4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ

4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ - 4                                                                                                                 - 4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ
4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ - 174233 - 4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ

​ໃນ​ການ​ເລືອກ​ຕັ້ງອາ​ເມ​ລິ​ກາ ນອກຈາກ​ການ​ໃຊ້​ສິດ​ເລືອກ ປະທານາທິບໍດີ, ສ.ສ ​ແລະ ສ.ວ ​ແລ້ວ, ບັດ​ເລືອກ​ຕັ້ງ​ໃນ​ລັດ​ຕ່າງໆ ອາດ​ມີ​ການ​ສອດ​ແຊກ​ຫົວ​ຂໍ້​ລົງ​ປະຊາ​ມະຕິ​ເຂົ້າ​ໄປ​ນຳ ​ແລະ ຈາກ​ຜົນ​ການ​ນັບ​ຄະ​ແນນ​ການ​ເລືອກ​ຕັ້ງ​ເມື່ອ​ວັນ​ທີ 3 ພະຈິກ​ຜ່ານ​ມາ ມີ 4 ລັດ ​ໄດ້​ແກ່: ​ແອຣິ​ໂຊ​ນາ, ມອນ​ແທນາ, ນິວ​ເຈີ​ຊີ ​ແລະ ​ເຊົາ​ດາ​ໂຄ​ຕາ ທີ່​ສ່ຽງ​ສ່ວນ​ຫລາຍ​ລົງ​ຄະ​ແນນ​ເຫັນ​ພ້ອມ​ໃຫ້​ມີ​ການ​ໃຊ້​ກັນຊາ​ເພື່ອ​ສັນທະ​ນາ​ການ​​ໄດ້​ຢ່າງ​ຖືກ​ກົດໝາຍ.

ສໍາລັບ​ລັດ​ນິວ​ເຈີ​ຊີ ຜູ້​ມີ​ສິດ​ອອກສຽງ​ເຖິງ 67% ​ເຫັນ​ພ້ອມ​ໃຫ້ການ​ຄອບ​ຄອງ ​ແລະ ​ໃຊ້​ກັນຊາ​ສຳລັບ​ຜູ້​ທີ່​ມີ​ອາຍຸ 21 ປີ​ຂຶ້ນ​ໄປ​ຖືກ​ກົດໝາຍ. ຖື​ເປັນ​ອັດຕາ​ສ່ວນ​ຫລາຍ​ທີ່​ສຸດ​ໃນ​ທັງ 4 ລັດ, ສ່ວນ​ຢູ່​ລັດ​ເຊົາ​ດາ​ໂຄ​ຕາ​ທີ່​ມີ​ອັດຕາ​ສ່ວນ​ໜ້ອຍ​ທີ່​ສຸດ ຍັງ​ໄດ້​ຮັບ​ຄວາມ​ເຫັນ​ພ້ອມ​ເຖິງ 54%.

​ໃນ​ລັດ​ແອຣິ​ໂຊ​ນາ​ ​ເມື່ອ​ປີ 2016 ​ລົງປະຊາ​ມະຕິ​ບໍ່​ຜ່ານ ​ເນື່ອງ​ຈາກ​ມີ​ຄະ​ແນນ​ເຫັນ​ພ້ອມພຽງ 48,7% ມາ​ໃນ​ປີ​ນີ້​ອັດຕາ​ສ່ວນ​ຂອງ​ຜູ້​ທີ່​ເຫັນ​ພ້ອມ​ເພີ່ມ​ຂຶ້ນ​ເປັນ 60% ຈົນ​ຜ່ານ​ໃນ​ທີ່​ສຸດ.

ນອກຈາກ​ນັ້ນ ຍັງ​ມີ​ລັດ​ມິ​ສຊິ​ສຊິ​ບປີ​ທີ່​ຜ່ານ​ປະຊາ​ມະຕິ​ໃຫ້​ມີ​ການ​ໃຊ້​ກັນຊາ​ທາງ​ການ​ແພດ​ຢ່າງ​ຖືກ​ກົດໝາຍ ດ້ວຍ​ອັດຕາ 68%.

4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ - Wave100S AD to Website 2020 0 - 4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ

ຂໍ້​ມູນ​ຈາກ Brightfield Group ບໍລິສັດ​ວິ​ໄຈ​ດ້ານ​ການ​ຕະຫລາດ ຄາດ​ວ່າ​ທຸລະ​ກິດ​ກັນຊາ​ຢູ່​ອາ​ເມ​ລິ​ກາ ຈະ​ມີ​ມູນ​ຄ່າ​ລວມ 19.000 ລ້ານ​ໂດ​ລາ​ສະຫະລັດ ​ໃນ​ປີ​ນີ້.

​ເຖິງ​ຢ່າງ​ໃດ​ກໍ​ຕາມ, ​ເຖິງ​ວ່າ​ສຽງ​ສ່ວນ​ຫລາຍ​ໃນ​ແຕ່​ລະ​ລັດ​ທີ່​ເປີດ​ໃຫ້​ປະຊາຊົນ​ສະ​ແດງ​ຄວາມ​ຄິດ​ເຫັນ ລ້ວນ​ຕ້ອງການ​ໃຫ້​ໃຊ້​ກັນ​ຢາ​ຢ່າງ​ຖືກ​ກົດໝາຍ, ​ແຕ່​ໃນ​ການ​ເມືອງ​ລະດັບ​ປະ​ເທດ ທາງ​ວຸດ​ທິສະພາ ນຳ​ໂດຍ​ພັກຣີພັບ​ລິ​ກັນ​ມີ​ທ່າ​ທີ​ບໍ່​ເຫັນ​ພ້ອມ​ຕໍ່​ເລື່ອງ​ດັ່ງກ່າວ.

ຈາ​ກ​ເຫດຜົນ​ໃນ​ຂໍ້​ນີ້ ​ເຮັດ​ໃຫ້​ຜູ້​ປະກອບ​ການ​ກ່ຽວ​ກັບ​ກັນຊາ​ຍັງ​ຜະ​ເຊີນ​ບັນຫາ​ດ້ານ​ການ​ເຮັດ​ທຸລະ​ກຳກັບທະນາຄານ, ການ​ຊື້ປະກັນ​ໄພ ​ແລະ ການ​ຮັບ​ເງິນຊ່ວຍ​ເຫລືອ​ຈາກ​ລັດ​ເມື່ອ​ມີ​ໄພ​ທຳ​ມະ​ຊາດ​ເກີດ​ຂຶ້ນ ​ເຊິ່ງລ້ວນ​ຕ້ອງ​ອາ​ໄສ​ກົດໝາຍ​ລະດັບ​ປະ​ເທດ​ທັງ​ໝົດ.

4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ - WhatsApp Image 2020 05 27 at 5 - 4 ລັດຜ່ານປະຊາມະຕິໃນການເລືອກຕັ້ງອາເມລິກາ ເຫັນພ້ອມໃຊ້ກັນຊາເພື່ອສັນທະນາການ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!