ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່

ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່ - DONALD TRUMP AT THE WHITE HOUSE 1308x872 1 - ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່
ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່ - 174233 - ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່

​ເມື່ອ​ພົ້ນຈາກ​ຕຳ​ແໜ່​ງປະທານາທິບໍດີ​ໃນ​ເດືອນ​ມັງກອນ​ປີໜ້າ, ທ່ານ ​ໂດ​ນັລ ທຣຳ ອາດ​ຈະ​ຕ້ອງ​ຜະ​ເຊີນ​ກັບ​ການ​ຟ້ອງ​ຮ້ອງ​ດຳ​ເນີນ​ຄະດີ ທັງ​ທາງ​ແພ່ງ ​ແລະ ອາຍາ​ບໍ່ຕໍ່າ​ກວ່າ 6 ຄະດີ.

ສໍານັກ​ຂ່າວ CNN ລາຍ​ງານ​ວ່າ: ​ເຫລືອ​ເວລາ​ອີກ​ພຽງ​ປະມານ 70 ວັນ ປະທານາທິບໍດີ ​ໂດນັລ ທຣຳ ກໍ​ຈະ​ພົ້ນຈາກ​ຕຳ​ແໜ່​ງ​ໃນ​ທຳນຽບຂາວ ມີ​ຄວາມ​ເປັນ​ໄປ​ໄດ້​ວ່າ: ​ເມື່ອ​ທ່ານ​ໝົດ​ເອກະ​ສິດ​ຄຸ້ມ​ຄອງ​ຕາມ​ກົດໝາຍ​ໃນ​ຖານະ​ປະທານາທິບໍດີ​ແລ້ວ ຈະ​ຕ້ອງ​ພົບ​ກັບ​ຄະດີ​ຟ້ອງ​ຮ້ອງ​ຢ່າງ​ໜ້ອຍ 6 ຄະດີ.

ກ່ອນ​ໜ້າ​ນີ້ ມີ​ຄະດີ​ອາຍາ ​ແລະ ​ແພ່ງ​ຈຳນວນ​ຫລາຍ​ທີ່​ຝ່າຍ​ໂຈດ​ບໍ່​ສາມາດ​ດຳ​ເນີນ​ຄະດີ​ຕໍ່​ປະທານາທິບໍດີ ​ໂດ​ນັລ ທຣຳ ​ໄດ້ ​ເນື່ອງ​ຈາກ​ມີ​ເອກ​ະສິດ​ຄຸ້ມ​ຄອງຕາມ​ກົດໝາຍ​ພາຍ​ໃຕ້​ຕຳ​ແໜ່​ງທີ່​ທ່ານ​ດຳລົງ​ຢູ່, ​ແຕ່​ເມື່ອ​ທ່ານ​ພົ້ນຈາກ​ຕຳ​ແໜ່​ງປະທານາທິບໍດີ​ໃນ​ເດືອນ​ມັງກອນ​ປີໜ້າ (2021) ມີຢ່າງ​ໜ້ອຍ 6 ຄະດີ​ທີ່​ທ່ານ​ພົວພັນ ​ແລະ ອາດ​ຕ້ອງ​ຖືກ​ສືບສວນ​ດຳ​ເນີນ​ຄະດີ.

ສໍານັກ​ຂ່າວ CNN ສື່​​ໃຫຍ່​ຂອງ​ອາ​ເມ​ລິ​ກາ​ລວບ​ລວມຄະດີ​ທັງຄະດີ​ແພ່ງ ​ແລະ ຄະດີ​ອາຍາ ທີ່​ກຳລັງ​ຕໍ່ສູ້​ກັນ​ຢູ່​ໃນ​ຊັ້ນສານ ຫລື ຍັງ​ບໍ່​ໝົດ​ອາຍຸ​ຄວາມ ​ແລະ ມີ​ການ​ກ່ຽວຂ້ອງ​ກັບ​ປະທານາທິບໍດີ ທຣຳ 6 ຄະດີ​ດັ່ງກ່າວ ​ໄດ້​ແກ່:

