ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່?

ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່? - Time fo an Adventure 2020 11 04T121145 - ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່?
ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່? - 174233 - ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່?

ໂດຍ: ລູກເມືອງພວນ

ພັກ-ລັດເຮົາໄດ້ຖືເອົາການເຮັດວຽກງານການເມືອງ-ແນວຄິດ ເປັນສຳຄັນ, ເປັນເສັ້ນໄໝແດງສອດຫ້ອຍໄປໃນແນວຄິດຂອງພະນັກງານທຸກລະດັບ, ນັບແຕ່ຂັ້ນນ້ອຍຫາຂັ້ນໃຫ່ຍ. ຖືເອົາວຽກງານການເມືອງ-ແນວຄິດເປັນກົກໃນການສຶກສາອົບຮົມພະນັກງານ-ລັດຖະກອນທຸກລະດັບຂັ້ນ. ເພີ່ນຖືວ່າ: ເມື່ອແນວຄິດໂລ່ງ, ການເມືອງໜັກແໜ້ນ ກໍຈະເຮັດໃຫ້ບັນຫາອື່ນໆດີຂຶ້ນຕາມໆກັນ. ຖ້າແນວຄິດຂອງພະນັກງານບໍ່ໂລ່ງ, ການເມືອງບໍ່ໜັກແໜ້ນ ເຮັດຫຍັງກໍຍາກ ແມ່ນແຕ່ວຽກນ້ອຍໆ ມັນກໍຈະຂັດຢູ່ຫັ້ນ(ປານສານລາຍຂັດ). ກົງກັນຂ້າມ ຖ້າແນວຄິດໂລ່ງ ເຖິງແມ່ນວຽກຈະຫຍຸ້ງຍາກປານໃດ ກໍສຳເລັດ. ດັ່ງຄຳບູຮານເວົ້າວາ: “ເວົ້າຖືກຂໍ້(ແນວຄິດໂລ່ງ)ຂໍກິນບໍ່ຖີ່ ເວົ້າບໍ່ຖືກຂໍ້(ແນວຄິດບໍ່ໂລ່ງ) ຂໍຊື້ບໍ່ຂາຍ ຂໍດາຍບໍ່ໃຫ້”.

ໃນຄວາມເປັນຈິງແລ້ວ ກໍແມ່ນແນວນັ້ນແທ້. ແຕ່ພວກເຮົາຕ້ອງເຂົ້າໃຈວ່າ ການເມືອງ-ແນວຄິດກໍມີການປ່ຽນແປງໄປຕາມຍຸກ ຕາມສະໄໝ ເພາະການເມືອງ-ແນວຄິດມັນແມ່ນບັນຫາຂອງໂຄງບົນ ໂດຍຄົງຕົວຢູ່ຕາມການເວລາຂອງໂຄງລ່າງ. ເມື່ອໃດໂຄງລ່າງມີການປ່ຽນແປງ ໂຄງບົນ ແນ່ນອນວ່າ ແນວຄິດ ແລະ ການເມືອງກໍມີການປ່ຽນແປງໄປຕາມ. ດັ່ງນັ້ນ, ການໃຊ້ມາດຕະການສຶກສາອົບຮົມການເມືອງ-ແນວຄິດ ກັບພະນັກງານໃນໄລຍະສົງຄາມ ຊຶ່ງເປັນໄລຍະທີ່ຍັງທຸກຍາກຂາດເຂີນ ທຸກຄົນຢູ່ໃນສະພາບອັນດຽວກັນ, ສັງຄົມບໍ່ທັນແບ່ງຂົ້ວຢ່າງຈະແຈ້ງ, ພື້ນຖານເສດຖະກິດບໍ່ທັນຂະຫຍາຍຕົວ, ລາຍຮັບທາງສັງຄົມຍັງເທົ່າທຽມກັນ ຈຶ່ງຖືວ່າການໃຊ້ມາດຕະການສຶກສາອົບຮົມການເມືອງ-ແນວຄິດແມ່ນໄດ້ຮັບຜົນດີ.

