ຕຳຫລວດມາເລເຊຍກວາດລ້າງ ແຮງງານຕ່າງດ້າວຜິດກົດໝາຍ

- advert banner 728 90 728x90 - ຕຳຫລວດມາເລເຊຍກວາດລ້າງ ແຮງງານຕ່າງດ້າວຜິດກົດໝາຍ

- admc4po0 - ຕຳຫລວດມາເລເຊຍກວາດລ້າງ ແຮງງານຕ່າງດ້າວຜິດກົດໝາຍ

ສຳນັກງານ​ກວດຄົ້ນ​ເຂົ້າ​ເມືອງ​ຂອງ​ມາ​ເລ​ເຊຍ​ປະຕິບັດ​ການ​ຈັບ​ກຸມ​ແຮງ​ງານ​ຕ່າງ​ດ້າວ​ຜິດ​ກົດໝາຍ, ພາຍຫລັງ​ພົ້ນ​ເສັ້ນຕາຍ​ການ​ອອກ​ໃບ​ອະນຸຍາດ​ຊົ່ວຄາວ ​ໃນ​ວັນ​ທີ 30 ມິຖຸນາ​ຜ່ານ​ມາ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ກົວ​ລາ​ລຳ​ເປີ ປະ​ເທດ​ມາ​ເລ​ເຊຍ ​ໃນ​ວັນ​ທີ 2 ກໍລະກົດ​ວ່າ: ​ເຈົ້າໜ້າ​ທີ່​ສຳນັກງານ​ກວາດ​ຄົ້ນ​ເຂົ້າ​ເມືອງ​ແຫ່ງ​ຊາດ​ຂອງ​ມາ​ເລ​ເຊຍ​ປະຕິບັດ​ການ​ກວດຄົ້ນ ​ແລະ ຈັບ​ກຸມ​ແຮງ​ງານ​ຕ່າງ​ຊາດ ​ເຊິ່ງລັກລອບ​ເຮັດ​ວຽກ​ໃນ​ປະ​ເທດ ​ໂດຍ​ເລີ່​ມຈາກ​ລັດ​ສະ​ລັງ​ງໍ ຢູ່​ທາງ​ຕາ​ເວັນ​ຕົກ​ຕອນ​ກາງຂອງ​ປະ​ເທດ ​ໃນ​ຕອນ​ຄໍ່າ​ວັນ​ທີ 1 ກໍລະກົດ ​ໂດຍ​ເຈົ້າໜ້າ​ທີ່​ກວດຄົ້ນ​ເອກະສານ​ຂອງ​ແຮງ​ງານ​ຕ່າງ​ດ້າວ 239 ຄົນ ພົບ​ວ່າ​ມີ 51 ຄົນ ​ແລະ ສ່ວນ​ຫລາຍ​ເປັນ​ຊາວ​ບັງ​ກະລາ​ເທດ ​ເຊິ່ງບໍ່​ມີ​ເອກະສານ​ທີ່​ຖືກຕ້ອງ​ຕາມ​ກົດໝາຍ ຈຶ່ງ​ໃຊ້​ອຳນາດ​ຄວບ​ຄຸມ​ຕົວ​ເພື່ອ​ກຽມ​ດຳ​ເນີນ​ການ​ຕາມ​ຂັ້ນຕອນ​ທາງ​ກົດໝາຍ​ຕໍ່​ໄປ.

- 1 1 - ຕຳຫລວດມາເລເຊຍກວາດລ້າງ ແຮງງານຕ່າງດ້າວຜິດກົດໝາຍ
- Tiger Head 728x90 - ຕຳຫລວດມາເລເຊຍກວາດລ້າງ ແຮງງານຕ່າງດ້າວຜິດກົດໝາຍ

ການ​ເຄື່ອນ​ໄຫວ​ດັ່ງກ່າວ​ເກີດ​ຂຶ້ນພາຍຫລັງ​ຄົບ​ກຳນົດ​ທີ່​ລັດຖະບານ​ມາ​ເລ​ເຊຍ​ປະກາດ​ໃນ​ເດືອນ​ກໍລະກົດ​ຜ່ານ​ມາ​ວ່າ: ​ແຮງ​ງານ​ຕ່າງ​ດ້າວ​ຜິດ​ກົດໝາຍ​ຈະ​ໄດ້​ຮັບ​ອະນຸຍາດ​ໃຫ້​ເຮັດ​ວຽກ​ຕໍ່​ເປັນ​ການ​ຊ່ົວຄາວ, ຖ້າ​ມາ​ຂຶ້ນທະບຽນ​ເພື່ອ​ເຮັດ​ບັດ​​ເອ​ເລັກ​ໂຕຣນິກ (ອີ​ກາດ) ກັບ​ສຳນັກງານ​ກວດຄົນ​ເຂົ້າ​ເມືອງ ພາຍ​ໃນ​ວັນ​ທີ 30 ມິຖຸນາ​ຜ່ານ​ມາ ​ໂດຍ​ກາ​ນ​ເຮັດ​ອີ​ກາດ​ບໍ່​ມີຄ່າ​ທຳນຽບ ​ແລະ ບັດ​ມີ​ອາຍຸ​ການ​ໃຊ້​ເຖິງ​ວັນ​ທີ 15 ກຸມພາ 2018.

ປັດຈຸບັນ ທາງ​ການ​ມາ​ເລ​ເຊຍ​ຕີ​ລາຄາ​ຈຳນວນ​ແຮງ​ງານ​ຕ່າງ​ດ້າວ​ຜິດ​ກົດໝາຍ​ມີ​ປະມານ 600.000 ຄົນ, ຂະນະ​ທີ່​ຄ່າ​ທຳນຽມ​ສຳລັບ​ໃບ​ອະນຸຍາດ​ເຮັດ​ວຽກ​ຢ່າງ​ຖືກຕ້ອງ​ຢູ່​ມາ​ເລ​ເຊຍ​ມີ​ລາຄາ 600 ຣິງກິດ.

error: Content is protected !!