ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III

ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III -                                                                 - ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III
ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III - 174233 - ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III

      ກອງປະຊຸມຄະນະກໍາມະການຄຸ້ມຄອງຫລັກຊັບ (ຄຄຊ) ຄັ້ງທີ III ປະຈໍາປີ 2020 ໄດ້​​ສຳ​ເລັດ​ລົງໃນ​ວັນ​ທີ 4 ພະ​ຈິກນີ້ ທີ່​ສຳ​ນັກ​ງານຄະນະ​ກຳມະການ​ດັ່ງກ່າວ ​ໂດຍພາຍ​ໃຕ້​ການ​ເປັ​ນ​ປະ​ທານ​ຂອງທ່ານ ສົມດີ ດວງດີ ຮອງ​ນາຍົກລັດຖະມົນຕີ, ລັດຖະມົນຕີກະຊວງການເງິນ, ປະທານ ຄຄຊ.

ກອງປະຊຸມ​ໄດ້​ມີ​ການປຶກສາຫາລືບາງໜ້າວຽກທີ່ສຳຄັນ ໂດຍ​ສະ​ເພາະ​ໄດ້​ສຳ​ເລັດການເຜີຍແຜ່ກົດໝາຍວ່າດ້ວຍຫລັກຊັບ (ສະບັບປັບປຸງ) ແລະ ສ້າງຄວາມເຂົ້າໃຈພື້ນຖານກ່ຽວກັບການລົງທຶນໃນຮຸ້ນຢູ່ 4 ແຂວງພາກໃຕ້ ແລະ ສໍາເລັດການຄົ້ນຄວ້າອະນຸຍາດໃນການອອກຈຳໜ່າຍຮຸ້ນກູ້ຢູ່ປະເທດໄທຂອງບໍລິສັດ ໄຟຟ້ານໍ້າງື່ມ 2 ຈຳກັດ. ແຕ່ເຖິງຢ່າງໃດກໍຕາມ, ກໍຕ້ອງ​ໄດ້​ສືບ​ຕໍ່​ເອົາ​ໃຈ​ໃສ່​ຫລາຍບັນຫາ ເພື່ອພັດທະນາ​ຕະຫລາດ​ທຶນລາວໃຫ້​ມີ​ປະສິດ​ທິ​ພາບ, ມີ​ຄວາມ​ໜ້າ​ເຊື່ອ​ຖື ​ແລະ ຄຶກຄື້ນກວ່າເກົ່າ. ພ້ອມນີ້, ກໍ​ມີລາຍງານການປັບປຸງເຄື່ອງໝາຍ (Logo) ຂອງ ຄຄຊ; ນຳສະເໜີນິຕິກຳຈຳນວນ 2 ສະບັບ ແລະ ລາຍງານສະພາບການເຄື່ອນໄຫວຂອງ​ຕະຫລາດຫລັກ​ຊັບ​ 9 ເດືອນ ໃນປີ 2020, ແຜນການ 3 ເດືອນ ທ້າຍປີ 2020.

ກອງ​ປະຊຸມໄດ້​ເຊີດ​ຊູ​ຄວາມ​ຮັບຜິດຊອບສູງ ​ແລະ ສຸມ​ທຸກ​ສະຕິ​ປັນຍາ​​ເຂົ້າ​ໃນ​ການ​ຄົ້ນຄວ້າ, ປະ​ກອບ​ຄໍາ​ເຫັນ​ຕໍ່​ແຕ່ລະ​ເນື້ອ​ໃນ​ຢ່າງ​ລະອຽດ, ພາວະ​ວິ​ໄສ, ກົງ​ໄປ​ກົງ​ມາ ​ແລະ ໃຫ້​ແທດ​ເໝາະ​ກັບ​ສະພາບ​ຄວາມ​ເປັນ​ຈິງ ​ເພື່ອ​ໃຫ້​ສາມາດ​ນໍາ​ໄປ​ຈັດ​ຕັ້ງ​ປະຕິບັດ​ໄດ້​ຢ່າງ​ແທດ​ເໝາະ ​ແລະ ມີ​ປະສິດທິພາບ​ສູງ ບົນພື້ນຖານເພື່ອຜົນປະໂຫຍດລວມຂອງຊາດ.

ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III - Wave100S AD to Website 2020 0 - ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III

ທ່ານ ສົມດີ ດວງດີ ໄດ້​ມີ​ຄຳ​ເຫັນ​ຕໍ່​ກອງ​ປະຊຸມ​ວ່າ: ເພື່ອສືບຕໍ່ຈັດຕັ້ງປະຕິບັດວຽກງານຄຸ້ມຄອງຫລັກຊັບໃຫ້ໜັກແໜ້ນເຂັ້ມແຂງກວ່າເກົ່າ, ຈົ່ງ​ຮີບຮ້ອນ​ປະສານ​ສົມທົບກັບຂະແໜງການກ່ຽວຂ້ອງຕ່າງໆ ​ເພື່ອ​ຜັນ​ຂະຫຍາຍ​ເນື້ອ​ໃນ​ຈິດ​ໃຈ​ກອງ​ປະຊຸມ​ຄັ້ງ​ນີ້​ເປັນ​ໜ້າວຽກ​ລະອຽດ ​ແລະ ຈັດ​ຕັ້ງ​ເຊື່ອມຊຶມ​ໃຫ້​ເປັນ​ເອກະ​ພາບ​ຕາມ​ເນື້ອ​ໃນ​ຈິດ​ໃຈ​ທີ່​ກອງ​ປະຊຸມ​ໄດ້​ຮັບຮອງ​ເອົາ​ໃຫ້​ເປັນ​ຮູບ​ປະ​ທໍາ.

ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III - WhatsApp Image 2020 05 27 at 5 - ຜົນສຳເລັດກອງປະຊຸມຄະນະກໍາມະການຄຸ້ມຄອງຫລັກຊັບ ຄັ້ງທີ III
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!