  1. ຄະດີ​ກ່ຽວ​ກັບ​ບໍລິສັດ ​ເດິ ທຣຳ ອໍ​ແກ​ໄນ​ເຊ​ຊັນ (The Trump Organizaion) ຢູ່​ໃນ​ການ​ເບິ່ງ​ແຍງ​ຂອງ​ສຳນັກງານ​ໄອ​ວະ​ການ​ແຂວງ​ແມນ​ຮັດ​ຕັນ, ບໍລິສັດ​ດັ່ງກ່າວ​ຖື​ຫຸ້ນ​ໃນ​ການ​ດຳ​ເນີນ​ກິດຈະການ​ທັງ​ໝົດ​ໃນ​ປັດຈຸບັນ​ຂອງ​ປະທານາທິບໍດີ ທຣຳ, ສ້າງຕັ້ງມາ​ແຕ່​ລຸ້ນຍ່າ ​ແລະ ພໍ່​ຂອງ​ທ່ານ. ທຸລະ​ກິດ​ທີ່​ເດິ ທຣຳ ອໍ​ແກ​ໄນ​ເຊ​ຊັນ ດຳ​ເນີນ​ຢູ່​ຄວບ​ຄຸມ​ນັບ​ແຕ່​ທຸລະ​ກິດ​ພັດທະນາ​ອະສັງຫາລິມະ​ຊັບ, ການ​ລົງທຶນ, ການ​ເປັນ​ນາຍ​ໜ້າ​ຊື້-ຂາຍ​ຫລັກ​ຊັບ, ການ​ສ້າງ​ຕະຫລາດ ​ແລະ ການ​ຈັດການ​ຊັບ​ສິນ ທັງ​ຍັງ​ລົງທຶນ​ໃນ​ໂຄງການ​ທີ່ຢູ່​ອາ​ໄສ, ​ໂຮງ​ແຮມ, ລີ​ສອດ ​ແລະ ສະໜາມກ໊ອຟ​ໃນ​ປະ​ເທດ​ຕ່າງໆ​ທົ່ວ​ໂລກ.

ຄະດີ​ນີ້​ເປັນ​ຄະດີ​ອາຍາ​ກ່ຽວຂ້ອງ​ກັບ​ທ່ານ ​ໄມ​ເຄິລ ​ໂຄ​ເຮ​ນ ອະດີດ​ທະນາຍຄວາມ​ຂອງ​ທ່ານ ທຣຳ ທີ່​ຖືກ​ກ່າວ​ຫາ​ເປັນ​ຜູ້​ຈ່າຍ​ເງິນ​ປິດ​ປາກ​ແມ່ຍິງ​ຫລາຍ​ຄົນ ໜຶ່ງ​ໃນ​ນັ້ນ​ເປັນ​ອະດີດ​ນາງ​ແບບ​ໂປ້ ທີ່​ອ້າງ​ວ່າ​ມີ​ສຳພັນ​ເລິກ​ເຊິ່ງກັບ​ທ່ານ ທຣຳ ສະ​ໄໝ​ກຳລັງ​ຫາ​ສຽງ ​ເພື່ອ​ລົງ​ເລືອກ​ຕັ້ງຊີງ​ຕຳ​ແໜ່​ງປະທານາທິບໍດີ​ໃນປີ 2015 ​ໂດຍ​ທ່ານ ​ເຮ​ນ ​ໃຫ້​ປາກຄຳ​ຕໍ່​ສະພາ​ຄອງ​ເກຣດວ່າ: ທ່ານ ທຣຳ ຮັບ​ຮູ້​ກ່ຽວ​ກັບ​ການ​ຈ່າຍ​ເງິນ​ປິດ​ປາກ​ດັ່ງກ່າວ ​ເຊິ່ງຖ້າ​ເປັນ​ແບບ​ນັ້ນ ຖື​ເປັນ​ການ​ກະທຳ​ຜິດ​ກົດໝາຍ​ເລືອກ​ຕັ້ງ.

ຄະດີ​ນີ້​ເຮັດ​ໃຫ້​ທ່ານ ​ໂຄ​ເຮ​ນ ຕິດ​ຄຸກ 3 ປີ ​ເນື່ອງ​ຈາກ​ມີ​ການ​ປິດ​ບັງ​ຄວາມ​ຈິງ​ກ່ອນ​ທ່ານ ທຣຳ ຈະ​ລົງ​ເລືອກ​ຕັ້ງປະທານາທິບໍດີ​ອາ​ເມ​ລິ​ກາ​ເມື່ອ 4 ປີ​ກ່ອນ. ການ​ສືບສວນ​ຄະດີ​ຍັງ​ເຊື່ອມ​ໂຍງ​ໄປ​ເຖິງ​ທ່ານ ທຣຳ ​ໃນ​ເລື່ອງ​ທີ່​ມາ​ຂອງ​ເງິນ (ທີ່​ຈ່າຍ​ປິດ​ປາກ) ​ເນື່ອງ​ຈາກ​ໄອ​ຍະ​ການ​ເບິ່ງ​ວ່າ​ເປັນ​ໄປບໍ່​ໄດ້​ທີ່​ທະນາຍຄວາມ​ຈະ​ອອກ​ເງິນ​ຈຳນວນ 130.000 ​ໂດ​ລາ ​ໃຫ້​ລູກ​ຄວາມ ​ເຊິ່ງກໍ​ຄື​ທ່ານ ທຣຳ.

ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່ - Wave100S AD to Website 2020 0 - ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່

ບໍ່​ພຽງ​ເທົ່າ​ນັ້ນ, ການ​ຕໍ່​ຍອດ​ຄະດີ​ຍັງ​ນຳ​ໄປ​ສູ່​ການ​ສືບ​ຄົ້ນຫລັກ​ຖານ​ວ່າ: ທ່ານ ທຣຳ ​ແລະ ບໍລິສັດ​ຂອງ​ທ່ານ ຄື ​ເດິ ທຣຳ ອໍ​ແກ​ໄນ​ເຊ​ຊັນ ມີ​ສ່ວນ​ກ່ຽວຂ້ອງ ຫລື​ ບໍ່ ຕໍ່​ການ​ໂກງ​ບັນຊີ​ທະນາຄານ, ​​ໂກງ​ປະກັນ, ​ໂກງ​ພາສີ ​ແລະ ປອມ​ແປງ​ຂໍ້​ມູນ​ທາງ​ທຸລະ​ກິດ. ຂ່າວ​ລະບຸ​ວ່າ: ທ່ານ ທຣຳ ພະຍາຍາມ​ຫາ​ທາງ​ໂຈະ​ໝາຍ​ສານ​ທີ່​ພະຍາຍາມ​ຂໍ​ເຂົ້າມາກ​ວດສອບ​ຂໍ້​ມູນ​ການ​ຊຳລະ​ພາສີ​ຢ້ອນ​ຫລັງ 8 ປີ ​ແລະ ຂໍ້​ມູນ​ທາງ​ການ​ເງິນ​ຂອງ​ທ່ານ.

  1. ຄະດີ​ກ່ຽວ​ກັບ​ການ​ກ່າວ​ອ້າງ ​ແລະ ສະ​ແດງ​ມູນ​ຄ່າ​ຊັບ​ສິນ​ຂອງ​ທ່ານ ທຣຳ ຢູ່​ໃນ​ການ​ເບິ່ງ​ແຍງ​ຂອງ​ໄອ​ຍະ​ການ​ສູງ​ສຸດ​ລັດ​ນິວຢອກ. ຄະດີ​ນີ້​ກ່ຽວຂ້ອງ​ກັບ​ຄຳ​ສາລະພາບ​ຂອງ​ທ່ານ ​ໂຄ​ເຮ​ນ ອະດີດ​ທະນາຍຄວາມ​ຂອງ​ທ່ານ ທຣຳ ທີ່​ເຄີຍ​ໃຫ້​ປາກຄຳ​ກ່ຽວ​ກັບ​ທ່ານ ທຣຳ ​ແລະ ສະມາຊິກ​ຄອບຄົວ​ຂອງ​ທ່ານ ທີ່​ວ່າ: ບຸກຄົນ​ເຫລົ່າ​ນີ້​ສະ​ແດງ​ມູນ​ຄ່າ​ສິນ​ຊັບ​ໃຫ້​ສູງ​ເກີນ​ຈິງ​ຫລາຍ​ເທື່ອ​ຖ້າ​ໄດ້​ປະ​ໂຫຍດ​ເຊັ່ນ: ​ເມື່ອ​ຕ້ອງການ​ໃຫ້​ມີ​ຊື່​ຕິດ​ອັນ​ດັບ​ມະຫາ​ເສດຖີ​ໂລກ​ຂອງ​ວາລະສານ​ຟອບ, ​ແຕ່​ບາງ​ເທື່ອ​ກໍ​ສະ​ແດງ​ມູນ​ຄ່າ​ສິນ​ຊັບ​ຕໍ່າ​ກວ່າ​ຄວາມ​ເປັນ​ຈິງ​ເມື່ອ​ຕ້ອງການ​ເສຍ​ພາສີ​ອະສັງຫາລິມະ​ຊັບ​ຕໍ່າ​ກວ່າ​ຄວາມ​ເປັນ​ຈິງ.

