ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ

ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ - 2T9A1044 scaled - ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ
ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ - 174233 - ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ

ກອງປະຊຸມສະໄໝມັນ ເທື່ອທີ 10 ຂອງສະພາແຫ່ງຊາດ ໃນວັນທີ 11 ພະຈິກນີ້ ທີ່ຫໍປະຊຸມສະພາແຫ່ງຊາດ (ຫລັກ6) ໂດຍການເປັນປະທານຂອງທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ ​ເຊິ່ງບັນດາສະມາຊິກສະພາ (ສສຊ) ໄດ້ສຸມໃສ່ປະກອບຄຳຄິດຄຳເຫັນໃສ່ຮ່າງກົດໝາຍວ່າດ້ວຍການສຶກສາຊັ້ນສູງ (ສ້າງໃໝ່) ທີ່ສະເໜີໂດຍທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ, ພ້ອມທັງໄດ້ລົງຄະແນນສຽງຮັບຮອງເອົາຮ່າງກົດໝາຍດັ່ງກ່າວ ດ້ວຍຄະແນນສຽງເຫັນດີເປັນສ່ວນຫລາຍ.

ກົດໝາຍສະບັບນີ້ປະກອບມີ 14 ພາກ, 15 ໝວດ, 103 ມາດຕາ ​ເພື່ອ​ເປັນເຄື່ອງມືທີ່ເໝາະສົມກວ່າເກົ່າໃນການຄຸ້ມຄອງມະຫາພາກໃນຂະແຫນງການສຶກສາຊັ້ນສູງ ແລະ ແກ້ໄຂບາງບັນຫາທີ່ບໍ່ທັນຄ່ອງຕົວຢູ່ໃນການຄຸ້ມຄອງການສຶກສາຊັ້ນສູງໃນໄລຍະຜ່ານມາ.

​ໃນກອງປະຊຸມ, ບັນດາ ສສຊ ໄດ້ປະກອບຄໍາຄິດເຫັນຕໍ່ຮ່າງກົດໝາຍນີ້ຢ່າງມີຈຸດສຸມ, ກະທັດຮັດ, ກົງໄປກົງມາ, ໃຫ້ມີຄວາມສອດຄ່ອງ, ເຂົ້າໃຈງ່າຍ ​ແລະ ມີເນື້ອໃນຄົບຖ້ວນສົມບູນຂຶ້ນຕື່ມ ເປັນຕົ້ນມາດຕາ 4 ​ເວົ້າ​ເຖິງນະໂຍບາຍຂອງລັດຕໍ່ກັບວຽກງານການສຶກສາຊັ້ນສູງ ເຊິ່ງ ສສຊ ກໍໄດ້ສະເໜີໃຫ້ລັດຊຸກຍູ້ສົ່ງເສີມຜູ້ທີ່ຮຽນເກັ່ງ, ຊົນຊາດຊົນເຜົ່າ ແລະ ຜູ້ຂາດ​ເຂີນທຶນຮອນ; ມາດຕາ 5 ຫລັກການ ກ່ຽວກັບວຽກງານການສຶກສາຊັ້ນສູງ  ໂດຍສະເໜີໃຫ້ມີການປະສານງານ ​ແລະ ຮ່ວມມືກັນ​ໃຫ້​ດີ ເພື່ອຈັດຕັ້ງການຮຽນ-ການສອນ​ໃຫ້​ມີ​ຄຸນ​ນະພາ​ບ; ມາດຕາ 9 ການສ້າງແຜນຍຸດທະສາດການພັດທະນາການສຶກສາຊັ້ນສູງ ແລະ ມາດຕາ 10 ເນື້ອໃນແຜນຍຸດທະສາດການພັດທະນາການສຶກສາຊັ້ນສູງ; ມາດຕາ 27 ສິດເປັນເຈົ້າຕົນເອງຂອງສະຖານການສຶກສາຊັ້ນສູງ; ພາກທີ V ຫລັກສູດ ແລະ ການຈັດຕັ້ງການຮຽນ-ການສອນ, ມາດຕາ 37 ການສ້າງ ແລະ ພັດທະນາຫລັກສູດ, ມາດຕາ 41 ການຮັບນັກສຶກສາ ໂດຍ ສສຊ ສະເໜີຫ້າມປະຕິເສດນັກຮຽນພິການ, ມາດຕາ 42 ຮູບແບບການຈັດຕັ້ງການຮຽນ-ການສອນ; ມາດຕາ 44 ພາສາທີ່ນໍາໃຊ້ໃນການຮຽນ-ການສອນ; ມາດຕາ 61 ຫລັກການຂອງການຮັບປະກັນຄຸນນະພາບການສຶກສາຊັ້ນສູງ ແລະ ມາດຕາ 63 ກົນໄກການປະກັນຄຸນນະພາບການສຶກສາຊັ້ນສູງ.

ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ - Wave100S AD to Website 2020 0 - ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ

ກົດໝາຍນີ້ຈະເປັນເຄື່ອງມືໃນການຄຸ້ມຄອງວຽກງານການສຶກສາຊັ້ນສູງ, ການປັບປຸງການຈັດຕັ້ງການຮຽນ-ການສອນ, ຫລັກສູດການສຶກສາຊັ້ນສູງໃຫ້ເປັນລະບົບ, ມີປະສິດທິພາບ ແລະ ປະສິດທິຜົນ, ໄດ້ມາດຕະຖານ ແລະ ອໍານວຍຄວາມສະດວກໃຫ້ແກ່ຂະແໜງການກ່ຽວຂ້ອງ, ອົງການຈັດຕັ້ງ, ສັງຄົມ ແລະ ປະຊາຊົນສາມາດຮັບຮູ້ເຂົ້າໃຈຄວາມສໍາຄັນຂອງການສຶກສາຊັ້ນສູງ ເພື່ອປະກອບສ່ວນສົ່ງເສີມ ແລະ ລົງທຶນເຂົ້າໃນການພັດທະນາການສຶກສາຊັ້ນສູງ​ໃຫ້​ມີ​ຄຸນ​ນະພາ​ບດີ​ຂຶ້ນກວ່າ​ເກົ່າ.

ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ - WhatsApp Image 2020 05 27 at 5 - ສະພາແຫ່ງຊາດ ຮັບຮອງກົດໝາຍສ້າງໃໝ່ ວ່າດ້ວຍການສຶກສາຊັ້ນສູງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!