ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່

ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່ - KETH1157 scaled - ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່
ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່ - 174233 - ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່

​​ໃນ​ວາລະ​ດຳ​ເນີນກອງ​ປະຊຸມສະ​ໄໝສາ​ມັນ ​ເທື່ອ​ທີ 10 ຂອງ​ສະພາ​ແຫ່ງ​ຊາດ ຊຸດ​ທີ VIII ​ໃນ​ວັນ​ທີ 12 ພະຈິກນີ້, ບັນດາ​ສະມາ​ຊິກ​ສະພາ​ແຫ່ງ​ຊາດ (ສສຊ) ​ໄດ້​ສຸມ​ໃສ່ປະກອບ​ຄຳ​ຄິດ​ຄຳ​ເຫັນ​ໃສ່​ຮ່າງ​ກົດໝາຍວ່າ​ດ້ວຍ​ການ​ຮ່ວມ​ມື​ລະ​ຫວ່າງ​ປະ​ເທດທາງ​ອາຍາ ສະບັບ​ສ້າງ​ໃໝ່ ທີ່​ສະ​ເໜີ​ໂດຍທ່ານ ພົທ ວິ​ໄລ ຫລ້າ​ຄຳ​ຟອງ ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ​ແລະ ພ້ອມ​ກັນລົງ​ຄະ​ແນນ​ສຽງ​ຮັບຮອງ​ເອົາ​ກົດໝາຍ​ສະບັບ​ດັ່ງກ່າວ ດ້ວຍ​ຄະ​ແນນ​ສຽງ​ເຫັນ​ດີ​ເປັນສ່ວນ​ຫລາຍ.

