ຜູ້ເສຍຊີວິດຈາກພະຍາດຖອກທ້ອງຢູ່ເຢເມນເກີນ 1.500 ຄົນ

- advert banner 728 90 728x90 - ຜູ້ເສຍຊີວິດຈາກພະຍາດຖອກທ້ອງຢູ່ເຢເມນເກີນ 1.500 ຄົນ

- aix7grjj - ຜູ້ເສຍຊີວິດຈາກພະຍາດຖອກທ້ອງຢູ່ເຢເມນເກີນ 1.500 ຄົນ

ຈຳນວນ​ຜູ້​ເສຍ​ຊີວິດ​ຈາກ​ພະຍາດ​ຖອກທ້ອງ​ຢູ່​ເຢ​ເມນ​ພາຍ​ໃນ​ຮອບ 2 ​ເດືອນ​ຜ່ານ​ມາ ມີ​ບໍ່​ຕໍ່າ​ກວ່າ 1.500 ຄົນ ​ແລະ ຜູ້​ຕິດ​ເຊື້ອອາດ​ເພີ່ມ​ຂຶ້ນ​ເປັນ 300.000 ຄົນ​ພາຍ​ໃນ​ເດືອນ​ກັນຍາ​ນີ້.

 

+ ສະຖານະການອະຫິວາຢູ່ເຢເມນ ຮຸນແຮງທີ່ສຸດເປັນປະຫວັດສາດ

+ ອົງການອະນາໄມໂລກສົ່ງວັກແຊງ ປ້ອງກັນອະຫິວາໃຫ້ເຢເມນ 1 ລ້ານຂະໜານ

- lattana 1 - ຜູ້ເສຍຊີວິດຈາກພະຍາດຖອກທ້ອງຢູ່ເຢເມນເກີນ 1.500 ຄົນ
- 1 1 - ຜູ້ເສຍຊີວິດຈາກພະຍາດຖອກທ້ອງຢູ່ເຢເມນເກີນ 1.500 ຄົນ

 

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ເຈ​ນີວາ ປະ​ເທດ​ສະ​ວິດ ​ໃນ​ວັນ​ທີ 2 ກໍລະກົດ​ນີ້​ວ່າ: ອົງການ​ອະນາ​ໄມ​ໂລກ (WHO) ອອກ​ຖະ​ແຫລ​ງການ​ໃນ​ວັນ​ທີ 1 ກໍລະກົດ​ວ່າ: ຈຳນວນ​ຜູ້​ເສຍ​ຊີວິດ​ຈາກ​ພະຍາດ​ຖອກທ້ອງ​ຢູ່​ເຢ​ເມນ ນັບ​ແຕ່​ທ້າຍ​ເດືອນ​ເມສາ​ເປັນຕົ້ນມາ ​ເພີ່ມ​ເປັນ​ຢ່າງ​ໜ້ອຍ 1.500 ຄົນ ​ແລະ ຈຳນວນ​ຄົນ​ເຈ​ັບສະ​ສົມ​ມີ​ປະມານ 246.000 ຄົນ, ​ແຕ່​ມີ​ທ່າ​ອ່ຽງ​ເພີ່ມ​ເປັນ 300.000 ຄົນ​ພາຍ​ໃນ​ເດືອນ​ກັນຍາ​ນີ້ ​ໂດຍ​ປັດຈຸບັນ​ພົບ​ການ​ແຜ່​ລະບາດ​ໃນ 21 ຈາກ 22 ​ແຂວງ ​ເຊິ່ງຖື​ເປັນ​ສະຖິຕິ​ທີ່​ເພີ່ມ​ຂຶ້ນຢ່າງ​ວ່ອງ​ໄວ ​ເນື່ອງ​ຈາກ​ຈຳນວນ​ຜູ້​ເສຍ​ຊີວິດ​ເມື່ອ 2 ອາທິດ​ຜ່ານ​ມາ​ມີ​ຢ່າງ​ໜ້ອຍ 1.300 ຄົນ ບົ່ງ​ບອກ​ເຖິງ​ສະຖານະ​ການ​ທີ່​ເກີດ​ຂຶ້ນວ່າ​ຍັງ​ຢູ່​ໃນ​ລະດັບ​ວິ​ກິດ. ຂະນະ​ທີ່ WHO ​ແລະ ອົງການ​ພັນທະ​ມິດ​ທະຍອຍ​ສົ່ງ​ວັກ​ແຊງ​ປ້ອງ​ກັນ​ພະຍາດ​ຖອກທ້ອງ​ຈຳນວນ 1 ລ້ານ​ຂະໜານ​ໃຫ້​ແກ່​ເຢ​ເມນ.

- 96631090 4d01333a 4da7 4bcc 91eb 50b610214ae5 - ຜູ້ເສຍຊີວິດຈາກພະຍາດຖອກທ້ອງຢູ່ເຢເມນເກີນ 1.500 ຄົນ

ທັງ​ນີ້, ​ເຢ​ເມນ​ຜະ​ເຊີນ​ກັບ​ສົງ​ຄາມກາງ​ເມືອງ​ມາ​ແຕ່​ເດືອນ​ກັນຍາ 2014 ​ເມື່ອ​ກຸ່ມ​ກະບົດ​ຮູ​ຕີ​ບຸກ​ເຂົ້າຢຶດຄອງ​ນະຄອນຫລວງ​ຊາ​ນາ ​ແລະ ສະຖານະ​ການ​ຮຸນ​ແຮງ​ຍິ່ງ​ຂຶ້ນ ​ເມື່ອ​ອາຣັບບີ ຊາ​ອຸ​ດິດ ​ແລະ ກຸ່ມ​ພັນທະ​ມິດ​ອ່າວ​ອາຣັບ​ເຂົ້າມາ​ປະຕິບັດ​ການ​ທາງ​ທະຫານ​ຕໍ່ຕ້ານ​ກຸ່ມ​ຮູ​ຕີ​ໃນ​ເດືອນ​ມີນາ 2015 ​ໂດຍ​ການ​ສູ້​ຮົບ​ຍັງ​ຍືດ​ເຍື້ອຈົນ​ຮອດ​ປັດຈຸບັນ ມີ​ຜູ້​ເສຍ​ຊີວິດ​ຫລາຍ​ກວ່າ 10.000 ຄົນ ​ແລະ ປະຊາຊົນ​ຫລາຍ​ກວ່າ 3 ລ້ານ​ຄົນ​ຕ້ອງ​ກາຍ​ເປັນ​ຜູ້​ລີ້​ໄພ. ຂະນະ​ທີ່​ກຸ່ມ​ຮູ​ຕີ​ຍັງ​ຢຶດຄອງ​ນະຄອນຫລວງ​ຊາ​ນາ​ເອົາ​ໄວ້​ໄດ້​ຢ່າງ​ໜຽວ​ແໜ້ນ, ສ່ວນ​ລັດຖະບານ​ຍ້າຍ​ມາຕັ້ງລັດຖະບານ​ພັດ​ຖິ່ນ​ຢູ່​ເມືອງ​ເອ​ເດນ ​ເຊິ່ງຢູ່​ທາງ​ຕອນ​ໃຕ້ ​ແຄມ​ທະ​ເລ​ແດງ.

error: Content is protected !!