ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ

ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ -                                                                    - ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ
ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ - 174233 - ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ

ເມື່ອ​ມໍ່ໆ​ມາ​ນີ້, ລັດຖະບານ​ເຮົາ​ໄດ້ແຈ້ງເປີດດ່ານຜ່ານ​ແດນຊົ່ວຄາວໃນບາງແຂວງ​ເຊັ່ນ: ດ່ານປະເພນີໜອງມ້າ ເມືອງບົວລະພາ ແຂວງຄໍາມ່ວນ, ດ່ານບ້ານວັງ ເມືອງໝື່ນ ແຂວງວຽງຈັນ, ດ່ານປະເພນີທ່າສະອາດ ຢູ່ເມືອງປາກກະດິງ ແຂວງບໍລິຄໍາໄຊ ແລະ ດ່ານທ້ອງຖິ່ນປາງໄຮ ເມືອງສິງ ແຂວງຫລວງນໍ້າທາ ​ເປັນ​ການ​ຊົ່ວຄາວ ນັບ​ແຕ່​ວັນ​ທີ 1 ພະຈິກ 2020 ​ເຖິງ​ວັນ​ທີ 30 ມິຖຸນາ 2021 ​ເພື່ອ​ຂົນ​ສົ່ງ​ສິນຄ້າ​ຕາມ​ແຈ້ງ​ການ​ຂອງຫ້ອງວ່າການສຳນັກງານຍາຍົກລັດຖະມົນຕີ ເລກທີ 1131/ຫສນຍ, ລົງວັນທີ 15 ຕຸລາ 2020 ກ່ຽວກັບມາດຕະການຜ່ອນຜັນໃນໄລຍະການລະບາດຂອງພະ ຍາດໂຄວິດ-19, ​ໃນ​ນັ້ນ​ໄດ້ເຫັນດີອະນຸມັດໃຫ້ເປີດດ່ານທ້ອງຖິ່ນປາງໄຮສໍາລັບຂົນສົ່ງສິນຄ້າທີ່ມີຄວາມຈໍາເປັນ ນັບແຕ່ວັນທີ 1 ພະຈິກ 2020 ຫາ 30 ມິຖຸນາ 2021 ແຕ່ໃຫ້ປະຕິບັດຕາມລະບຽບການຂົນສົ່ງສິນຄ້າເຂົ້າ-ອອກທີ່ສອງຝ່າຍໄດ້ຕົກລົງ ແລະ ປະຕິບັດຜ່ານມາ; ເຫັນດີອະນຸມັດໃຫ້ບໍລິສັດ ຍິງເມົາ ສົ່ງເສີມປູກອ້ອຍ ຂາອອກ-ຂາເຂົ້າ ຈໍາກັດ ນໍາເຂົ້າແຮງງານ ຈໍານວນ 148 ຄົນ (ພະນັກງານຄຸ້ມຄອງ ແລະ ບໍລິຫານໂຄງການຈາກ ສປ ຈີນ 17 ຄົນ ແລະ ຄົນຂັບລົດ 131 ຄົນ) ແລະ ລົດຮັບໃຊ້ ຈໍານວນ 136 ຄັນ (ລົດຮັບໃຊ້ບໍລິຫານ 5 ຄັນ ແລະ ລົດບັນທຸກອ້ອຍ 131 ຄັນ) ເຂົ້າມາ ສປປ ລາວ ຕາມລະບຽບການຂອງຂະແໜງການກ່ຽວຂ້ອງ ໂດຍຜ່ານດ່ານທ້ອງຖິ່ນປາງໄຮ ເມືອງສິງ ແຂວງຫລວງນໍ້າທາ ເພື່ອກະກຽມສົ່ງອ້ອຍອອກໄປ ສປ ຈີນ.

