ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ -                                                        - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ
ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ - 174233 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ

​ໃນ​ວັນ​ທີ 5 ພະຈິກ​ນີ້, ທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ແຜນການ-ການ​ລົງທຶນ ທັງ​ເປັນ​ປະທານ​ຄະນະ​ຄຸ້ມ​ຄອງ​ໄພພິບັດ​ຂັ້ນສູນ​ກາງ ພ້ອມ​ຄະນະ ​ໄດ້​ລົງ​ຊີ້​ນຳ​ການ​ແກ້​ໄຂ​ຜົນ​ກະທົບ​ຈາກ​ໄພ​ນ້ຳຖ້ວມ​ຢູ່​ເມືອງ​ຈຳ​ພອນ ​ແຂວງ​ສະຫວັນ​ນະ​ເຂດ ພ້ອມ​ເນັ້ນ​ໃຫ້​ທ້ອງ​ຖິ່ນ​ປະຕິບັດ​ນະ​ໂຍບາຍ​ເຂົ້າກິນ​ໃຫ້​ຜູ້​ປະສົບ​ໄພ​ໄລຍະ​ເວລາ 3 ​ເດືອນ.

​ໃນ​ໂອກາດ​ນີ້, ທ່ານ​ເຈົ້າ​ເມືອງ​ຈຳ​ພອນ ​ໄດ້​ລາຍ​ງານ​ໃຫ້​ຮູ້​ວ່າ: ​ໃນ​ລະຫວ່າງ​ວັນ​ທີ 13-26 ຕຸລາ​ຜ່ານ​ມາ​ນີ້, ຝົນຕົກ​ໜັກ​ໄດ້​ເຮັດ​ໃຫ້​ນ້ຳຖ້ວມ 18 ບ້ານ, ມີ 2.042 ຄອບຄົວ, ​ໄດ້​ຍົກຍ້າຍ​ປະຊາຊົນ 1.212 ຄອບຄົວ​ໄປ​ຢູ່​ເຂດ​ປອດ​ໄພ, ມີ​ເນື້ອທີ່​ນາປີ​ຖືກ​ນ້ຳຖ້ວມ​ເສຍ​ຫາຍ 4.694 ​ເຮັກຕາ, ​ເນື້ອທີ່​ປູກ​ພືດ 13 ​ເຮັກຕາ, ລະບົບ​ຊົນລະປະທານ​ຖືກ​ຖ້ວມ 23 ​ໂຄງການ, ມີ​ອ່າງ​ເກັບ​ນ້ຳ 2 ​ແຫ່ງ, ຄອງ​ຊົນລະປະທານ 10 ​ໂຄງການ, ປະຕູ​ນ້ຳ 1 ​ແຫ່ງ, ໜອງ 218 ໜອງ ​ແລະ ສັດລ້ຽງ (​ເປັດ, ​ໄກ່) ຈຳນວນ​ໜຶ່ງ​ຖືກ​ເສຍ​ຫາຍ, ​ເສັ້ນທາງ 10 ​ເສັ້ນຖືກ​ນ້ຳຖ້ວມ​ເປ່​ເພ​ເສຍ​ຫາຍ ​ເຮັດ​ໃຫ້ການ​ສັນຈອນ​ຖືກ​ຕັດຂາດ 15 ບ້ານ, ນ້ຳສ້າງ 306 ໜ່ວຍ, ວິດຖ່າຍ 1.758 ໜ່ວຍ, ສຸກສາລາ 1 ​ແຫ່ງ, ​ໂຮງຮຽນ 7 ​ແຫ່ງຖືກ​ນ້ຳຖ້ວມ, ປະ​ເມີນ​ມູນ​ຄ່າ​ເສຍ​ຫາຍ​ເບື້ອງຕົ້ນປະມານ 58,5 ຕື້ກີບ ​ແລະ ຜ່ານ​ມາ ທາງ​ເມືອງ​ໄດ້​ແຈ້ງ​ເຕືອນ​ປະຊາຊົນ​ກ່ຽວ​ກັບ​ສະພາບ​ນ້ຳຖ້ວມ​ເປັນ​ປະຈຳ  ​ເພື່ອ​ບໍ່​ໃຫ້​ມີ​ການ​ສູນ​ເສຍ​ຊີວິດ ​ແລະ ຊັບ​ສົມບັດ​ຂອງ​ປະຊາຊົນ ​ແລະ ​ໄດ້​ຊ່ວຍ​ປະຊາຊົນ​ເກັບ​ກູ້​ເຂົ້າ​ໃນ​ນາ, ຂົນ​ຍ້າຍ​ສິ່ງ​ຂອງ ​ແລະ ສັດລ້ຽງ ​ໂດຍ​ໄດ້​ລະດົມ​ກຳລັງ​ທະຫານ, ຕຳຫລວດ, ຊາວ​ໜຸ່ມ​ເມືອງ-​ແຂວງ, ພະນັກງານ, ນັກຮຽນ ​ແລະ ໜ່ວຍ​ກູ້​ໄພ ພ້ອມ​ໄດ້​ນຳ​ເອົາ​ນ້ຳດື່ມ, ​ເຂົ້າສານ, ອາຫານ​ແຫ້ງ, ​ເຄື່ອງນຸ່ງ​ຫົ່ມ, ຢາ​ປົວ​ພະຍາດ ​ແລະ ​ເຄື່ອງ​ໃຊ້​ຈຳ​ເປັນ​ອື່ນໆ ລົງ​ຊ່ວຍ​ເຫລືອ​ບັນ​ເທົາ​ທຸກ​ໃນ​ເບື້ອງຕົ້ນ.

