ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ

ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ - Lpn20 6 - ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ
ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ - 174233 - ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ

ດັ່ງທີ່ຮູ້ກັນດີວ່າ ໄຂ່ເປັນແຫ່ລງໂປຣຕິນທີ່ດີເລີດ ນອກຈາກກາລໍຣີຕໍ່າແລ້ວ ກໍຍັງອຸດົມໄປດ້ວຍສານອາຫານຕ່າງໆທີ່ເປັນປະໂຫຍດຕໍ່ຮ່າງກາຍ ທັງທາດເຫລັກ, ການຊຽມ, ຟົສຟໍ, ໂຄລີນ, ວິຕາມິນ A, ວິຕາມິນ B1,ວິຕາມິນ B2,  ວິຕາມິນ B6, ວິຕາມິນ E  ລວມເຖິງໂຟເລດ, ເລເຊິທີນ, ລູທີນ ແລະ ຊີແຊນທີນ. ນອກຈາກນີ້, ຍັງສາມາດເອົາມາປຸງແຕ່ງເປັນອາຫານໄດ້ຫລາກຫລາຍຮູບແບບ ທຸກເຮືອນຈຶ່ງມັກມີໄຂ່ໄກ່ ຫລື ໄຂ່ເປັດຕິດຕູ້ເຢັນໄວ້ຢູ່ສະເໝີ ຢ່າງໜ້ອຍໆເວລາທີ່ຄິດຫຍັງບໍ່ອອກກໍຍັງເອົາໄຂ່ມາເຮັດອາຫານໄດ້.

ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ - 030311 2020 300x200 - ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ

ແນວໃດກໍຕາມ, ການກິນໄຂ່ໃຫ້ເກີດປະໂຫຍດສູງສຸດ ຈຳເປັນຕ້ອງຄຳນຶງເຖິງໄວ ແລະ ສຸຂະພາບຂອງຜູ້ບໍລິໂພກເປັນສຳຄັນນຳ ເຊິ່ງຄວນກິນໄຂ່ຕາມໂພຊະນາການ ດັ່ງນີ້ :

ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ - Wave100S AD to Website 2020 0 - ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ
  • ແມ່ຍິງຖືພາ ແລະ ເປັນແມ່ລູກອ່ອນທີ່ລ້ຽງລູກດ້ວຍນົມແມ່ : ໄຂ່ ມີສານອາຫານທີ່ຈຳເປັນຕໍ່ການສົ່ງເສີມພັດທະນາການທາງສະໝອງ ແລະ ເນື້ອເຍື່ອປະສາດຂອງໂຕອ່ອນ ທັງໂຟເລດ, ໂຄລີນ, ໂປຣຕິນ ແລະ ທາດເຫລັກ ເຊິ່ງຊ່ວຍປ້ອງກັນຄວາມຜິດປົກກະຕິໃນເດັກນ້ອຍເກີດໃໝ່ໄດ້ດີ ນັກໂພຊະນາການຈຶ່ງແນະນຳໃຫ້ກິນໄຂ່ມື້ລະ 1 ໜ່ວຍ.
  • ເດັກນ້ອຍອາຍຸ 6 – 7 ເດືອນ : ສຳລັບປະລິມານໂປຣຕິນທີ່ເດັກນ້ອຍອາຍຸ 6 – 7 ເດືອນຕ້ອງການໃນແຕ່ລະມື້ ຈະເທົ່າກັບປະລິມານໄຂ່ເຄິ່ງໜ່ວຍ. ນັກໂພຊະນາການຈຶ່ງແນະນຳໃຫ້ເອົາໄຂ່ຕົ້ມເຄິ່ງໜ່ວຍມາບົດໃສ່ເຂົ້າໃນເທື່ອທຳອິດ ແລະ ຄວນໃຫ້ໃນປະລິມານເທື່ອລະໜ້ອຍກ່ອນ.
  • ເດັກນ້ອຍອາຍຸ 8 – 12 ເດືອນ : ເມື່ອເດັກນ້ອຍເລີ່ມມີອາຍຸຫລາຍຂຶ້ນ ສາມາດເພີ່ມປະລິມານຂອງໄຂ່ໄດ້ ໂດຍໃຫ້ຢູ່ເຄິ່ງໜ່ວຍ – 1 ໜ່ວຍຕໍ່ມື້.
  • ເດັກນ້ອຍອາຍຸ 1 – 5 ປີ, ເດັກໄວຮຽນ ແລະ ໄວໜຸ່ມ : ເດັກທີ່ມີອາຍຸຕັ້ງແຕ່ 1 ປີຂຶ້ນໄປ ຈົນເຖິງໄວໜຸ່ມ ສາມາດກິນໄຂ່ໄດ້ທຸກມື້ ມື້ລະ 1 ໜ່ວຍ.
  • ໄວເຮັດວຽກ ຫລື ໄວຜູ້ເຖົ້າ : ໃນກໍລະນີທີ່ມີສຸຂະພາບດີ, ບໍ່ມີບັນຫາເລື່ອງໄຂມັນໃນເລືອດສູງ ສາມາດກິນໄຂ່ໄດ້ທຸກມື້ ມື້ລະ 1 ໜ່ວຍເຊັ່ນດຽວກັນ.
  • ຜູ້ປ່ວຍທີ່ມີອາການຕ່າງໆ : ສຳລັບຜູ້ປ່ວຍທີ່ມີອາການຄວາມດັນເລືອດສູງ, ເບົາຫວານ, ໄຂມັນໃນເລືອດສູງ ຫລື ຜູ້ທີ່ມີຄວາມສ່ຽງຫລອດເລືອດຫົວໃຈ ແລະ ຄໍເລສເຕີໂຣນສູງ ແນະນຳໃຫ້ບໍລິໂພກໄຂ່ໃນປະລິມານ 3 ໜ່ວຍ ຕໍ່ 1 ອາທິດ ແລະ ຈຳເປັນຕ້ອງເບິ່ງແຍງການບໍລິໂພກອາຫານຢ່າງອື່ນຮ່ວມນຳ ຫລື ປະຕິບັດຕາມຄຳແນະນຳຂອງແພດ.
  • ຕົ້ມ, ໜຶ້ງ ດີກ່ວາຈືນ : ສ່ວນວິທີການເອົາໄປປຸງແຕ່ງເປັນອາຫານນັ້ນ ການເອົາໄປຈືນໃນນຳ້ມັນຖ້ວມ ຫລື ໄປທອດຈົນຟູ ໂດຍການໃຊ້ນຳ້ມັນໃນປະລິມານທີ່ຫລາຍ ຈະສົ່ງຜົນຮ້າຍຕໍ່ສຸຂະພາບຫລາຍກ່ວາ ເພາະສ່ວນຫລາຍມັກຈະໃຊ້ນຳ້ມັນທີ່ເປັນໄຂມັນອີ່ມໂຕໃນການຈືນ ເຊັ່ນ : ນຳ້ມັນປາມ ຈຶ່ງກໍ່ໃຫ້ເກີດໄຂມັນໃນເລືອດສູງຕາມມາໄດ້ ຫາກຈະຈືນຄວນໃຊ້ປະລິມານນຳ້ມັນໜ້ອຍໆ, ແຕ່ຖ້າຈະໃຫ້ດີຕໍ່ສຸຂະພາບ ຄວນເອົາໄປຕົ້ມ ຫລື ໜຶ້ງ ໂດຍໃຊ້ນຳ້ມັນພຽງເລັກນ້ອຍ ຫລື ບໍ່ໃຊ້ນຳ້ມັນເລີຍຍິ່ງດີ.

ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ - 050311 2020 300x200 - ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ

  • ບໍ່ຄວນກິນໄຂ່ດິບ : ການບໍລິໂພກໄຂ່ທີ່ດີແມ່ນການກິນໄຂ່ທີ່ສຸກ ແລະ ບໍ່ຜ່ານການແປຮູບ ຈຶ່ງຈະໄດ້ປະໂຫຍດສູງສຸດ ເພາະໄຂ່ຂາວທີ່ດິບຈະມີສານອະວິດິນ ເຊິ່ງໄປຂັດຂວາງການດູດຊຶມຂອງວິຕາມິນທີ່ເອີ້ນວ່າ ໄບໂອຕິນ ເຊິ່ງໄບໂອຕິນເປັນວິຕາມິນທີ່ຊ່ວຍບຳລຸງເສັ້ນຜົມ, ເລັບ, ຜິວໜັງໃຫ້ແຂງແຮງ ແລະ ມີສຸຂະພາບດີ ທັງຍັງມີສ່ວນຊ່ວຍໃນການເຮັດວຽກຂອງລະບົບປະສາດ, ລະບົບເຜົາຜານພະລັງງານ ຕະຫລອດຈົນແຊນຕ່າງໆພາຍໃນຮ່າງກາຍ ແລະ ກ່ຽວຂ້ອງກັບການຄວບຄຸມເມຕາບໍລິຊຶມຂອງໄຂມັນນຳອີກ. ການກິນໄຂ່ດິບທີ່ໄປຂັດຂວາງການດູດຊຶມຂອງໄບໂອຕິນ ຈຶ່ງອາດສົ່ງຜົນໃຫ້ຜົມຫລົ່ນ, ຜິວໜັງແຫ້ງລອກເປັນເກັດ ແລະ ເລັບບໍ່ແຂງແຮງໄດ້.
ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ - WhatsApp Image 2020 05 27 at 5 - ໄຂ່ ກິນແນວໃດໃຫ້ເໝາະສົມກັບອາຍຸຂອງຕົນເອງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!