ເຫັນດີອະນຸມັດໃຫ້ເປີດດ່ານປະເພນີທ່າສະອາດ ເມືອງປາກກະດິງ ຊົ່ວຄາວ ເພື່ອຮັບໃຊ້ໃຫ້ແກ່ການນໍາເຂົ້າວັດສະດຸອຸປະກອນທີ່ຈໍາເປັນ ແລະ ຮີບດ່ວນທີ່ສຸດ ຂອງບໍລິສັດ ໄຟຟ້ານໍ້າເທີນ 1 ຈໍາກັດ ມີ 4 ລາຍການ ເຊິ່ງມີນໍ້າໜັກລວມ 134-191,60 ໂຕນຕໍ່ລາຍການ ຕາມອິນວອຍເລກທີ INV-NT1-HIN-110, INV-NT1-HIN-111, INV-NT1-HAV-034a ແລະ INV-NT1-HAV-034b. ພາຍຫລັງຂົນເຄື່ອງສໍາເລັດແລ້ວໃຫ້ປິດດ່ານດັ່ງກ່າວຄືນ; ເຫັນດີອະນຸມັດໃຫ້ເປີດດ່ານບ້ານວັງ ເມືອງໝື່ນ ເພື່ອຮັບໃຊ້ແກ່ການສົ່ງອອກແຮ່ບາລິດ ຂອງບໍລິສັດ ເພັດທອງຄໍາ ບໍ່ແຮ່ ຈໍາກັດ, ແຕ່ຕ້ອງໄດ້ມີການຄຸ້ມຄອງຕິດຕາມການສົ່ງອອກໃຫ້ຮັດກຸມ ແລະ ຮັບປະກັນບໍ່ໃຫ້ມີຊ່ອງວ່າງສວຍໂອກາດຢ່າງເດັດຂາດ; ເຫັນດີອະນຸມັດໃຫ້ເປີດດ່ານປະເພນີໜອງມ້າ ເມືອງບົວລະພາ ເພື່ອຮັບໃຊ້ໃຫ້ແກ່ການສົ່ງອອກແຮ່ບາລິດສໍາເລັດຮູບ ຂອງບໍລິສັດ ແຮ່ບາລິດກວາງຈຸງລາວ ຈໍາກັດຜູ້ດຽວ ແຕ່ຕ້ອງໄດ້ມີການຄຸ້ມຄອງຕິດຕາມການສົ່ງອອກໃຫ້ຮັດກຸມ ແລະ ຮັບປະກັນບໍ່ໃຫ້ມີຊ່ອງວ່າງສວຍໂອກາດຢ່າງເດັດຂາດ.

ໃນປັດຈຸບັນ, ຖືວ່າພະຍາດລະບາດໂຄວິດ-19 ຍັງໜັກໜ່ວງ ແລະ ໜ້າເປັນຫ່ວງທີ່ສຸດໃນທົ່ວຂົງເຂດອາຊີ ກໍຄືໃນທົ່ວໂລກ. ເຖິງຢ່າງໄດກໍຕາມ, ພັກ ແລະ ລັດຖະບານ ໄດ້ມີຄວາມພະຍາຍາມສູງສຸດທີ່ຈະນໍາໃຊ້ມາດຕະການຢ່າງເຄັ່ງຂັດ ເພື່ອປົກປ້ອງຊີວິດການເປັນຢູ່ຂອງປະຊາຊົນລາວ ແລະ ພະຍາຍາມດຸ່ນດ່ຽງເສດຖະກິດມະຫາພາກໃຫ້ມີການເໜັງຕີງ​ໄດ້ຢ່າງຕໍ່ເນື່ອງ ແລະ ປົກກະຕິທີ່ສຸດ.

ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ - Wave100S AD to Website 2020 0 - ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ
ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ - WhatsApp Image 2020 05 27 at 5 - ລາວແຈ້ງເປີດດ່ານຜ່ານແດນບາງດ່ານເປັນການຊົ່ວຄາວ ເພື່ອຂົນສົ່ງສິນຄ້າ
error: Alert: Content is protected !!