ແຕ່ໃນຍຸສັງຄົມດີຈິຕອນ ຫຼື ຍຸກ 4.0 ນີ້ແມ່ນບໍ່ໄດ້ຮັບຜົນດີເທົ່າທີ່ຄວນ ເພາະວ່າ ສັງຄົມຍຸກນີ້ ແມ່ນສັງຄົມແຫ່ງການເຊື່ອມໂຍງ, ສັງຄົມແຫ່ງຄວາມກ້າວໜ້າທາງດ້ານເສດຖະກິດ, ແມ່ນຍຸກແຫ່ງການດຳເນີນການຄ້າ, ການທຸລະກິດ ເພື່ອຫາທຶນ ແລະ ກຳໄລ, ສັງຄົມແຫ່ງການແກ້ງແຍ່ງແຂ່ງຂັນກັນ, ຈື່ງເຮັດໃຫ້ລາຍຮັບທາງສັງຄົມບໍ່ເທົ່າທຽມກັນ, ມີການປຽບທຽບຊັ່ງຊາກັນ. ສັງຄົມເກີດຂົ້ວຮັ່ງ, ຂົ້ວທຸກ ແລະ ອີກບັນຫາໜຶ່ງ ພາຍຫຼັງປະເທດຊາດໄດ້ຮັບການປົດປ່ອຍ ກໍເລີ່ມສ້າງສາພັດທະນາ ເສດຖະກິດ, ພື້ນຖານໂຄງລ່າງ, ການລົງທຶນໃນລະດັບໂຄງການໃຫ່ຍໆ ເກີດຂຶ້ນຢ່າງມາກມາຍ ຈຶ່ງເປັນໂອກາດໃຫ້ພະນັກງານຈຳນວນໜຶ່ງ ສວຍໃຊ້ໜ້າທີ່ ຕຳແໜ່ງໄປໃນທາງທີ່ບໍ່ຖືກຕ້ອງເຊັ່ນ: ສໍ້ໂກງ ຍັກຍອກ, ລັກ, ໂລບ ເອົາຊັບສິນເງິນທອງຂອງສ່ວນລວມໄປເປັນຂອງຕົນເອງ ຈຶ່ງກໍ່ເກີດໃຫ້ເປັນແບບຢ່າງບໍ່ດີໃຫ້ພະນັກງານທີ່ມີຄວາມບໍລີສຸດສັດຊື່ ເກີດແນວຄິດ ອິດສາບັງບຽດ ແລ້ວຮຽນຫຼອກແບບນຳກັນ ແລະ ໃນທີ່ສຸດກໍບໍ່ມີໃຜທ້ວງໃຜ ຢ້ານວ່າ “ໄກ່ເປັນຕີນງູ ງູເຫັນນົມໄກ່”.

ບັນຫາດັ່ງກ່າວ ໄດ້ເຮັດໃຫ້ການສຶກສາອົບຮົມການເມືອງ-ແນວຄິດຂອງພະນັກງານເລີ່ມບໍ່ໄດ້ຜົນເທົ່າທີ່ຄວນ ຄືກັນກັບສະໄໝການປະຕິວັດຊາດ ປະຊາທິປະໄຕ. ພະນັກງານຈຳນວນໜຶ່ງ ຈຶ່ງຫັນເຫ ຊອກຫາໜ້າທີ່ຕຳແໜ່ງທີ່ດີໆ ດ້ວຍວິທີການຕ່າງໆ ເພື່ອຫວັງລວຍ, ຈຶ່ງເປັນສາເຫດໃຫ້ພະນັກງານປະຕິວັດຈຳນວນໜຶ່ງເສຍທາດຂາດຄຸນ, ສ້າງຄວາມບໍ່ເຊື່ອໝັ້ນ ແລະ ເສື່ອມຊັດທາຂອງປະຊາຊົນຕໍ່ພັກ-ລັດ, ຈຶ່ງຖືກການຈັດຕັ້ງປັບໃໝ ໃສ່ໂທດ ແລະ ໄລ່ອອກການຈຳນວນໜຶ່ງກໍມີ. ຍ້ອນເຫດຜົນດັ່ງກ່າວນີ້ ການສຶກສາອົບຮົມການເມືອງ-ແນວຄິດໃຫ້ພະນັກງານ ທະຫານ ຕຳຫຼວດ ແລະ ປະຊາຊົນໃນຍຸກປັດຈຸບັນຈຶ່ງ ບໍ່ໄດ້ຮັບຜົນດີເທົ່າທີ່ຄວນ(ເຂົ້າຫູຊ້າຍ ອອກຫູຂວາ, ເຂົ້າຫູຂວາ ອອກຫູຊ້າຍ), ມີໜ້າທີ່ຟັງກໍຟັງໄປ ແຕ່ບໍ່ເຮັດນຳ ຫຼື ເວົ້າແບບໜຶ່ງ ກໍເຮັດໄປແບບໜຶ່ງ. ເມື່ອເປັນເຊັ່ນນັ້ນ, ບັນຫາຕັ້ງຂຶ້ນວ່າ: ຄັນຊັ້ນຄຕຄວນເຮັດແນວໃດ ການສຶກສາອົບຮົມການເມືອງ-ແນວຄິດຈຶ່ງຈະໄດ້ຜົນດີໃນຍຸກນີ້?

ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່? - Wave100S AD to Website 2020 0 - ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່?

ເພື່ອເຮັດໃຫ້ການສຶກສາອົບຮົມການເມືອງແນວຄິດ   ຂອງພະນັກ

ງານ-ລັດຖະກອນ ແລະ ປະຊາຊົນໄດ້ດີໃນເວລານີ້ກໍຄວນ: ດຳເນີນທັງສອງຢ່າງຄວບຄູ່ກັນໄປ, ນັ້ນກໍຄື: ທັງເຮັດວຽກງານການເມືອງແນວຄິດໃຫ້ໜັກແໜ້ນ, ເລິກເຊິ່ງ ເຖິງຖອງອີຫຼີ ບໍ່ແມ່ນເຮັດຂີ່ມ້າຊົມສວນດອກໄມ້, ທັງບັງຄັບໃຊ້ກົດໝາຍຢ່າງເຄັ່ງຄັດ ໂດຍບໍ່ເລືອກເຟັ້ນຍົດສັກວັນນະ ໜ້າທີ່ຕຳແໜ່ງ ໂດຍໃຫ້ມີຄວາມເປັນທຳ ແລະ ສະເໝີພາບ ແລະ ວ່າໄປຕາມສະຖານໜັກ, ເບົາ ຢ່າງສະເໝີຕົ້ນສະເໝີປາຍ, ຢ່າເຮັດການສຶກສາອົບຮົມການເມືອງ-ແນວຄິດແຕ່ຢ່າງດຽວ. ຖ້າຫາກເຮັດແຕ່ດ້ານໃດດ້ານໜຶ່ງຄິດວ່າຈະບໍ່ມີນໍ້າຢາພຽງພໍທີ່ຈະເຮັດ   ໃຫ້ການສໍ້ລາດບັງຫຼວງ ສໍ້ຫຼວງບັງລາດ ຜ່ອນຄາຍລົງໄດ້.

ເມື່ອມີຜູ້ກະທຳຜິດ, ກ່ອນອື່ນໝົດ: 1) ຕ້ອງຢຶດຊັບສິນໄວ້ທັງໝົດ 2) ປົດຕຳແໜ່ງໄວ້ຊົ່ວຄາວ, 3) ສືບສວນສອບສວນ, 4) ປະຕິບັດວິໄນໃສ່ໂທດ ຕາມສະຖານໜັກ, ເບົາ( ຖ້າມີຄວາມຜິດຈິງ), ຖ້າບໍ່ມີຄວາມຜິດ ສົ່ງຊັບຄືນ, ໃຫ້ໜ້າທີ່ຕຳແໜ່ງຄືນ. ຢ່າເຮັດແບບວ່າ ບໍ່ທ້ວງຕີງ, ເມີນເສີຍ, ບໍ່ປັບໃໝໃສ່ໂທດ ແຕ່ຫາກຍັງໄດ້ເລື່ອນໜ້າທີ່ຕຳແໜ່ງທີ່ສຳຄັນຕ່າງຫາກ.

ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່? - WhatsApp Image 2020 05 27 at 5 - ມາດຕະການສຶກສາອົບຮົມການເມືອງ-ແນວຄິດ ໃຫ້ພະນັກງານ ໄດ້ຜົນຈິງຫຼືບໍ່?
error: Alert: Content is protected !!