ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ

ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ - Lpn20 14 - ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ
ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ - 174233 - ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ

ການຝັງເຂັມເປັນການປິ່ນປົວພະຍາດອີກຮູບແບບໜຶ່ງ ມັນສາມາດປິ່ນປົວອາການປ່ວຍໄດ້ຫລາຍຢ່າງ, ແຕ່ບາງຄົນອາດຄິດວ່າການຝັງເຂັມເປັນວິທີການປິ່ນປົວທີ່ໜ້າຢ້ານ ແລະ ອາດຈະມີຄວາມເຈັບປວດເກີດຂຶ້ນ ເພາະຕ້ອງໃຊ້ເຂັມແທງເຂົ້າໄປໃນຜິວໜັງ. ດັ່ງນັ້ນ, ເພື່ອໃຫ້ທຸກຄົນໄດ້ຮູ້ຈັກການປິ່ນປົວພະຍາດດ້ວຍການຝັງເຂັມໃຫ້ດີຂຶ້ນ ພວກເຮົາມີຄວາມຮູ້ກ່ຽວກັບເລື່ອງດັ່ງກ່າວມານຳສະເໜີ.

  • ການຝັງເຂັມ (Acupuncture) ເປັນວິທີການປິ່ນປົວຂອງແພດແຜນຈີນບູຮານ, ການຝັງເຂັມນັ້ນສາມາດປິ່ນປົວອາການໄດ້ຫລາຍຢ່າງໂດຍການກະຕຸ້ນຈຸດສະເພາະເທິງຜິວໜັງດ້ວຍເຂັມ. ການຝັງເຂັມເຂົ້າໄປໃນຜິວໜັງນັ້ນກໍເພື່ອຈະໄປກະຕຸ້ນພື້ນທີ່ໆອຸດົມໄປດ້ວຍເສັ້ນປະສາດຂອງຜິວ ເຊິ່ງຈະມີອິດທິພົນຕໍ່ເນື້ອເຍື່ອ, ຕ່ອມອະໄວຍະວະ ແລະ ການເຮັດວຽກຕ່າງໆຂອງຮ່າງກາຍ ທັງຍັງມີຈຸດປະສົງເພື່ອປັບຄວາມດຸ່ນດ່ຽງພະລັງງານນຳອີກ. ໂດຍລະຫ່ວາງການປິ່ນປົວດ້ວຍການຝັງເຂັມ ຜູ້ທີ່ຮັບການປິ່ນປົວອາດຈະຮູ້ສຶກເຈັບໜ້ອຍໜຶ່ງບໍລິເວນທີ່ເຂັມແທງເຂົ້າໄປ ອາດຈະເຮັດໃຫ້ເກີດຄວາມຮູ້ສຶກບໍ່ສະບາຍໜ້ອຍໜຶ່ງ, ແຕ່ກໍມີສັນຍານພຽງພໍທີ່ຈະເຮັດໃຫ້ຮູ້ວ່າຮ່າງກາຍມີການຕອບສະໜອງ ເຊິ່ງການຕອບສະໜອງທີ່ເກີດຂຶ້ນຈະກ່ຽວຂ້ອງກັບການກະຕຸ້ນລະບົບພູມຕ້ານທານ ສົ່ງເສີມການໄຫລວຽນຂອງເລືອດໄປຍັງພື້ນທີ່ໆຕ້ອງຮັບການປິ່ນປົວບາດແຜ.

ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ - 030511 2020 300x188 - ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ

  • ຈາກການວິໄຈທີ່ດຳເນີນການໃນປະເທດເຢຍລະມັນສະແດງໃຫ້ເຫັນວ່າ ການຝັງເຂັມອາດຊ່ວຍຫລຸດຜ່ອນອາການເຈັບຫົວ ແລະ ໄມເກຣນໄດ້. ນອກຈາກນັ້ນຍັງໄດ້ຮັບການພິສູດຈາກສູນການແພດປະສົມປະສານ ແລະ ສຸຂະພາບໂດຍລວມວ່າສາມາດປິ່ນປົວອາການເຫລົ່ານີ້ : ປວດຫລັງ, ເຈັບຄໍ, ພະຍາດຂໍ້ເຂົ່າເສື່ອມ, ປວດເຂົ່າ, ເຈັບຫົວ ແລະ ໄມເກຣນ. ນອກຈາກນັ້ນ, ປີ 2003 ທາງອົງການອະນາໄມໂລກໄດ້ລະບຸວ່າ ການຝັງເຂັມໄດ້ຮັບການພິສູດແລ້ວວ່າມີປະສິດທິພາບໃນການປິ່ນປົວອາການເຫລົ່ານີ້ : ຄວາມດັນເລືອດສູງ ແລະ ຄວາມດັນເລືອດຕໍ່າ, ອາການວິນຫົວປວດຮາກ, ປຸ້ນທ້ອງປວດຮາກ ຈາກຢາເຄມີບຳບັດ, ຄວາມຜິດປົກກະຕິຂອງກະເພາະອາຫານບາງຢ່າງ ລວມເຖິງບາດແຜໃນກະເພາະອາຫານ, ອາການເຈັບປວດ, ອາການທ້ອງບິດ, ພະຍາດດັງອັກເສບຈາກພູມແພ້, ປວດໃບໜ້າ, ແພ້ທ້ອງ, ພະຍາດຂໍ້ອັກເສບ, ປະດົງຂໍ້, ເອັນອັກເສບ, ຂໍ້ສອກອັກເສບ, ອາການປວດກະໂພກລາມລົງຂາ,​ ເຈັບແຂ້ວ, ຫລຸດຄວາມສ່ຽງຂອງພະຍາດຫລອດເລືອດສະໝອງ, ເຈັບທ້ອງເກີດລູກ ເປັນຕົ້ນ.
  • ສຳລັບປະໂຫຍດທີ່ຈະໄດ້ຮັບຈາກການປິ່ນປົວພະຍາດໂດຍການຝັງເຂັມມີຄື :
  1. ປອດໄພ ດ້ວຍວິທີການປິ່ນປົວທີ່ຖືກຕ້ອງ.
  2. ມີຜົນຂ້າງຄຽງໜ້ອຍ.
  3. ສາມາດໃຊ້ຮ່ວມກັບການປິ່ນປົວອື່ນໆໄດ້ຢ່າງມີປະສິດທິພາບ.
  4. ສາມາດຄວບຄຸມຄວາມເຈັບປວດບາງປະເພດ.
  5. ການຝັງເຂັມອາດມີຜົນດີຕໍ່ຜູ້ປ່ວຍທີ່ໃຊ້ຢາແກ້ປວດທີ່ບໍ່ເໝາະສົມ.

ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ - 050511 2020 300x171 - ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ

ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ - Wave100S AD to Website 2020 0 - ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ
  • ແຕ່ແນວໃດກໍຕາມ, ບໍ່ຄວນໃຊ້ການຝັງເຂັມໃນການດູແລສຸຂະພາບແທນການດູແລສຸຂະພາບຈາກຜູ້ຊ່ຽວຊານທາງການແພດ.
  • ສ່ວນຄວາມສ່ຽງທີ່ອາດເກີດຂຶ້ນຈາກການປິ່ນປົວດ້ວຍການຝັງເຂັມ : ແນ່ນອນວ່າການປິ່ນປົວທັງໝົດນັ້ນມີທັງປະໂຫຍດ ແລະ ຄວາມສ່ຽງ ເຊິ່ງຄວາມສ່ຽງທີ່ອາດເກີດຂຶ້ນຈາກການຝັງເຂັມ ມີຄື :
  1. ອາດເປັນອັນຕະລາຍຕໍ່ຜູ້ທີ່ມີເລືອດອອກຜິດປົກກະຕິ ຫລື ຜູ້ທີ່ຕ້ອງກິນຢາເຈືອຈາງເລືອດ.
  2. ອາດມີເລືອດອອກ, ຊຳ້ ແລະ ປວດ ບໍລິເວນທີ່ໄດ້ຮັບການຝັງເຂັມ.
  3. ເຂັມທີ່ບໍ່ໄດ້ຮັບການຂ້າເຊື້ອຢ່າງເໝາະສົມອາດເຮັດໃຫ້ຜູ້ປ່ວຍຕິດເຊື້ອ.
  4. ໃບບາງກໍລະນີເຂັມອາດຫັກ ແລະ ທຳລາຍອະໄວຍະວະພາຍໃນ.
  5. ຝັງເຂັມເລິກເຂົ້າໄປໃນໜ້າເອິກ ຫລື ຫລັງ ອາດມີຄວາມສ່ຽງຕໍ່ການຍຸບຂອງປອດ, ແຕ່ເປັນເລື່ອງທີ່ເກີດຂຶ້ນໄດ້ຍາກຫລາຍ.
  • ທາງອົງການອາຫານ ແລະ ຢາແຫ່ງສະຫະລັດອາເມລິກາ (United States Food and Drug Administration ຫລື FDA) ໄດ້ກຳໜົດໃຫ້ເຂັມທີ່ໃຊ້ໃນການຝັງເຂັມເປັນເຄື່ອງມືທາງການແພດ ການຜະລິດ ແລະ ການຕິດສະຫລາກຕ້ອງໄດ້ມາດຕະຖານ, ເຂັມຈະຕ້ອງປອດເຊື້ອ, ປອດສານພິດ ແລະ ຕິດສະຫລາກເພື່ອໃຊ້ພຽງເທື່ອດຽວ ແລະ ຕ້ອງໃຊ້ໂດຍຜູ້ຊ່ຽວຊານດ້ານວິຊາຊີບນີ້ທີ່ໄດ້ຮັບໃບອະນຸຍາດເທົ່ານັ້ນ. ຄຳແນະນຳສຳລັບຜູ້ທີ່ຢາກຮັບການປິ່ນປົວໂດຍການຝັງເຂັມ ຄື ຄວນຈະຕ້ອງປິ່ນປົວຄຽງຄູ່ໄປກັບການປິ່ນປົວທາງການແພດແບບດັ້ງເດີມໄປນຳ ໃນກໍລະນີທີ່ມີການເຈັບປ່ວຍຊຳ້ເຮື້ອ ຫລື ຮຸນແຮງ.
ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ - WhatsApp Image 2020 05 27 at 5 - ຝັງເຂັມ ປະໂຫຍດ ແລະ ຄວາມສ່ຽງທີ່ຄວນຮູ້ກ່ອນຮັບການປິ່ນປົວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!