ທ່ານ ​ນາງ ເລ​ຕິ​ເທຍ ​ເຈ​ມ ​ໄອ​ຍະ​ການ​ສູງ​ສຸດ​ລັດ​ນິວຢອກ ​ເປີດ​ເຜີຍ​ວ່າ: ນາງຈະ​ສືບສວນ​ເລື່ອງ​ນີ້ ​ເພື່ອ​ພິສູດ​ວ່າການ​ບິດ​ເບືອນ​ຕົວ​ເລກ​ມູນ​ຄ່າ​ສິນ​ຊັບ​ເຫລົ່າ​ນີ້​ເຖິງ​ຂັ້ນ​ເຂົ້າຂ່າຍ​ສໍ້​ໂກງ ຫລື ບໍ່. ​​ໃນ​ເດືອນ​ຕຸລາ​ຜ່ານ​ມາ, ທ້າວ ​ເອຣິກ ລູກ​ຊາຍ​ຂອງ​ທ່ານ ທຣຳ ທີ່​ເບິ່ງ​ແຍງ​ວຽກ​ດ້ານ​ການ​ເງິນ​ໃຫ້​ບໍລິສັດ ​ເດິ ທຣຳ ອໍ​ແກ​ໄນ​ເຊ​ຊັນ ຫາ​ກໍ​ໃຫ້​ປາກຄຳ​ກ່ຽວ​ກັບ​ເລື່ອງ​ນີ້.

