຖາມຂອງ ສສຊ - 174233 - ລັດຖະບານຊີ້ແຈງຄຳຊັກຖາມຂອງ ສສຊ

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ໂດຍຕາງໜ້າໃຫ້ລັດຖະບານ ​ໄດ້ຊີ້ແຈງຕໍ່ຄຳຊັກຖາມຂອງບັນດາສະມາຊິກສະພາແຫ່ງຊາດ (ສສຊ) ໃນກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ VIII ຄັ້ງນີ້ ທີ່​ມີຄວາມເປັນຫ່ວງເປັນ​ໄຍຕໍ່ການພັດທະນາປະເທດ ກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງຊາດ ເພື່ອຮັບປະກັນ​ໃຫ້ການແກ້ໄຂຄວາມທຸກຍາກຂອງປະຊາຊົນມີ​ປະສິດທິ​ຜົນ.

ທ່ານຮອງນາຍົກລັດຖະມົນຕີ ລະບຸວ່າ: ເພື່ອສືບຕໍ່ປະຕິບັດນະໂຍບາຍ 3 ເປີດຄື: ເປີດໃຈ, ເປີດປະຕູ ແລະ ເປີດສິ່ງກີດຂວາງໃຫ້ເປັນຮູບປະທຳ ແລະ ໝາກຜົນຕົວຈິງນັ້ນ ລັດຖະບານ ໄດ້ສຸມໃສ່ຈັດຕັ້ງປະຕິບັດບັນດານະໂຍບາຍ, ຄາດໝາຍ, ມາດຕະການ ແລະ ວຽກງານຈຸດສຸມຕ່າງໆ ໃຫ້ມີປະສິດທິພາບ ແລະ ປະສິດທິຜົນຫລາຍຂຶ້ນ,​ ພ້ອມເລັ່ງໃສ່ແກ້ໄຂບັນດາຂໍ້ຄົງຄ້າງ ແລະ ສິ່ງກີດຂວາງຕ່າງໆ ເພື່ອສ້າງສະພາບແວດລ້ອມທີ່ເອື້ອອຳນວຍໃນການດຶງດູດການລົງທຶນຈາກຕ່າງປະເທດໃຫ້ນັບມື້ຫລາຍຂຶ້ນ ແນໃສ່ສ້າງຜົນປະໂຫຍດກັບປະເທດຊາດ ກໍຄືປະກອບສ່ວນເຂົ້າໃນການແກ້ໄຂຄວາມທຸກຍາກຂອງປະຊາຊົນບັນດາເຜົ່າ​ໄດ້​ມີ​ໝາກຜົນ.

ສຳລັບຄາດໝາຍໃນການລົງທຶນ ແມ່ນຈະເລັ່ງໃສ່ຂະແໜງທີ່ເປັນບູລິມະສິດຕາມທີ່ໄດ້ກຳນົດໄວ້ໃນກົດໝາຍສົ່ງເສີມການລົງທຶນ (ປີ 2016) ເຊິ່ງລັກສະນະຂອງໂຄງການແມ່ນຈະໄດ້ເນັ້ນໃສ່ໂຄງການທີ່ເປັນຫົວຈັກຫລັກແຫລ່ງໃນການດຶງດູດການພັດທະນາເສດຖະກິດຂອງປະເທດ ແລະ ເປັນການລົງທຶນທີ່ຖ່າຍທອດເຕັກໂນໂລຊີ, ນະວັດຕະກຳໃໝ່ທີ່ຕິດພັນກັບການຫັນເປັນອຸດສາຫະທັນສະໄໝໃນຍຸກ 4.0 ຕາມຂະແໜງການທີ່ມີເງື່ອນໄຂ ລວມທັງເປັນການສ້າງຕ່ອງໂສ້ ເພື່ອເພີ່ມມູນຄ່າໃນການຜະລິດສິນຄ້າໃຫ້ມີຄຸນນະພາບ ແລະ ມີຄວາມຫລາກຫລາຍ, ທັງກ້າວໄປສູ່ມາດຕະຖານສາກົນ ແລະ ປັບໂຕເຂົ້າກັບສູ່ຍຸກສະໄໝ່ແຫ່ງປັນຍາປະດິດ. ພ້ອມກັນນັ້ນ, ກໍເປັນການລົງທຶນເພື່ອຜະລິດສິນຄ້າທີ່ຈຳເປັນຕໍ່ການບໍລິໂພກ ແລະ ສາມາດສ້າງວຽກເຮັດງານທຳໃຫ້ກັນປະຊາຊົນເປັນຈຳນວນຫລາຍ ເປັນຕົ້ນແມ່ນກະສິກຳສະອາດ-ປອດສານພິດ, ອຸດສາຫະກຳປຸງແຕ່ງອາຫານ, ອຸດສາຫະກໍາຜະລິດເຄື່ອງອຸປະໂພກ-ບໍລິໂພກ, ການທ່ອງທ່ຽວ, ການສຶກສາ, ການສ້າງໂຮງໝໍທັນສະໄໝ ແລະ ການຜະລິດຢາ, ການພັດທະນາພື້ນຖານໂຄງລ່າງ-ເສັ້ນທາງ, ການບໍລິການຂົນສົ່ງສິນຄ້າ, ການບໍລິການທາງຜ່ານ ແລະ ການເຊື່ອມໂຍງເຊື່ອມຈອດ ລະຫວ່າງປະເທດ. ນອກຈາກນັ້ນ, ກໍຈະໄດ້ເອົາໃຈໃສ່ດຶງດູງການລົງທຶນເຂົ້າໃສ່ຂົງເຂດເສດຖະກິດພິເສດ, ເຂດນິຄົມອຸດສາຫະກຳ, ໂຄງການຂະໜາດນ້ອຍ ແລະ ຂະໜາດກາງ ແລະ ບັນດາໂຄງການທີ່ນຳໃຊ້ເຕັກນິກວິທະຍາສາດທີ່ທັນສະໄໝ ແລະ ຈຳເປັນ.

ລັດຖະບານຊີ້ແຈງຄຳຊັກຖາມຂອງ ສສຊ - Wave100S AD to Website 2020 0 - ລັດຖະບານຊີ້ແຈງຄຳຊັກຖາມຂອງ ສສຊ

ສຳລັບ​ການຊຸກຍູ້ສົ່ງເສີມການລົງທຶນພາກເອກະຊົນໃຫ້ບັນລຸຄາດໝາຍທີ່ວາງໄວ້, ລັດຖະບານ ຈະໄດ້ສຸມໃສ່ໃນການປະສານສົບທົບກັບຂະແໜງການທີ່ກ່ຽວຂ້ອງ ເພື່ອປັບປຸງລະບຽບການ, ກົນໄກ, ການປະສານງານ ແລະ ວຽກງານອື່ນໆທີ່ກ່ຽວຂ້ອງ ເພື່ອສ້າງສະພາບແວດລ້ອມທີ່ເອື້ອອຳນວຍໃນການດຳເນີນທຸລະກິດຢູ່ພາຍ​ໃນ, ທັງຮັບປະກັນໃຫ້ມີຄວາມໂປ່ງໃສ ແລະ ວ່ອງໄວ.

ລັດຖະບານຊີ້ແຈງຄຳຊັກຖາມຂອງ ສສຊ - WhatsApp Image 2020 05 27 at 5 - ລັດຖະບານຊີ້ແຈງຄຳຊັກຖາມຂອງ ສສຊ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!