ຊົມເຊີຍນະຄອນຫລວງວຽງຈັນ ຈະຈັດສັນຕົວເມືອງ ແລະ ຊານເມືອງໃໝ່

- advert banner 728 90 728x90 - ຊົມເຊີຍນະຄອນຫລວງວຽງຈັນ ຈະຈັດສັນຕົວເມືອງ ແລະ ຊານເມືອງໃໝ່

ສະບາຍດີ​ເພື່ອນ​ຜູ້​ອ່ານ, ກໍ​ດັ່ງ​ພວກ​ເຮົາ​ໄດ້​ອອກ​ຂ່າວ​ໄປ​ແລ້ວ​ວ່າ: ​ໃນ​ວັນ​ທີ 29 ມິຖຸນາ​​ແລ້ວ​ນີ້, ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 3 ຂອງ​ສະພາ​ປະຊາຊົນ​ນະຄອນຫລວງ​ວຽງ​ຈັນ ​ເຊິ່ງພວມ​ດຳ​ເນີນ​ຢູ່​ນັ້ນ ​ໄດ້​ຮັບຮອງ​ເອົາ​ຮ່າງ​ຂໍ້​ຕົກລົງ​ວ່າ​ດ້ວຍ​ການຈັດ​ສັນ​ຄວາມ​ບໍ່​ເປັນ​ລະບຽບ​ຮຽບຮ້ອຍ​ໃນ​ຕົວ​ເມືອງ ​ແລະ ຊານ​ເມືອງ​ໃນ​ໄລຍະ​ໃໝ່ ​ໂດຍ​ໄດ້​ລະບຸ​ເຖິງ​ຫລາຍ​ບັນຫາ​ ​ເພື່ອ​ແນ​ໃສ່​ສ້າງ​ນະຄອນຫລວງ​​ໃຫ້​ມີ​ໂສມ​ໜ້າ​ໃໝ່​ທີ່​ສະອາດ​ຈົບງາມ ​ແລະ ​ເປັນຕາ​ໜ້າ​ຢູ່. ນັ້ນ​ແມ່ນ​ຄວາມ​ມຸ່ງ​ມາດ​ປາຖະໜາ​ຂອງ​ຊາວ​ນະຄອນຫລວງ​ວຽງ​ຈັນ​ທີ່​ຄອງ​ຄອຍ​ມາ.

- new3 - ຊົມເຊີຍນະຄອນຫລວງວຽງຈັນ ຈະຈັດສັນຕົວເມືອງ ແລະ ຊານເມືອງໃໝ່

ຂໍ້​ກຳນົດ​ດັ່ງກ່າວ​ໄດ້​ລະບຸ​ເຖິງ 4 ຂົງ​ເຂດ​ຄື: ຂົງ​ເຂດ​ອຸດສາຫະກຳ ​ແລະ ການ​ຄ້າ ປະກອບ​ມີ​ການຈັດ​ສັນ​ບັນດາ​ກິດຈະການ​ທີ່​ລົ້ນຕະຫລາດ​ຄືນ​ໃໝ່, ການ​ຂາຍ​ເຄື່ອງ​ນອກ​ທີ່​ຕັ້ງທີ່​ໄດ້​ກຳນົດ​ໄວ້. ສຳລັບ​ຂົງ​ເຂດ​ໂຍທາ​ທິການ ​ແລະ ຂົນ​ສົ່ງ​ຈະ​ເລັ່ງຈັດ​ສັນ​ບາງ​ເສັ້ນທາງ​ເດີນ​ລົດ​ຄືນ​ໃໝ່, ການ​ຮື້ຖອນ​ສິ່ງ​ຕໍ່​ເຕີມ​ບໍ່​ຖືກຕ້ອງ​ກັບ​ແຜນຜັງ ​ແລະ ສິ່ງ​ຮົກ​ເຮື້ອຕາມ​ຖະໜົນຫລວງ ​ແລະ ​ເສັ້ນທາງ​ສຳຄັນ​ໃນ​ເທສະ​ບານ, ການ​ຮື້ຖອນ​ປ້າຍ​ໂຄສະນາ​ທຸກ​ຊະນິດ​ທີ່​ບໍ່​ຖືກ​ລະບຽບ, ​ແກ້​ໄຂ​ສິ່ງ​ກີດຂວາງ​ຕາມ​ທາງ​ຍ່າງ ​ແລະ ​ເຂດ​ສາທາລະນະ ​ແລະ ການຈັດ​ສັນ​ຄວາມ​ບໍ່​ເປັນ​ລະບຽບ​ຮຽບຮ້ອຍ​ໃນ​ກິດຈະການ​ກໍ່ສ້າງ, ສ່ວນ​ຂົງ​ເຂດ​ພະລັງງານ, ບໍ່​ແຮ່ ​ແລະ ​ໄປສະນີ​ໂທລະ​ຄົມມະນາຄົມ​ແມ່ນ​ຈະ​ເລັ່ງ​ແກ້​ໄຂ​ບັນດາ​ສາຍ​ໂທລະສັບ, ສາຍ​ໄຟຟ້າ, ສາຍ​ເຄ​ເບິນ​ຕາມ​ສາຍ​ທາງ​ຫລັກ​ຈຳນວນ 21 ​ເສັ້ນ, ຕາມ​ຕະຫລາດ ​ແລະ ຊຸມ​ຊົນ, ສ່ວນ​ຂົງ​ເຂດ​ວັດທະນະທຳ-ສັງຄົມ​ຈະ​ເລັ່ງ​ແກ້​ໄຂ​ການ​ມົ້ວສຸມ​ດື່ມ​ສິ່ງ​ມືນ​ເມົາ, ສະພາບ​ອາ​ລະວາ​ດຕີ​ກັນ, ຮ້ານ​ຄາ​ລາ​ໂອ​ເກະ, ຮ້ານ​ກາ​ເຟຢອດ​ທີ່​ລາມົກ​ອານາ​ຈານ ​ແລະ ສິ່ງ​ຫຍໍ້​ທໍ້​ອື່ນໆ ​ເພື່ອ​ແນ​ໃສ່​ແກ້​ໄຂ​ຄວາມ​ບໍ່​ເປັນ​ລະບຽບ​ຮຽບຮ້ອຍ​ໃນ​ຕົວ​ເມືອງ ​ແລະ ​ເຂດ​ຊານ​ເມືອງ ​ເຮັດ​ໃຫ້​ສັງຄົມ​ມີ​ຄວາມ​ສະຫງົບ​ສຸກ ​ເພື່ອ​ຍົກ​ສູງ​ບົດບາດ​ຂອງ​ນະຄອນຫລວງ​ວຽງ​ຈັນ​ໃຫ້​ສົມ​ກັບ​ເປັນ​ນະຄອນຫລວງ​ຂອງ​ປະ​ເທດ.

- lattana 1 - ຊົມເຊີຍນະຄອນຫລວງວຽງຈັນ ຈະຈັດສັນຕົວເມືອງ ແລະ ຊານເມືອງໃໝ່

ນີ້​ແມ່ນ​ຄວາມ​ຕັດສິນ​ໃຈ​ທີ່​ດີ​ຂອງ​ນະຄອນຫລວງ​ວຽງ​ຈັນ, ​ແຕ່​ກໍ​ຂໍ​ຮຽກຮ້ອງ​ໃຫ້ການ​ຕັດສິນ​ໃຈ​ດັ່ງກ່າວ​ປາກົດ​ຜົນ​ເປັນ​ຈິງ.

error: Content is protected !!