  1. ຄະດີ​ການລະ​ເມີດ​ບົດ​ບັນຍັດ​ລັດຖະທຳ​ມະນູນ​ວ່າ​ດ້ວຍ​ເລື່ອງ​ຂອງ​ຄ່າ​ຕອບ​ແທນ ​ແລະ ​ເງິນ​ເດືອນ (Emoluments Clause) ຢູ່​ໃນ​ການ​ເບິ່ງ​ແຍງ​ຂອງ​ໄອ​ຍະ​ການ​ສູງ​ສຸດ​ລັດ​ແມຣີ​ແລນ ​ແລະ ​ເຂດ​ປົກຄອງ​ພິ​ເສດ​ວໍ​ຊິງ​ຕັນ ດີ​ຊີ. ຄະດີ​ນີ້​ຢ້ອນ​ກັບ​ໄປ​ໃນ​ປີ 2017 ທ່ານ ທຣໍາ ​ໃນ​ເວລາ​ນັ້ນດຳລົງ​ຕຳ​ແໜ່​ງປະທານາທິບໍດີ​ແລ້ວ ຖື​ກກ່າວ​ຫາ​ວ່າ​ລະ​ເມີດ​ບົດ​ບັນຍັດ​ລັດຖະທໍາ​ມະນູນ​ວ່າ​ດ້ວຍ​ເລື່ອງ​ຂອງ​ຄ່າ​ຕອບ​ແທນ ​ແລະ ​ເງິນ​ເດືອນ ທີ່​ລະບຸ​ໄວ້​ວ່າ: ຫ້າມ​ເຈົ້າໜ້າ​ທີ່​ລັດຖະບານ​ອາ​ເມ​ລິ​ກາ​ຮັບ​ເງິນ ​ແລະ ຂອງຂວັນ​ຈາກ​ລັດຖະບານ​ຕ່າງປະ​ເທດ ​ໂດຍ​ບໍ່​ຜ່ານ​ການ​ຍິນ​ຍອມ​ຈາກ​ສະພາ​ຄອງ​ເກຣດ. ​ເປົ້າໝາຍ​ຂອງ​ລັດຖະທຳ​ມະນູນ​ເພື່ອ​ປ້ອງ​ກັນ​ບໍ່​ໃຫ້​ຕ່າງປະ​ເທດ​ເຂົ້າມາ​ມີ​ອິດ​ທິພົນ ​ແລະ ​ແຊກ​ແຊງ​ການ​ເຮັດ​ວຽກ​ຂອງ​ລັດຖະບານ​ອ​າ​ເມ​ລິ​ກາ ​ເຊິ່ງກໍລະນີ​ນີ້ ​ໄອ​ຍະ​ການ​ເບິ່ງ​ວ່າ: ທ່ານ ທຣຳ ອາດ​ຈະ​ໄດ້​ຮັບ​ຜົນ​ປະ​ໂຫຍ​ດຈາກ​ການ​ທີ່​ເຈົ້າໜ້າ​ທີ່​ລັດຖະບານ​ຕ່າງປະ​ເທດ​ມາ​ເຂົ້າພັກ ​ແລະ ​ຈັບ​ຈ່າຍ​ໃຊ້​ສອຍ​ໃນ​ໂຮງ​ແຮມ​ທີ່ຢູ່​ໃນ​ເຄືອຂ່າຍ​ບໍລິສັດ​ຂອງ​ທ່ານ.
  2. ຄະດີ​ໝິ່ນປະໝາດ​ທີ່​ຍື່ນ​ຟ້ອງ​ໂດຍ​ທ່ານ Jean Carroll ​ເມື່ອ​ບໍ່​ດົນ​ມາ​ນີ້ ກ່ອນ​ການ​ເລືອກ​ຕັ້ງປະທານາທິບໍດີ​ຈະ​ເລີ່​ມຂຶ້ນ, ຜູ້​ພິພາກສາ​ລັດຖະບານ​ກາງ​ອາ​ເມ​ລິ​ກາ ​ໄດ້​ປະຕິ​ເສດ​ຄວາມ​ພະຍາຍາມ​ຂອງ​ປະທານາທິບໍດີ ທຣຳ ທີ່​ກະທຳ​ຜ່ານ​ທະນາຍ​ຂອງ​ກະຊວງ​ຍຸຕິ​ທຳ ທີ່​ຕ້ອງການ​ໃຫ້​ສານ​ຍົກ​ຟ້ອງ​ຄະດີ​ທີ່​ທ່ານ​ຖືກ​ແມ່ຍິງ​ຜູ້​ນີ້​ກ່າວ​ຫາ​ວ່າ​ນາງ​ເຄີຍ​ຖືກ​ທ່ານ ທຣຳ ລ່ວງ​ລະ​ເມີດ​ທາງ​ເພດ​ ​ເມື່ອ​ກວ່າ​ສິບ​ປີ​ກ່ອນ. ທ່ານ ທຣຳ ປະຕິ​ເສດ​ຂໍ້​ກ່າວ​ຫາ​ນີ້ ​ໂດຍ​ລະບຸ​ວ່າ: Carroll “ບໍ່​ແມ່ນ​ຜູ້ຍິງ​ທີ່​ທ່ານ​ມັກ”. ​ເຖິງ​ຢ່າງ​ໃດ​ກໍ​ຕາມ, ຄະດີ​ນີ້​ຍັງ​ຢູ່​ໃນ​ຂັ້ນຕອນ​ສືບສວນ​-ສອບ​ສວນ​ຂອງ​ສານ.
  3. ຄະດີ​ໝິ່ນປະໝາດ ຍື່ນ​ຟ້ອງ​ໂດຍ Summer Zervos ໜຶ່ງ​ໃນ​ຜູ້​ເຂົ້າຮ່ວມ​ແຂ່ງຂັນ​ໃນ​ລາຍການ The Apprentice ຂອງ​ທ່ານ ທຣຳ ສະ​ໄໝ​ທີ່​ທ່ານ​ຍັງ​ເປັນ​ຜູ້​ຈັດ ​ແລະ ພິທີ​ກອນ​ລາຍການ​ດັ່ງກ່າວ. ນາງ​ຍື່ນ​ຟ້ອງ​ທ່ານ​ໃນ​ປີ 2017 ​ໂດຍ​ລະບຸ​ວ່າ: ທ່ານ ທຣຳ ລ່ວງ​ລະ​ເມີດ​ທາງ​ເພດ​ນາງ​ໃນ​ປີ 2007 ​ແລະ ​ໃນ​ຄວາມ​ພະຍາຍາມ​ທີ່​ຈະ​ປະຕິ​ເສດ​ຂໍ້​ກ່າວ​ຫາ​ນີ້ ທ່ານ ທຣຳ ​ໄດ້​ກ່າວ​ໝິ່ນປະໝາດ​ນາງ ​ເຮັດ​ໃຫ້​ນາງ​ຕັດສິນ​ໃຈ​ຟ້ອງ​ທ່ານ.

ທ້າຍ​ປີ 2019 ສານ​ປະຕິ​ເສດ​ຄຳ​ຮ້ອງ​ຂອງ​ທ່ານ ທຣຳ ທີ່​ຕ້ອງການ​ໃຫ້​ຍົກ​ຟ້ອງ​ຄະດີ​ນີ້. ​ເຖິງ​ຢ່າງ​ໃດ​ກໍ​ຕາມ, ການ​ສອບ​ປາກຄຳ ​ແລະ ການ​ຂໍ​ພະຍານ​ຫລັກ​ຖານ​ຈາກ​ຝ່າຍ​ທ່ານ ທຣຳ ຖືກ​ໂຈະ​ໄວ້​ຊົ່ວຄາວ​ຈົນ​ກວ່າ​ທ່ານ​ຈະ​ພົ້ນຈາກ​ຕຳ​ແໜ່​ງ.

