ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ODS)

ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ods) - 007 - ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ODS)
ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ods) - 174233 - ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ODS)

ພິທີເປີດສູນບໍລິການຜ່ານປະຕູດຽວ (One Door Service) ​ໃນເມືອງບາຈຽງຈະເລີນສຸກ ແຂວງຈຳປາສັກ ໄດ້ມີຂຶ້ນໃນວັນທີ 10 ພະຈິກນີ້ ທີ່ສະໂມສອນເມືອງດັ່ງກ່າວ ໂດຍການເຂົ້າຮ່ວມຂອງທ່ານ ວິໄລວົງ ບຸດດາຄຳ ກຳມະການສູນກາງພັກ, ເລຂາພັກແຂວງ, ເຈົ້າແຂວງຈໍາປາສັກ, ທ່ານ ຄຳມູນ ວິພົງໄຊ ຮອງເລຂາພັກ, ຮອງລັດຖະມົນຕີກະຊວງພາຍໃນ.

ທ່ານຮອງເຈົ້າເມືອງບາຈຽງຈະເລີນສຸກ  ໄດ້ກ່າວເປີດພິທີວ່າ: ການເປີດສູນບໍລິການຜ່ານປະຕູດຽວ (ODS) ຕົ້ນຕໍ​ແມ່ນເພື່ອເຮັດໃຫ້ການບໍລິຫານລັດ ແລະ ອົງການຈັດຕັ້ງຕ່າງໆຂອງເມືອງມີການປ່ຽນແປງໃໝ່ຢ່າງເລິກເຊິ່ງ ​ເພື່ອໃຫ້ການບໍລິການປະຊາຊົນມີຄວາມສະດວກ, ວ່ອງໄວ, ທັນເວລາ ສາມາດກວດສອບໄດ້, ​ເຮັດ​ໃຫ້ການບໍລິການຂອງລັດມີປະສິດທິພາບ ສອດຄ່ອງກັບການບໍລິຫານລັດແບບໃໝ່​ໃນ​ໜ້າ​ວຽກ​ຕ່າງໆ​ໃຫ້ເລິກເຊິ່ງກວ້າງຂວາງ ໂດຍກວມເອົາ 9 ຫ້ອງການ​ເຊັ່ນ: ຫ້ອງການພາຍໃນ, ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ, ຫ້ອງການອຸດສາຫະກຳ ແລະ ການຄ້າ, ຫ້ອງການກະສິກຳ ແລະ ປ່າໄມ້, ຫ້ອງການຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ຫ້ອງການການເງິນ, ຫ້ອງການໂຍທາທິການ ແລະ ຂົນສົ່ງ, ຫ້ອງການໄປສະນີໂທລະຄົມ ແລະ ການສື່ສານ ແລະ ຫ້ອງການວິທະຍາສາດ ແລະ ເຕັກໂນໂລຊີ.

ທ່ານຮອງລັດຖະມົນຕີກະຊວງພາຍໃນ ໄດ້ມີຄຳເຫັນວ່າ: ການປັບປຸງການບໍລິການຜ່ານປະຕູດຽວ ແມ່ນນະໂຍບາຍລັດຖະບານ ໂດຍແມ່ນກະຊວງພາຍໃນເປັນເສນາທິການ ​ເພື່ອ​ແນ​ໃສ່ປັບປຸງລະບົບ ແລະ ຮູບແບບການບໍລິການດັ່ງກ່າວ ເພື່ອຍົກສູງປະສິດທິພາບ​ຂອງ​ການ​ບໍລິຫານ​ລັດ​ດີ​ຂຶ້ນກວ່າ​ເກົ່າ.

ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ods) - Wave100S AD to Website 2020 0 - ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ODS)

​ໃນໂອກາດນີ້, ທ່ານເຈົ້າແຂວງຈຳປາສັກ ກໍມີຄຳເຫັນວ່າ: ​ໃນ​ຜ່ານ​ມາ ການຄຸ້ມຄອງບໍລິຫານລັດຂອງອົງການຈັດຕັ້ງຕ່າງໆ ໄດ້ມີການປ່ຽນແປງໃນທິດທາງທີ່ຕັ້ງໜ້າດີຂຶ້ນ ​ແລະ ໂປ່ງໃສ, ສະຕິຄວາມເປັນເຈົ້າຂອງສັງຄົມໃນການປະຕິບັດລະບຽບກົດໝາຍສູງຂຶ້ນ ແລະ ປະຊາຊົນສາມາດເຂົ້າເຖິງການບໍລິການຂອງລັດສະດວກ​ດີ​ຂຶ້ນ ແລະ ຄຽງ​ຄູ່​ກັນນັ້ນ, ການ​ສ້າງສູນບໍລິການຜ່ານປະຕູດຽວ​ໃນເມືອງບາຈຽງຈະເລີນສຸກ​ແຫ່ງ​ນີ້ເປັນສູນບໍລິການປະຕູດຽວຮູບແບບໃໝ່ ​ເພື່ອບໍລິການປະຊາຊົນມີ​ປະສິດທິພາບ​ສູງ​ຂຶ້ນກວ່າ​ເກົ່າ ​ເພື່ອເປັນວຽກເສນາທິການໃຫ້ແກ່ຄະນະພັກ-ອົງການປົກຄອງເມືອງເຮັດວຽກຂອງອົງການລັດມີປະສິດທິຜົນ ຮັບປະກັນ​ໄດ້​ຄວາມ​ຍຸຕິ​ທຳ​ຂອງ​ສັງຄົມ.

ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ods) - WhatsApp Image 2020 05 27 at 5 - ເມືອງບາຈຽງຈະເລີນສຸກ ເປີດສູນບໍລິການຜ່ານປະຕູດຽວ (ODS)
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!