ຮອງນາຍົກລັດຖະມົນຕີ ລົງຕິດຕາມ ໂຄງການກໍ່ສ້າງອ່າງເກັບນ້ຳຫ້ວຍວັງເຫ

ຮອງນາຍົກລັດຖະມົນຕີ ລົງຕິດຕາມ  ໂຄງການກໍ່ສ້າງອ່າງເກັບນ້ຳຫ້ວຍວັງເຫ -                                                                                    - ຮອງນາຍົກລັດຖະມົນຕີ ລົງຕິດຕາມ  ໂຄງການກໍ່ສ້າງອ່າງເກັບນ້ຳຫ້ວຍວັງເຫ
ຮອງນາຍົກລັດຖະມົນຕີ ລົງຕິດຕາມ  ໂຄງການກໍ່ສ້າງອ່າງເກັບນ້ຳຫ້ວຍວັງເຫ - 174233 - ຮອງນາຍົກລັດຖະມົນຕີ ລົງຕິດຕາມ  ໂຄງການກໍ່ສ້າງອ່າງເກັບນ້ຳຫ້ວຍວັງເຫ

     ໃນວັນທີ 7 ພະຈິກນີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ​ໄດ້ລົງຢ້ຽມຢາມ ແລະ ຕິດຕາມກວດກາການຈັດຕັ້ງປະຕິບັດໂຄງການກໍ່ສ້າງອ່າງເກັບນ້ຳຫ້ວຍວັງເຫ ຢູ່ເມືອງໂພນທອງ ​ແຂວງ​ຈຳປາ​ສັກ ເຊິ່ງມາຮອດປັດຈຸບັນຄືບໜ້າແລ້ວ 40%. ໂຄງການນີ້ແມ່ນໜຶ່ງໃນແຜນງານຄ້ຳປະກັນສະບຽງອາຫານ ແລະ ຜະລິດເປັນສິນຄ້າ ໂດຍການລົງທຶນຂອງລັດເລີ່ມແຕ່ສົກປີ 2012-2013 ເປັນຕົ້ນມາ ​ໃນມູນຄ່າທັງໝົດ 387,38 ຕື້ກີບ.

ຮອງອຳນວຍການບໍລິສັດ ສາມັກຄີໄຊ ກໍ່ສ້າງ ຈຳກັດ ​ເຊິ່ງ​ເປັນ​ຜູ້​ຮັບ​ເໝົາ​ກໍ່ສ້າງ​ໂຄງການ​ດັ່ງກ່າວ ໃຫ້ຮູ້ວ່າ: ອ່າງເກັບນ້ຳແຫ່ງນີ້ມີເນື້ອທີ່ເກັບນ້ຳ 880 ເຮັກຕາ ເປັນໂຄງການແບບໄຫລເອງ ເຊິ່ງສາມາດເກັບກັກນ້ຳໄດ້ 37 ລ້ານແມັດກ້ອນ ເພື່ອສະໜອງນ້ຳໃຫ້ແກ່ການຜະລິດເຂົ້ານາປີ 2.500 ເຮັກຕາ, ນາແຊງ 1.500 ເຮັກຕາ ແລະ ການຜະລິດພືດລະດູແລ້ງ 1.000 ເຮັກຕາ ​ເພື່ອ​ຊ່ວຍ​ໃຫ້ປະຊາຊົນ 1.700 ກວ່າຄອບຄົວໃນ 3 ບ້ານຂອງ​ເມືອງ​ໂພນ​ທອງໄດ້ຮັບຜົນປະໂຫຍດທາງກົງ. ແຕ່ການດຳເນີນໂຄງການນີ້ ໄດ້ແບ່ງອອກເປັນ 3 ໄລຍະຄື: ​ໄລຍະ​ທີ 1 ​ໄດ້​ເລີ່​ມຈັດຕັ້ງປະຕິບັດມາ​ແຕ່​ປີ 2012-2020 ດ້ວຍ​ມູນ​ຄ່າ 120 ຕື້ກີບ ແມ່ນສຳເລັດ 100%, ແຕ່ເນື່ອງຈາກວ່າມີບາງໜ້າວຽກຕ້ອງໄດ້ສືບ​ຕໍ່ປະຕິບັດໃຫ້ສຳເລັດ. ສະນັ້ນ ເຈົ້າຂອງໂຄງການຈຶ່ງໄດ້ປຶກສາຫາລືກັບພາກສ່ວນທີ່ກ່ຽວຂ້ອງ ແລະ ເຫັນດີໃຫ້ຜູ້ຮັບເໝົາສືບ​ຕໍ່ປະຕິບັດໜ້າວຽກທີ່ຈຳເປັນນັ້ນທີ່ບໍ່ນອນໃນສັນຍາໄລຍະທີ 1, ມາຮອດປັດຈຸບັນ​ໄດ້ສຳເລັດ ​ແລະ ​ໄດ້​ເພີ່ມ​ມູນ​ຄ່າ​ລົງທຶນ​ຕື່ມ 35,8 ຕື້ກີບ ​ແລະ ເພື່ອສືບຕໍ່ຈັດຕັ້ງປະຕິບັດບັນດາໜ້າວຽກ​ໃຫ້ສຳເລັດ, ເຈົ້າຂອງໂຄງການຈຶ່ງສະເໜີໃຫ້ລັດຖະບານຄົ້ນຄວ້າສືບຕໍ່ອະນຸມັດໃນການຈັດຕັ້ງປະຕິບັດໄລຍະທີ 2 ໂດຍສະເພາະວຽກກໍ່ສ້າງລະບົບຫົວງານ ແລະ ວຽກກໍ່ສ້າງເຂື່ອນດິນ ເຊິ່ງຈຳເປັນຕ້ອງໄດ້ເລີ່ມຈັດຕັ້ງປະຕິບັດໂດຍໄວ ເພື່ອຮັບປະກັນໃຫ້ສຳເລັດກ່ອນລະດູຝົນທີ່ຈະມາຮອດນີ້.

