ຫລັກການອາບນຳ້ຢ່າງຖືກວິທີໃນຍາມອາກາດເຢັນ

ຫລັກການອາບນຳ້ຢ່າງຖືກວິທີໃນຍາມອາກາດເຢັນ - 59 - ຫລັກການອາບນຳ້ຢ່າງຖືກວິທີໃນຍາມອາກາດເຢັນ
ຫລັກການອາບນຳ້ຢ່າງຖືກວິທີໃນຍາມອາກາດເຢັນ - 174233 - ຫລັກການອາບນຳ້ຢ່າງຖືກວິທີໃນຍາມອາກາດເຢັນ

ເຖິງວ່າຈະຍັງບໍ່ເຂົ້າສູ່ລະດູໜາວຢ່າງເປັນທາງການ, ແຕ່ໃນໄລຍະຕອນເຊົ້າໆ ແລະ ຕອນກາງຄືນຢູ່ບ້ານເຮົາໃນບາງເຂດ ອາກາດກໍເລີ່ມໜາວເຢັນຈົນເຮັດໃຫ້ຫລາຍຄົນບໍ່ຢາກອາບນຳ້ກໍມີ, ແຕ່ເມື່ອຈຳເປັນຕ້ອງອາບນຳ້ໂດຍທີ່ອາກາດໜາວເຢັນ ຈະເຮັດໃຫ້ແນວໃດຈຶ່ງຈະສົ່ງຜົນດີຕໍ່ສຸຂະພາບ ມື້ນີ້ພວກເຮົາມີຄວາມຮູ້ກ່ຽວກັບຫລັກການອາບນຳ້ໃນຍາມໜາວຢ່າງຖືກວິທີມາແນະນຳບັນດາທ່ານ.

ຫລັກການອາບນຳ້ຢ່າງຖືກວິທີໃນຍາມອາກາດເຢັນ - 090211 2020 300x180 - ຫລັກການອາບນຳ້ຢ່າງຖືກວິທີໃນຍາມອາກາດເຢັນ

  • ຄວນຫລີກເວັ້ນການອາບນຳ້ໃນຕອນກາງຄືນ.
  • ຫາກຫລີກເວັ້ນບໍ່ໄດ້ ຄວນອາບນຳ້ປະມານ 10 – 15 ນາທີເທົ່ານັ້ນ ບໍ່ຄວນເກີນ 30 ນາທີ ເພາະການອາບນຳ້ດົນເກີນໄປຈະເຮັດໃຫ້ຜິວໜັງແຫ້ງ, ແຕກ, ລອກ.
  • ບໍ່ຄວນປັບອຸນຫະພູມນຳ້ໃຫ້ຮ້ອນຈົນເກີນໄປ.
  • ຄວນຫົດນຳ້ໃສ່ຕີນໄລ່ຂຶ້ນມາ ຢ່າຮີບຟ້າວຫົດໝົດໂຕ ໂດຍທີ່ຍັງບໍ່ປັບອຸນຫະພູມຮ່າງກາຍ ອາດເຮັດໃຫ້ເປັນຫວັດໄດ້ງ່າຍ.
  • ຫລັງຈາກອາບນຳ້ອຸ່ນໃນຕອນທ້າຍ ໃຫ້ອາບນຳ້ອຸ່ນສະຫລັບກັບນຳ້ເຢັນ ເພື່ອປິດຮູຂຸມຂົນ ແລະ ປັບຄວາມດຸ່ນດ່ຽງຜິວໜັງ ເຮັດໃຫ້ຜິວເສຍຄວາມຊຸ່ມຊື່ນໜ້ອຍລົງ.
  • ຫລັງອາບນຳ້ອຸ່ນ ຄວນທາຄຣີມ ຫລື ໂລຊັ່ນບຳລຸງຜິວທັນທີ ເພື່ອຄວາມຊຸ່ມຊື່ນ ແລະ ປ້ອງກັນຜິວແຫ້ງແຕກ ຫລື ລອກເປັນເກັດ.
  • ນຳ້ເຢັນຫລາຍຈະເຮັດໃຫ້ເກີດອາການຊັອກໄດ້ ໂດຍສະເພາະໃນແຂວງທີ່ມີສະພາບອາກາດໜາວເຢັນຫລາຍເປັນພິເສດ ໂດຍສະເພາະພື້ນທີ່ທາງພາກເໜືອ ອາດຕ້ອງລະວັງອາການຊັອກ ຈາກອຸນຫະພູມເຢັນຫລາຍ ເຊິ່ງອາກາດຊັອກຄວາມເຢັນເປັນອາການທີ່ເກີດຈາກຮ່າງກາຍສຳຜັດນຳ້ ຫລື ອາກາດທີ່ເຢັນຫລາຍໆກະທັນຫັນ ຮ່າງກາຍຈຶ່ງຕອບສະໜອງກະທັບຫັນ ເຮັດໃຫ້ເກີດອາການຫາຍໃຈລຳບາກ, ເລືອດໄປລ້ຽງຮ່າງກາຍບໍ່ພໍ ຈຶ່ງອາດໝົດສະຕິ ແລະ ອາດອັນຕະລາຍເຖິງຂັ້ນເສຍຊີວິດໄດ້ ໂດຍສະເພາະຜູ້ທີ່ມີພະຍາດປະຈຳໂຕ ເຊັ່ນ : ພະຍາດຫົວໃຈ, ພະຍາດຄວາມດັນເລືອດສູງ ເປັນຕົ້ນ.
  • ການປ້ອງກັນອາການຊັອກຄວາມເຢັນສາມາດເຮັດໄດ້ດັ່ງນີ້ :