  1. ຄະດີນາງ ​ແມຣີ ທຣຳ. ນາງ​ຄົນ​ນີ້​ເປັນຫລານ​ຂອງ​ທ່ານ​ເອງ ​ແລະ ​ເປັນ​ຜູ້​ຂຽນ​ໜັງສື​ຂາຍ​ດີ​ທີ່​ຊື່ Too Much and Never Enough How My Family Created the World’s Most Dangerous Man ທີ່​ອອກ​ມາ​ກ່າວ​ວ່າ: ທ່ານ ທຣຳ ​ແລະ ສະມາຊິກ​ຄົນ​ອື່ນໆ​ໃນ​ຄອບຄົວ ​ໄດ້​ຮ່ວມ​ກັນ​ສໍ້​ໂກງ​ເຮັດ​​ໃຫ້​ນາງ​ບໍ່​ໄດ້​ສ່ວນ​ແບ່ງ​ທີ່​ຄວນ​ຈະ​ໄດ້​ຈາກ​ຊັບ​ສິນ​ຂອງ​ທ່ານ ​ເຟຣດ ທຣຳ ຊີ​ເນຍ ​ເຊິ່​ງ​ເປັນ​ພໍ່​ຂອງ​ປະທານາທິບໍດີ ທຣຳ, ນາງ​ຕັດສິນ​ໃຈ​ຍື່ນ​ຟ້ອງ​ທ່ານ​​ໃນ​ເດືອນ​ກັນຍາ​ຜ່ານ​ມາ.

CNN ລາຍ​ງານ​ວ່າ: ນອກຈາກ​ທັງ 6 ຄະດີ​ທີ່​ກ່າວ​ມາ​ນີ້, ວິບາກ​ກຳ​ທີ່​ທ່ານ ທຣຳ ອາດ​ຈະ​ຕ້ອງ​ຜະ​ເຊີນ​ເມື່ອ​ທ່ານ​ພົ້ນຈາກ​ຕຳ​ແໜ່​ງຕົ້ນປີໜ້າ​ຍັງ​ອາດ​ມາ​ໃນ​ຮູບ​ແບ​ການ​ຖືກ​ສືບສວນ ​ແລະ ດຳ​ເນີນ​ຄະດີ​ໃນ​ກໍລະນີ​ພະຍາຍາມ​ຂັດຂວາງ​ຂະ​ບວນການ​ຍຸຕິ​ທຳ, ບໍ່​ໃຫ້​ມີ​ການກວດ​ສອບ​ການ​ເລືອກ​ຕັ້ງ ​ເມື່ອ​ປີ 2015 ​ເຊິ່ງລວມທັງ​ເລື່ອງ​ການ​ແຊກ​ແຊງ​ການ​ເລືອກ​ຕັ້ງອາ​ເມ​ລິ​ກາ​ໂດຍຣັດ​ເຊຍ​ໃນ​ປີນັ້ນ. ທັງ​ນີ້ ​ໃນ​ການ​ໃຫ້​ປາກຄຳ​ຕໍ່ສະພາ​ຄອງ​ເກຣດ​ໃນ​ເດືອນ​ກັນຍາ 2019 ທ່ານ ​ໂຣ​ເບິດ ມຸລ​ເລີ ອະດີດ​ຜູ້ອຳນວຍການ​ສຳນັກງານ​ສອບ​ສວນ​ກາງ (FBI) ລະບຸ​ວ່າ: ທ່ານ​ເຊື່ອ​ວ່າ ທ່ານ ທຣຳ ອາດ​ຈະ​ຖືກ​ດຳ​ເນີນ​ຄະດີ​ທັນທີ​ທີ່​ພົ້ນຈາກ​ຕຳ​ແໜ່​ງ ​ແລະ ໝົດ​ເອກະສິດ​ການ​ຄຸ້ມ​ຄອງ.

ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່ - WhatsApp Image 2020 05 27 at 5 - ພົ້ນຕຳແໜ່ງປະທານາທິບໍດີເມື່ອໃດ ທ່ານ ໂດນັລ ທຣຳ ມີ 6 ຄະດີນີ້ຖ້າຢູ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!