5 ວິທີຮັບມືກັບອາການໝົດພະລັງໃນການເຮັດວຽກ

5 ວິທີຮັບມືກັບອາການໝົດພະລັງໃນການເຮັດວຽກ - Lpn20 15 - 5 ວິທີຮັບມືກັບອາການໝົດພະລັງໃນການເຮັດວຽກ
5 ວິທີຮັບມືກັບອາການໝົດພະລັງໃນການເຮັດວຽກ - 174233 - 5 ວິທີຮັບມືກັບອາການໝົດພະລັງໃນການເຮັດວຽກ

ອາການໝົດພະລັງ ສາມາດເກີດຂຶ້ນໄດ້ກັບຄົນເຮັດວຽກທຸກຄົນ ເຊິ່ງສາເຫດຫລັກໆມີຢູ່ບໍ່ເທົ່າໃດຢ່າງ ຫາກບໍ່ເປັນຍ້ອນວຽກໜັກເກີນໄປ ກໍເປັນຍ້ອນສະພາບແວດລ້ອມໃນບ່ອນເຮັດວຽກບໍ່ດີ, ມີຫົວໜ້າ ແລະ ເພື່ອນຮ່ວມງານບໍ່ດີ ຈົນເຮັດໃຫ້ບໍ່ມີຄວາມຫົວຫັນທີ່ຈະຢາກເຮັດວຽກອີກຕໍ່ໄປ.

ຫາກບໍ່ຢາກໃຫ້ຕົນເອງຕົກຢູ່ໃນສະພາບໝົດພະລັງໃນການເຮັດວຽກ ໂດຍທີ່ຍັງຮັກໃນວຽກທີ່ເຮັດຢູ່ ມື້ນີ້ພວກເຮົາມີເຄັດລັບດີໆໃນການຫລີກເວັ້ນສະພາບດັ່ງກ່າວມາແນະນຳບັນດາທ່ານ ດັ່ງນີ້ :

5 ວິທີຮັບມືກັບອາການໝົດພະລັງໃນການເຮັດວຽກ - 090511 2020 300x195 - 5 ວິທີຮັບມືກັບອາການໝົດພະລັງໃນການເຮັດວຽກ

