ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ

ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ -                                                                                      - ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ
ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ - Untitled design - ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ

ໃນວັນທີ 3 ພະຈິກນີ້ ທີ່ກະຊວງການຕ່າງປະເທດ, ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການດັ່ງກ່າວ ໄດ້ຕ້ອນຮັບການເຂົ້າຢ້ຽມອໍາລາຂອງທ່ານ ຊິນ ຊອງ ຊຸນ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສ.ເກົາຫລີ ປະຈໍາ ສປປ ລາວ, ພາຍຫລັງສໍາເລັດການປະຕິບັດໜ້າທີ່ການທູດຢູ່ ສປປ ລາວ ​ເກືອບ 3 ປີ.

ໃນໂອກາດດຽວກັນນີ້, ທ່ານ ສະເຫລີມໄຊ ກົມມະສິດ ໄດ້ຕາງໜ້າລັດຖະບານ ສປປ ລາວ ມອບຫລຽນກາມິດຕະພາບໃຫ້ແກ່ ທ່ານ ຊິນ ຊອງ ຊຸນ ເພື່ອເປັນການສັນລະເສີນ ແລະ ຈາລຶກຄຸນ ງາມຄວາມດີທີ່ທ່ານໄດ້ອຸທິດເຫື່ອແຮງ ແລະ ສະຕິປັນຍາເຂົ້າໃນການສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ ສປປ ລາວ ແລະ ສ.ເກົາຫລີ ໃຫ້ມີບາດກ້າວຂະຫຍາຍຕົວ ແລະ ແໜ້ນແຟ້ນຍິ່ງ​ຂຶ້ນ.

ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ - Wave100S AD to Website 2020 0 - ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ

ນອກຈາກນັ້ນ, ທ່ານ ຊິນ ຊອງ ຊຸນ ຍັງມີຜົນງານທີ່ພົ້ນເດັ່ນໃນການຂົນຂວາຍການຊ່ວຍ ເຫລືອຈາກລັດຖະບານ ສ.ເກົາຫລີ ແກ່ ສປປ ລາວ ໃນດ້ານການເກັບກູ້ລະເບີດບໍ່ທັນແຕກ, ການສຶກສາ ແລະ ການຊ່ວຍເຫລືອທຶນຮອນ ພ້ອມດ້ວຍອຸປະກອນການແພດແກ່ ສປປ ລາວ ເພື່ອຮັບມືກັບການແຜ່ລະບາດຂອງເຊື້ອພະຍາດໂຄວິດ-19 ຢູ່ ສປປ ລາວ ລວມທັງການຊ່ວຍເຫລືອ ສປປ ລາວ ເພື່ອຮັບມືກັບໄພພິບັດທໍາມະຊາດ ເປັນຕົ້ນແມ່ນໄພພິບັດນໍ້າຖ້ວມຢູ່ແຂວງອັດຕະປື ໃນປີ 2018 ແລະ ຢູ່ບັນດາແຂວງພາກກາງ ແລະ ພາກໃຕ້ຂອງ ສປປ ລາວ ໃນປີ 2019 ຜ່ານມາ. ພິເສດ, ໃນໂອກາດສະເຫລີມສະຫລອງ ວັນສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສ.ເກົາຫລີ ຄົບຮອບ 25 ປີ ໃນປີ 2020 ນີ້, ທ່ານທູດ ໄດ້ຫ້າວຫັນໃນການຮ່ວມມືກັບຝ່າຍລາວຈັດກິດຈະກໍາຕ່າງໆ ລວມທັງການປາຖະກະຖາກ່ຽວກັບສາຍພົວພັນການທູດ ສປປ ລາວ ແລະ ສ.ເກົາຫລີ ແນໃສ່ເພື່ອລະລຶກເຖິງວັນສໍາຄັນດັ່ງກ່າວ ແລະ ເປັນການເຜີຍແຜ່ສາຍພົວພັນອັນດີ ແລະ ການຮ່ວມມືທີ່ມີຜົນສໍາເລັດສູງລະຫວ່າງສອງປະເທດ ຕະຫລອດ 25 ປີຜ່ານມາ ໃຫ້ແກ່ພະນັກງານ, ນັກຮຽນຮູ້, ປັນຍາຊົນ ແລະ ປະຊາຊົນທັງສອງປະເທດໃຫ້ຮັບຮູ້ ແລະ ເຂົ້າໃຈ.

ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ - WhatsApp Image 2020 05 27 at 5 - ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ
ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ - WhatsApp Image 2020 05 27 at 5 - ລັດຖະບານລາວມອບຫລຽນກາມິດຕະພາບໃຫ້ທູດ ສ.ເກົາຫລີ
error: Alert: ເນື້ອຫາຂ່າວມີລິຂະສິດ !!