ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ

ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ - Time fo an Adventure 2020 11 05T174046 - ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ
ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ - 174233 - ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ

ໂດຍ: ລູກເມືອງພວນ

ເມື່ອເວົ້າເຖິງການສອນລູກ ແມ່ນມີຄວາມສຳຄັນຫຼາຍ, ທັງນີ້ກໍເພື່ອຢາກໃຫ້ລູກເປັນຄົນດີ ມີຄຸນສົມບັດ, ມີເມດຕາ, ກາລຸນາ ແລະ ອຸເປຂາ, ເປັນຄົນດີຂອງສັງຄົມ ແລະ ຮັບໃຊ້ປະເທດຊາດ. ແຕ່ການສຶກສາສິດສອນລູກ ແຕ່ລະຍຸກ ແຕ່ລະສະໄໝກໍບໍ່ຄືກັນ ມັນມີການໝູນວຽນປ່ຽນແປງໄປຕາມເງື່ອນໄຂ ແລະ ສະພາບແວດລ້ອມຄວາມເປັນຈິງຂອງສັງຄົມແຕ່ລະຍຸກ.

ໃນລະບອບສະຫະຊີບປະຖົມບູຮານ, ສັກດິນນາ, ນາຍທຶນ ແລະ ລະບອບສັງຄົມນິຍົມລ້ວນແຕ່ມີຈຸປະສົງເປົ້າໝາຍການສຶກສາທີ່ແຕກຕ່າງກັນ. ຕົວຢ່າງໃນລະບອບສະຫະຊີບປະຖົມບູຮານ ການສຶກສາສິດສອນ ຕົ້ນຕໍແມ່ນເລັ່ງໃສ່ສ້າງຄົນໃຫ້ມີຄວາມກ້າຫານ, ຮູ້ເດີນປ່າຫາກິນ, ມີນໍ້າໃຈເອື້ອເຟື້ອເພື່ອແຜ່, ຮັກຫອມຕ່ອມຕຸ້ມຊຶ່ງກັນ ແລະ ກັນ, ຮູ້ຮັກ ແລະ ສາມັກຄີກັນ, ບໍ່ໃຫ້ມີແນວຄິດເອກກະເທດສ່ວນຕົວ ທຸກຢ່າງແມ່ນຢູ່ລວມກິນລວມ…ຕົກມາເຖິງຍຸກລະບອບສັດດິນນາ ເນື້ອໃນ ຣູບການ ແລະ ຈຸດປະສົງເປົ້າໝາຍກໍມີການປ່ຽນແປງໄປ ເພື່ອຮັບໃຊ້ໃຫ້ແກ່ຊົນຊັ້ນກົດຂີ່ຂູດຮີດ. ສະນັ້ນ ຜູ້ທີ່ໄດ້ຮັບການສຶກສາໃນຂະນະນີ້ກໍມີແຕ່ລູກເຈົ້າຂຸນມູນນາຍຈິ່ງໄດ້ຮໍ່າຮຽນ, ເມື່ອຮຽນຈົບອອກມາກໍໄດ້ເປັນເຈົ້າເປັນນາຍ ເພື່ອກົດຂີ່ຂູດຮີດປະຊາຊົນ, ກອບໂກຍເອົາຊັບສິນດິນນາ, ເກັບເກນເອົາເງິນຄຳເສຍຄ່າສ່ວຍຂອງປະຊາຊົນມາເປັນຂອງຕົນເອງ, ເຂົາມີຄວາມສຸກຢູ່ບົນຄໍຂອງຄົນທຸກທີ່ຫາເລັມກີນຫຍ້າຕິດດິນ. ໃນລະບອບສັກດິນນາ ພວກເຂົາສອນລູກໃຫ້ມີລະບຽບວິໄນຕາມຮີດຕາມຄອງ ບໍ່ໄດ້ອອກຈາກຮີດ 12 ຄອງ 14 ຫຼື ເຮືອນ 3 ນໍ້າ 4, ພໍ່ແມ່ ປົງບ່ອນໃດ ຢູ່ບ່ອນຫັ້ນ ບໍ່ໄດ້ລື່ນກາຍຄວາມຂອງພໍ່ແມ່ເດັດຂາດ. ຖ້າຜູ້ໃດຫາກເຮັດຜິດຮີດຜິດຄອງ ຖືວ່າເປັນຄົນສັງຄົມລັງກຽດ ຖືວ່າເປັນຄົນເນລະຄຸນ. ພໍຕົກມາເຖິງລະບອບທຶນນິຍົມ ຊຶ່ງເປັນສັງຄົມລະດັບສູງ ເລີ່ມມີການຜະລິດສິນຄ້າ, ເລີ່ມມີໂຮງຈັກໂຮງງານ ການສຶກສາເວລານີ້ ນັບທັງເນື້ອໃນ ຮູບການ ແລະ ຈຸດປະສົງຂອງການສຶກສາກໍມີການປ່ຽນແປງໄປຢ່າງມະຫາສານ ຊຶ່ງພວກເຂົາຈະສຶກສາໃຫ້ຄົນກາຍເປັນເຄື່ອງຈັກທີ່ຟັງຄວາມ, ຮູ້ແຕ່ເຮັດຕາມຄຳສັ່ງເທົ່ານັ້ນ, ທາງຈິດໃຈ ກໍຕ້ອງຮູ້ຈົງຮັກພັກດີ ຊື່ສັດ ບໍລິສຸດຕໍ່ເຈົ້ານາຍ, ຮັບໃຊ້ສຸດກົກສຸດປາຍໃຫ້ແກ່ຊົນຊັ້ນປົກຄອງຕົນ, ລູກເຕົ້າຢາກຮຽນຫຍັງ, ຢາກເຮັດຫຍັງ ແມ່ນສິດທິຂອງຜູ້ເປັນລູກ ຊຶ່ງບໍ່ສາມາດທີ່ຈະແຕະຕ້ອງໄດ້ ແລະ ໂຄງການຫຼັກສູດການຮຽນ-ການສອນຂອງແຕ່ລະສະຖາບັນການສຶກສາກໍແມ່ນສະເພາະຂອງໃຜມັນ ຊຶ່ງບໍ່ມີຫຼັກສູດລວມຄືບັນດາລັດສັງຄົມນິຍົມ….ເມື່ອມາເຖິງລະບົບການສຶກສາສັງຄົມນິຍົມ ເນື້ອໃນ, ຮູບການ ແລະ ຈຸດປະສົງຂອງການສຶກສາ ແມ່ນມີຄວາມແຕກຕ່າງຢ່າງຂາດຂັ້ນກັບການສຶກສາທີ່ຜ່ານມາ ເພາະສັງຄົມນິຍົມ ແມ່ນລະບອບສັງຄົມສົ່ງເສີມປະຊາທິປະໄຕ ສິດສະເໝີພາບ ແລະ ຄວາມເປັນທຳໃນສັງຄົມ, ສອນໃຫ້ຄົນບໍ່ເອົາລັດເອົາປຽບກັນ, ທຸກຄົນໃນສັງຄົມຮັກແພງສາມັກຄີກັນ ຊ່ວຍເຫຼືອຊຶ່ງກັນ ແລະ ກັນ ເພື່ອສັງຄົມສີວິໄລ ວັດທະນາຖາວອນ, ສອນໃຫ້ຄົນນອກຈາກມີຄວາມຮູ້ແລ້ວ ຍັງສອນໃຫ້ຄົນມີຄຸນສົມບັດ ສິນທຳປະຕິວັດ, ມີຄວາມຮູ້ ຄວາມສາມາດ, ເປັນຄົນສັດຊື່ ຮັບໃຊ້ຊາດ ຮັບໃຊ້ປະຊາຊົນ ໂດຍບໍ່ມີຂໍ້ອ້າງໃດໆ ນັ້ນຄືຈຸດປະສົງເປົ້າໝາຍໃນລະບອບສັງຄົມນິຍົມ. ຖ້າເວົ້າທາງສິນກໍຄື ສ້າງຄົນໃຫ້ມີຄວາມ ເມດຕາ ກາລູນາ ແລະ ອຸເປຂາ ນັ້ນເອງ.

ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ - Wave100S AD to Website 2020 0 - ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ

ເຖິງຢ່າງໃດກໍຕາມ, ຈຸດປະສົງຂອງການສຶກສາຈະໄດ້ຮັບຜົນດີຫຼືບໍ່ ແມ່ນຂຶ້ນຢູ່ກັບ ຮູບແບບ ວິທີການຂອງການສຶກສາເປັນສຳຄັນ, ເຖິງແມ່ນເນື້ອໃນຂອງການສຶກສາຈະດີປານໃດກໍຕາມ ຖ້າຮູບການ ວິທີການ ແລະ ຈຸດປະສົງບໍ່ຈະແຈ້ງ ກໍຈະບໍ່ໄດ້ຮັບຜົນດີເທົ່າທີ່ຄວນ. ດ້ານອື່ນອີກກໍຄືການລົງທຶນ ແລະ ຄວາມເອົາໃນໃສ່ຂອງພາກລັດໃນດ້ານການສຶກສາກໍມີຄວາມສຳຄັນທີ່ສຸດທີ່ຈະໃຫ້ການສຶກສາມີຄຸນນະພາບ. ນີ້ຄືປັດໄຈທີ່ສຳຄັນ ແລະ ຕັດສິນກ່ວາໝູ່ ຫຼື ອາດເວົ້າໄດ້ວ່າເປັນປັດໄຈກົກຂອງທຸກບັນຫາຂອງການສຶກສາ.

ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ - WhatsApp Image 2020 05 27 at 5 - ລະບອບແຕກຕ່າງກັນ ຈຸດປະສົງເປົ້າໝາຍຂອງການສຶກສາແຕກຕ່າງກັນ ເພື່ອຮັບໃຊ້ໜ້າທີ່ການເມືອງ ແລະ ຜົນປະໂຫຍດຂອງຊົນຊັ້ນປົກຄອງ
error: Alert: Content is protected !!