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ - Wave100S AD to Website 2020 0 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ

ໂອກາດນີ້, ທ່ານຮອງນາຍົກລັດຖະມົນຕີ ສອນໄຊ ສີພັນດອນ ໄດ້ກ່າວສະແດງຄວາມເຫັນອົກເຫັນ ໃຈຕໍ່ເຫດການໄພທຳມະຊາດໃນຄັ້ງນີ້ ແລະ ຂໍເປັນກຳລັງໃຈຊ່ວຍອຳນາດການປົກຄອງ ແລະ ປະຊາຊົນຊາວເມືອງຈຳພອນ ກໍຄືຊາວແຂວງສະຫວັນນະເຂດໃຫ້ສາມາດຜ່ານຜ່າວິກິດການໃນຄັ້ງນີ້ໄປ ດ້ວຍຜົນສຳເລັດ, ສະແດງຄວາມຍ້ອງຍໍຊົມເຊີຍອຳນາດການປົກຄອງແຂວງ-ເມືອງທີ່ສາມາດແກ້ໄຂສະຖາ ນະການເບື້ອງຕົ້ນໄດ້ດີ ແລະ ປະຊາຊົນກໍມີຄວາມຕື່ນຕົວໃນການກຽມຮັບມືນ້ຳຖ້ວມແຕ່ຫົວທີ. ສຳລັບວຽກ ງານອັນເລັ່ງດ່ວນແມ່ນການຟື້ນຟູຫລັງນ້ຳຖ້ວມ ເຊິ່ງເປັນວຽກງານທີ່ສຳຄັນ ໃນນີ້ສຳລັບການຊ່ວຍເຫລືອຜູ້ ທີ່ໄດ້ຮັບຜົນກະທົບແມ່ນໃຫ້ພາກສ່ວນຕ່າງໆທີ່ກ່ຽວຂ້ອງ ທັງຂັ້ນສູນກາງ ແລະ ທ້ອງຖິ່ນ ປະສານສົມທົບ ກັນ ເພື່ອປະເມີນ ແລະ ເກັບກຳຂໍ້ມູນລະອຽດ ເພື່ອຊ່ວຍເຫລືອປະຊາຊົນຢ່າງຮີບດ່ວນ ໂດຍສະເພາະ ແມ່ນໃຫ້ສະໜອງເຂົ້າກິນຈຳນວນ 3 ເດືອນ ຕາມລະບຽບຜູ້ໜຶ່ງ 12 ກິໂລ/ເດືອນ ໂດຍໃຫ້ຂຶ້ນແຜນ 3 ເດືອນກ່ອນ ຈາກນີ້ກໍໃຫ້ເລັ່ງຟື້ນຟູເຮືອນຊານບ້ານຊ່ອງ ໂດຍລະດົມກຳລັງແຮງຂອງແຕ່​ລະ​ພາກສ່ວນ​ໃນ​ສັງຄົມ ກໍ​ຄື​ບັນດາ​ອົງການ​ຈັດຕັ້ງມະຫາຊົນ​ເຂົ້າມາ​ຊ່ວຍ, ສ່ວນ​ເຮືອນ​ປະຊາຊົນ​ທີ່​ຖືກ​ເສຍ​ຫາຍ​ເປ່​ເພ​ກໍ​ໃຫ້ ທາງ​ພະ​ແນ​ກ​ແຮງ​ງານ ​ແລະ ສະຫວັດດີ​ການ​ສັງຄົມ​ແຂວງ​ປະສານ​ສົມທົບ​​ໃນ​ການ​ຊອກ​ວັດ​ສະດຸ​ອຸປະກອນ​ທີ່​ຈຳ​ເປັນ​ສະໜອງ​ໃຫ້​ປະຊາຊົນ​ໄດ້​ພຽງພໍ. ຈາກ​ນີ້​ກໍ​ໃຫ້​ເລັ່ງຟື້ນຟູ​ສາທາລະ​ນູປະ​ໂພ​ກຕ່າງ​ໆ, ຖະໜົນ​ຫົນທາງ ​ເພື່ອ​ໃຫ້​ກັບ​ຄືນ​ມາສູ່​ສະພາບ​ປົກກະຕິ​ໂດຍ​ໄວ ​ແລະ ​ໃຫ້​ເອົາ​ໃຈ​ໃສ່​ໃນ​ວຽກ​ງານ​ປ້ອງ​ກັນ​ພະຍາດ​ຄົນ-ສັດ​ຫລັງ​ນ້ຳຖ້ວມ​ໃຫ້​ມີ​ປະສິດທິ​ຜົນ. ພ້ອມ​ນີ້, ທ່ານ​ຮອງ​ນາຍົກ ຍັງ​ໄດ້​ມອບ​​ເຄື່ອງ​ຊ່ວຍ​ເຫລືອ​ໃຫ້ການ​ນຳ​ເມືອງ​ຈຳ​ພອນ ​ເພື່ອ​ນຳ​ໄປ​ແຈກ​ຢາຍ​ໃຫ້​ຜູ້​ໄດ້​ຮັບ​ຜົນ​ກະທົບ ​ເຊິ່ງປະກອບ​ມີ: ​ເຂົ້າສານ 12 ​ໂຕນ, ນ້ຳດື່ມ 250 ​ແພັກ, ​ເຄື່ອງ​ໃຊ້​ໃນ​ຄົວ​ເຮືອນ ​ແລະ ອື່ນໆ ລວມມູນ​ຄ່າ 207 ລ້ານ​ກວ່າ​ກີບ ພ້ອມ​ດ້ວຍ​ເງິນສົດ 50 ລ້ານ​ກີບ.

ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ - WhatsApp Image 2020 05 27 at 5 - ຮອງນາຍົກລັດຖະມົນຕີ ສອນໄຊ ສີພັນດອນ ລົງຊີ້ນຳການແກ້ໄຂໄພນ້ຳຖ້ວມທີ່ເມືອງຈຳພອນ ເນັ້ນໃຫ້ທ້ອງຖິ່ນປະຕິບັດນະໂຍບາຍເຂົ້າກິນໃຫ້ຜູ້ປະສົບໄພໄລຍະ 3 ເດືອນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!