​ໃນໂອກາດດັ່ງກ່າວ, ທ່ານຮອງ​ນາຍົກລັດຖະມົນຕີ ໄດ້ເນັ້ນໃຫ້ມີການພັດທະນາຢ່າງຮອບດ້ານໃນໂຄງການດັ່ງກ່າວ, ບໍ່ໃຫ້ຄິດເຖິງສະເພາະແຕ່ສະໜອງນ້ຳໃຫ້ແກ່ຂະບວນການຜະລິດເທົ່ານັ້ນ, ຕ້ອງນຳໃຊ້ເນື້ອທີ່ອ່າງເກັບນ້ຳໃຫ້ສາມາດເຮັດການປະມົງ, ພັດທະນາເປັນແຫລ່ງທ່ອງທ່ຽວ ແລະ ພັດທະນາພະລັງ ງານແສງຕາ​ເວັນໄດ້, ທັງນີ້ ກໍເພື່ອເປັນການສ້າງລາຍຮັບເພີ່ມ, ດຶງດູດນັກທ່ອງທ່ຽວເຂົ້າມາ ແລະ ສ້າງໃບໜ້າໃໝ່ໃຫ້ກັບແຂວງ ກໍຄື ສປປ ລາວ. ສຳລັບຮູບແບບໃນການພັດທະນາ ຜູ້ຮັບເໝົາໂຄງການສາມາດພັດທະນາເອງໄດ້ ຫລື ສາມາດດຶງດູດເອົານັກລົງທຶນທັງພາຍໃນ ແລະ ຕ່າງປະເທດເຂົ້າມາ ບໍ່ວ່າຈະເປັນໃນຮູບແບບສຳປະທານ ຫລື ຮ່ວມທຶນກໍໄດ້. ພ້ອມເນັ້ນໃຫ້ເຈົ້າຂອງໂຄງການ ແລະ ຜູ້ຮັບເໝົາສຸມໃສ່ໜ້າວຽກທີ່ຍັງເຫລືອ ເປັນຕົ້ນແມ່ນການກໍ່ສ້າງລະບົບຫົວງານ ແລະ  ກໍ່ສ້າງເຂື່ອນກັນນ້ຳໃຫ້ສຳເລັດກ່ອນວຽກງານອື່ນ ເພື່ອໃຫ້ສາມາດເກັບກັກນ້ຳໃຫ້ທັນໃນລະດູຝົນຈະ​ມາ​ເຖິງນີ້, ຖ້າຫາກໃນອ່າງມີນ້ຳແລ້ວ ການພັດທະນາປິ່ນອ້ອມກໍຈະຕາມມາ.

ຮອງນາຍົກລັດຖະມົນຕີ ລົງຕິດຕາມ  ໂຄງການກໍ່ສ້າງອ່າງເກັບນ້ຳຫ້ວຍວັງເຫ - Wave100S AD to Website 2020 0 - ຮອງນາຍົກລັດຖະມົນຕີ ລົງຕິດຕາມ  ໂຄງການກໍ່ສ້າງອ່າງເກັບນ້ຳຫ້ວຍວັງເຫ

ຕະຫລອດລຽບເຂື່ອນດິນ ແລະ ຄູກັນນ້ຳສອງຂ້າງທີ່ມີຄວາມຍາວທັງໝົດ 7,1 ກິໂລແມັດນັ້ນ ​ໃຫ້ສາມາດປູກພືດກະສິກຳໃຫ້ກາຍເປັນສິນຄ້າ, ທັງເປັນບ່ອນໃຫ້ນັກທ່ອງທ່ຽວ ແລະ ປະຊາຊົນເຂົ້າມາທ່ຽວຊົມ​ໄດ້.

ຮອງນາຍົກລັດຖະມົນຕີ ລົງຕິດຕາມ  ໂຄງການກໍ່ສ້າງອ່າງເກັບນ້ຳຫ້ວຍວັງເຫ - WhatsApp Image 2020 05 27 at 5 - ຮອງນາຍົກລັດຖະມົນຕີ ລົງຕິດຕາມ  ໂຄງການກໍ່ສ້າງອ່າງເກັບນ້ຳຫ້ວຍວັງເຫ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!