ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6%

ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6% - vietnam aims to grow gdp by 6 in 2021 - ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6%
ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6% - 174233 - ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6%

ຫວຽດນາມ​ຕັ້ງ​ເປົ້າລວມຍອດ​ຜະ​ລິດ​ຕະພັນ​ພາຍ​ໃນ (GDP) ​ເຕີບ​ໃຫຍ່​ປະມານ 6% ​ໃນ​ປີ 2021. ຂະນະ​ຕໍ່ສູ້​ກັບ​ການ​ແຜ່​ລະບາດ​ຂອງ​ພະຍາດ​ຕິດ​​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ຢ່າງ​ມີ​ປະສິດທິພາບ.

​ເປົ້າໝາຍ​ດັ່ງກ່າວ ​ເຊິ່ງ​ເປັນ​ສ່ວນ​ໜຶ່ງ​ຂອງ​ແຜນ​ພັດທະນາ​ສັງຄົມ-​ເສດຖະກິດ​ສຳລັບ​ປີ 2021 ຜ່ານ​ການ​ເຫັນ​ພ້ອມ​ໃນ​ວັນ​ທີ 11 ພະຈິກ ​ໂດຍ​ສະພາ​ແຫ່ງ​ຊາດ​ຂອງ​ຫວຽດນາມ ​ເຊິ່ງ​ເປັນ​ສະພາ​ສູງ​ສຸດ​ຂອງ​ປະ​ເທດ ລະຫວ່າງ​ກອງ​ປະຊຸມ​ສະພາ​ສະ​ໄໝ​ທີ XIV ຄັ້ງທີ 10.

ສໍານັກ​ຂ່າວ​ຫວຽດນາມ (Vietnam News Agency) ລາຍ​ງານ​ວ່າ: ພາຍ​ໃຕ້​ແຜນ​ດັ່ງກ່າວ, ຫວຽດນາມ​ຈະ​ພະຍາຍາມ​ຄວບ​ຄຸມ​ການ​ເຕີບ​ໃຫຍ່​ຂອງ​ດັດຊະນີ​ລາຄາ​ຜູ້​ບໍລິ​ໂພ​ກ​ໃຫ້​ຢູ່​ປະມານ 4% ​ແລະ ຕັ້ງ​ເປົ້າ GDP ຕໍ່​ຫົວ​ຄົນ 3.700 ​ໂດ​ລາ​ສະຫະລັດ ​ເຊິ່ງ​ໃນ​ປີ 2021 ຫວຽດນາມ​ຈະຕັ້ງ​ເປົ້າດຳ​ເນີນ​ການ​ປ້ອງ​ກັນ ​ແລະ ຕໍ່ສູ້​ກັບ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ຢ່າງ​ມີ​ປະສິດທິພາບ​ຕໍ່​ໄປ.

ສໍານັກ​ຂ່າວ​ຫວຽດນາມ​ລາຍ​ງານ​ອີກ​ວ່າ: ​ເພື່ອ​ບັນລຸ​ເປົ້າໝາຍ​ດັ່ງກ່າວ, ສະພາ​ແຫ່ງ​ຊາດ​ໄດ້​ຮຽກຮ້ອງ​ໃຫ້​ລັດຖະບານ​ດຳ​ເນີນ​ການ​ຄວບ​ຄຸມ ​ແລະ ຫລຸດ​ຜົນ​ກະທົບ​ຈາກ​ພະຍາດ​​ໂຄ​ວິດ-19 ​ແລະ ພະຍາດ​ລະບາດ​ອື່ນໆ ລວມທັງ​ເລັ່ງການ​ວິ​ໄຈ ​ແລະ ການ​ຮ່ວມ​ມື​ກັບ​ຕ່າງປະ​ເທດ​ໃນ​ການ​ພັດທະນາ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19. ນອກຈາກ​ນີ້ ຍັງ​ຕ້ອງ​ສົ່ງ​ເສີມ​ການ​ສົ່ງ​ອອກ ​ແລະ ພັດທະນາ​ຕະຫລາດ​ພາຍ​ໃນ​ປະ​ເທດ ​ໂດຍ​ໃຫ້​ຄວາມ​ສຳຄັນ​ຕໍ່​ການ​ກະ​ຕຸ້ນ​ຄວາມ​ຕ້ອງການ​ຂອງ​ຜູ້​ບໍລິ​ໂພ​ກ.

ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6% - Wave100S AD to Website 2020 0 - ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6%

ທັງ​ນີ້, ສໍານັກງານ​ສະຖິຕິ​ແຫ່ງ​ຊາດ​ຫວຽດນາມ ລະບຸ​ວ່າ: ​ໃນ​ໄລຍະ 9 ​ເດືອນ​ທຳ​ອິດ​ຂອງ​ປີ 2020 GDP ຂອງ​ຫວຽດນາມ​ເຕີບ​ໃຫຍ່ 2,12% ​ເຊິ່ງ​ເປັນ​ອັດຕາ​ການ​ເຕີບ​ໃຫຍ່​ຕໍ່າ​ທີ່​ສຸດ​ໃນ​ໄລຍະ​ປີ 2011-2020.

​ໂດຍ​ລາຍ​ງານ​ທີ່​ເຜີຍ​ແຜ່​ໃນ​ເດືອນ​ຕຸລາ​ລະບຸ​ວ່າ: ກອງ​ທຶນ​ການ​ເງິນ​ສາກົນ (IMF) ຄາດ​ຄະ​ເນ​ວ່າ: ການ​ເຕີບ​ໃຫຍ່​ທາງ​ເສດຖະກິດ​ຂອງ​ຫວຽດນາມ​ໃນ​ປີ 2020 ຈະ​ຢູ່​ປະມານ 1,6% ກ່ອນ​ຈະ​ກັບມາ​ຢູ່ 6,7% ​ໃນ​ປີ 2021.

ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6% - WhatsApp Image 2020 05 27 at 5 - ຫວຽດນາມຕັ້ງເປົ້າ GDP ປີ 2021 ເຕີບໃຫຍ່ 6%
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!