5 ວິທີຮັບມືກັບອາການໝົດພະລັງໃນການເຮັດວຽກ - Wave100S AD to Website 2020 0 - 5 ວິທີຮັບມືກັບອາການໝົດພະລັງໃນການເຮັດວຽກ
  1. ນອນຫລັບ : ອາການນອນບໍ່ຫລັບ ແມ່ນໜຶ່ງໃນສັນຍານເຕືອນວ່າທ່ານກຳລັງໝົດພະລັງງານ ແລະ ເມື່ອບໍ່ສາມາດຂົ່ມຕາໃຫ້ຫລັບໄດ້ ສະໝອງກໍຈະບໍ່ສາມາດເຮັດວຽກໄດ້ຢ່າງມີປະສິດທິພາບ ເຊິ່ງຫາກນອນໜ້ອຍເກີນໄປກໍຈະສົ່ງຜົນຮ້າຍຕໍ່ສຸຂະພາບຕາມມາ ແລະ ຍັງສົ່ງຜົນໃຫ້ຕັດສິນໃຈໃນເລື່ອງຕ່າງໆໄດ້ບໍ່ດີເທົ່າທີ່ຄວນນຳອີກ. ການນອນຫລັບໃຫ້ພຽງພໍຈຶ່ງສຳຄັນຢ່າງຍິ່ງຕໍ່ສຸຂະພາບກາຍ ແລະ ສຸຂະພາບຈິດຂອງທ່ານ ເຊິ່ງທາງວິທະຍາສາດມີການພິສູດແລ້ວວ່າຄວນນອນໃຫ້ໄດ້ປະມານ 7 – 9 ຊົ່ວໂມງ ເພື່ອໃຫ້ຮ່າງກາຍຟື້ນຟູພາກສ່ວນເສື່ອມສະພາບ ຈະໄດ້ຕື່ນມາດ້ວຍຄວາມສົດຊື່ນ ພ້ອມເລີ່ມຕົ້ນເຮັດວຽກໃນມື້ໃໝ່.
  2. ອອກກຳລັງກາຍ : ການອອກກຳລັງກາຍສົ່ງຜົນດີທັງຕໍ່ຮ່າງກາຍ ແລະ ຈິດໃຈ ຫາກອອກກຳລັງກາຍເປັນປະຈຳຈະຊ່ວຍຫລຸດລະດັບຄວາມເຄັ່ງຄຽດລົງໄດ້ ເຮັດໃຫ້ຄວາມຈື່ຈຳດີຂຶ້ນ ແລະ ຍັງຊ່ວຍເພີ່ມຄວາມຫ້າວຫັນໃຫ້ກັບຕົນເອງນຳ. ນອກຈາກນີ້, ກໍຍັງຊ່ວຍໃຫ້ທ່ານຮູ້ສຶກດີທີ່ໄດ້ດູແລຕົນເອງ, ຊ່ວຍປຸກພະລັງໃຫ້ພ້ອມສຳລັບການເຮັດວຽກຫລັງຈາກຕື່ນນອນໃນແຕ່ລະມື້ ແລະ ຍັງຊ່ວຍປ້ອງກັນອາການໝົດພະລັງທີ່ເກີດຈາກຄວາມອິດເມື່ອຍອ່ອນເພຍ ທັງທາງຮ່າງກາຍ ແລະ ຈິດໃຈໄດ້ນຳ.
  3. ຍິ້ມຫົວ : ຮູ້ຫລືບໍ່ວ່າຫານຍິ້ມ ຫລື ຫົວ (ອາລົມດີ) ຊ່ວຍຫລຸດຄວາມເຄັ່ງຄຽດໄດ້ ແລະ ຍັງສົ່ງຜົນໃນດ້ານບວກທັງໃນໄລຍະສັ້ນ ແລະ ໄລຍະຍາວ ເຊິ່ງຜົນການສຶກສາທາງວິທະຍາສາດພົບວ່າ ການຍິ້ມຫົວ ມີອາລົມຂັນ ຊ່ວຍໃຫ້ຮ່າງກາຍຫລັ່ງສານສື່ປະສາດທີ່ຊ່ວຍຕໍ່ຕ້ານຄວາມເຄັ່ງຄຽດ ແລະ ອາການເຈັບປ່ວຍອື່ນໆ. ດັ່ງນັ້ນ, ຈຶ່ງຄວນຫາໂອກາດໃຫ້ຕົນເອງໄດ້ຍິ້ມຫົວ ແລະ ມີອາລົມຂັນ ມີສຽງຫົວອອກມາແດ່ ເຊັ່ນ : ສົນທະນາກັບເພື່ອນຮ່ວມງານທີ່ເປັນຄົນມ່ວນຊື່ນເຮຮາ ຕະຫລົກຂົບຂັນ ຫລື ເບິ່ງລາຍການໂທລະພາບ ຫລື ຮູບເງົາຕະຫລົກໆຄາດຄຽດຫລັງຈາກເລີກວຽກ ເປັນຕົ້ນ.
  4. ເຂົ້າສັງຄົມ : ຄວນຫາເວລາພົບໝູ່ນອກບ່ອນເຮັດວຽກແດ່ເພື່ອເປັນການຕື່ມເຕັມອາລົມຂອງທ່ານ ເພາະການມີສັງຄົມແຕ່ຢູ່ບ່ອນເຮັດວຽກ ແລະ ອຸທິດຕົນເອງໃຫ້ກັບການເຮັດວຽກພຽງຢ່າງດຽວ ໂດຍບໍ່ມີກິດຈະກຳອື່ນໆ ນອກເໜືອຈາກເລື່ອງວຽກເລີຍ ຈະເຮັດໃຫ້ເກີດອາການໝົດພະລັງໄດ້ງ່າຍໆ. ເມື່ອເຖິງມື້ພັກທ້າຍອາທິດ ນອກຈາກພັກຜ່ອນໃຫ້ເຕັມທີ່ແລ້ວ ກໍຄວນອອກໄປມີກິດຈະກຳນອກເຮືອນກັບໝູ່, ເບິ່ງຮູບເງົາ, ຟັງເພງ ຫລື ໄປສັງສັນນຳກັນ ເພື່ອຕື່ມພະລັງໃຫ້ກັບຕົນເອງກ່ອນເລີ່ມຕົ້ນການເຮັດວຽກໃນອາທິດຕໍ່ໄປ.
  5. ຝຶກປະຕິເສດ : ບາງເທື່ອການເຮັດວຽກບໍ່ວ່າອາຊີບໃດກໍຕາມ ອາດຈຳເປັນຕ້ອງເວົ້າປະຕິເສດແດ່ ຫາກມີວຽກຕ່າງປະເດັນ ຫລື ນອກເໜືອຈາກໜ້າທີ່ຂອງຕົນເຂົ້າມາພ້ອມກັນໝົດ ເຊິ່ງສິ່ງສຳຄັນຄື ການຈັດລຳດັບຄວາມສຳຄັນຂອງວຽກໃຫ້ເປັນ ໂດຍເລືອກເຮັດວຽກທີ່ສຳຄັນທີ່ສຸດ ຫລື ຈຳເປັນທີ່ສຸດກ່ອນເປັນອັນດັບທຳອິດ. ຫາກບໍ່ກ້າເອີ່ຍປາກປະຕິເສດອອກໄປ ແລະ ຮັບວຽກທຸກຢ່າງມາໄວ້ນຳຕົນເອງຄົນດຽວ ໂດຍທີ່ສາມາດແຈກຢາຍໃຫ້ກັບຜູ້ອື່ນໄດ້ ກໍອາດເຮັດໃຫ້ເກີດຄວາມເຄັ່ງຄຽດ ຈົນສົ່ງຜົນໃຫ້ເກີດອາການໝົດພະລັງໂດຍບໍ່ຮູ້ໂຕ.

5 ວິທີຮັບມືກັບອາການໝົດພະລັງໃນການເຮັດວຽກ - 080511 2020 300x200 - 5 ວິທີຮັບມືກັບອາການໝົດພະລັງໃນການເຮັດວຽກ

5 ວິທີຮັບມືກັບອາການໝົດພະລັງໃນການເຮັດວຽກ - WhatsApp Image 2020 05 27 at 5 - 5 ວິທີຮັບມືກັບອາການໝົດພະລັງໃນການເຮັດວຽກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!