ຫລັກການອາບນຳ້ຢ່າງຖືກວິທີໃນຍາມອາກາດເຢັນ - 080211 2020 300x175 - ຫລັກການອາບນຳ້ຢ່າງຖືກວິທີໃນຍາມອາກາດເຢັນ

ຫລັກການອາບນຳ້ຢ່າງຖືກວິທີໃນຍາມອາກາດເຢັນ - Wave100S AD to Website 2020 0 - ຫລັກການອາບນຳ້ຢ່າງຖືກວິທີໃນຍາມອາກາດເຢັນ
  1. ລ້າງໜ້າ – ຖູແຂ້ວກ່ອນ ເພື່ອໃຫ້ຮ່າງກາຍປັບສະພາບກັບອາກາດເຢັນ (ຢ່າຟ້າວແກ້ເຄື່ອງນຸ່ງ).
  2. ລ້າງຕີນ, ລ້າງແຂນ, ລ້າງຂາກ່ອນ ໃຫ້ຮ່າງກາຍລຶ້ງກັບນຳ້ເຢັນ.
  3. ໃຊ້ສະບູໜ້ອຍໆ ເພື່ອຫລຸດໄລຍະເວລາໃນການອາບນຳ້ລົງ ແລະ ເຮັດໃຫ້ຜິວບໍ່ແຫ້ງຈົນເກີນໄປ.
  4. ຫາກມີພະຍາດປະຈຳໂຕ ຫລື ເປັນຜູ້ເຖົ້າ ຄວນອາບນຳ້ໃນອຸນຫະພູມອຸ່ນໆ ຫລື ເຊັດໂຕແທນ.
  • ເພີ່ມຄວາມອົບອຸ່ນຫລັງອາບນຳ້ : ນອກຈາກນີ້ ກໍຄວນເພີ່ມຄວາມອົບອຸ່ນຫລັງຈາກອາບນຳ້ແລ້ວໂດຍການດື່ມເຄື່ອງດື່ມອຸ່ນໆກໍຊ່ວຍໄດ້ຄືກັນ, ແຕ່ຄວນຫລີກເວັ້ນເຄື່ອງດື່ມທີ່ມີກາເຟອີນ ຫລື ອານກໍຮໍກ່ອນນອນ ເພາະກາເຟອີນຈະເຮັດໃຫ້ຮ່າງກາຍຕື່ນໂຕ ຈຶ່ງເຮັດໃຫ້ຕ້ອງໃຊ້ເວລາດົນຂຶ້ນກ່ວາຈະນອນຫລັບ ຈຶ່ງສົ່ງຜົນຕໍ່ຄຸນນະພາບໃນການນອນຫລັບ. ຂະນະທີ່ອານກໍຮໍຈະໄປຂັດຂວາງການປ່ອຍຮໍໂມນທຣິບໂຕຟານ ທີ່ຊ່ວຍໃນການນອນຫລັບ ເຮັດໃຫ້ຮູ້ສຶກວ່າຮ່າງກາຍບໍ່ໄດ້ພັກຜ່ອນໝົດຄືນ.
ຫລັກການອາບນຳ້ຢ່າງຖືກວິທີໃນຍາມອາກາດເຢັນ - WhatsApp Image 2020 05 27 at 5 - ຫລັກການອາບນຳ້ຢ່າງຖືກວິທີໃນຍາມອາກາດເຢັນ
error: Alert: Content is protected !!