ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ

ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ -                                      6           - ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ
ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ - 174233 - ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ

​ເກີດ​ເຫດ​ຄົນ​ຮ້າຍ​ຫລາຍ​ຄົນ​ໃຊ້​ອາວຸດ​ປືນ​ໄຣ​ເຟິລ​ໂຈມ​ຕີ 6 ຈຸດ ​ໃນ​ນະຄອນຫລວງ​ວຽນ​ນາ ຂອງ​ໂອ​ຕຣິດ. ລາຍ​ງານ​ຫລ້າ​ສຸດ​ລະບຸ​ວ່າ: ມີ​ຜູ້​ເສຍ​ຊີວິດ​ຈາກ​ເຫດການ​ນີ້​ແລ້ວ 2 ຄົນ ​ແລະ ມີ​ຜູ້​ບາດ​ເຈັບ​ຈຳນວນ​ຫລາຍ, ບາງ​ສ່ວນ​ບາດ​ເຈັບ​ສາຫັດ ​ແລະ ມີ​ຕຳຫລວດ​ບາດ​ເຈັບ​ນຳ. ຂະນະ​ດຽວ​ກັນ ນາຍົກລັດຖະມົນຕີ​ໂອ​ຕຣິດ ລະບຸ​ວ່າ: ມີ​ຄົນ​ຮ້າຍ​ເສຍ​ຊີວິດ 1 ຄົນ ​ແລະ ຕຳຫລວດ​ກຳລັງ​ເລັ່ງ​ໄລ່​ລ່າ​ຜູ້​ກໍ່​ເຫດ​ທີ່​ກຳລັງ​ຫລົບໜີ​ອີກ​ຢ່າງ​ໜ້ອຍ 1 ຄົນ ​ໂດຍ​ແນະນຳ​ໃຫ້​ປະຊາຊົນ​ຢູ່​​ໃນ​ເຮືອນ ​ເພື່ອ​ຄວາມ​ປອດ​ໄພ.

​ເຫດການ​ນີ້​ເກີດ​ຂຶ້ນ​ໃນ​ຕອນ​ຄໍ່າ​ຂອງ​ວັນ​ທີ 2 ພະຈິກ ຕາມ​ເວລາ​ທ້ອງ​ຖິ່ນ ຫລື ກົງ​ກັບ​ຕອນ​ເຊົ້າຕາມ​ເວລາ​ປະ​ເທດ​ລາວ ​ໂດຍ​ຈຸດ​ເກີດ​ເຫດ​ຢູ່​ໃກ້​ກັບ​ໂບດ​ຢິວກາງ​ເມືອງ​ຫລວງ​ຂອງ​ໂອ​ຕຣິດ. ຜູ້​ຢູ່​ໃນ​ຈຸດ​ເກີດ​ເຫດ​ຄົນ​ໜຶ່ງ​ລະບຸ​ວ່າ: ຂະນະ​ເກີດ​ເຫດ​ມີ​ຜູ້​ຄົນ​ອອກ​ໄປ​ນັ່ງ​ຮັບ​ປະທານ​ອາຫານ​ຕາມ​ຮ້ານ​ອາຫານ​ຈຳນວນ​ຫລາຍ ​ເພາະ​ເປັນ​ໄລຍະ​ກ່ອນ​ທີ່​ລັດຖະບານ​ຈະ​ບັງຄັບ​ໃຊ້​ມາດ​ຕະການ​ລັອກດາວ​ທີ່​ເຂັ້ມງວດ​ຂຶ້ນ ​ເພື່ອ​ສະກັດ​ການລະບາດ​ຂອງ​​ໂຄ​ວິດ-19 ​ໂດຍ​ຜູ້​ຢູ່​ໃນ​ເຫດການ​ຄົນ​ນີ້​ລະບຸ​ວ່າ: ​ໄດ້​ຍິນ​ສຽງ​ປືນ​ບໍ່​ໜ້ອຍ​ກວ່າ 100 ນັດ ​ແລະ ມີ​ລູກ​ຄ້າ​ຮ້ານ​ອາຫານ​ຄົນ​ໜຶ່ງ​ຖືກ​ຍິງ​ຂະນະ​ນັ່ງ​ຮັບ​ປະທານ​ອາຫານ​ຢູ່.