ທ່ານ ພົທ ວິ​ໄລ ຫລ້າ​ຄຳ​ຟອງ ລາຍ​ງານ​ໃຫ້​ຮູ້​ວ່າ: ຮ່າງກົດໝາຍນີ້ ປະກອບມີ IX ພາກ, 6 ໝວດ, 54 ມາດຕາ, ​ໄດ້ກຳນົດ​ຫລັກການ, ລະບຽບ​ການ ​ແລະ ມາດ​ຕະການ ກ່ຽວ​ກັບ​ການ​ຄຸ້ມ​ຄອງ, ຕິດຕາມ, ກວດກາວຽກ​ງານ​ຮ່ວມ​ມື​ ລະ​ຫວ່າງ ​ປະ​ເທດ​ທາງ​ອາຍາ ​ເພື່ອ​ໃຫ້​ຖືກຕ້ອງ, ​ເຮັດ​ໃຫ້ການ​ຮ່ວມ​ມື​​ໃນການ​ສະກັດ​ກັ້ນ ​ແລະ ຕ້ານ​ອາ​ສະ​ຍາກຳ, ການ​ສືບສວນ-ສອບ​ສວນ ​ແລະ ການ​ຮ້ອງ​ຟ້ອງ​ຄະດີ​ອາຍາມີ​ປະສິດ​ທິຜົນ ​ແນ​ໃສ່​ປົກ​ປັກ​ຮັກສາ​ຜົນ​ປະ​​​ໂຫຍ​ດຂອງ​ລັດ ​ແລະ ພົນລະ​ເມືອງ. ການ​ສ້າງ​​ກົດໝາຍ​ສະບັບ​ນີ້ຂຶ້ນ​ມາ ​ເພື່​ອ​ເປັນ​ການ​ຈັດ​ຕັ້ງ​ຜັນ​ຂະ​ຫຍາ​ຍ​ແນວທາງ​ປ່ຽນ​​ແປງ​ໃໝ່​ຂອງ​ພັກ ​ເພື່ອ​ກ້າວ​ສູ່​ການຄຸ້ມ​ຄອງ​ລັດ, ຄຸ້ມ​ຄອງ​ສັງ​ຄົມ​ດ້ວຍ​ກົດໝາຍ ກໍ​ຄືການຈັດ​ຕັ້ງ​ຜັນຂະຫຍາຍ​ແຜນການ 6 ຕົວ​ຊີ້​ວັດ ກ່ຽວ​ກັບ​ບັນຫາ​ການ​ຟອກ​ເງິນ ​ແລະ ສະໜອງ​ທຶນ​ໃຫ້​ແກ່​ການ​ກໍ່​ການ​ຮ້າຍ ທີ່ອົງການ​ສາກົນຈະ​ລົງ​ມາກ​ວດ ສປປ ລາວ ​​ໃນ​ທ້າຍ​ປີ 2020 ​ແລະ ບວກ​ກັບ​ສະພາບ​ການ​ຫຍໍ້​ທໍ້​ທີ່​ເກີດ​ຂຶ້ນ​​​ເຊັ່ນ: ບັນຫາ​ການ​ກໍ່​ອາ​ຊະ​ຍາ​ກຳ ​ແລະ ອາ​ຊະ​ຍາ​ກຳ​ຂ້າມ​ຊາດທີ່​ມີ​ການ​ຂະຫຍາຍຕົວ, ມີ​ທ່າ​ອ່ຽງ​ເພີ່ມ​ຂຶ້ນ ​ເປັນ​ຕົ້ນ​ການຄ້າ​ມະນຸດ, ການ​ຄ້າຂາຍ​ຢາ​ເສບ​ຕິດ, ການ​ຄ້າ​ຂາຍ​ສັດ​ນ້ຳ-ສັດປ່າ, ການ​ໂຈລະ​ກຳ​ຂໍ້​ມູນ​ທາງ​ເອ​ເລັກ​ໂຕຣນິກ ​ເຊິ່ງ​ກາຍ​ເປັນ​ຜົນ​ກະທົບ​ຕໍ່​ຄວາມ​ໝັ້ນຄົງ, ຄວາມສະ​ຫງົບ ​ແລະ ຄວາມ​ປອດ​ໄພ ລະຫວ່າງ​ ລັດ, ພາກ​ພື້ນ ​ແລະ ສາກົນ. ອັນ​ສຳຄັນ ພາຍຫລັງ​ກົດໝາຍ​ສະບັບ​ນີ້ຖືກ​ຮັບຮອງ ​ແລະ ປະກາດ​ໃຊ້​ແລ້ວ ຈະ​ເປັນ​ເຄື່ອງ​ມືຂອງ​ລັດ​ໃນ​ການ​ສະກັດ​ກັ້ນ, ​ແກ້​ໄຂ ​ແລະ ຕ້ານ​ບັນຫາ​ອາ​ຊະ​ຍາ​ກຳ​ທຸກ​ຮູບ​ແບບ​ຂອງ​ການ​ກະທຳ​ຜິດ ທີ່​ອາດ​ຈະ​ເກີດ​ຂຶ້ນ​ໃນ​ສັງຄົມ, ​ເປັນ​ບ່ອນ​ອີງ​ໃຫ້​ແກ່​ເຈົ້າ​ໜ້າ​ທີ່​ຂະ​ແໜງ​ການທີ່​ກ່ຽວຂ້ອງ ​ເຄື່ອນ​ໄຫວ​ປະຕິບັດ​ໜ້າ​ທີ່​ວຽກ​ງານ​ການ​ຮ່ວມ​ມື ລະຫວ່າງ​ປະ​ເທດ​ທາງ​ອາຍາ ຫັນ​ເຂົ້າ​ສູ່​ກົດໝາຍ ​ແລະ ລະບຽບ​ການ, ​ເປັນ​ພື້ນຖານ​ອັນ​ສຳຄັນໃນ​ການ​ຮັບ​ປະ​ກັນ​ຄວາມ​ສະຫງົບທາງ​ດ້ານ​ການ​ເມືອງ, ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງຄົມ ​ໂດຍ​ສະ​ເພາະ​ຍຸກ​ສະ​ໄໝ​ແຫ່ງ​ການ​ເຊື່ອມ​​ໂຍງ​ກັບ​ພາກ​ພື້ນ ​ແລະ ສາກົນ ທັງ​ສ້າງ​ຄວາມ​ເຊື່ອ​ໝັ້ນ​ໃນ​ການ​ຮ່ວມ​ມື​ລະຫວ່າງ​ປະ​ເທດ​ທາງ​ອາຍາ​ໃຫ້​​ແກ່​ບັນດາ​ປະ​ເທດ​ສະມາຊິກ​ອາ​ຊຽນ, ພາກ​ພື້ນ, ສາກົນ ​ແລະ ​ເຮັດ​ໃຫ້ ສປປ ລາວ ຫລຸດພົ້ນ​ອອກ​ຈາກ​ບັນຊີ​ສີ​ເທົາ.

ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່ - Wave100S AD to Website 2020 0 - ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່
ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່ - WhatsApp Image 2020 05 27 at 5 - ສະພາແຫ່ງຊາດ ຮັບຮອງເອົາກົດໝາຍ ວ່າດ້ວຍ ການຮ່ວມມື ລະຫວ່າງປະເທດທາງອາຍາ ສະບັບສ້າງໃໝ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!