ບົດເລື່ອງ “ໄປນຳຫາພໍ່” ຂອງນັກປະພັນລາວຖືກຄັດເລືອກເຂົ້າຮັບລາງວັນວັນນະກໍາແມ່ນ້ຳຂອງ 2017 ທີ່ປະເທດໄທ

- advert banner 728 90 728x90 - ບົດເລື່ອງ “ໄປນຳຫາພໍ່” ຂອງນັກປະພັນລາວຖືກຄັດເລືອກເຂົ້າຮັບລາງວັນວັນນະກໍາແມ່ນ້ຳຂອງ 2017 ທີ່ປະເທດໄທ

ບົດບັນທຶກເລື່ອງ: “ໄປນຳຫາພໍ່” ຂອງທ່ານນາງ ດາລີວັນ ສິດພະໄຊ ນັກປະພັນຂອງລາວ, ຖືກຄັດເລືອກເຂົ້າຮ່ວມຮັບລາງວັນວັນນະກຳແມ່ນ້ຳຂອງ 2017 ໃນລະຫວ່າງວັນທີ 25-28 ສິງຫານີ້, ທີ່ບາງກອກ.

ພິທີປະກາດຜົນການຕັດສິນລາງວັນ ວັນນະກໍາແມ່ນ້ຳຂອງປະຈຳປີ 2017, ໄດ້ຈັດຂຶ້ນໃນທ້າຍອາທິດຜ່ານມາ, ທີ່ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ໂດຍການເປັນປະ ທານຂອງທ່ານ ທອງໃບ ໂພທິສານ ຫົວໜ້າກົມມໍລະດົກ, ປະທານສະມາຄົມນັກປະພັນລາວ, ມີຫົວໜ້າກົມພິມຈຳໜ່າຍ, ທີ່ປຶກສາສະມາຄົມນັກປະພັນລາວ ແລະ ສະມາຊິກນັກປະພັນລາວເຂົ້າຮ່ວມເປັນຈຳນວນຫລາຍ.

ເພື່ອເສີມສ້າງສາຍພົວພັນມິດຕະພາບ ແລະ ການຮ່ວມມືຂອງບັນດານັກ ປະພັນ, ນັກກາວີໃນບັນດາປະເທດລຸ່ມແມ່ນໍ້າຂອງດ້ວຍການສ້າງສັນ ລາງວັນວັນນະກໍາສ້າງສັນດີເດັ່ນ ແລະ ການສໍາມະນາວິຊາການ, ເພື່ອເປັນການແລກປ່ຽນບົດຮຽນເຊິ່ງກັນ ແລະ ກັນ, ສໍາລັບການແຂ່ງຂັນຄັ້ງນີ້, ມີສະມາຊິກຂອງສະມາຄົມນັກປະພັນລາວ 20 ຄົນສົ່ງບົດຂອງຕົນເຂົ້າ ຮ່ວມແຂ່ງຂັນ ແລະ ໄດ້ເລືອກເອົາ 7 ບົດ, ໂດຍປະ ກອບມີ: ບົດບັນທຶກ, ບົດເລື່ອງສັ້ນ, ເລື່ອງຍາວ, ບົດກາວີ, ບົດວັນນະຄະດີ ຕ່າງໆ. ຈາກນັ້ນ ຄະນະກຳມະການໄດ້ຮ່ວມກັນລົງຄະແນນ ແລະ ເລືອກເອົາ ບົດບັນທຶກເລື່ອງ: “ໄປນໍາຫາພໍ່” ຂຽນໂດຍທ່ານນາງ ດາລີວັນ ສິດພະໄຊ, ໂດຍມີເນື້ອໃນເວົ້າເຖິງຊີວິດຈິງຂອງຄອບຄົວພະນັກງານປະຕິວັດ ທີ່ພັດພາກ ຈາກກັນຍ້ອນສົງຄາມ, ແຕ່ດ້ວຍນໍ້າໃຈຮັກຊາດ ແລະ ຄວາມຕັດສິນໃຈອັນສູງ ສົ່ງ, ຈຶ່ງໄດ້ຜ່ານຜ່າຄວາມຫຍຸ້ງຍາກນາໆປະການເດີນທາງມາພົບກັນຢູ່ເຂດ ປົດປ່ອຍດ້ວຍການຊ່ວຍເຫຼືອຂອງບັນດາສະຫາຍປະເທດຮ່ວມອຸດົມການອັນດຽວກັນ ເພື່ອສືບຕໍ່ຮ່ວມກັນຕໍ່ສູ້ກູ້ຊາດຈົນມີໄຊຊະນະ. ພ້ອມນັ້ນ, ບົດເລື່ອງດັ່ງກ່າວ ຍັງໄດ້ສະທ້ອນໃຫ້ເຫັນຜົນຮ້າຍຂອງສົງຄາມທໍາລາຍທຸກສິ່ງຢ່າງ ແລະ ຄຸນຄ່າ ຂອງສັນຕິພາບທີ່ເປັນເງື່ອນໄຂໃນການສ້າງສາພັດທະນາສູ່ຄວາມສຸກຄວາມຈະ ເລີນເປັນຍອດປາຖະໜາຂອງປະຊາຊົນບັນດາເຜົ່າ.

- 1 1 - ບົດເລື່ອງ “ໄປນຳຫາພໍ່” ຂອງນັກປະພັນລາວຖືກຄັດເລືອກເຂົ້າຮັບລາງວັນວັນນະກໍາແມ່ນ້ຳຂອງ 2017 ທີ່ປະເທດໄທ
- lattana 1 - ບົດເລື່ອງ “ໄປນຳຫາພໍ່” ຂອງນັກປະພັນລາວຖືກຄັດເລືອກເຂົ້າຮັບລາງວັນວັນນະກໍາແມ່ນ້ຳຂອງ 2017 ທີ່ປະເທດໄທ

ລາງວັນວັນນະກຳແມ່ນ້ຳຂອງ ໄດ້ຮັບການສ້າງຕັ້ງຂຶ້ນໃນປີ 2007, ໂດຍ ການລິເລີ່ມຂອງສະມາຄົມນັກປະພັນຫວຽດນາມ, ລາວ ແລະ ກຳປູເຈຍ, ຊຶ່ງການມອບລາງວັນເປັນຄັ້ງທຳອິດມີຂຶ້ນໃນປີ 2008, ປັດຈຸບັນມີນັກປະພັນ, ນັກກະວີຫລາຍສິບຄົນໄດ້ຮັບລາງວັນດັ່ງກ່າວ, ໂດຍມີສະມາຊິກເພີ່ມຂຶ້ນເປັນ 6 ປະເທດຄື: ລາວ, ຫວຽດນາມ, ກຳປູເຈຍ, ໄທ, ມຽນມາ ແລະ ຈີນ ໃນປີ 2015.

error: Content is protected !!