ຈົນ​ຮອດ​ຕອນ​ນີ້ ທາງ​ການ​ໂອ​ຕຣິດຍັງ​ບໍ່​ຢືນຢັນ​ເຖິງ​ແຮງ​ຈູງ​ໃຈ​ໃນ​ການ​ກໍ່​ເຫດ​ທີ່​ແນ່ນອນ, ​ແຕ່​ເຫດການ​ນີ້​ເກີດ​ຂຶ້ນຫລັງ​ຈາກ​ເກີດ​ເຫດ​ຄົນ​ຮ້າຍ​ໃຊ້​ມີດ​ໂຈມ​ຕີ​ຜູ້​ຄົນ​ຢູ່​ບໍລິ​ເວນ​ໂບດ​ໃນ​ເມືອງ​ນິດ​ຂອງຝຣັ່ງ​ໃນ​ທ້າຍ​ເດືອນ​ຜ່ານ​ມາ ຈົນ​ເຮັດ​ໃຫ້​ມີ​ຜູ້​ເສຍ​ຊີວິດ 3 ຄົນ ​ແລະ ​ເຮັດ​ໃຫ້​ເລີ່​ມ​ເກີດ​ຄວາມ​ກັງວົນ​ຂຶ້ນມາ​ວ່າ: ​ເອີຣົບອາດ​ເປັນ​ເປົ້າໝາຍ​ການ​ກໍ່​ການ​ຮ້າຍ​ອີກ​ເທື່ອ​ໜຶ່ງ.

ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ - Wave100S AD to Website 2020 0 - ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ

ທ່ານ ​ເຊ​ບາສຕຽນ ​ເຄິດ ນາຍົກລັດຖະມົນຕີ​ໂອ​ຕຣິດ ລະບຸ​ວ່າ: ​ເຫດ​ທີ່​ເກີດ​ຂຶ້ນ​ເປັນ​ການ​ກໍ່​ການ​ຮ້າຍ​ທີ່​ໜ້າ​ກຽດ​ເຊັ່ນ​ດຽວ​ກັບ​ຜູ້ນຳ​ປະ​ເທດ​ເອີຣົບທີ່​ອອກ​ມາ​ປະນາມ​ການ​ໂຈມ​ຕີ​ດັ່ງກ່າວ ​ໂດຍ​ທ່ານ ບໍຣິສ ຈອນ​ສັນ ນາຍົກລັດຖະມົນຕີອັງກິດ ລະບຸ​ວ່າ: ​ເປັນ​ການ​ໂຈມ​ຕີ​ທີ່​ເຮັດ​ໃຫ້​ທ່ານ​ຮູ້ສຶກ​ຊັອກ. ຂະນະ​ທີ່​ທ່ານ ​ເອັມມາ​ນູ​ເອລ ມາຄຣົງ ປະທານາທິບໍດີ​ຝຣັ່ງ ​ເນັ້ນວ່າ: ​ເອີຣົບຕ້ອງ​ບໍ່​ຍອມ​​ແພ້​ຕໍ່​ການ​ກໍ່​ການ​ຮ້າຍ.

ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ - WhatsApp Image 2020 05 27 at 5 - ເກີດເຫດໂຈມຕີ 6 ຈຸດ ໃນນະຄອນຫລວງວຽນນາຂອງໂອຕຣິດ ເສຍຊີວິດ 2 ຄົນ ຕຳຫລວດເລັ່ງລ່າຕົວຄົນຮ້າຍ
error: Alert: Content is protected !!